望月軒

營業中

休息中

環境開揚闊落，仲有落地玻璃窗，個View好正。睇menu，餐廳主打粵菜和川菜，粵菜就常見啦，但喱度川菜的款式都好多，例如水煮魚和毛血旺等。可惜我食唔到辣，試唔到，都係叫返啱我地口味嘅嘢。點咗幾樣嘢，味道都幾出色。鮮菌蜜汁黑豚肉：黑豚肉食落滑嫩，無豬肉騷味，配上鮮菌四季豆食，香甜可口。桂花帶子韭菜苗煎蛋角：帶子韭菜蛋餅喱個組合第一次見，韭菜清香搭配帶子嘅鮮甜味道唔錯，底仲鋪咗一層瑤柱乾，配埋食口感更豐富。鮮粟米番茄炒飯：番茄本身會出水有可能整到飯濕軟，但呢個食落粒粒分明仲乾身，唔錯。板燒牛柳粒：最愛喱個餸，牛柳粒好軟淋，又Juicy。整體而言，食物質素確係唔錯。會再嚟。

Lunch去咗上環飲茶，係阿媽話去呢間酒樓嘅，佢話之前同佢D朋友去過，覺得味道都幾好，價錢又ok，所以諗住再同我哋去食點心。酒樓喺商場入面，都唔算太難搵，只係去上環有D遠。入面唔算好大，不過有海景，相信都係其中一個亮點。好彩唔多人，都有空枱可以即刻入座。流沙包係豬嘅造型，內裡嘅餡做得幾好，真係好流，唔小心食真係會滴咗落身。鳳爪我無食，不過阿媽話煮得好腍亦到好入味。蝦餃大大隻，外皮晶瑩，入面嘅蝦肉都爽口，配少少辣椒油最好食。咸水角煙韌；炸蝦多士好香脆，炸物都唔錯。如果有機會都想去食晚餐，試下川菜味道如何。

剛好在碼頭附近放工，就約了老媽子去商場唯一的中菜館吃晚餐～餐廳景色不錯，可以飽覽維港海景；入門處放有酒精，全部員工亦有戴口罩，防疫尚算不錯。——————————🔹四川回鍋肉 $138回鍋肉一向是我的最愛，但這裏的同平時的不一樣，少了椰菜，但多了大蔥，所以相對較香～可惜調味較鹹，較重口味🔸手拍青瓜 $58/份原本以為手拍青瓜是酸酸辣辣，沒想到上菜的是不辣的蒜蓉version...味道清爽，配上回鍋肉一齊食就剛剛好！

之前一路黎信德碼頭都冇留意到3樓開咗個澳門廣場。入邊有好多間細細間嘅餐廳，包括呢間比較大間嘅酒樓，景色非常優美，睇到無敵大海景。我今日嚟到中午唔算人太多，唔需要等位就可以入座啊。呢度嘅點心選擇，最吸引我係有呢個流沙豬仔包（$38）。有一個豬嘅樣係上面，入邊嘅流心亦都唔野少，一咬又有爆漿效果。另外叫咗一個瑤柱賽螃餃（$38）。比我想像中足料，入邊嘅蝦份量同埋出邊好多蝦餃差唔多，仲有啲冬菇同埋蟹籽，當然仲有賽螃蟹嘅蛋白啦。最後就係響鈴牛肉球（$38），大大件，夠晒飽肚。肉質鬆軟。呢度午市茶位$16一位，我叫普洱亦都好香，好有茶味。每張枱上面都有紙巾，夠晒衛生。呢度嘅裝修亦都係較高檔，服務員亦都好有禮貌。

今日同朋友去了澳門一日遊回程在信德中心 打算一起吃完個晚飯走着走着就行到了這間餐廳內裏裝修不錯 坐得很舒服 枱與枱之間不擠塞這兒是吃川菜和中菜為主由於朋友身體不太舒服不能太吃辣的東西就叫了賽螃蟹 $88 和脆米海皇泡飯吃 $158菜式很快就上到 賽螃蟹比想像中大份附上醋混合一起吃 還有一些蟹肉 增添口感和鮮味海皇泡飯 湯底清清的有紫菜 蒽粒 帶子等等調味 附上脆米令到口感更加豐富一大窩可以分成八碗左右 吃完後侍應還附上桂花糕作甜品 桂花糕不甜大香氣 非常滿足的晚飯這兒價錢雖然不算很便宜但是侍應態度非常好食物份量大份作為家庭聚會也相當不錯

每個月都忍唔住要食一次。非常野味！然後有咕嚕肉，萵筍，同蔡螃蟹都十分正宗。蜜汁火腿更是一絕。外賣份量都沒有欺場，和堂食一模一樣嘅質素，咕嚕肉送到還是鬆脆的。絕對是一間值得讚揚的食肆。

次次臨去澳門上船前都係食快餐， 但有時 早咗去碼頭時間又多 ，就想食番一盅兩件飲下茶。 今次 同屋企人過大海 ，就去咗信德碼頭的望月軒 ，一家大細食返幾件點心先至上船。望月軒喺信德碼頭同層最盡頭。 最正係酒樓食盡咗上環的海景景色， 可以一邊食點心一邊欣賞海景。 而且地方寬敞， 人多都唔會逼澀。野生松茸燒賣王餐廳最近賣緊茶樹菇同埋一系列嘅乾菌， 當然要叫返 籠野生松茸燒賣王。松茸菌肉肥厚， 具有香氣，而且加上松茸菌的燒賣，多了一份清幽的香氣，較蟹子燒賣更高級，味道甚為鮮美。瑤柱賽螃餃瑤柱賽螃蟹餃一客三件，賣相精緻，蝦肉勁大隻，爽口彈牙。而且餃皮做得適中， 不會過削，也不會太厚。蠔皇叉燒包叉燒肉燒得軟嫩多汁，老麵皮鬆軟綿拋,爆肚不漏餡。內餡蜜汁叉燒肉調配的甜鹹適中，兩者口感完美結合，吃上一個讓人深深著迷。鳳爪排骨飯即叫即蒸，飯蒸得夠乾夠挺身， 而排骨和鳳爪也沒有雪藏的味道。 白飯索盡了排骨的肉汁，味道一流，加豉油食簡直一絕。芒果布甸有香滑濃郁的奶味。 最重要係芒果粒勁多，酸甜清香，充滿香濃的芒果， 清新不膩。

平日因工作關係經常港澳兩邊走，返到香港既時間已經夜晚七、八點，所以有時候係港澳碼頭既「澳門美食街」食飯，自己比較喜歡街尾既望月軒，而今日就同女友去望月軒「飲嗰茶，歎嗰包」。- 炸蝦多士多士兩邊釀上芝麻再乾炸，芝麻香出晒黎，味道香口之餘唔油膩。入面餡料係蝦膠，不過個人希望餡料再厚啲。- 煎蝦米腸粉腸粉煎得夠脆，釀上甜醬麻醬已經好惹味👍🏻。- 原籠馬拉糕質感幾鬆軟，食落唔黏牙，蛋味幾香。- 香煎蘿蔔糕蘿蔔糕係我飲茶必叫既點心，每間酒樓既蘿蔔糕味道大同小異，最緊要係唔好一夾就散同好粉，望月軒既蘿蔔糕完全冇以上既問題。- 瑤柱賽螃餃入面有瑤柱絲、冬菇粒、粟米粒等等，口感豐富，不過唔係好覺賽螃蟹既存在😅。- 四川擔擔麵麵條相當幼細，湯無咩麻味，份量適中。總結而言，除咗一般點心外，望月軒亦提供四川美食。價錢有啲貴，不過食物質素對得住呢個價位，服務亦非常殷勤。

😋 No. 406 香港 | 望月轩 📍: 上環干諾道中168-200號信德中心西座3樓澳門廣場3017號舖🔹信德中心里面蛮多吃的，总体的质量水准也都不错，而且种类也比较丰富，从快餐到茶餐厅，再到拉面咖啡店，泰国菜川菜早茶应有尽有。🔹公司在附近，所以利用地理位置优势最近一直在这一带晃。特殊时期想吃一点口味重的，就找到了这个川菜。但考虑到新年来临卡路里会随之增加所以还是克制了一下。🔹店面不算难找，不要跟着谷歌地图走，会把你走晕，直接从地铁A2上信德中心，店内环境宽敞，有软座，其实很适合商务聚餐。🔸椒盐豆腐(菜单上的名字是黄金豆腐）: 一个人吃的话分量刚刚好，豆腐外皮酥脆，里面又很多汁，外皮虽然过了油但不油腻，第一口下去也不会过于烫嘴，椒盐的分量掌握的刚刚好，调节味道的作用非常完美。🔸担担面：一人食的分量，汤底感觉加入了火锅料，但总体味道是还不错的，上面的肉末和葱花很好的起到了锦上添花的作用，面条虽然不是传统担担面的面条，它乘白色透明状，不易断。💰：HKD 150-200，口味8/10，环境9/10，服务9/10

跟爸爸都在中環工作，但只有閒日中午時間有機會見面，每次都想讓他吃得合意、坐得舒適。爸爸喜歡嘆「一盅兩件」，但可惜中環的酒樓和食肆在午飯時間都十分擠迫嘈吵。怎料爸爸竟主動推薦這一間位於信德中心的「望月軒」，他主動說出的必定是他喜歡的，那我當然要跟他去啊！他大力推薦說「望月軒」的面積不大，但環境開揚，位於香江維港畔，以海為鄰，在中上環有這樣環境質素並且平民價的酒樓實在少有。原來爸爸是這裏的下午茶常客，今次我就跟他來嚐一個正價午市：（正價時段：茶位$16，小點$28，中點$38，大點$48，頂點$58）職員安排了一個半圓形的沙發座給我們，坐得十分舒適，而且職員十分有禮及貼心，為我們附上濕紙巾。兩個人點了五個點心和一個甜品，全部都是爸爸喜愛的。《蟲草花棉花雞 大點 $48》棉花雞加上了益身嘅蟲草花，雞肉很嫩滑，魚肚軟綿，冬菇吸汁好吃，整體沒有一般的油膩，不錯。《百花釀魚肚 頂點 $58》蝦膠鮮味彈牙，魚肚大件軟熟又吸汁湯，不用再另蘸醬汁都已經夠惹味。《響鈴牛肉球(三件)中點 $38》牛肉球軟腍適中不會太鬆軟，牛肉混有蔥和馬蹄粒，令口感又爽、味道更香，再蘸上喼汁令牛肉味更出。《蠔皇叉燒包(三件)

昨天晚上我家寶寶擺百日晏，服務員服務態度超級差😤又冇禮貌😰食完都只係晚上9:15，就像趕收工，講真食品很美味，但有這樣的員工😡就算厨房煑得幾美味🤤都不會再來…

望月軒琴日睇醫生啦附近睇完醫生，湊住呀仔又無咩胃口，勁想食辣野，所以就喺附近搵咗呢間有得食粵菜同埋川菜嘅酒樓～ 我哋叫咗三個餸：鮮辣爽脆肥腸，佢哋真係用新鮮鵝腸黎整，而家好多地方都冇，而且味道都好好，連伴碟嘅芽菜都好正！鮮花椒安格斯牛肉，牛肉肉質唔錯，很嫩滑，底下有萵筍同粉絲，吸咗啲湯一齊食仲好味！最後叫左個唔辣嘅餸比呀仔送飯，蒜香芝麻脆皮雞，皮脆肉嫩，咸淡適中，唔錯！最後值得一讚係佢地個前菜小食好特別，好似叫螺筍之類，有好香泡椒味，非常開胃，另外碟魚仔花生都好香口新鮮無益味。整體服務都唔錯，而且有coupon送，下次會再去試其他野😋👍🏻👍🏻

偶然發現上環信德中心一間好好味既川菜館我好中意食辣，所以呢間絕對係食辣既好地方。酸菜魚唔會特別辣，但係好好味。星期五夜晚食晚餐，人較多，環境nice，下次一定再來。

有段時間沒食到正宗的四川菜了，今日放工約到朋友聚會終於上環食到好好食的四川回鍋肉！！Yummy！！本人最鍾意的一道四川菜，餸白飯一流👍👍有啲油膏但不膩。但食完又得做多輪Gym啦

海景view，空間寬敞，環境清淨，最關鍵的還是菜品的味道太巴適了吧瞬间从维港到了四川的感觉！招牌的冷鍋魚果然名副其實，兩個字：必點！點它點它點它！驚喜的是裡面還有超級入味的蕨根粉！簡直是讓人無法拒絕吖！毛血旺就兩個字：地道！地道得都覺得有點被辣到了哈哈！里面的配菜也很地道，有传统的四川宽粉，不要太好吃吖！這盤回鍋肉就更神奇了，一桌人轉了半圈之後就只剩下蒜苗了，後面的小夥伴們都不知道出現過回鍋肉這道菜！