月半堂

營業中

休息中

荃灣月半堂😋😋😋荃灣出名多野行，不過荃灣西都好多架，今日去荃灣西行完DONKI同GREEN PRICE，就去左月半堂補充返啲體力。去到門口已經見到坐滿人，不過我等左15至20分鐘就有位嚕🤗吉列鹿先島三元黑豚定食🐷三元黑豚係由黑豚、白豚同赤豚3個優質品種混種而成肉質有彈性而且肉味香濃。餐廳炸得外皮薄唔油膩，面頭有大量木魚絲加上燒汁，好惹味😋極上燒牛肉定食🐮牛肉份量十足，燒汁味道岩岩好唔會搶左牛味同太咸。配上黑，白芝麻同爽口椰菜絲一齊食，口感豐富🥳另外加8蚊，可以升級有汽水，前菜，漬物，同味噌湯。我地仲叫左芝士年糕同香蔥沙律脆雞，超滿足既一餐🥰

荃灣向來美食多，今次朋友介紹去咗間街坊食堂，地點雖然距離市中心有啲遠，要喺荃灣西沿海濱行 15分鐘左右先到，不過餐廳真係唔錯，平民價錢，份量又多又足料，性價比高，而且老闆都好 Nice💛，好有人情味！餐廳唔係好大間不過佈置好有心思，好日本食堂風格，牆身仲有好靚嘅壁畫𠻹！今次我哋座嘅位係一張2人梳化，對住外面嘅玻璃，自成一角，真係幾 chill 下！呢度啲嘢嘅份量，連枝豆都特別多😂大大份有排咬！竹輪超大舊，上面仲有滿滿嘅蛋黃醬同蟹籽，食落勁滿足！薯條都係好大份，兩個人根本食唔晒，明明係細薯條，入面有好多薯，外層脆卜卜，加埋勁多嘅蛋黃醬同蟹籽，好邪惡！吉列外層唔會太厚，豬扒好腍，廣島蠔好Juicy，$88 有咁大塊豬扒，仲有兩隻蠔，CP值好高！而飯仲有勁多飯素，好有日本風味！加 $8 就有埋前菜、漬物、味噌湯同飲品，前菜嘅帶子裙邊爽口好特別。🍵而玄米茶唔係普通茶包沖嘅，真係有茶葉同埋玄米喺入面，好足料！

老闆好Friendly 親自介紹菜式我哋細細聲話要唔要拎個碗仔老闆就即刻攞咗比我地 真係超級細心呀🫡裝修都好日本feel好多嘢都好抵食好想叫晒黎試呀🤭🤭章魚燒黑松露醬💚💚💚💚 💚好抵食呀有六粒都只係$28仲平過葵廣😬仲有超多木魚碎黑松露醬都好濃郁鰻魚定食💚💚💚💚 💚 💚呢個真係必食黐線㗎咁平都有咁大條鰻魚😱😱仲要係好新鮮質感唔係平時冷凍嗰啲鰻魚個定食仲擺得好靚 打卡一流色香味俱全香蔥沙律醬雞🍗💚💚💚💚 💚上枱嘅時候熱辣辣好脆身 面頭有沙律醬同木魚嗰醬有啲似蜜糖芥末味仲要啲雞好大件㗎😍味噌湯💚💚💚💚入邊都好足料喎又有蜆仔、日本魚蛋、海帶味道唔太鹹帶子裙邊、酸瓜💚💚💚💚 帶子裙邊仲有少少芥末味好正🤭食前菜都好開胃酸酸辣辣咁玄米茶💚💚💚💚 💚自家製嘅茶味香濃唔係用茶包沖出嚟㗎一口紫薯💚💚💚💚 份量都唔少有啲似豆沙嘅口感

咁岩去開荃灣西行街想試新野，見到係海濱花園旁有新開全好評嘅小店，價錢又唔貴，就行遠啲都試下～❤️芝士漢堡扒 $58+8佢所有定食set都免費配飯連飯素；如果加飲品就會送埋前菜、漬物、味噌湯。我就叫左老闆推介嘅玄米茶，佢唔係用茶包㗎，超香濃可以解下膩；味噌湯入邊仲有蜆，漢堡扒夠淋，味道唔錯吉列三元黑豚拼吉列廣島蠔 $88廣島蠔我冇食就比唔到意見，吉列豬扒外皮都脆，只係塊豬扒本身嘅質素麻麻，冇乜肉汁同豬味，點左沙律醬食都還可以鹽燒鯖魚 $52味道OK，不過稍為多骨咗少少❤️香蔥沙律脆雞 $38可能落左新鮮紅胡椒，所以辣辣地幾惹味炭燒竹輪明太子烏冬 $60竹輪好大條，烏冬幾滑，可惜整體較淡❤️明太子薯條 $38份量好大份，我地7個人share一份薯條😂當然條條都脆卜卜，唔油膩，個醬都好味👍🏻迷你大阪燒 $33Size 真係迷你，一隻手掌左右，味道正常❤️脆脆雞軟骨 $38炸物果然唔會失望，粒粒都脆，味道同脆雞有啲似總結：今次因為人多我地都試到小店幾多款色，欣賞佢定食全部配有飯素嘅飯；印象最深刻係薯條😎真心必點，好食兼抵食，大家如果係荃灣想食炸物，記得幫襯e間小店～地址：荃灣怡樂街1-5號海濱花園海裕

位於一個隱藏小角落，藍白門面嘅小店。店內放滿日式風格嘅海報、圖畫、figure，好似去左日本旅行🏮睇到價錢都幾抵食，主菜只要加配飲品，就可以升級做套餐。再叫多份小食，人均$80，性價比好高🫢🏮大阪風竜田揚炸雞 $52(+$8 玄米茶，前菜，漬物，味噌湯)炸雞好脆身，面層淋上日式醬汁、沙律醬、同大量木魚，的確好有大阪燒嘅味道，好食。前菜係味付螺肉，有咬口。另有鹹醃類似瓜嘅漬物，偏鹹但幾爽口。玄米茶好香🍵🏮葱燒炒豚肉 $52(+$8 玉泉+C，前菜，漬物，味噌湯)豚肉大大片，醃得夠味，炒到有好輕微焦香，入口更香口。另外，兩款主菜肉下面舖左唔少切絲沙律菜🥗幾欣賞係白飯上加左飯素，成件事即刻加左分。🏮沖繩芝麻手羽 (2隻) $28外層皮薄香脆，帶鹹香，芝麻味都香。

今日經過海濱花園下面既餐廳，見佢裝修好和風，價錢又親民，就想係到食晚飯。晚市都好多人，等左一陣，喺等嘅期間都見到好多人嚟拎外賣！相信係個好嘅指標。我地各叫左一個主食+一個小食。主食+$8就可以變set，有飲品、前菜、漬物同味噌湯，咁平都唔會唔加🤣前菜同漬味都好好食，同埋要讚個味噌湯，入面竟然有原隻蜆！個味又濃，好高質👍🏻香蔥沙律脆雞（$58）份量好多，賣相色彩好繽紛，炸雞上面有啲紅色嘅辛香料，配上wasabi沙律醬，好食！泡菜炒豚肉（$52）調味好好，個餸好送飯，而且唔會太辣，我本身都怕辣但係都食到。明太子章魚燒（$28）每粒章魚燒上邊都有好多嘅明太子醬，鍾意明太子嘅唔可以錯過要特別一提佢杯熱玄米茶，唔係係佢哋親自翻炒，所以好香好似食緊脆脆米咁！而且唔係用茶包係真係用原片嘅茶葉，好有心思！呢度又近民居價錢又平，係一間好好嘅平民食堂！

之前聽人講荃灣海濱花園有一間日本fusion菜好好食，今次就特登為大家介紹呢一間隱世日本fusion菜唔好睇佢舖頭細細，但裝修環境充滿日本動漫，又有日式嘅擺設，睇擺設更知道老細好鍾意鐵甲萬能俠，因為有好多Figure公仔🤩裝修環境令到人哋好舒服，食得好開心😍麵豉湯內裏居然有兩舊蜆肉😳，好足料，味道適中唔太鹹👍PS(加嘢飲轉套餐就有麵豉湯，漬物同前菜）七味竜田炸雞$32炸雞外脆內嫩，加上七味粉令到個味道更上一個層次😋芥辣八爪魚$38睇埋相已經覺得好特別,食落去有魷魚嘅爽甜,又有綠色嘅芥末Wasabi味,加上甜甜地,感覺就好似食緊八爪魚刺身咁,好Fresh,大家可以不妨一試👍炭燒竹輪明太子烏冬$60兩大舊獅子狗加上大量嘅蟹子，食落去好有日本嘅感覺，明太子烏冬食落去比較creamy,烏冬比較彈牙，食得多會有少少「漏」，但佢嘅份量就啱啱好，又係一款幾特別嘅菜式，大家都可以一試😉芝士漢堡扒$58大大塊漢堡扒上面加上一大塊芝士，再用火槍燒過，令到個賣相更好，從而做到外脆內嫩，配埋個飯好好味😋Overall一間性價比超高嘅日式餐廳,大家一定要試🌟

最近到訪了依間位於海濱花園，主打日式丼飯、定食的小店🍱，小店距離荃灣西地鐵站大約10分鐘路程🚶🏽‍♀️，沿海傍走，條路都幾好行。小店除了有多款丼飯🍱，亦有供應小食🍢和炸物🍘。丼飯加飲品🥤便可升級到套餐，包前菜、漬物、味噌湯🥣。味噌湯入面竟然有昆布、蜆肉🦪和魚板，真材實料。🍽️沖繩芝麻手羽手羽即是炸雞翼🐓，炸好的雞翼上塗了秘製醬汁並灑上芝麻🧂，醬汁甜甜地，雞翼非常香脆。🍽️ 黑松露醬迷你章魚燒迷你章魚燒更方便進食👍🏽，可以整粒放入口，每粒裏面都包住章魚粒🐙和椰菜絲，外層燒得脆口，裏面軟綿，上面擠滿了黑松露味沙律醬和柴魚，令章魚燒口感更昇華😋。🍽️ 蔥燒炒豚肉🍱薄片豚肉🐖炒香後再炙燒🔥，均勻吸收了醬汁，上面鋪滿了青蔥，令豚肉味道不單調。豚肉唔會炒得過乾，生熟度剛好，肉質香軟美味。🍽️ 大阪風竜田揚炸雞🍱炸雞🐓炸得香脆，炸粉唔會厚，裏面肉質軟嫩多汁，加上沙律醬、大阪燒汁和大量柴魚，非常惹味😋，我連鋪在底下的生菜絲🥗都唔放過，新鮮爽脆👍🏽。小店每樣食物都非常花心思💕，定價亦不高，食物全部都大大份，質素好高，相當有驚喜😍，值得支持一下。

呢間喺海濱花園嘅日式餐廳 真係隱世嘅街坊食堂呀😉 睇見呢幅咁靚嘅壁畫 真係食都食得開心啲呀😝 鹽燒鯖魚鯖魚燒得好香 外皮好脆加上魚油豐富 所以送飯一流🐟 飯上面仲有飯素 真係好有日本風味 呢個價錢真係好抵食🤑 加8蚊就可以有埋 前菜 漬物 味噌湯及飲品 今日嘅前菜係味付帶子裙😗 味噌湯令我好有驚喜 因為入面嘅材料好豐富 有蜆肉 海帶同埋鳴門卷🍥 迷你章魚燒 黑松露醬香脆嘅章魚燒配埋黑松露醬真係幾夾🦑 每粒都細細粒好易入口 不過真係要小心睇熱 即叫即炸好熱辣辣 好正😺甘栗紫薯呢個紫薯餅都幾有驚喜 因為本來都冇睇清楚餐牌佢會裏面有甘栗🌰 識落口幾有口感 除咗有紫薯用嘅甜味 仲有一粒粒細細粒嘅甘栗明太子手羽由於我咬完實在太核突 所以冇影低俾大家睇呢隻雞翼入面明太子究竟有幾多😂 首先雞翼已經脹卜卜 大家都可以估計到入面有好多明太子 入面有接近一半嘅部份都係明太子😙 啱晒鍾意食明太子嘅我呀💛飲品我地嗌咗Zero同玄米茶🍵 呢個玄米茶好特別 並唔係普通茶包 真係有茶葉同埋玄米喺入面㗎甜品加$12就有一球雪糕 我哋分別嗌咗兩款朱古力同埋檸檬雪糕 朱古力味好濃郁 佢唔係好甜嗰種朱古力雪糕嚟嘅 檸檬雪糕

海濱簡直係山卡啦，連住荃灣嘅都覺得好遠😪 但呢間良心小店又幾值得特登入去支持下💪🏾食物質素中上，加上老闆同舖頭環境都有一種溫馨同親切嘅感覺❤️而且價錢好親民，嗌任何主食單點，加飲品就可以升級埋套餐，有埋前菜+漬物+味噌湯，不得了🔥*迷你章魚燒 6粒 明太子醬 $28東京風嘅口味，外脆內軟😍 裏面仲有半粒章魚粒*大阪燒風味脆雞🐥 $48炸得夠乾身，唔會好油膩，咬落肉質仲幾嫩滑，如果炸粉再薄多少少更加好😆*芝士漢堡扒 $58肉扒勁厚身大塊， 唔會煎到過熟，裏面仲保留左少少肉汁😋*雞軟骨餃子2隻 +$8外皮煎到好脆，內餡滿滿，口感一流😋

屋企樓下有間隱世小店，係屋村羣組流傳。位置就係姜濤拍《作品的說話》個商場對面。正面望唔到，被啲樹遮住咗。個正門係旁邊㗎。入到去會見到好多鐵甲萬能俠Bearbrick，似日式食堂feel。餐牌以定食丼飯為主。吉列三元黑豚拼廣島蠔定食全店最貴，店長推薦。吉列豬扒非常軟身，一啲渣都冇。廣島蠔都揸得好Juice，上枱熱辣辣裏面仲好creamy。叫飲品就可以轉成套餐，有前菜同埋麵豉湯，湯入邊仲有隻蜆添。屋企人就叫咗鹽燒鯖魚定食。個份量居然係半條魚柳咁長，平時出街食我諗得一半到。佢哋燒魚技巧都燒到啱啱好，一啲都唔柴。另外加咗兩隻雞軟骨餃子同埋一客日本小番薯，餃子炸都脆晒，裏面有食到雞軟骨嘅爽脆，小番薯煮得啱啱好啊，留返做甜品一流。

月半堂 • 荃灣呢間餐廳係荃灣海濱花園個邊，唔太顯眼，一開始仲以為普通屋邨餐廳，但一入到去非常意外！餐廳裝修加入左日式塗畫，有日本元素；所有餐具都悉心揀過，每款食品都幾乎用唔同餐具，好少重覆，有心思；老闆好有禮貌，招呼周到，同客人好有計傾，服務非常好！👍🏼👍🏼..✅ 吉列車海老併吉列廣島蠔 (+$8 升級套餐) 🍤🦪 $86套餐包括一個飯食，一碗味增湯，味付帶子群，同埋一款飲品，十分豐富～吉列海蝦好香脆，唔會好油，海蝦一食就知好新鮮，因為非常有蝦味，蝦身質感軟糯。吉列蠔都好好，唔會有腥味！吉列蝦同吉列蠔都幾大件，跟餐只係$86，唔止好食，而且好食，極力推薦！😋..✅ 七味竜田炸雞 (4件) 🐔 $32炸雞非非非常滑嫩，完全唔會乾身，好多肉汁。外皮炸得香脆，而且大大舊，非常推薦！..✅ 迷你章魚燒(6粒) 🐙 $28章魚燒幾大粒，好好食，上面有好多木魚碎，吹一吹好似跳舞咁，幾棧鬼～..✅ 黑松露薯條 🍟 $38黑松露醬幾香，唔會漏，薯條唔錯，亦都唔油膩，值得注意係，薯條份量好多，會非常飽肚。

今日嚟到荃灣屋苑附近食個午飯，見到呢間餐廳都幾多人，裝修非常日系，真係好高性價比啊$60就食到一個套餐，店主好好人好有友善，食物都好有質素！🍴泡菜炒豚肉 $52 +$8 升級套餐 (8/10)前菜，漬物，味噌湯麵豉湯鹹鹹香香，幾濃郁，有麵豉味，仲有日式嗰隻名門卷同蜆！酸菜酸酸地都幾解膩，海蜇好爽口好香口！個飯都軟硬適中，珍珠米煙靭隔離有口感，粒粒分明！泡菜炒豬肉用咗豚肉片，一啲都唔會太肥膩，微酸辣辣哋，都幾惹味！底下仲有椰菜絲，幾青爽，健康又可以解膩！呢個價錢真係份量足又抵食！高性價比！🍴七味竜田炸雞 4件 $32 (8/10)炸雞，炸粉好薄但炸得好香脆，一啲都唔油膩，放耐咗少少都仲係好香口好脆，咁雞肉好嫩滑！🍴甘栗紫薯2件 $20 (7.5/10)炸紫薯餅都好香脆，紫薯味好香濃，甜甜地，仲食到紫薯粒！🍴迷你大阪燒 $33 (7/10)大阪燒手掌咁大，食落係比較濕潤黏口嘅粉漿，都有啲椰菜絲，加埋日式嘅燒汁同沙律醬木魚，都有大阪燒嘅風味！🍵玄米茶都幾香濃，好香玄米味。推薦指數: 7.8/10經過荃灣附近都可以試吓，真係好高質素嘅一間小店，好有誠意！

今日嚟海濱花園搵frd玩，見到依間好搶眼藍色外牆嘅小店，就同埋朋友一齊嚟試。嚟到都要等一陣先有位，依個時間梗係要睇下有咩好食，以一間小店嚟講，餐廳選擇算多，雞豬牛魚都齊備，實有一款啱食，價錢亦都平民，所以都幾多街坊落嚟食😂😂🐷吉列鹿兒島三元黑豚 ($58)三元黑豚炸左好好食，炸完好鬆脆，唔係乾爭爭嗰種，仲keep 到有肉汁🤩🤩木魚絲再加沙律醬係上面口感更加豐富，個飯都好大碗，炸黑豚送飯一流👍🐷蔥燒炒豚肉 ($52)豚肉非常之大碟，$52食到依個質素真係好難搵到，調味都啱啱好，鍾意食蔥嘅一定要揀，蔥係提升左成碟肉嘅味道，撈埋飯食一流，我都係咁偷朋友嘅肉嚟食😂😂🧀芝士年糕 ($22)芝士年糕新鮮炸起，所以上到枱要即食。芝士溶溶地，炸到外脆內軟😋😋📍加$8 可以升級做套餐，有埋飲品、前菜、漬物、味噌湯。前菜係大大粒嘅螺肉。漬物酸酸地，送飯食一流。味噌湯入面啲配料好豐富，絕對唔hea😂😂雖然位置唔算太就腳，但對食物嘅用心同性價比，可以一試😊😊

裝潢走日本懷舊風 用許多兒時動漫牆紙&模型佈置主打多款日本定食和小食 定價好親民划算仲要好大份𖦹‎.𖦹‎⸝⸝⸝住附近的可以多多幫襯desu.▫原條蒲燒鰻魚定食 $88見到條鰻魚真係嚇親 超巨型!蒲燒過好肥美香口 特意配上左雜菜粒解膩飯粒彈牙還加了味素 豐富口感加飲品可以有埋味噌湯.前菜.漬物 尤其喜歡螺肉好爽彈開胃 湯品更是有蜆&豆腐.▫明太子炭燒竹輪卷 $28竹輪卷索晒湯汁好軟腍舖滿明太子&蟹籽粒 每一口都好飽滿.▫海苔魷魚鬚 $42灑上海苔粉的魷魚鬚 爽彈有筋道( ⋅֊⋅ )‎و.▫吉列廣島蠔 $42外皮炸至酥脆 蠔身熟度剛好質地軟嫩可口 肥美且帶蠔的鮮香味