望月軒

營業中

休息中

今日公司group lunch, 去咗樓下望月軒食, 之前未去過，點知去到好驚喜wo, 環境好好,又令,d食物又好食,而且服務質素都好高,等下次自己再黎食d新野麻婆豆腐豆腐滑嫩,加上d醬料香香麻麻辣辣地好夠味,麻婆豆腐係麻辣菜式,顏色好深,實際上唔算太咸,辣度完成接受到,豆腐切成細細塊,保持完整唔會碎灑,加上豆腐好滑同好嫩,味道真係唔錯的,雖然係好多餐廳都可以食到既菜式,但係水準令人滿意不妨一試辣子霸王肘雖然呢個爆晒卡路里,但係間唔中食一次,都唔係太過份姐, 放上檯既時候,已經香噴噴, 脆卜卜既豬皮,咬落去又唔會好油膩,好正呀! 雖然好多辣椒,但係實際食起來只有香辣既味道,仲有分量好大隻!!宣威蜜汁火肪第一次食,覺得幾特別下, 用中式飽包住金華火腿,肥瘦均既金華火腿,同片皮鴨既口感差唔多,幾好食 包可以吸收多餘既蜜汁減低油膩,係一道非常有中國特色既滋味菜式四川雞絲涼麵試咗一啖,覺得個麵質好好！上面加上了炒香既花椒及花生碎,花生脆卜卜好夾 雖然我唔係成日食無湯嘅麵,不過食開嘅同事就話呢間個涼麵做得好好！蔥油拌海蜇皮 好開胃既菜式,加上海蜇皮富含膠質,營養價值又高,熱量仲要比較低, 食多D

傍晚黎到信德中心食上海菜，未黎過就唔知原來係上船去澳門果邊有條長巷，裏面全部食肆林立。望月軒就係其中之一間喇。一入到餐廳，客人並不多。但對住海景食晚餐嘅機會要等下次了。點完菜後，大家等食中!醉雞搵左個碗型東西將它定型。酒味偏濃，雞肉尚算嫰滑!燻蛋，一碟四隻。蛋黃上面撒上椒鹽，突出番雞蛋煙燻味。萵筍絲，清淡之選。爽滑口感，食得多左都唔怕肥。蜜味火方 - 將金華火腿加埋青瓜，薄脆同刮包一齊食。特式係多重口感同一時間溢滿口中，本身無味但軟熟嘅包外皮可以減低金華火腿咸味。上海菜主角梗係小籠包啦 抵讚係皮薄超多汁，肉餡正常。蒜泥白肉，呢個味道一般，太多嘅青瓜放係白肉入面，已經食唔到薄薄嘅肉片究竟係咩味了。黃花魚，相信佢做法先炸外皮再炆煮，好濃稠嘅蠔油味，仲有冬菇同豬腩肉。最後想叫多個菜健康下，就叫左砂鍋津白。呢個亳無特色，無特別。太大鍋湯浸住d料，無咩味!

自小就很喜歡吃上海菜,喜歡它各種各樣的烹調方式,喜歡它的味道位於信德中心的望月軒環境寬敞舒適，而且景觀開揚，是上海菜不錯的選擇,知客安排的是 4人座位，非常好，好讓我們靜靜聊天。侍應問我們需要喝什麼茶水，我們點了香片，可是來的卻是普洱，需要再同佢講多次才換回麻醬油麥菜($88)味道和一直吃的炒油麥菜截然不同，外層再包上青瓜,脆嫩又爽甜,味道清新,配上麻醬,即時非常惹味。真是一道開胃的冷盤,超級推介和大愛身邊平常不吃菜的朋友都覺得很好吃巴蜀香辣烤魚($398)這店很細心,有2種魚給客人選擇，包括山猛海斑和桂花魚,而我們就點了桂花魚,魚骨比較少魚肉的肉質鮮嫩又有彈性，帶烤過的魚皮一起品嚐,真是一絕烤魚實在是太下飯，忍不住多點了一碗白飯配烤魚整體來說，食物很好，服務則仍有進步空間。

今日係媽咪生日,媽咪係勁鍾意食川滬菜果啲,又唔想咁普通係上海XX慶祝,咁就去上網搵餐廳咁岩見到信德中心既望月軒食評都唔錯,啲菜式又岩媽咪食,咁咪試試佢,媽咪一入餐廳已經好鍾意,因為見到環境都唔錯,又唔會太嘈,你地知啦,老人家唔鍾意太嘈架嘛望月小籠包小籠包有四件,每個小籠包肯定有湯有餡有肉,薄、湯鮮、肉餡香。師傅手工好好，啲皮咁薄，但係夾起都唔會穿，加入醋，然後一同放入口中，慢慢品嚐松子桂花魚呢個菜我都係第一次食，而且係一道好考功夫既菜，因為松子桂花魚要先將魚肉切開起骨而又唔可以切斷魚皮，呢個菜可算是酸甜適中,魚肉外脆內嫩, 顏面鮮艷，令我食得好開胃，又唔油膩。我敢保證呢一條係我食過價錢最合理而又好食既魚榨菜炒肉末(跟叉子燒餅)呢道菜雖要我地將榨菜炒肉末放旁邊既脆皮包享用,脆皮包烘得比較燶,稍稍放涼後混入配料就非常好味！用唔矖既配料仲可以用黎拌白飯或湯麵,水煮桂花魚望落好似好辣咁,其實唔會好辣,最重要係佢冇骨!老人家唔鍾意太多魚骨,同埋個底有厥粉,本身都唔知咩黎,不過媽咪識, 厥粉既口味同面差唔多,不過就顏色就係黑色呢度待應幾好又有禮貌,又不停幫我地加水換碟,食物又唔洗等好耐就有野食

上星期六朝早約左個fd飲茶,因為佢之後要過澳門玩,所以就去左信德中心入面既望月軒喇~~見佢平時夜晚做開川滬菜,又估唔到佢朝早有廣東點心食喎!入到去環境都唔錯2個人於是知客帶咗我哋去個半圓形卡位,靜靜地幾舒服‧叫左幾樣野,即叫即蒸上到檯仲熱辣辣,香噴噴! 超級推介既有呢幾樣:「筍尖原隻鮮餃」絕對係"皮薄餡靚"黎形容, 蝦餃皮做得夠薄, 蝦肉夠晒彈牙,每一啖滿滿蝦味道,好正「安蝦咸水角」外面脆口 內裡煙韌,而且入面既餡料,平時係酒樓食開既咸水角都係用豬肉,呢個就特別D,用蝦做成,食既時候仲有淡淡的香蝦味「黑椒金錢肚」爽口好食既金錢肚,吸收灑醬料既精華,好好食,咬落去淡淡都回味整體黎講,今餐都食得幾滿足下, 而且侍應服務好好,加水又快,值得讚賞

我唔係上海人,但對上海菜有一種特別的情意結,今日趁老闆唔係香港,就約咗啲小學同學去上環望月軒食個lunch time, 來個新春團拜兼敘舊。呢度裝修夠氣派,座位整齊, 坐得舒服,環境唔錯仲有海景睇,傾計晒啦!我哋5個人唔係叫好多野,叫左兩個冷盤雙冬烤麩$78同上海脆皮素鵝$78,脆卜卜腐皮, 又正又好味雙冬烤麩嘅質感就好似腐皮和豆卜,充滿豆香味之後到蘇杭東坡肉$88,炆得好入味,呢隻半肥瘦啱啱好, 口感非常有層次, 而且仲有個小蠟燭喺底暖住，一定唔會越食越凍，呢個設計真係非常貼心跟住到我至愛松子桂花魚$328,炸得外脆內嫩,勁正啊😋😋魚又大條,所以夠抵食,加上啖啖肉酸酸甜甜好開胃,值得推介!!最後係清清地清炒蝦仁$198,蝦唔算好大隻但就好爽口兼彈牙,蝦仁味道極其鮮美😋😋, 係一道我幾欣賞嘅菜式樣樣都超高水準,十分十分滿意,已經決定好下個月要帶我朋友再來希望keep住水準, 我哋一定再嚟幫襯!

今日住咗喺澳門好耐嘅四舅公過咗嚟香港玩，我哋一家人決定同佢喺信德中心入面嘅望月軒晚飯。第一次嚟望月軒，呢度環境好寬敞好舒服，主打係食四川同埋上海菜。因為四舅公本身都係四川人所以對川菜的要求都頗高。我哋今晚人唔係太多所以都唔敢叫得太多嘢食而且第一次試都希望睇吓質素如何先，啱啱坐低我哋叫咗一啲冷盤，其中一個係飄香無骨鳳爪($88)，好味、少少辣，而且因為冇骨所以啱曬我呢啲懶人，作為餐前小食，可以一路食一路傾計，主菜方面我哋點咗飄香鮮花椒牛肉($198)，呢個有少少辣味但亦都唔會太辣，而且牛肉煮得好嫩好有牛肉味，好食到唔停得口!份量亦都好夠，唔會好似出面一啲餐廳咁只係得幾片牛肉，之後嘅係宣威蜜汁火肪($198)，食嘅時候用配埋嘅夾包將蜜汁火肪、脆卜卜嘅腐皮同埋青瓜夾住一齊食，口感好有層次！另一樣值得推介嘅係老字號樟茶鴨($338)，味道唔錯而且鴨肉好嫩滑。最後我哋叫咗四川家常炒飯($98)，炒飯顆粒分明非常好味！連出名嘴刁嘅四舅公都讚不絕口！總括嚟講呢度嘅餸菜無論喺味道同份量方面都相當值得推介而且睇佢個菜牌入面亦都有重慶雞煲同埋香辣烤魚，下次嚟一定要試埋呢幾款餸！

基本上食物的味道OK La 但是服務差到不可形容，叫人攞點心紙要叫三四次 叫服務員做咩都有排叫，叫五次都可以，食物好好好好好好好貴LO 茶水同埋服務費會因應座位既位置而有所唔同，好貴

之前係到食過兩次晚飯，整體食物質數不錯。星期日，見附近酒樓都無位，不如嚟依到試試，應該唔差掛！依隻華茶館香片，不是普通下價貨，係大片茶葉來的，雖然我唔知點先係一杯頂級嘅香片，不過至少佢係又香又比飲再來鮑汁鳳爪，個汁好味，不是死咸，鳳爪也入味夠林小籠包，同集團式叮叮小籠包冇得比，如果皮可以再薄少少重正牛肉球係最有驚喜嘅，相信係自家製，少少彈好有肉味及陳皮味。多汁生煎包芋泥燉奶，唔會太甜嘅芋泥下有滑滑燉奶👍🏻高力豆沙👍🏻2個人食左$260左右，有舒服海景卡位，環境好唔太嘈。食物種類例如腸粉選擇不多（只有兩款），希望遲下會有更多款點心。

花生大半碟得一點點雞丁，又鹹好差👎2016年11月20日晚，兩公婆去食晚飯，侍應帶左我們坐窗邊位，最後埋單先知道茶位收$25一位，問過後得知，有海景茶位貴點，沒海景茶位是$18一位，

“海馬哥”剛走的第二天就約上一幫友出來食飯，今日來到我屋企附近上環信德中心西翼的望月軒試川菜，其實，我一直對香港川菜館就沒有太高期望，總感覺少了一點什麼，但這次望月軒徹底改變了原來看法，懶散的我也開始寫食評，真心希望介紹給老饕們分享。~小食：川式棒棒雞 $108，賣相非常吸引，雞肉入味又不鞋，竹筍墊底清爽健康，香氣四溢！~主菜：飄香鮮花椒牛肉$198，清清爽爽的麻辣，不油，不膩，新鮮青花椒的麻味讓我的舌頭有跳舞的感覺，川菜就該如此                 魚香肉絲$168，泡椒味十分濃郁，酸辣搭配恰到好處，正宗；（經理推介的私房菜，菜譜上沒有）                 麻婆豆腐$88，用青銅鼎做餐具，賣相就加5分，味道麻辣鮮香，樣樣做足，又能KEEP住溫度，難得的一道好菜，簡單中見功夫，必須點讚。~主食：瑤柱蛋白炒飯$108，心形造型，鍋氣十足，飯粒乾爽，配料豐富，標準廣東菜，這個餐廳的廚師到底是四川師傅還是廣東師傅？~甜品：桂花南瓜粿，非常精緻的一道甜品，應該不算是四川菜吧。侍應生服務熱情，不停地加水換渣碟，窩心的享受！今次是我寫食評用字最多的一次，啰嗦了一點，這確實

門口裝修ok, 但門口知客態度超趕客. 等了20分入內, 點了小籠包, 燒賣, 豆沙窩餅, 蛋白炒飯,酸辣湯, 葱油餅. 整體感覺完全中伏. 炒飯涷冰冰, 找經理投訴, 她說了一句"係呀"就走開, 再叫又不理. 酸辣湯又一股辣油味, 小籠包超咸, 其他點心ok. 埋單每位hkd130.

呢間餐廳位置雖然偏僻, 但靜中帶旺, 位於上船去澳門個碼頭隔離, 澳門廣場入面. 啲夥計態度良好, 招呼殷勤, 不時問我哋有冇需要。 成枱都係餸 6個人食咗$2300 水煮貴花魚- 望落好似好辣, 其實唔辣. 最重要係佢冇骨!😍 同埋個底有"厥粉", 好入味 😍😍😍 樟茶鴨 - 有包比你一齊同鴨 一啖鴨一啖包 咁食, 冇咁油。好細心💕 蜜汁火肪 - 自制哈哈笑 😂😂😂 最後甜品叫咗酒醸丸子, 唔記得影相。一上臺就有好香嘅鮮桂花味。丸子味道遍淡, 唔會好甜。👍👍👍

信德最近開咗堆新舖，有好幾間食肆，早前同事見到有興趣，今日約埋一齊去試。睇餐牌大致係湘川滬菜，價錢比同業貴些小，亦有做午市套餐，二人前$218三樣餸，跟白飯，湯同甜品。可能因為新開張冇耐，碗碟非常乾淨，服務亦很妥貼。我地一行四人叫咗個二人餐，加多兩碗麵同一個小菜:鎮江肴肉 - 口感比食開嘅冇咁啫喱，肉絲份量多啲，明膠較少。毛血旺 - 湯底麻辣有勁，香辣惹味，大腸跟栢葉都好入味，唯豬紅味道欠奉。可以叫個陽春麵撈呢個湯，一定正!小籠包(四隻)- 湯汁好足，而且不羶不膩，肉餡冇實的的，不錯嘅小籠包。擔擔麵 - 有辣味，香料味亦足，唔會俾花生芝麻味蓋過哂，湯滑而不稠，入口順喉，係香港少見嘅質素。嫩雞煨麵 - 呢個有驚喜，普遍餐廳麵質會好稔，麵跟湯混為一團黏糊糊咁，呢度嘅麵吸到湯汁嘅雞香之餘，仲唔會稔到爛，青菜配搭佳，係色香味俱全嘅煨麵，難得!新疆孜然炒羊肉 - 呢個拎到近枱已經聞到孜然嘅香味，羊肉軟嫩唔太羶(有羊應有嘅羶味)，惹味非常，餸飯一流。隨餐奉送:瑤柱粟米羹 - 味道平平，有少許瑤柱味。椰汁糕 - 一般啦，椰味都夠，如果加啲淡奶去造，味道會香啲濃啲，不過勝在唔太甜。臨走時個知客問我地啲

一個悠閒的中午相約好友一同到望月軒午膳好友貼心地預先訂了廳房方便小晴晴走動,甫進房間便看見這仙鶴神針的擺設腦海即時浮現"V混混"的畫面哈哈^0^望月軒主打上海,川菜兩個菜系都喜歡的我蠻期待呢^0^奇怪是否身在信德所以看著地上那磚飾竟有到了賭場的感覺!!看著大海用餐心情特別舒暢即時覺得好肚餓呀!!先嚐涼菜花雕醉雞$128雞件皮爽肉滑吃著花雕酒味慢慢滲出來味道醇香一個十分好的開始呢 ^0^麻醬油麥菜$78翠綠油麥菜被清爽青瓜包圍咬開更發現中心藏有油麥菜頭令整體鮮嫩爽脆不少,淋上麻醬添香吃得我萬分暢快呀!這個菜一定要試下自己做先得^0^成都耗子洞樟茶鴨$168/半隻較我吃過的樟茶鴨鬆化而且煙燻味挺香味道確令人難忘^0^宣威蜜汁火肪$188中國三大名腿之一的宣威火腿色澤嫣紅肥瘦均稱配合脆片及包子同吃鹹香甜蜜在嘴裡游走滋味非常~水煮桂魚$288端上檯時香氣不俗份量頗大墊底用上黑色的喬麥麵較為特別不過個人還是喜歡薯粉多點~野生淮山扒時蔬$98淮山肥美爽脆口感一流可惜配襯我不愛吃的小棠菜可幸有CEO拔口相助將之吃光光麻煩晒^0^甜品時間喇高力豆沙$62質地鬆軟而且輕甜我頗喜喔!!鮮奶合桃露$42香滑