札幌拉麵屋

營業中

休息中

今日陰差陽錯去左北角, 就決定去呢間拉麵屋試下冷麵, 與友人ORDER左海鮮沙律拉麵及冷麵, 餃子同蟹子沙律, 2個人食左4 個人的份量, 咁就知D冷麵真係有番咁上下水準。價錢又合理, 一定再有下一場。2個冷麵的材料都好足, 酸酸地, 好開胃, 而餃子係必食之選, 皮薄餡足, 不夠略鹹, 蟹子沙律都係水準之作。因為早去, 我同友人係晚巿的第一枱客, 所以侍應招呼好好, 再ORDER蟹子沙律的時, 個侍應都忍不住笑, 我諗佢好少見女仔咁大食。

雖然住係隔離,但係就一直都無試過呢間拉麵屋,今日終於鼓起勇氣入去試啦!入面的裝修好日式拉麵屋,好似日劇咁0既feel,好開心份menu好靚,全部都有晒相,張張都好靚,揀左好耐先揀好食乜牛油拉麵($48):諗住有牛油會香D,不過覺得碗麵唔算好熱,無我想像個種冒煙拉麵0既感覺,有D失望,我要左味增湯底,D牛油融左入去,真係幾香!不過湯有D少,好似飲2啖就無晒麵身幾煙韌,幾有口感,唔錯!不過叉燒太韌喇,唔係太中意吉列豬扒咖喱飯定食($55):媽咪叫0既,細細份,飯好少,咖喱係真係日式煮式,甜而不辣,好味!豬扒都炸得幾鬆化!送0既味增湯都幾好飲呀佢仲有6款set餐,$60/each,有拉麵+飯/煎餃,好似都幾好,不過今次覺得份量太多,會食唔晒,下次可以試下要讚下佢個麥茶!好香好好飲!超有麥味!比綠茶好好多呀!其實唔錯,幾好味,又唔算貴,而且環境好,不過我本身唔特別鍾意拉麵,所以俾個OK佢啦!

一直以來都會叫...set c ,但今天想食咖哩飯所以要咗b set 細細碟,但加埋個麵包飽. 咖哩飯好食嗎？好...或是說是對味才對吧,可口的是珍珠米,土豆與肉是冧冧糯的...去到日本的給食也是差不多的味吧! 但好味否,在乎自己. 夏秋間還是吃鹽拉麵對路,但今次真的咸了些...不飲那湯就是了(好在還有冰麥茶).麵條還是很好吃熱騰騰的,蔥更是我所好店家也不孤寒...多啲就真係有多啲.至叉燒...又是對味吧. 最感動的是兩年都無加價...重係66 .

其實睇食評一直都想呢間野幾好．．．於是叫左幾個ｆｄ陪我來食，原來ｌｕｎｃｈ　ｓｅｔ只係限係星期一到５，於是我就叫左牛油拉．．我個ｆｄ叫左ｃｕｒｒｙ拉．．．重有個叫左吉列雜錦個類野．．．．等ａｒ等，終於食到ｌａ．．．點解會鹹到咁．．．．真係我冇辦法忍受咁鹹的湯底．．．我兩個ｆｄ都話ｏｋ．．．一個個底係唔洗飲．．一個係飯．．．．我想我會再來，但唔會再叫拉麵．．．．ＰＳ：我唔鍾意佢ｄ茶的味．．．太特別

是日係星期三　，　一個特別的日子　，店中並不滿座！隔離怡坐著幾位剛下斑的日本中年男人　，叫到一枱Sake , 看得出是常客　！普通拉麵+煎餃子+炒飯+$80再加一除了炒飯外, 其他兩樣都好滿意　因為炒飯只係用隻醬油碟盛著 , 份量超少　，早知唔叫　，完全唔值我俾多２０　蚊　，都唔見得特別好食拉麵跟足店中牆上所建議　，8分鐘左右食完這個速度對我來説　，絶對有難度如果我一個人食一碗，一定須時起碼三個字以上碗拉麵唔係ｄ咩野特別口味，用料也時常見的筍　，叉燒　蔥頭　，昆布　湯的顏色奶白且濃郁　， 看得出唔係咪精所製造的效果怕肥人士可能會縑過多油份浮在湯上，但我就覺得好香口餃子的皮好薄　，咬下去一　，有濃烈的菜咪　但四隻餃子的火喉唔平均　：　有ｄ燶ｄ　，　有ｄ冇咁燶都係單獨叫拉麵好ｄ

18-6-08 (三)往書局街找王記糖水，想吃粥和糖水，沒有抄下門牌，找來找去也找不到。大雨下過不停，轉來轉去還是轉來這裏。吉列咖喱豬扒飯:這個一定不是好選擇，外層很厚，不鬆脆。咖喱也是普通，不夠香。拉麵＋炸雞蛋飯:拉麵沒有失望，炸雞蛋飯不過不失。茶仍然是好喝。

今次1st time write !見到呢間拉麵店好評如潮, so try try !間拉面屋,門口好有日本地道的味道,但一開門,可能裡面的磁磚牆好影響視覺感，好舊！拉麵賣相尚可, 但味道卻不敢恭維！入口覺得食緊一pet pet好淋嘅麵粉,ｄ义燒淡到無味道！又（鞋）！又無肉味！d湯就味精湯！超咸！食完好口渴！唔明why咁多人食！！ｄ嘢又貴！！！唔會再食！！！超難食嘅拉麵！！

本來打算到閩南小館，但為了趕下場宵夜，又掛著這裡的中華冷麵，打開熨門找個位置坐下。周末天，人客頗多，獨個來也有搭檯準備，反正是吃拉麵，熱熱鬧鬧的也不介意。這裡菜式都是些家常小品，十年如一日，獨個來簡單一碟中華冷麵好了。看著一家人合作打理的店子，如日劇的寫照（當然很多日劇都是參考現實的），小胖子比兩年前更胖，已懂得幫忙落單，雖有錯漏，但看傻呼呼樣子與客人談起拉麵也蠻可愛的。中華冷麵要等上一些時間，要吃冷麵耐性是須要的，四色的拉麵包括日式叉燒、蛋絲、蟹柳、青瓜、番茄，最中華風的該算是海蜇絲，吃過多間中華冷麵，就只有這裡吃得著此品。配搭方面，不甚喜歡冷麵中的番茄，水汪汪的茄難以切絲，切件吃起來也很辛苦，很喜歡青瓜絲，是配冷麵良品，若切得幼一點更好，少數堅持用西山冷麵的麵店，麵質自然不會差，亦花了功夫去走鹼味，伴以偏酸的麵汁，加點芥末，吃得甚是滋味，配上了幾條紫菜，替它添上了海鮮風，喜歡吃中華冷麵的朋友，這裡是個不錯選擇。

要係北角吃日式拉麵，小弟必然光顧碼頭對面嘅札幌，貪佢有日式風味之餘價錢亦相宜。水準當然不及中環嘅另一所sapporo，但這裏還是吃得過的。屈指一算都有大半年冇來過。是夜拉麵癮起，又不想花太多銀両，呢度自不然係最佳選擇...雖然極肚餓，理應叫套餐，有麵有餃子或donburi，仲唔夠飽 ? 但見天時極熱，不吃吃冷麵，更待何時 ?通常吃日式冷麵，配料大多係日式义燒，但是次見到有個叫海鮮嘅，好像頗特別，就來試試。話明係冷麵，先決條件當然係夠凍 --- 乘麵嘅碗要預先放入冰箱冰一下，麵亦要凉夠彈口。這裏嘅出品亦算合格；配料有蝦、魷魚及蟹柳絲，當然不少得大量紅薑絲及青瓜絲，加一點點黄芥辣更是必須。小弟一見到蟹柳絲當堂就眉頭皺la，不過蝦味頗甜，魷魚亦不會韌得像擦膠，已算收貨...小弟反而覺得失望的是普通湯拉麵嘅水準。試一口太座碗麵豉湯底，完全不對味，不夠濃，很淡，吃落似普通醬油湯底多一點(仲要係唔夠味嗰隻)；义燒淡而無味，完全沒有滷過嘅跡象；麵亦淥得淰了一點，點攪架 ?有點失望，希望只是一時失手la...

North Point is certainly a place for treasure hunting. Since this restaurant received so may good comments, I MUST try it.Went there on a Saturday evening with my sister and brother-in-law:Seafood Cold Ramen- Very fresh. The sauce was a bit sour, making the noodle very inviting. I was drooling when the plate arrived.Kyusyu Cold Ramen - Very fresh. Again, the sauce completes the picture. A wonderful dish to take in the hot hot summer.BBQ Port Ramen - okay. But the soup base is wonderful. With a c

13-5-08 (二)今次試燒鯖魚定食，以前在韓式店吃過不好吃，但資深食家曾讚這裏的燒魚，故放心一試。果然這裏不一樣，上次燒魚大大條，但肉質很腍，並無鮮味。這裏的鯖魚size適中，又鮮又香。另一份Lunch set 也很抵食，有一碗拉麵和一小碗吉列豬扒飯。麵和飯質量都保持得好，不會因為是 Lunch set 就求求其其。無論湯、白飯、前菜和茶，都不是一般茶餐廳可比，真是返工一族午餐之選，難怪午餐時段必定高朋滿座

靠近北角碼頭, 以前在這上班都不知道有這家地道拉麵店! 浦進店鋪, 找了個位置, 看了一回餐牌, 考慮了一陣子才點菜, 因為這裡有很多套餐, 不同拉麵可配飯或什麼的。最後, 我們點了一個套餐 (拉麵 + 豚肉飯) 和單點一碗拉麵。其實兩碗拉麵的分別是在於一塊牛油, 一碗有一碗無..... 先說拉麵本身, 麵亦頗彈牙, 不會是那些有皂水味的拉麵, 口感不錯; 湯底很好, 應該沒有太多味精的湯底, 有天然豬骨味; 义燒, 亦都很好吃, 不是那種一塊加工過的豬肉, 起碼吃上口是新鮮肉的感覺。整體都有7-8分!另外一碗豚肉飯, 雖是配角, 但男友很鍾愛她。我吃了幾口, 都覺得飯香好吃, 飯應是日本肥仔米, 口感很不同!! 非常的好吃!! 肥仔米再加上有味豚肉、洋蔥, 真的很不錯!! 男友吃了讚不絕口!! (可能他太愛洋蔥的關係...... )這間小店都蠻多日本人幫襯，客路給我不少的信心!!!

見到呢間拉麵店好評如潮, 而自己又係拉麵愛好者, 所以星期六專誠揸車嚟試吓! 去之前打電話問佢地午市收幾點! 負責接聽電話嘅女士態度好友善話星期一至五,午市last order 2:30pm, 星期六日last order 到3:30pm。3pm去到只有一枱食客, 店內裝修簡潔, 燈火昏暗, 有d牆紙脫落, 但整體感覺尚算企理。Order了2碗麵鼓湯底嘅札幌拉麵, 一碗無牛油($42), 另一碗有牛油 ($48), 再加一客餃子 (Oh, I forgot the price)拉麵賣相尚可, 但味道卻不敢恭維!!! 麵本身質地好淋, 再加上煑得太熟, 入口覺得食緊一pet pet好淋嘅麵粉, 好不容易先能將d麵嚥下肚子! 至於d湯就淡到好似無落鹽! 整碗麵嘅感覺就有d似滾水碌麵!!! 另外一碗牛油拉麵, 基本上都係一樣, 分別就只係多左塊牛油囉!至於碟餃子, 雖然皮薄, 但餡唔靚! 而且餃子煎得過燶! 在超市買嘅急凍餃子比它好吃得多呢!對於此行, 真係有d失望。 不過之後去咗隔離條街食聞名已久嘅”十三座牛雜”先覺得不枉此行!

有次聽聞北角有間勁地道既日本拉面屋~找找下找到這間拉面屋,門口好有日本地道的味道,但一開門,可能裡面的磁磚牆好影響視覺感,加上他們主要煮食地方在裡面的的廚房,而不是在bar枱所以推介大家面向門坐比較有feel d~service方便,時好時壞,有次不停加茶,有次就落單後便不太理會我們~我想真的要看看心情 ^^第一次叫set dinner~拉面加咖哩飯 拉面湯底好濃,好地道,比什麼味精拉面 好得多!!札幌拉麵屋的湯底絕對能令您飲光的~第二次和朋友叫了一個海鮮拉面,麻辣拉面(好似咁叫)同吉列豬8旦飯~又是同一個答案,雖貴但算抵食,食50蚊味精,不如食7~80蚊既 札幌拉麵屋果到食飯好free 好feel 好靜~無論情侶約會,朋友飲o野傾計都好舒服對面還有car park!走轉東區走廊再落黎食飯都不錯~最後,因為老板是到日本定居過,而且面屋也算地道~有很多日本人會去果到食飯~愛好日本文化,學習日本語的人也一定要到這裡吃一回,感受下dinner抵不抵食好見仁見智的 一個拉面 6x~7x蚊 and 加1服務費啦

黑色暴雨下來試了這小店，叫了牛油拉麵加义燒，等了二十多鐘才有得吃，濕的褲子也乾了。麵來了，件頭不俗，很簡單，味噌湯、麵、牛油、豬肉、栗米、筍各有其味，清清楚楚，互不搶味，個人覺得好過DOMON，下次試下其他嘢先。