札幌拉麵屋

營業中

休息中

在留言傾傾下，又搞了一個即興的午飯小聚。今次出席的有BusyBee MM1970同我，約了十二點半在北角的札幌等。遲了十多分鐘來到，人客不很多，但亦如常的都有兩檯日本人。先來的是凍麥茶，原來這裡冷熱也有得供應，吃熱辣辣的湯麵，當然是凍的幾時都正好多。三個人，叫了兩碗麵及三款小吃的套餐，另叫一個和風冷麵。先來的是幾款小吃，是我們選了的什錦串燒、煎餃子及海鮮沙律。什錦串燒全部是鹽燒，有冬菇、雞軟骨、長蔥同雞翼，味道普遍有水準，夠冶味又香口，其中以長蔥最正，雞軟骨都不差。如果不是仲要返工，叫支久保田同MM兄飲番杯就正；煎餃子六隻，一人兩隻剛好。味道都不差，稍縑是過份油了一點，乾身一點更好；海鮮沙律幾多料，有蝦、蕃茄、生菜、青瓜、八爪魚等，酸酸甜甜的幾開胃。總括而言三款小吃水準不錯，而份量亦不因套餐而縮減，幾好；再來是和風冷麵，用一個大玻璃兜盛著，上面齊完整的材料，計有青瓜、蟹柳、蛋絲、叉燒、紫菜等，大堆頭而賣相非常對辦。吃落是酸多過甜，冷麵雖不太夠凍，但味道都好好。同MM及BusyBee傾開，在香港吃的日本冷麵，多是酸酸甜甜的，但我在日本吃到的反而以甜或辣為主，而辣的話是非常辣的；湯麵也來了

夏日炎炎朋友聚會, 成班朋友去食日式冷麵, 個冷麵汁做得唔錯, 甜甜地酸酸地, 幾開胃, 另外朋友點左5-6個小食, 其中海鮮沙律個汁教得幾好.日式燒賣十分鮮味, 其他小食試左燒雞泡魚, 炒草菇, 串燒等等, 味道唔錯.服務唔錯, 好有禮貌, 埋單約$130一位, 偏貴左d.

哩度大部份人講日文,亦有幾多日本人幫襯.好彩待應識廣東話. 餐牌上只有拉麵, 餃子,少款飯及菜.可以話係專門賣拉麵. 其實拉麵只有幾款,但係好好味, 份量又足夠.套餐拉麵加餃子4件只係HK$55, 抵過好多拉麵店呢!胃口細都未必食得晒.

以前曾來吃過，最近在這裡講得多有水準的拉麵，今日又心思思來吃。一時多來到人客是不太多，連我們在內都只有四檯。呢度佈置簡單又清潔，不算十分日本拉麵店的感覺，但勝在坐得舒服。主廚林師傅，是從日本回流的福建人，至流利當然是福建話，日文亦耍家，廣東話就還可以。樓面兩位女侍應，俱可說廣東話及流利日文，所以一向呢度都多日本仔幫襯，好似今日就只得我們是本地人而其餘三檯都係日本人。先來兩杯熱的麥茶，感覺上是冰水較爽一點。除拉麵外，亦有飯及一些小食如餃子等供應，一貫日式拉麵店的模式。呢度以札幌為名而以味噌湯底掛帥，都算正路。叫了豬肉拉麵同個札幌拉麵加炒飯套餐另加蔥。拉麵以中身大碗奉客，賣相都不俗。先渴味噌湯底，味道又濃又鮮味，是個很有水準的湯底。見師傅將配料及味噌同湯底下鍋煮過再淋上麵，單是煮法已對路；配料除了兩片叉燒外，亦有海帶、芽菜、筍等。叉燒鬆化又腍身，口感幾好。味道是偏淡味少少，配上濃味的味噌湯底亦不錯。筍很鮮甜，不愧是時令食品；已講過，麵是拉麵名牌西山，已是信心保證。如想像的異常彈牙，但相比湯底及叉燒只是配角；炒飯即叫即炒，熱辣辣。用上珍珠米，配料足，味道都好好，難怪除拉麵外亦係檯檯都有的食物

不嬲唔太欣賞餃子既我，試左一隻跟餐既煎餃子，覺得好好食。另外食左一碗"普通拉麵"，覺得好好食，食到我同個friend好飽好開心，我認為好食過橫崗同埋銅鑼灣總統戲院樓上既拉麵街。