有緣小敍

營業中

休息中

辣子蝦蝦被高溫油炸至金黃酥脆後，混合了香葱、蒜片和乾辣椒，呈現出豐富的香氣幾種香料和大量乾辣椒 花椒粒 作為主菜還是下酒菜 呢個是不二之選食多碗白飯都仲得香港好少地方有得食到陝西菜 今日大開眼界五香驢肉BIANG BIANG麵由於字典冇呢隻特別嘅字，所以用 B I A N G稱呢種面嘅名以其寬厚的面條和獨特的製作工藝而聞名，面條彈性十足，嚼勁十足驢肉則經過五香粉的醃製，肉質鮮嫩 唔會辣可以揀辣度炸湯圓一道獨特的中式甜品咬開炸湯圓的瞬間，熱氣騰騰的餡料瞬間流出，甜而不膩滋味令人陶醉炸湯圓，意想不到的驚喜 南乳雞翼雞翼雞翼經過腌製，吸收了南乳醇香和微甜然後再經過烤制或炸製，外皮金黃酥脆

平時冇乜北上玩，但係成日聽啲人話每次北上就係食好嘢，有好多唔同嘅菜揀，例如川菜、上海菜、粵菜等等。可能好多人都唔知或者冇去發掘，香港其實都有啲好好食嘅陝西菜😚唔洗上深圳，唔洗過關，今次就帶大家去一間喺佐敦，有好多人專程過嚟食嘅陝西菜餐廳👍🏻今晚好彩早啲到，如果唔係一到食飯時間就有好多人排隊🫨我哋叫咗最出名嘅金沙骨biang biang麵 ($45)，麻辣大盤雞 (一份$198)，酸辣土豆絲 ($42)同埋一份白灼生菜配秘製肉汁 ($24)🫶🏻首先嚟嘅係酸辣土豆絲🤩我本身好鍾意食薯仔，再加埋酸辣切絲嘅煮法，又易食，又唔會過辣完全食唔落，超級開胃👌🏻作為第一道菜係超級合適🙂‍↕️之後大盤雞一上枱嘅時候就非常壯觀，用一個大鐵盤裝住所有雞同埋配料，而且仲出晒煙，熱辣辣大大口咁食超爽🤤啲雞都非常入味，而且斬件之後好易入口，唔會好難咬或者啲肉好韌👍🏻除咗一份雞之外仲有好多其他配料，例如薯仔就軟硬適中，大小朋友都一定鍾意❤️最後就到我哋最期待嘅biang biang麵🤩本身見人哋啲圖以為都係類似長壽麵，將啲好多又長嘅麵整埋一碗😂點知嚟到先發現原來係一大條又長又冇斷開嘅闊條麵而整成嘅一碗麵🫨本身已經好欣賞

今日和朋友去了佐敦，剛好見這間餐廳的菜式幾吸引，於是便決定去吃飯。金沙骨Biang Biang 麵 （$45）：金沙骨Biang Biang麵是一道源自陝西省的特色麵食，以獨特的口感和風味而受人喜愛。Biang Biang麵的特點在於厚實的口感，嚼勁十足，帶有彈性，讓人上癮。金沙骨的加入更是增添了一層甘香味道。新鮮牛肉餃秘制麻辣湯麵（$67）：餃子的皮薄且彈性十足，咬下去瞬間釋放出牛肉的鮮美汁液。內餡的牛肉選料上乘，肉質鮮嫩，調味十分到位，帶有香料的芬芳，增添層次感。麻辣湯麵的湯底紅亮，香氣四溢，辣味適中，不會讓人感到過於刺鼻，反而讓人愈加開胃。吃起來香辣開胃，令人一口接一口地品嚐。醪糟湯圓（$52）：不會太甜，又好滑，好好食。腊汁肉夾餅（$26）：幾滋味，肉味香濃，好好味。炒雜菜：非常鮮甜，炒得好香口，蒜香味香濃。五香驢肉：口感不錯，幾特別。

餐廳裝修古色古香深木色既木枱木凳餐牌選擇眾多有齊中英文 多圖多相特色包餅腊汁肉夾膜 $26可以加$8青椒及芫荽上枱切成2份 方便食用包同肉口感比較乾金沙骨Biang Biang面 $45乳香雞翼Biang Biang面 $49呢款係闊身撈面 好似白布面係完整一條長長既面店員會問洗唔洗幫你剪開 容易d食加入左蒜泥 乾紫菜 醬油 仲有青菜面質有咬口 調味偏咸金沙骨/ 乳香雞翼每碗有3件金沙骨 肉質正常乳香雞翼 炸到外層好脆口湯芹菜豬肉餃子 $44一碗6隻餃子配菜有豆卜同青菜餃子皮煙un餃子餡足料 多肉汁特色小炒干煸孜然豚肉 $62份量多 孜然味濃薄切脆豚肉 好似豬肉乾白灼生菜 $24連豬肉汁鴻福堂枝裝原味豆漿 $12唔太甜 可以中和偏重口味既陝西菜

朋友話喺香港食到地道嘅陝西餐廳就帶我去食他的家鄉風味餐廳好有中國特色朋友話食他的家鄉風味，就由佢嚟點菜佢非常推薦食夾膜有少少似台灣的咬豬，但係這個夾膜比較脆身裏面料都好多， 食落都唔會好乾身餐廳都有不少涼拌菜選擇朋友就揀咗這一個涼拌蓮藕， 酸酸辣辣，蓮藕爽脆還叫了一個清菜同埋土豆片湯韭黃新鮮牛肉餃子湯底好濃鬱餃子好濃味,覺得直接當主食朋友就要炸韭菜豬肉餃子好耐冇食過咁脆嘅炸餃子裏面仲會爆汁覺得一個湯餃一個炸餃配搭幾好 share食食到餃子不同的風味直到最尾已經好飽朋友就話點都一定叫個紅糖糍粑原本已經飽到吃不下但係真係非常好食,真真正正外脆內軟紅糖仍然係流心的， 但係又唔會太甜

去完旅行返嚟，成日都想食唔同嘅中菜，今次就揀咗呢間喺佐敦嘅陝西菜。位置上唔算超方便，佐敦行過去都要大概十分鐘，但我哋7點前到達，餐廳已經八成滿，所以我哋兩位都要搭枱。餐廳入面不乏內地客，應該真係正宗陝西味道！打開menu, 見到幾抵食，基本上大部份野都 $100 樓下，所以今次都嗌咗好多。映紅飄雪 $34簡單清新嘅菜式，不過好少地方有得食，好開胃！好味指數： 🌕🌕🌕🌕🌑乳香雞翼（3隻）$28雞翼size 都算幾大，熱辣辣，食落有陣陣南乳味。好味指數： 🌕🌕🌕🌗🌑涼拌豬耳 $52豬耳份量都好多，唔會有毛，調味都啱香港人口味。好味指數： 🌕🌕🌕🌑🌑辣子蝦 $172就算整辣子蝦都食得出係新鮮蝦 ，不過呢味餸比較重口味，最好餸飯！好味指數： 🌕🌕🌗🌑🌑干煸孜然豚肉 $62重口味人士之選，但呢款比起辣子蝦容易入口啲，就算唔餸飯，都好易一嚿接一嚿咁食！好味指數： 🌕🌕🌕🌕🌑金沙骨biang biang 麵 $45呢間鋪頭其中一個招牌，我從來無食過biang biang 麵，原來佢係類似涼皮嘅質感，但無涼皮咁滑，都幾特別！好味指數： 🌕🌕🌕🌑🌑

佐敦呢一間有緣小敘主打陝西菜，雖然舖仔細細，但平日夜晚過到嚟都唔少人，店員都好Nice會推介嘢食俾我哋，人情味十足，而且嘢食價錢都好貼地，勁抵食😍麻辣大盤雞 半份 加biang biang麵 $128+22呢個份量兩至三個人食啱啱好，雞件嘅份量好多，食得出都幾新鮮，肉質滑嫩，而且好入味，我哋嗌咗小辣，感覺唔係好辣，食得辣嘅可以由中辣嗌起。另外呢兜嘢嘅薯仔超級好食！炆得好入味🤤🤤而biang biang麵亦都係餐廳最出名嘅菜，所以一定要加！麵質煙韌，亦好掛汁🤤鍾意食手工麵嘅一定要試！干煸孜然豚肉 $62呢道菜同想像中有啲出入，豚肉煸到超級脆，再被滿滿嘅孜然粉裹住，送酒一流🤣臘汁肉夾饃 $26講到陝西菜肉夾饃都係必試，饃嘅外皮呈金黃色，入口外脆內軟，但整體略顯臘汁味道可以再濃d🤏韭菜豬肉餃子 $39餃子好大隻，係好傳統北方餃子嘅味道同口感，餡好多😍韭菜味十足，食完一個都覺得好飽🥰炸湯圓 $24湯圓外皮炸得好酥脆，咬落去除咗酥脆之外，仲有湯圓本身煙靭軟糯嘅口感，再加上內層嘅芝麻流心，三重口感😍😍😍芝麻嘅味道亦都好香濃，大滿足

每次經過佐敦，都會想再食呢間既biang biang麵，但每次無係預著佢落場休息就係趕住走等唔到開門。今次同朋友晚上去西九睇表演，終於有機會再食，睇下事隔咁多年係咪仲有當年嘅味道我哋到達嘅時候仲有15分鐘先開，門口已經有約兩枱食客喺度等候。我地叫左酸辣土豆絲、肉夾膜、五香驢肉biang biang麵同紅糖磁粑酸辣土豆絲，食落去一D都唔辣但十分開胃，土豆絲爽脆，加上個酸味係比較溫和既，食落口唔會覺得好“哽”，好快就清咗肉夾膜餅皮少少脆身，配上多汁既肉末餡，食得幾過癮biang biang麵 麵食落幾有韌勁，叫左小辣，入口先微辣，然後係少少酸再加啲醬油嘅鹹香，好食。至於五香驢肉，系緣於同朋友嘅一個誤會，佢誤以為係滷肉，食落冇乜特別，就係好薄片肉乾。如果下次再食，應該會叫金沙骨， 或者其他更加惹味嘅餸。紅糖糍粑，份量都多，本身以為得四舊，望落賣相唔係話好靚，但係出奇地好好食。表面唔會炸過龍或皮太厚，酥脆口感之後就係糯米既煙韌同埋夾雜住暖暖紅糖醬，好正

#ftf_佐敦二訪陝西biang biang 麵陝西風味十足，菜式豐富又惹味！大盤雞$128 加biang biang 麵$22 ⭐️⭐️⭐️⭐️⭐️叫左半份都勁大盤，麻辣醬汁底，雞肉嫩滑夠入味，配料仲好豐富，有海鮮菇、薯仔、三色椒，biang biang 麵簡直係鎮店之寶，原條寬麵煙韌有嚼勁，又掛汁！孜然羊肉 $78⭐️⭐️⭐️⭐️⭐️呢個組合簡直冇得輸，羊肉配上大蔥，肉香味濃郁又帶點清新，加埋孜然，惹味過人！白灼生菜 $24⭐️⭐️⭐️正常發揮，都係叫個菜，平衡下一餐嘅營養素，哈哈哈！炸韭菜豬肉餃 $39⭐️⭐️⭐️⭐️外皮唔係一般餃子，有少少似壓扁咗嘅方包，炸完，我幾鍾意呢個質地，偏向厚身有咬口！但肉汁就相對冇上次羊肉餃咁多。雞翼biang biang 麵 $49⭐️⭐️⭐️⭐️⭐️南乳雞翼，外脆內嫩，調味剛剛好，唔會太鹹，齒頰留香！餅餅面呢個質地同浸住大盤雞湯嘅口感又有唔同，呢個就真係一條麵過，更加有質感！炸湯圓$24⭐️⭐️⭐️⭐️芝麻湯圓，正常水準，不過不失！豆漿 $12 x 2🍴 有緣小敍 (佐敦)📍 佐敦文苑街36號地舖回頭率🤡🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

捐窿捐罅今次搵間陝西風味嘅嘢食是間老小店 入到去有種人情風味 店名叫有緣小敍叫左招牌乳香雞翼Biang Biang 麵（中文太難打）麵條特式有如皮帶般闊，更有 4 呎長，故又名皮帶麵、褲頭麵。為了保持麵條的韌性，葉太每次只在店中搓製需要的分量，搓好麵糰，放置半小時「醒麵」，要用的時候再搓，這樣才保持到麵條的彈性。非常之特別。乳香雞翼好入味，又香口。另外五香驢肉秘撈製辣湯面都好野味唔係度度有炒蛋都好有水準 夾青瓜 口感捉升左好多土豆絲炒得夠火候 送啤酒一流周圍食今次呢個夠特別 店主又好nice價錢合理同食到人情風味

由內地同事口中知道香港有間拎過米芝蓮，由西安人主理既餐廳，今個weekend 特登同朋友行去試試餐廳名字同裝修都有中國古代風格來到當然必點最有特色的Biang Biang面，Biang Biang 面一碗一條過，十分煙韌，要整斷都唔係太容易🤣比起平時食過既面更闊落，仲加入海苔，炸蒜和特色醬汁，食落香口惹味；金沙骨雖然肉質緊實，但輕輕一咬就骨肉分離，味道一流羊肉湯餃大大隻，食落有羊肉鮮味但唔會羶，肉餡多汁鮮嫩由於我同朋友都係羊既愛好者，見到呢間餐館咁多羊既菜式忍唔住要多個羊架😍果然都冇失望，羊架烤得外香內嫩，十分有水準最後要既蛋花湯圓有酒釀香甜，十分滋補，推薦

突然好想食辣野，今晚黎呢間陝西菜食。前菜叫陝西涼皮入口冰涼爽口，酸辣味道平衡得宜，涼皮滑溜，叫左小辣，我覺得迎合左香港人，所以係香多過辣。香煎羊架，係羊架切塊，用孜然炒香，羊味濃而不羶，香料調味適中。仲叫左金沙骨biangbiang麵。金沙骨有三大舊，唔柴。搭配有嚼勁嘅biangbiang麵，同炸蒜，炸紫菜，辣椒油，biangbiang麵好彈牙。韭菜餃biangbiang麵同樣出色，韭菜餃應該係手工包嘅，包得好飽滿，韭菜味濃。最後，仲叫左個肉夾饃，加錢加埋青椒。外層饅頭香脆鬆化，內裡夾住肉餡，鹹香味濃，啖啖肉香。呢間陝西菜價格相宜，大推biangbiang麵。

香港極少地方食到陝西𰻞𰻞面（Biang Biang)，今晚特意帶朋友到佐敦嘅【有緣小敍】試下，鋪頭仲有好多極具國內特色嘅小食同菜式，性價比都好高韭菜餃𰻞𰻞面 $45𰻞𰻞面係一條比皮帶更寬嘅麵條，口感煙韌柔軟，再用油潑嘅方法將辣椒同蒜泥嘅味道融入麵條中，好香口，另外韭菜餃都好大隻，皮薄足料，啖啖韭菜香氣十足五香驢肉秘製麻香麵 $61今次係第一次試驢肉，驢肉切成薄片，口感有少少似牛腱，用香料烹製後令味道香濃又冇腥味🫏湯底麻麻辣辣，可以揀唔同嘅辣度，啱晒唔同口味嘅朋友酸辣土豆絲 $42土豆絲口感清脆，酸味與辣味的平衡，微微辛辣令人好開胃腊汁肉夾膜 $24肉夾膜中嘅腊肉的味道濃郁，搭配的白餅亦經香烤，加埋一齊果然非常配合麻醬青瓜 $42口感清爽可口，青瓜的清脆感與香濃的麻醬相得益彰，跟其他香濃菜式有強烈對比孜然羊肉羊肉的味道濃烈，肉質細嫩，跟大蔥一齊炒香，啱晒下飯炒雜菜青島啤酒 $20

星期五晚嚟到呢間做陝西菜嘅舖頭，以前初代舊舖食到而家，嗰陣個舖頭得十個位左右坐得好迫，而家呢度張張木嘅卡位咁錯開，坐得舒服自在～必點香港極少有嘅biang biang 麵配炸乳香雞翼，個麵食之前要將啲配料拌勻，咁就最好食！羊肉餃好香羊味鍾意嘅人就會好鍾意見佢出咗炒蓮藕片又試吓先，平時食開土豆絲，呢個藕片都唔錯呀但佢唔係土豆絲嗰種酸辣。炒羊雜超惹味我地揀咗中辣，佢係辣得嚟香口，唔係辣到頂唔順嗰種死辣，加埋京蔥尖椒去炒，拌飯應該一流！

我有個親友係群組極力推介我哋去一間由西安人主理的麵食店，供應西安道地麵食，招牌包括辣妹麵、餃子、饃等美食，麵食店環境充滿中國風味，十分適合打卡，佢仲話上社交平台追蹤這間麵食店，即可享有九五折優惠，真係抵食。這間麵食店名叫有緣小聚，位於佐敦文苑街36號地舖，係柯士甸地鐵站A出口，行幾分鐘就到，非常方便，今晚我就同朋友去食西安美食。麵食店個餐牌食物嘅款式都有唔少選擇，有特色涼拌、特色小食、特色小炒、陝西特色、冰冰麵、特色包餅、湯餃子、乾餃子、招牌酸湯辣妹麵、秘制麻辣湯麵、特色甜品、飲品，仲有全新菜品推介，餐牌食物相都令人吸引來選擇，尤其是冰冰麵，麵條像腰帶，亦寬得像褲帶，一根麵條寬度可達二三吋，長度則在一米上下，厚度厚時與硬幣差不多，薄時卻如同蟬翼，一根麵條足夠一頓飯，真係好吸引。我哋選咗以下嘅食品，涼拌蓮藕是酸甜清爽不油膩的開胃涼拌菜，入口清爽，再加因為蓮藕略帶酸甜，令人十分開胃。西芹腐竹就青脆爽口，清香宜人，是一道營養健康的必備小食，腐竹吃起來香氣清淡而純淨， 嫩滑柔軟中帶有淡淡的黃豆香氣，味道鮮美。腊汁肉夾膜嘅包好香脆，內𥚃有香菜肉絲都多汁，一口咬開肉夾饃肉汁四溢，味道濃郁確實不錯。