木玥巷 (已結業)

今日嚟到朗屏，平時好少過嚟呢頭，完全唔知有啲咩特色餐廳，咁岩行吓行吓經過見到呢間餐廳，個價錢非常親民，決定過嚟試吓。桂花梨黑醋骨呢個黑醋骨半肥瘦，而且黑醋味好濃郁，酸酸甜甜，而且個肉質好林身，配埋個飯簡直一流，食多幾件都唔怕漏。鹽酥雞每一舊個份量都好大，而且外皮炸得好脆，雞肉都好嫩滑，唔洗沾醬已經好有味道了！黯然銷魂安格斯滷肉飯老玉係由安格斯造成的，每一單都充滿着肉質嘅香味，配埋流心蛋黃，簡直係呢個飯嘅精華。而且側邊啲配菜有泡菜，酸酸地，中和返滷肉嘅鹹味。

木玥巷wooderful 元朗台式小店😋元朗好多唔同嘅小店，今次去咗呢間係食台式食品，叫咗三款食物包括：台式三杯雞 $80 呢個三杯雞好好食，雞肉超級滑身，咬落去啖啖肉，醬汁亦調得很好，配飯一流。蟹肉金絲炒新价米粉$98 呢個炒米粉其實都好食，但性價比一般，可見只有蟹肉與炒米粉，配餸唔算太多。木玥招牌水果茶$42二人份量的水果茶😋好多唔同水果，感覺很新鮮，味道都不錯，酸酸甜甜的。木玥巷 (元朗)元朗媽橫路9號富來花園地下17-18號舖

二訪木系台式餐廳朋友入屯元指明要食🤭.🍜木玥招牌紅燒牛肉麵 $98牛骨味仲係咁香濃 但都係唔夠紅燒牛肉 牛展 牛根十分軟燸 仲有百頁吸哂D湯紅白蘿蔔都好入味麵係有口感的.🍛香葉蕃茄肉鬆炒飯 $82呢個有少少泰式feel加埋青檸即時提升香味肉鬆mix埋一齊 十分惹味.🍳鮮蚵煎蛋 $90超級多同大隻的鮮蚵唔會腥 十分喜歡呢款煎法煎到好香同個邊邊係焦焦地架.🍹木玥招牌水果茶 $42上次已經想叫的水果茶個底係西柚汁 仲配有不同的水果大大杯 好抵飲.🧋黑糖茉莉花冬瓜茶 $34冬瓜茶本身都會幾甜 但加埋茉莉花茶整體balance返.📍木玥巷 Wooderful📌元朗媽橫路9號富來花園地下17-18號舖

呢日同爸爸晏晝食lunch，喺元朗買完嘢順便就嚟到呢一間朗屏站附近嘅「木玥巷」，木系裝修，座位都寬敞，店員態度友善親切☺️*紅燒牛肉麵 $72*牛展超厚，3大塊，入口軟腍，仲有大大舊、無渣嘅紅蘿蔔&白蘿蔔，湯底唔係味精嘅死咸味，少少鮮甜味，仲有一小碗酸菜，似十足係台灣食牛肉麵。面底係小粗身，軟硬度適中*干貝醬海鮮炒飯 $94*呢個炒飯嘅價錢雖然小貴，但係蝦粒、帶子粒都算多，仲有菜粒增加口感。炒飯夠乾身、粒粒分明，有鑊氣！*澎湖花枝蝦餅 $38*比一般嘅炸蝦餅好食，入面除咗有蝦滑之外，仲有粒粒有咬口嘅花枝*金沙宇治抹茶奶泡 +$28*奶味比較重，但係又唔算太甜，面頭仲有忌廉，同一粒金沙*招牌水果茶 +$32*勁大杯，西柚味好fresh，我鐘意呢杯多啲，感覺抵飲好多😍

上次去另一間店時見到呢間木系嘅台灣菜,一直都好想嚟試~難得另一半問要唔要出街食飯,又揀中呢間,當然好啦💗💗💗!其實食過永康街牛肉麵之後,我真係覺得所有牛肉麵都不算甚麼😋~呢間嘅湯底當然無永康街咁正,但都飲到牛肉嘅香濃感覺🐂🐂而佢嘅牛𦟌同牛筋都真係幾無敵!牛𦟌厚身得嚟係完全燘得勁腍,一入口就化🐮而牛筋亦好軟,係連最中心咬落去都軟熟的~呢個蒜香蟹肉帶子炒飯幾香口,而且蟹肉同帶子都足料🦀~但如果去得食台灣嘢,我唔會浪費quota食炒飯😂😂我第一次食宜蘭三星葱餅係喺日月潭,哥個三星葱香真係好令人回味🥙~呢個宜蘭三星葱餡餅都煎得夠香脆~但因為餡料有肉又有葱咁,葱味唔夠突出~不過入面都仲好juicy,整體而言唔錯~呢間店離開大街或者市中心有啲遠,但為咗食佢嘅牛肉麵都係值得嘅~下次我諗我想試下佢啲小菜,又有三杯雞🐔又有金沙蝦球🦐,勁吸引!

桂花梨黑醋骨 $90老實說有令我驚豔的感覺，原本印象中糖漬水果應該很甜，但桂花香恰到好處，為水分充盈的梨加了不少分數，黑醋骨果味亦同樣突出，嚐到醋香完全沒有攻鼻的酸，在冷氣下放了一段時間仍熱烘烘，它酥脆的外皮帶點肉，連吃下整條軟骨也沒問題。香葉蕃茄肉鬆炒飯 $82食一口像家常便飯，半熟蛋卻是神來之筆。因為香葉，它更似一道東南亞菜式，但在平淡中你會找到屬於它的水準。飯炒得乾身不油不焦，正合我意；配料是台灣肉碎、蕃茄蛋，擠一圈的青檸汁，讓人既開胃又果腹。台式擔擔麵 $62未夾起已經聞到濃郁的花生味～湯底有微辣的味道，單單是蔥花肉碎跟花生碎伴麵，體會到簡單就是幸福，整體來說，麵條的質感偏軟腍和十分掛汁，不愧為店家推介之一。木玥招牌水果茶 $42水果茶是木玥巷的王牌，就算食物再普通，特飲絕不令你掉眼鏡！它的容量高度拍得住一旁的水瓶，西柚片、菠蘿及雪梨粒，當然還有青檸，清爽程度你會以為加了梳打，其實不然，它是只是令你一試愛上、可口的冰茶。白桃寒天多多 $34白桃不一定配紅茶，跟益力多亦十分相配，乳酸味十足，這款飲品也是回頭款，值得再試。

昨日在朗屏站附近搵食，見到呢間食評唔錯，入去食咗個下午茶，念念不忘佢哋嘅鹽酥雞。今日朋友約食飯，好橋竟然推薦呢間！毫不猶豫，一口答應，再戰鹽酥雞！聽講間店由前半島酒店大廚開嘅，全落地玻璃，靠玻璃都係1-2人高枱，從外面睇感覺好Chill。紅燒牛肉麵（$72）牛肉厚度適中，肉質幼嫩，湯底滲透淡淡的藥材味，非常順喉，麵條略嫌唔夠彈牙，但都好唔錯。蟹肉金絲炒新竹米粉（$98）炒得乾身，有口感，金金黃黃，幾好味。鹽酥雞（$54）幾乎每枱都點，大大件，好脆好香，咬落去嚓嚓聲，肉嫩多汁，配柚子醋減輕油膩感，應該係食過最好味的鹽酥雞！澎湖花枝蝦排（$38）食到一粒粒的花枝，彈牙有口感，但就食唔到蝦味，比花枝搶咗味道，味道一般。帶子蝦肉炒飯（$94）好多帶子和蝦，炒得好香，但分量都幾多，食唔晒，要打包返屋企。水果茶（$32杯）招牌水果茶，柚子味，甜酸甜酸，飲到唔想停。黃金果茶，好多菠蘿果肉，散發菠蘿的芳香，好飲。

《不負責任食評—木玥巷》評分：🌕🌕🌕🌕總評：木玥巷食左好幾次架啦以往都係食牛肉麵/擔擔麵多，對佢印象都好好👍🏻🥰就算叫外賣質素都仍然唔錯今次就試一直唔捨得食既蟹肉炒米粉成舊水食炒米粉講真都幾貴米粉炒得乾身，亦係用台灣個款新竹米粉但可惜蟹肉同配料都唔多，就算有蟹肉都係好碎🤯味道亦無乜特別 真係唔知點解會值成舊水😓鹽酥雞就好有台灣味一如概往地好，酥脆、juicy、嫩滑😋如果我係第一次食木玥巷，又叫著呢個米粉，真係會嬲嬲地🫠但因為情感分+佢平時啲野食真係唔錯既我都會繼續幫襯佢 亦唔會比太差評價佢只係永遠唔會再叫佢個炒米粉😓

長期門口有人：一定有什麼吸引之處，主打台式午飯。紅燒牛肉麵 $72.00三大塊牛𦟌🐮厚厚的睡在我的麵上面，入口一咬即開，要不是有麵在下面承托着可能已經牛沉盤底，滷水汁亦做得不錯，最喜歡吃一起放盤的涼菜。香葉蕃茄肉碎炒飯 $82.00 帶有酸酸的泰國色彩，台式炒飯，火🔥喉夠上桌的時候還是熱辣辣的，上面加上一隻靚靚太陽🌞蛋🥚🍳，又飽好吃。推✨蜂蜜冰烤地瓜 🍠$48. 00 地瓜控人士揮手區，地瓜煮得又軟又棉，入口帶有蜂蜜香，有益腸胃，想高纖維，又懶得吃菜，又想有甜野落肚又怕肥的人士可點。木玥巷招牌水果🥭🍉茶 $32. 00 😂😂勁量裝大大杯水果茶，經濟過出外面買，性價比極高，味道亦讚❤️❤️，西柚味基調，甜度適中，當中還有熱情果得多種口味的水果🥭，好睇又好飲。🌝最衰飲唔哂，蝕底胃。芒果🥭寒天多多 $28. 00杯子十分有特色是一隻動物造型非常可愛，寒天量多，有咬口粒粒分明，味道好，感覺似新鮮芒果🥭清新夠大杯。環境：地方大，🧹打掃得乾淨，雖然是兩個人，餐廳都安排了四人位給我們，不用跟不認識的人尷尬坐，又有地方放私人物件。中午時間好快滿人，但不算吵鬧，約朋友吃飯聊聊天都合適。服務：出餐時間快，店員

木系台式餐廳連下午茶時間都好多人證明食物質素都幾高花枝丸+鹽酥雞上枱就聞到好香食落粉漿好薄脆略嫌會有少少咸胡椒味都幾重吓鳳梨糖醋咕嚕肉飯食落好有咬口酸酸美味夠開胃食多啲飯都個得原本都擔心會好甜好彩個汁調得好好招牌水果茶大大杯上枱水果份量好足混合幾款生果夠解渴最好2個人分享飲

此店位於朗屏站附近，西鐵站步行3分鐘就到，店內是木系風格，主打台灣主食，重點是由前嘉麟樓廚師主理🤩。🍴紅燒牛肉麵$72牛𦟌肉四大塊！有成1cm厚！筋位有黏口口感😍肥瘦均勻！入口軟淋柔軟！果然係大廚出品！湯底牛骨湯底非常清甜，帶有藥膳味道，飲多幾啖湯都唔會口渴，最特別是加入黑糖，令湯底更加鮮甜而不漏！麵質是粗身麵，偏軟。湯底內有入曬味既紅白蘿蔔！也不忘旁邊我小配菜，有酸菜和柚子汁醃地瓜，非常開胃！🍴酥炸排骨飯$64一上枱已經好香噴噴！鹽酥排骨全部都係肉，已起骨 ！超大塊！炸得鬆脆又juicy! 小配菜也有柚子汁醃地瓜！🍴宜蘭三星蔥餡餅$36爆汁的蔥油豬肉餡餅！一咬落已經爆汁，要小心啲食，餅皮薄，蔥香和豬肉味道好夾！🍹招牌水果茶$32（少甜少冰）由西柚和百香果和多種水果混合而成的水果茶！茶底香但又不會搶過水果的鮮味！不是一般死味的水果茶！清爽又帶水果鮮甜味！解渴消暑，而且超大杯！🍹木玥柳橙汁水果茶$32（少甜少冰）由柳橙汁和百香果等多種水果調配而成，維他命C豐富！茶底香也是解渴之選！📍 元朗媽橫路9號富來花園地下17-18號舖

台灣餐廳係香港好多選擇, 但價錢親民又好食的確唔容易既事！😮‍💨今次黎到朗屏站附近既木玥巷, 睇網上介紹主打台式小食, 一於黎試試！😄1/ 香葉蕃茄肉鬆炒飯 $82炒飯加上香葉十分香口, 而且粒粒分明, 粒粒入味, 好快就食完🥹2/ 桂花梨黑醋骨 $90黑醋完全滲入骨內, 滿滿嫩滑既肉, 齒頰留香😊3/ 青花椒凍墨魚仔 $54超！級！抵！$54有成10件, 仲要粒粒大大件, 花椒惹味, 墨魚仔爽口😋4/ 白桃桂花烏龍清茶 $34清香既烏龍茶, 解除濟口感覺👍🏾5/ 木玥招牌水果茶 $42見現在好多客人都有叫, 大大杯水果茶, 傾計一流👍🏾整體食物CP值高, 員工有禮貌👍🏾

-{元朗出色台灣菜🍜}🤤 木玥招牌紅燒牛肉麵 🤤 ($98)湯係淡啲但又好香牛肉味😍特別鐘意佢嘅牛𦟌好厚肉又夠腍🤓嚿牛筋都好腍😛充滿住膠質😋而個麵質比平時嘅幼身 好足料😌👖褲評: 8.3/10🤤 黯然銷魂安格斯滷肉飯 🤤 ($88)安格斯黎做滷肉第一次試😇食落冇平時嘅咁油膩嘅好容易就撈到飯 飯質軟硬度適中☺️而滷水味好濃郁😜中間仲丌黯然固然有隻蛋旁身啦！不過隻蛋熟咗少少 不過有啲流心又夠脆邊🥳👖褲評: 8/10🤤 台式炸物拼盤 🤤 ($58)有甜不辣 菇 豆 同埋3大件炸雞👍炸物幾乾身脆口 仲有啲鹽酥粉☺️另外個醬有啲柚子香又甜甜地咁好易入口😙👖褲評: 8/10值得一提個琥珀合桃超正！！好開胃嘅小食😋依度野食都好正😉一定要黎試下😎性價比: 8/10服務: 8/10環境: 8.5/10🚩 木玥巷 🚩地址: 元朗媽橫路9號富來花園地下17-18號舖屯門井財街7號力生大廈地下4-5號舖#fuudjai #fuudjai台灣菜 #fuudjai屯門 #fuudjai元朗

一坐低俾咗碟腰果我哋，好香脆，有得一包包咁買！嗌咗兩杯水果茶，一杯菠蘿味一杯西柚味，估唔到咁大杯，好驚訝😂特別推介炸物拼盤！一上菜就聞到好香嘅椒鹽味，甜不辣、菇同埋豆都好好食，炸雞好大嚿！配上特製醬汁，酸酸甜甜令味道更加豐富👍🏼三杯雞嘅汁好特別，食落好甜又有少少辣，啲雞好嫩滑，送飯一流！紅燒牛肉麵湯底唔會太重口味，食完唔會頸渴，份量十足！最後埋單都幾平，呢間餐廳食物份量好足夠，性價比很高！

木玥巷一直都好想試呢間台灣野但住得太遠都無機會食今日咁岩經過 終於可以試叫左牛肉麵 炸地瓜 仲有百香果野飲個麵既擺盤好靚！啲湯底都好好飲！牛肉唔柴炸物都炸得岩岩好！野飲都好大杯 凍冰冰好解暑！