有骨氣火煱專門店 (已結業)

天氣雖然悶熱，但都無損我對打邊爐嘅熱愛！今次轉咗匯豐卡先有任食$98，不過包埋醬油喎！(之前要另俾$15蚊醬油錢ga)講真，咁條氣順番好多！點心都食多兩件啦！其實早該如此啦，我哋依Ｄ師奶仔就係鍾意依Ｄ小恩小惠之嘛！要咗個豬骨煲仲有嘢送～送點心，我哋揀小籠包～裡面真係有湯，ＯＫ好味！又來魚滑、四寶丸、肥牛、鱔片、芝士腸，肥牛都切得幾薄且肉味重，鱔肉彈牙新鮮....其他嘢都ＯＫ～最得手係水晶奶皇包～好好食～Ｄ蝦好新鮮，上桌仲識郁識跳! 美中不足係要另外收錢~成68蚊~都幾肉赤!埋單每人百二蚊~都ＯＫ抵!

昨晚係第二次光顧,訂了枱,一到就有位,做緊匯豐優惠,任食2小時及連醬油每位$98, 湯底要了豬骨煲$98,送一碟點心, 飲品另叫($8一位茶, $9一罐汽水, $28一楂竹水)一行十一人, 用一個鍋勉強可以啦, 不過放左落去又唔知比邊個撈左... 點了三轉野食, 上得幾快, 肥牛麻麻, 是晚無椰菜雞肉卷, 有水晶飽, 奶皇同叉燒味,ok, 鯇魚片好腥味, 但係我隔離果個話無... 鱔片好好味! 味道鹹左少少, 同好口渴! 服務呢...係咁加湯都抵讚, 但係咁收碟就好煩, 差唔多二小時就埋你單, 準時叫人地走.... 咁以為有人等緊啦, 因為我地張係大枱, 其時有三張細枱已經吉左... 點知落去見又一丁人都無, 所以有點掃興... 環境就無乜留意, 乾淨又唔係好嘈~有電視睇, 但一d都聽唔到聲

本身 book 左枱食八點半, 但有人未黎到而九點前後係 $98 同 $78 任食所以決定取消 book 枱, 排隊等食九點時段order 左蘿蔔牛腩湯底 ($98)另再嗌豬骨, 蕃茄, 薯仔加落去做埋湯底 (任食火煱料)午餐肉好食, 同煎既唔同, 入口好淋雞肉好滑, 點少少辣椒豉油就可以金菇菜好食肥牛就麻麻地, 太肥椰菜雞肉卷, 成舊都係菜, 無乜肉, 唔好食嗌左個韓式泡菜餃 $2x 麻麻地, 都果幾粒, 唔多抵又唔算好味啤酒 promotion, $12 大枝裝, 抵

睇歐洲盃，唔想班朋友上嚟我屋企搞搞震，於是約佢哋打邊爐，烚住睇好過!$78位任食，啱哂我哋e班蝗虫兵團，猛點猛食，牛滑都幾新鮮，掃咗幾碟水晶奶皇包~~煙煙韌韌又唔太甜! 雪花牛半肥瘦都多雪花，BUT份量少~追多3碟先夠!唧魚麵要另收23蚊，不過好彈牙又似食啖啖魚肉!無嗌半價湯底，但招牌豬骨湯(無半價)，不過勁多豬骨同粟米，我鍾意啜骨筒!!食完一輪都唔口乾，唔重味精!D伙計幾抵讚，唔駛人叫~自動自覺加湯!美中不足係有甩單!

23/5 一共4人 我地訂左位7點半, 一去等左一陣先比到幫我地, 東亞信用咭有優惠$98一位, 某幾欄野食可以任食, 不過飲品就要散叫囉, 湯底都係得三款揀咋, 可能係優惠既關係啦, 所以有好多限制! 我地4個女仔都叫左成十幾樣野呀, 豬肝唔係太新鮮, 同埋任食既野食, 全部都係得少少, 好似叫丸類, 佢係計人頭囉, 得果4粒, 每款4粒, 多一粒都冇! 衛生程度好差囉, 啲蚊芝仔飛來飛去, 碗豉油有叫佢換過, 之後有隻又飛左落碟雞肉到, 又要叫佢換過, 真係煩呀! 同埋啲位好迫, 隔離有客走左, 個侍應執枱, 攞走時唔知係啲水定係啲汁飛晒落我個朋友件褸到, 個待應當冇事囉, 一句對唔住都冇講, 咩服務態度呀! 仲有入座後限時2小時, 2小時後即趕人走, 我地對面張枱就係啦, 人地都未食完就同人講, 你地張枱夠鐘啦, 多謝幾多錢, 擺到明趕客, 食得咁趕咁辛苦我寧願去第二間啦!

好朋友生日,去尖沙咀慶祝大家本來去outback steakhouse据扒但是其中一位是吃素的,沒理由叫他淨吃沙律?轉去有骨氣打邊爐$98每位,其他如湯底,飲品,茶芥($8),汽水($9),蒜蓉等全部另計一行10人,便到樓上坐,可能尚早,大約8點,只有一個樓面+我們一台很像包場呢~~點了皮蛋莞莤+豬骨湯底服務挺好,沒有茶會自動加添..至於食物沒甚麼問題,只是我覺得肥牛太肥,丸類呢我就不清楚,因小妹不吃其他食物我覺ok喇!尤其奶皇水晶包和炸魚皮之後人氣愈來愈多,但都會有服務員不斷加湯不是滾水,豬骨還豬骨,莞茜還莞茜叫了3個round,飽到行唔到我們還叫服務員百忙中抽空幫我們拍照,真好至於洗手間,女廁雖然只得一隔,但超級乾淨

5月2日係我第二次幫襯此店的。因為當日涼涼地，加上暖暖的表姐專程到香港看火炬傳送，所以便相約夜晚到此開餐。中銀信用卡有優惠，其實都好耐時間喇，變左來的大都是用此優惠的。湯底有多款選擇，但一般都較貴，要over$100才是吸引的，如選中銀優惠的半價湯底就ok抵，我們便選了清清地的芫茜皮蛋。配料有魚滑，牛滑，大澳蝦丸，和水晶飽(奶黃/叉燒)是較特別的。本來不太接受放水晶飽落去打邊爐，但原來又幾好味。大澳蝦丸無咩特別，只是粒丸內有一啖蝦醬罷了。另留意，這裡如你不用開茶，是不收茶錢的($8/位)。整體的服務都算不錯，不似一般的酒樓打邊爐。服務生比較主動，有禮，解釋亦清楚。不足的是有漏單的情況但無主動告訴客人。

一行七人，七點到有骨氣食任食雖然係$98任食，湯底唔包，鼓油每位$15特別既食物就另計，有部分係半價，其餘的全部有85折，當然重有加一服務費啦！飲品唔包，飲茶，每位$8，酸梅湯同甘蔗汁每渣$28我地叫左一個豬骨湯底 $98 (無半價，但有85折) - 同以前來正價食既豬骨好唔同，只要幾件細骨，一個骨筒都無。任食既食物，質素比以前正價食既差，味道一般魚皮係好味既！

星期六，行完山後同班購友去打邊爐，行完山去到都9點了，一坐下就狂點野食，點了坑腩湯底(幾多牛腩)，再叫了他們的「不可不吃」推介：水晶叉燒包(醬多了些)、奶皇包(挺好的，不太甜)、蝦醬丸(勁普通的麵粉丸)、椰菜雞卷(=食椰菜)、黑豚肉水餃(皮好厚、餡冇味)，再加了一些要加錢的，有南瓜包，挺特別的，熟了的話，包頂的杞子會陷入包中，但味道就......。手打魚麵差了，不彈牙。其他任食配料都不錯，不會太重雪味，而上菜加水速度亦快，服務亦不錯。不過飲料就要自費，包括茶，我們點了酸梅湯，但就一點也不酸，還非常甜，所以點了啤酒喝。最後6個人，每人130元，任食兩小時，又有英超睇，都非常便宜。

其實我個人唔太鍾意d咩任食,不過老婆鍾意咪就下佢囉!果日成家落去食中銀任食,點知嗌湯要另計喎~平平地嗌左個莞茜皮蛋鍋;又估唔到有蛋花喎!算係咁啦!上次黎食的牛肉太肥!今次d肥牛好d,賣相靚仔!咬落唔齦~個芝士牛丸d餡好濃烈同挺多的,d芝士餡由裡面漏出黎;食落口啖啖芝士香同牛肉,是芝士迷的至愛!事關有好幾間野同樣係芝士牛丸~但係裡面果d芝士似水又有~一舊漿糊咁都有!依度d芝士牛丸算係咁~keep到下!其他野都不過不失啦。我成日都覺得~出得黎食野~錢就預左俾出去ga~只要你俾番咁上下貨仔出黎,我俾$都俾得順d!最憎有d餐廳將d食物整到鬼5馬6咁~一d都唔識尊重食物。

大約大半年前食過一次,印象好好,今日再同家人黎食中銀既任食火鍋, 平均每個人都要近$140(包晒鼓油加一,冇開茶), 但係食物真係令人極度失望, 湯底蘿蔔坑腩鍋極重味精, 令人口乾異常, 食物都非常普通, 山水豆腐變酸, 山根有少少異味, 雞脾菇部份發黑, 肥牛就ok, 有d材料冇又唔話我地知, 要追單先話冇, 飲品連果汁都冇, 得酸梅湯, 庶水同汽水啤酒. 中下貨色, 地方逼狹, 侍應服務尚好, 但係咁既價錢俾咁既質素食物, 寧願去美心酒樓食散叫既火鍋仲平材料仲好. 順帶一提調味料得辣椒, 黑胡椒加豉油, 太少choice! 蒜蓉係最重要既但係冇!

一行七人打邊爐,點咗推介-黑豚肉和特級雪花牛,其他選擇都唔多,其他嘢唔同佢計,單單黑豚肉和特級雪花牛就完全唔掂!黑豚肉沒有豬味,又"鞋",所謂特級雪花牛,份量少唔在講,D牛仲瘦到無磷,唔知D雪花肥去咗邊?埋單$1970,嘩!嗰價去譚魚頭或小肥羊都得啦!唔底!唔掂!

上禮拜3去,幫襯任食,但湯底就唔包≧ε≦我地叫左個蕃茄薯仔豬骨湯,都幾足料~淨係燃豬骨都幾滋味,跟住叫左D普通野,叫水晶奶黃飽~估唔到甜野打邊爐都幾好食!d海鮮都唔差,不過就唔係任食要另計;幾鮮甜,埋單每人300幾.你話抵咩又唔係,但都OK啦!D侍仔個個都雞咁腳,好忙好忙,但都算有禮貌,甩單就梗有

與一班朋友一起聚會o念住食火鍋可以傾到計, 食耐o的, 所以去o黎o左這裡失望的一餐, 價錢又不是平過人, 食品不新鮮, 侍應態度不好, 上菜都算ok快o既!令我最噁心的是貢丸, 都唔知係唔係貢丸o黎o架, 難食到我們每一個人一食入口就要吐出來!!!!

或說情人節個晚冇特定地方想試, 女友路過話想試下, 我上年暑假試過一次, 感覺一般啦, 不過女人話事就留位。首先我地問左收費係點啦, 佢話而家要9點先比到我地, 任食$68位。咁我都預$150一個人先得, d茶芥, 豉油個d立立雜雜野。咁重有成個鐘有多, 周圍行睇下有冇邊d更好, 最後太多人, 去返呢去。到入座前再三問個哥哥仔, 佢都話$68任食。上到去上層, 個經理行埋黎, 問係咪用DBS信用卡收費, 我話唔係。佢就拿拿聲收起任食個張單, 再搵d"特價"單出黎, 話冇DBS就只可以散叫, 我咪問佢, 下面個個人冇咁講過woo跟住佢話呢個優惠係只for DBS, 跟住話用恆生信用卡都有9折, 不過呢....特別左既野就冇得再折, 咁我女友問, 係咪即係得個湯底有9折, 佢冇答我地。咁再講落去都冇意思啦, 我話唔通唔食咩, 叫佢開茶, 落湯底。最後叫左水晶叉燒包, 餃子, 小籠包, 芝士牛丸, 芝士腸, 大碟肥牛, 蕃茄薯仔湯底, $20/3枝啤酒... 咁就$352首先, 入到去濕淋淋既感覺, 已經唔多鍾意, 再加埋咁取巧既報價, 同埋唔係真係特別好食既配料, 我唔打算會再去。第一次食