杏甜品 (新都會廣場)

營業中

休息中

平時成日出街食飯，甜野我都盡量少食，因為糖真係好致肥🤦🏻‍♀️加埋我既食量真係會脹到成個波咁🐷杏甜品係使用日本甜菊代糖，完全岩曬又怕肥又要食既我🙈而且佢既甜品都適合素食、糖尿病、乳糖不耐、生酮人士進食架！—✧ 點食都唔肥系列（A+B套餐) $88✦A 甜菊代糖燉桃膠 （全素）出面食過有啲桃膠煮到淋曬，呢個係煙煙韌韌架🥰✦B 原盅雪梨桂圓肉燉紅棗（全素）細心俾左一杯仔甜菊代糖我調較甜味，其實雖然代糖，但甜度已經好足，我冇再加糖。好滋潤呀！.✧貓山王榴槤爽冰 $59就黎熱，又係食榴槤既時候😎個榴槤冰已經夠曬香，加埋一堆榴槤肉，好滿足💖

好多人都喜歡食甜品，但往往擔心高糖、高卡路里等等對身體唔健康既問題，自己都唔例外。最近行葵芳新都會廣場見到有間以甜菊代糖燉製、0糖份、超低卡、仲可以保留材料原味既 "杏甜品" ，又健康又養生真係啱晒你同我啦！入到甜品店感覺好舒適，設計時尚，裝修雅致柔和，休閒寫意的歇腳地方，約埋好友去食就啱晒啦！餐牌內有新推出既 "點食都唔肥養生套餐(全素/蛋奶素)"  和  "無肉奇蹟(素食餐)"，食完唔會肥之餘，仲可以瘦身減肥、排毒保濕、膠原蛋白、美顏美肌，另有好多唔同款式既甜品選擇架。我揀咗 "點食都唔肥 A+B 套餐"  $88  :  甜菊代糖燉桃膠(全素) + 秘製椰汁杞子燉海椰子(全素)甜菊代糖燉桃膠(全素)以燉既方式製法，面層鋪左滿滿既杞子，依款甜品用咗野生桃膠，桃膠原本係無什麼味道，配合甜菊代糖和杞子，帶出清清既甜味，桃膠口感有啲似啫喱，滑嘟嘟，杞子味道清甜，呢款係一個可口既養生甜品。秘製椰汁杞子燉海椰子(全素)依款亦都係選用甜菊代糖製成，所以食起上嚟唔會太甜，覺得甜度啱啱好，濃濃嘅椰子香，質感幼滑，味道突出，加入海椰子，口感煙煙韌韌，食起上嚟都真係唔錯架。呂宋芒奶昔爽冰    $59

之前有係尖沙咀食過呢間糖水鋪既甜品，中式糖水養生養顏又幾好飲～最近原來仲開左黎葵芳～嗌左個人氣必食推薦點食都唔肥養生甜品～ 全素又養生～ 仲用左甜菊代糖燉製、超低卡、保留材料的原汁原味～由A B款甜品組成 甜菊代糖燉雪燕 秘制椰汁杞子燉海椰子雪燕口感清新爽甜～燉海椰子仲有爽口既椰子肉塊同杞子，用奶燉成～ 一啖就已覺好滋潤呂宋芒小丸子杏仁茶吸吸好鍾意呢個吸吸，有細細粒小丸子🍡，口感好軟綿又煙韌，仲有好多芒果肉粒～

自從生酮之後都唔知幾耐無去過甜品鋪比我發現呢間 葵芳新開既 杏甜品 出左個生酮都食得既無糖系列食唔肥既健康甜品無糖燉品糖尿病生酮都食得我當然要去試下到底好唔好食啦😋我揀左 甜菊糖燉桃膠 配 袐製椰汁燉海椰子（全素）$88桃膠有助便秘人士促進消化椰汁海底椰 清熱解毒啱曬而家咁悶熱既天氣啊第一時間當然要試左個燉桃膠先啦入口好軟滑清甜就咁食都好味之後當然要試下個椰汁燉海底椰🥥勁香椰汁味😋而且另外會有杯甜菊糖漿附上 可以自行調節甜度 好細心啊再配埋海底椰食勁濃郁最近將桃膠放落椰汁度又有另一種風味食落有咕嚕咕嚕 滑滑既感覺滋味double up呀😍黎到 杏甜品點可以唔試佢既杏仁出品另外叫多個生磨杏仁茶又係超香杏仁味又濃又滑好好味下次去要再試生磨杏仁玫瑰茶先得😍如果可以再多d鋪頭出甜菊糖甜品系列就好啦😋咁就可以享受甜美既食又健康唔怕影響血糖杏甜品 (新都會廣場) (葵芳)葵芳興芳路223號新都會廣場4樓477-478號舖#生酮飲食# #生酮外食# #生酮甜品# #生酮養生#

原來杏甜品喺葵芳新都會開左新分店！ ！ (*ˉ︶ˉ*)平時幫手開旺角店，大愛杏對糖分嘅控制，唔會死甜，仲可以食到食物既原味！ 係女仔都抗拒唔到甜品，呢間係少見邪惡得嚟又相對少負擔啲⁄(⁄ ⁄ ⁄ω⁄ ⁄ ⁄)⁄，獨家推出連糖尿病、乳糖不耐人士、生酮人士都可以食既甜品！低糖低卡，同時仲係素食，啱晒注重健康人士～餐廳主打生磨杏仁茶，不過我唔太好杏仁，反而俾「點食都唔肥系列」吸引住！ 今次就試咗其中一款：甜菊代糖燉雪燕 +原盅雪梨桂圓肉燉紅棗 $88甜菊代糖味道幾清甜，原來係一種天然甜味劑，熱量低，有助控制血糖同埋減少卡路里攝入量。好啱想減肥既朋友(⁎⁍̴̛ᴗ⁍̴̛⁎)雪燕綿密香甜，又有消脂減肥功效，令人回味無窮。雪梨🍐燉煮得又稔又透(⁎⁍̴̛ᴗ⁍̴̛⁎)加上紅棗和桂圓，口感綿密香甜～感覺好養生(*ˉ︶ˉ*)另外仲試左個呂宋芒奶昔爽冰 $59菲律賓呂宋芒酸甜可口，真係啖啖芒果，香味十足，食落透心涼！相對於其他糖水舖，呢度環境相對寬闊，裝修可愛，座位上面放有杏仁仔公仔～感覺好放鬆！一般嚟講，夜晚見到後生仔女食好普遍，但係今日去呢間舖頭竟然見到有公公婆婆喺度食(｡ì _ í｡)睇嚟真係相當識食，知道要點樣揀健康

素食朋友仔選擇不多，最新葵芳新開左間食甜品+素食餐廳！中意食素+甜品+食糖水既你，就唔好錯過啦！餐廳新都會廣場入面4樓好易搵到，店面走文青風格，裝修以木系+綠色為主，周圍都有啲小植物咁，環境都幾舒適。食野之餘打下卡影下相都得！🔻酥皮威靈頓牛排+蕃薯條無肉奇蹟素食餐 $88+$58賣相完全睇唔出係素 用左不可能肉 店員話入面仲加左啲麥皮食落去都幾似真肉既口感植物酥皮 用左蛋奶素 酥皮出色 金黃色 脆脆地仲有埋芥末醬 可一齊食蕃薯條甜甜地岩岩炸好脆卜卜份量都算幾大 一個人食到好飽好滿足好彩配左日本綠茶一邊歎茶一邊享受下美食過一個寫意既下午

杏甜品終於開到黎葵芳，等到頸都長！之前行開尖沙嘴已經見過呢間舖頭，呢家開到入商場，環境同裝修自然舒適好多！作為甜品控嘅我，一定入黎試試佢！店舖開揚寬敞，而且幾有特色，有杏仔畫同巨大花花feature wall 仲有大粒杏仔，岩曬大家打卡！今次嗌左份呂宋芒奶昔雙皮奶 同 龍眼小丸子杏仁茶吸吸！咁多品種嘅芒果入面，呂宋芒係我摯愛，呢度芒果嘅產品都係用呂宋芒，特別香甜！大大塊芒果肉，底層香滑濃郁的雙皮奶，加上原汁打嘅芒果奶昔，滋味double up!黎得呢度，一定唔可以錯過杏仁茶！今次試下佢地吸吸，比起傳統一碗碗嘅杏仁茶，將佢整成飲品，真係好創新！加埋龍眼冰同小丸子，夏日消暑之選！黎得葵芳，掃完葵廣，不妨歎番埋甜品，劃上完美嘅句號。#親子好去處 #炎夏好去處 #foodblogger #foodie #本地遊 #夏日搵食推介 #甜品 #葵芳美食 #葵廣 #kwaifong #hkfoodie #dessert #素食 #vegetarian #vegan #杏仁 #almond #hkblogger #新店速遞 #igdaily #打卡 #igable

杏甜品之前响尖沙咀，旺角都有分店，葵芳新都會廣場 4 樓嘅新店更主打素食，實在係一眾素友嘅好消息。🎉你可能會問，甜品店梗係素食㗎啦，唔通糖水會落肉咩？冇錯我心中都有呢個疑問 🤣，但睇咗佢哋餐牌就會明白：一來佢哋將食品標籤得好清楚，係全素定蛋奶素一目了然； 二來佢哋除甜品外仲有四款 “無肉奇蹟” 素食餐，可謂開咗甜品店嘅先河。🤓介紹吓四款素食餐先，由於餐牌上標籤嘅全素/蛋奶素有錯，同店員了解過之後，整理如下：🥟 Pesto 意大利餃（蛋奶素）$88店員話呢個有芝士，所以非餐牌講嘅全素。🛢️意大利白松露鮮蘑菇竹筒燴飯 (全素）$98🍔 三小 ？！ 和牛漢堡（全素）$126餐牌話係蛋奶素，但店員話其實係全素，因為醬汁都係素嘅。🐮 酥皮威靈頓牛柳配蕃薯條（蛋奶素）$146由於酥皮有蛋漿所以係蛋奶素。本身想清清哋食竹筒飯但賣哂，漢堡包又好似普通啲，所以就揀咗威靈頓牛柳。話時話呢個係我人生第一次食嘅威靈頓牛柳（無論肉版或素版）。😅呢個由於準備需時，起碼預 20 至 30 分鐘，所以如果太肚餓建議叫其他餐，或者叫啲甜品食住等。⏰酥皮都幾香口而且層次分明，不可能肉就素食者都唔陌生啦，啖啖肉，口感爽脆又多

Almond Dessert 登陸葵芳啦🎊 之前食過尖沙咀同旺角店，甜品都好出色🪄 葵芳店就推出限定嘅素食餐無肉奇蹟 $88 🌱可選Pesto意大利餃🥟意大利白松露鮮蘑菇竹筒燴飯+$10🍲三小!?和牛漢堡+$38 🍔酥皮威靈頓牛排配蕃薯條+$58 🌮🍵素食餐無肉奇蹟配日本宇治抹茶(熱）有杯熱飲暖暖身體幾好，抹茶味道相對較淡身🌮酥皮威靈頓牛排 配 蕃薯條(蛋奶素）+$58🪄Impossible meat + 植物酥皮🪄酥皮最表面都有啲脆，中間較軟身，裡面impossible meat調味剛剛好，相對較濕潤質感好似肉餅咁，附上芥末醬一齊食～🍟蕃著條脆卜卜好脆口配醬汁唔錯～🔱套餐價 +$38 配前菜＋湯品 ＋指定甜品前菜：泡菜 湯品：黃金香草素忌廉湯 指定甜品：龍球冰一球