有緣小敍

營業中

休息中

咁岩又去開大角咀個邊 所以再食biang biang麵😋同朋友一人嗌左一個麵加粉皮share 粉皮隻味好特別 有少少酸味 好開胃！biang biang麵一如以往好大塊🤣 嗌左中辣 如果唔撈勻好易食到好大pat辣粉😂辣得好過癮！見到隔離枱飲啤酒勁想飲！不過我地係當brunch食 所以無叫到🤣下次再食一定要叫！

話說我地兩個人1230左右去到，入面已經好多人，佢俾個個卡位我地（本身有兩個人係度，一人坐一邊）咁我地坐低準備叫野食，叫左店員，佢示意等一陣，咁我地等下啦。過左幾分鐘，再叫佢佢又話等一陣，我地再等幾分鐘。其間見到廚房係好忙既，好多人都等緊食物，店員有充裕時間上菜、招呼門口攞位既客人，而叫我地等等既店員更有時間行下企下，但就係唔落單，我地都唔知點解。幾分鐘後，我地見其他店員都有時做緊，又叫返之前個個店員，佢就搵另一個店員幫我地落單。落完單冇耐，我地卡位其中一個客走啦，咁我地起身坐埋一邊，方便之後黎既客人入座。之後有三個內地客黎，店員就叫我地讓個位俾佢地，叫我地入舖頭最入面既枱坐，我地照做啦。行到入去，見到係長方枱，有兩個客坐左近牆個邊，另一邊個位好窄，又冇椅，要自己攞椅坐，而後面正好係成班大陸客既細路，脆係椅上面，坐埋去背脊中硬招，就算後面坐好，都會背貼背。咁樣安排，你免費送我都食唔落，我唔係要咩五星級服務，去茶餐廳都坐得舒服過呢度，即時走人。出門口另一個店員，可能係老闆娘（見d報導有佢樣）道歉，話送翻野飲俾地。但我想講既係，客人等得合理係冇問題，人手應付唔黎大家都有眼睇，正常人都會體諒

間唔中都黎，我覺得幾好食😂Biang Biang 麵😝佢個麵條長長，好好食！今次叫埋個哨子麵既中辣，唔算好辣，不過幾岩我口味！幾香呀，好大碗，又多配料肉碎，唔錯的。炸韭菜，塞到滿滿韭菜，好食！😃好食過淥果d。掠拌金姑幾爽口，其實無乜特別好食，芥辣木耳，好淡味的。燒椒土豆片，雖然比較油，但好惹味😛😛好可惜，今次食唔到腊汁肉夾膜，次次黎都係指定動作，不過買晒了😄西安冰峰，是橙汁飲品，不太甜，我都幾鐘意飲。😃😃

Happy Friday!Lunch同同事去佐敦尋找美食！佐敦一帶的横街多了很多美食小店，不愁無野食，係煩唔知食咩好。一路搜尋，行過有緣小敘見到一路有人行入去，就決定試一試佢！店舖雖小，但也坐得舒適，我地一行三人咁岩搵到個卡位！睇下Menu 有咩食就發現有個麵個名好有趣，完全唔識讀，睇圖又似係闊麵咁，見到附近嘅人都食佢，一於試試佢。經侍應姨姨介紹原來叫麵，我地三個人，各自叫了一個麵，包括一個韭菜餃麵(小辣)($42),一個唔記得咩餃麵(唔辣),我就食羊肉餃麵(微辣)($52)可能Lunch時間都多人，都要等一陣先上菜，開頭見佢色水好似好白，仲以為會好清好淡，姨姨見我地好疑惑就話要搞混佢黎食。碗麵入面有乾紫菜，蒜，生菜，辣醬仲有d好似木耳的東西。搞混之後就發現另一個世界！麵係完整一大條咁上，非常厚身，而因為醬汁很足夠，成條麵都掛上醬汁，十分香口，加上乾紫菜等等的配料，單吃麵也不會單調。而我點了的羊肉餃也十分足料，有滿滿的羊肉和葱花，有羊香味但不會羶，吃下去也有湯汁，不會乾乾的，很好吃，只是一碗只有兩粒不夠喉！同行同事很喜歡食韭菜餃，評價這裡的韭菜餃也不錯！可以再Encore!開初見到碗麵

第二次嚟呢間小店，帶老公黎試下。 呢間餐廳食陝西菜。我哋叫餸時 ，店員問我哋要幾辣， 我問番店員 ，係咪好辣， 於是佢就叫我哋叫小辣 … 我後來發現，其他檯嘅食客都係叫大辣， 頓時覺得自己好廢！講番個金沙骨辣妹麵 ，都幾多油， 食落口 先甜後辣， 唔算太辣， 面近比較淋，似上海麵。 金沙骨好林， 好味！羊肉餃biang biang麵, 係乾撈麵 ，一碗麵只有一條麵 ，麵條好闊， 係河粉嘅三倍， 好有彈性， 同個汁好襯！ 好好味 ！！！羊肉餃小小騷 ，我唔太食羊肉都食到 ！仲叫咗個茴香餃 ，茴香原來即係刁草 ，好特別 ！係香港未食過呢隻味道 ！整體嚟講 ，好好味 ，我會再去食！！！

渡船街這邊隨便走走，無意間發現的一間陝西菜小館。所有飲品都是地道的陝西貨，真有驚喜。肉夾饃不能錯過，比很多店的都好吃，肉爛又軟香，火候足，小小的滿足一下了酸梅湯直接是陝西當地的老字號飲品品牌，一定要試。飲完周身舒暢。連Biang biang面都有，面身勁道。在香港吃上這些，實屬難得。有特色的味道。吃膩了外面大魚大肉，來這間換換口味，都是不錯的選擇。下次約上朋友一起試孜然羊肉，羊肉泡饃這些更當地的味道。

^店主打Biang biang 麵，這個讀音的來由有多種說法，有人說是製麵時的聲音，也有人說是用麵代替餅做主食後，還保持"餅"這個讀音。^是陝西關中地區的麵食，辣子就是一道菜。下了大約一勺的油潑辣子，辣椒片不會太辣太麻，且有芝麻的香氣。但一勺辣子去拌整碗麵來吃還是略嫌不夠，感覺很寡，建議選擇有配菜的套餐。^一條麵到尾沒有斷，麵寬而薄。^仔細一看會發現整條麵,每隔一格正方形便有一條橫線，像是連著的水餃皮。^上菜時很熱，蛋花打得不錯，嫩且幼細。但甜度不夠，醪糟太酸，可能是過度發酵，酒味倒是很足。湯圓像是超市買的雪藏芝麻湯圓。

久仰biang biang麵的大名，終於有幸一試。這間米芝蓮推介的小店，還吸引了不少遊客到房，短短一頓飯的時間，就已經聽到韓文、日文、英文和國語四種語言，想不到「有緣小敍」已經蜚聲國際。先來一客淨biang biang麵，可按客人需要做成素食，值得一讚。Biang biang麵送到後，第一件事不是起動雙筷，而是檢查碗中是否真的只有一條麵，結果證實通過商品說明條例，果然只有一條麵。雖然是淨麵，但也風味十足，尤以紫菜和辣醬最突出美味。麵的口感也不俗，而且也不會自己斷開，完全附合食客期望。炒土豆青瓜絲味道不俗，因為大部分的菜式都比較濃味，青瓜的鮮甜剛好帶來一點小清新，讓舌頭稍為休息一下再挑戰下一道菜。最後登場的是最美味的炒茄子豆角。一送上來就已經香氣撲鼻，茄子和豆角都已略為走油保留茄子的鮮艷紫色，十分吸引。各種調味料混和後很惹味，讓人忍不住大口大口的品嚐，絕對值得一試再試，喜歡茄子的人更加不可放過這道菜。素食友善指數：5分Encore指數：5分

其實都嚟過有緣小敘幾次，因為我同朋友都鍾意食辣野，但係因為個地點有啲遠，所以未必成日可以食到。今晚兩個人來就叫咗3樣嘢。(1) 麻醬青瓜個麻醬好有芝麻同埋花生醬味，唔似有啲餐廳係用現成嘅芝麻醬淋上去。個青瓜好清新加埋啲麻醬，真係加倍滋味！(2)酸辣土豆絲酸辣土豆絲係我每次必點嘅菜式之一，鑊氣十足，土豆絲爽甜。(3)麻辣雞＋BiangBiang麵叫咗小辣嘅麻辣雞，個雞好入味同嫩滑！雖然係小辣但係食到個嘴都有少少麻。其他配料例如薯仔，菇同Biang Biang麵撈埋個汁簡直係一流！

因在附近工作，已經光顧過很多次。還記得第一次來是點了金沙骨Biang Biang麵，滿有趣的。有時幾個人一起來的時候，就會點一盤大盤雞分享。因不太能吃辣，最多只能選小辣。Biang Biang麵的配料有生菜、紫菜、木耳、香蔥和乾蒜，把所有材料攪拌在一起後就能開動啦～ Biang Biang麵是一條過的，麵質香滑。醬料的酸辣味跟麵條撈在一起很惹味。金沙骨也很入味，不過我更喜歡餃子。這道菜味道較濃，因此要配飲料，不然就會很口渴。大盤雞：材料有雞、薯仔、菇、生菜、三色椒、蔥、莞茜等等。醬汁很美味，香濃之中帶點辣和微酸，薯仔吸收了醬汁後很惹味。多人用餐時必點之菜式。

全店無加一服務費食物：主打餅餅麵，每次都會叫餅餅撈麵，份量為一小湯碗，如果肚餓需要再加小食先夠飽。辣度有分不辣，小辣同大辣。撈麵也可以減鹽，如果不減，味道會偏鹹。值得一提，每碗麵上有脆炸海苔，超好味小食的話麵筋幾好食，不過如果食麵又食麵筋就好似會太多麵😂環境：店面細，去到多數要等一陣先入座，上菜速度偏慢，因為d姐姐手腳慢而且又掛住傾計座位唔會坐得舒服，所以都係食完就走。另外衛生不算太好，見過有小蜘蛛同蟲

一行7人來到佐敦，為了吃期待已久的BIANG BIANG麵。必試的BIANG BIANG麵，份量很夠。麵條超闊，好煙韌，把配菜拌勻吃，味道一流！內俠饃不是很多地方可以吃到，幾特別。孜然羊肉和土豆絲都是陝西菜必點的菜式，好惹味，值得一試！

飯堂之一，本人其實常來往陝西，這一間必定算是其中一間味道算正宗的陝西餐館。今次兩個人晚飯，確實是叫得有點多，但朋友第一次來希望能人試多一點。1.）必試BiangBiang麵：一般叫小-中辣會更香口一些，大辣會有點過鹹.....配菜跟一款，可選餃子、五香雞亦、金沙骨等....麵條一貫「煙韌」，分量十足，配炸紫菜等，味道一流！！2.）肉夾饃：陝西著名小吃，香港不是很多地方能吃到...但認為不太合本人胃口，主要是饃不夠脆，有點太粉，餡料雖為豬肉，但過瘦所以肉汁不夠多。3.）孜然羊肉：本人認為另一必試菜式，羊肉碎配䓤+孜然香料.....極度香口惹味，夠鑊氣。4.）芥末木耳：前菜一碟，芥末味不太濃，但試無妨。5.）麻辣麵筋：醬汁惹味，中辣都不會過辣，配上青瓜切絲開胃，前菜推介之一。6.）地軟炒雞蛋：地軟估計為青苔類東西，口感像紫菜海帶一般，清淡菜式。7.）酸辣土豆絲：土豆絲熟透但不會有粉的感覺，極度爽口，我相信其實很考功夫，如想要點蔬菜類不妨一試，可能會有驚喜。8.）冰峰：其實是陜西獨有汽水，幾次跟陝西朋友來他們都喜出望外，估計感覺跟在埃及能飲到「青島」一樣，但說實話，除了情意結，基本就是芬達一

由於我喱排有機會成日都要o係喱邊, 所以可以一次過試多幾間喱邊的餐廳。我自己係一個粉面怪, 又好好好鐘意食辣野, 所以初次o係openrice見到喱間野d相時都覺得會好o岩我口味, 又咁o岩我男人都肯陪我食, 所以我就好期待咁去左試啦首先, 喱度的侍應姐姐都態度唔錯 ~ 環境都幾好, 中國風得黎都乾淨企理, 店入面都有好多外國客人一坐低就叫左枝青島啤一啤先, 食辣野點可以唔飲青島?其實我地唔太肚飽, 本來打算黎到試佢碗面就算, 但入到黎又好似唔試下佢個肉膜, 我就覺得喱個普通, 唔試都可以, 因為我覺得出面塊包有D太乾同唔夠'煙UN', 之前在大陸食時好似唔係喱個質感, 而肉就有D太咸喱個就係我男人叫的茴香豬肉餃酸辣面, 佢叫左中辣, 味道都唔錯拿拿拿.... 喱個就係我個推介啦 !! 喱個就係我黎的目的 - biang biang 麵, 我就叫左羊肉餃biang biang 麵, 大辣呀!!! 嘩, 碗野黎到時我見到D干辣椒已經想大叫, 真係好興奮!! 真係好難得叫大辣的粉面真係可以俾到我想要的辣我 ! 佢喱個biang biang 麵係一個撈面, 碗底有少少汁, 仲有一堆辣椒醬,

看錯了打烊時間為晚上十一時，慢條斯里九時五十分約了朋友到達。各位亞姐好像如臨大敵，趕住收鋪。我問她們幾時打烊，她們異口齊聲說我便是最後一位下單，廚房便即將收爐。朋友來前，我自己急忙點了一款金沙骨biang biang 麵。本來想叫一罐冰峰飲料，以為一般才會十元八塊，看看餐牌十六大元正，一罐在內地市面才兩塊錢的飲料入口到港要八倍價錢便打消了念頭。大概八九分鐘，來了一碗中辣的撈麵，第一口覺得也不是那麼辣，誰知慢慢吃下去才知好戲在後頭！雖然份量中挺，但醬油也挺多也很惹味，吃到最尾才顯辣和膩味。金骨很腍很入味，也有一點柴，上面有一撮炸過的紫菜，很脆很香口，好過癮。去前查過網友均說麵條一條過，闊闊的，放在大碗內顯得很很的適，我夾上手好像一條長長的褲頭帶， 作為夜宵磿的我剛剛好。 闊麵條很好咬口，出奇的和偏油膩的調味醬好夾。吃得趕，但好好味。走時十時十二分。大家已換好衣服等我一個走，可惜我走時朋友還未到。