東方宮蘭州牛肉拉麵 (已結業)

行行下銅鑼灣肚餓，發現有間食中國拉麵的店，仲有羊肉串食，就試下啦！目測同聽得出呢度的師傅都係中國人，因為全部都操流利普通話，估計食物應該有地道風味。拉麵係人手拉的，雖然睇唔到師傅親身拉，可能因為我去的時候已過了午飯時間，但都見到師傅放咗一舊舊大面在附近的枱上。牛肉拉麵：拉麵非常彈牙好味，而且又長，師傅手勢應該幾好。牛肉唔係勁林嗰種，口感係有點彈牙，都幾特別，唔難𡁻，爽爽地咁。我幾鍾意拉麵個湯底，飲落去唔似係味精湯，佢係幾有牛肉味，仲帶有少少藥材味，有少少似飲緊肉骨茶咁燒雞翼：共有三隻，味道真的不得了，媽呀，好好味呀！我叫咗微辣，有麻辣味再加勁香的香草味，食到停唔到口，我會為咗呢幾隻雞翼再黎食架，下次要試埋羊肉串，睇相我覺得應該好好味

行過銅鑼灣一間麵食店，俾師傅拉麵嘅姿態吸引左🤔 鋪頭前面既大玻璃可以直接見到師傅喺度拉麵嘅過程🤪 雖然鋪頭有好多人等緊，但係都不出我好想試佢嘅決心！🙌🏻可以見到師傅拉得幾落力🤣牛肉拉麵 ($58)呢間拉麵嘅其中一個特色就係佢嘅拉麵可以揀有幾粗🥰 而我就叫咗招牌既牛肉幼拉麵。雖然湯底並唔係10分濃味，但佢嘅牛肉就煮得好入味而且口感彈牙🙌🏻近鏡睇係咪更加吸引呢！紅燒牛肉拉麵 ($58)佢嘅表現真係出乎意料之外咁出色😘 紅燒牛肉炆得好入味好淋，牛肉嘅份量唔算多，但亦都因為咁令人食完之後想下次再食😭 我哋揀咗粗扁，類似刀切麵嘅質感。食落幾爽口又彈牙，係比幼面更勝一籌嘅一點👻羊肉串 ($18/1)最後叫咗兩串羊肉串，由圖都可以見到佢燒完出嚟嘅汁係多到滴左落張枱度😭 即叫即燒！用咗好多香料，而且羊肉半肥瘦，食落齒頰留香🥰 雖然價錢一啲都唔便宜但係絕對值得！

依家係銅鑼灣食餐晚飯，閒閒地每個人頭差唔多要二、三百先可以落樓😔。-今晚俾我哋搵到一間又抵食份量又大份味道又正到爆嘅東方宮。-HK$68蘭州牛肉拉麵（大）～拉麵分為九種，廚房師父係即場做麵。而我們係幼麵，又幼又滑又長。呢度牛肉係採用清真牛肉，部位係牛𦟌位，所以食落有咬嚼感配上清香又濃味嘅湯底🤤我真係連湯都飲晒。-HK$98東方宮手㧓羊排（半份）~ 侍應姐姐推介俾我地。橫掂唔想食咁多澱粉質咪試吓🤣。羊肉非常軟熟味道係味濃而唔羶。再蘸著辣椒汁同孜香粉仲更加惹味😋辣椒汁內🈶️許多蒜蓉同麻嘅感覺最緊要又唔太辣。好岩食辣會出汗嘅屋企人。另外，羊排旁的特色泡菜-酸味夠入味又爽脆。鐘意食醃菜嘅我係食到停唔到口🤩-HK$25烤雞翼～估唔到🈶️三隻😆。用上大量辣椒粉同孜香粉來烤，又麻又香，皮脆、肉質嫩又多汁。👍🏻-估唔到埋單連埋罐HK$10嘅可樂😉每個人係HK$100多少少😃已經食到肚脹脹😎真係喺銅鑼灣來講抵到冇朋友啊🤣。-食辣點可以唔飲可樂。其實呢度好多外國人到幫襯 。 D麵真係好長啊！個名真係有D似韓風🍜：東方宮中國蘭州牛肉拉麵📮： 銅鑼灣謝斐道477-410號肇明大廈地下C舖

🍜下午茶時段🍜🥢蘭州牛肉拉麵🥢熬製的牛肉麵湯清醇，有牛肉的鮮味。 麵的拉製應是把麵團先壓成帶狀(寬麵) 或搓成長條(細麵) ，再由中間對摺拉扯幾次，放入大煮麵鍋中。當麵煮熟後，加入牛肉老湯，放上牛肉，香葱，滷蛋，莞茜，菜心。簡單的一碗拉麵，清香回甘，薄片牛肉入味。🥢紅燒牛肉拉麵🥢紅燒牛肉切成粒件，帶點麻香，少少辣，牛腱肉稔入味。🍗烤雞翅🍗雞翼佈滿香草，非常入味，肉嫩。是個不錯的燒烤小食。

黎銅鑼灣食野選擇太多，有時反而因爲選擇困難症而無從入手。今日行經呢間專門做蘭州牛肉麵既小店，門面見到師傅隔著塊玻璃搓麵團，覺得幾新鮮，於是就入去試下。原味牛肉佢係牛𦟌黎，牛味好香，薄切得黎亦保持到牛肉質感。蘭州特色素涼麵因為係涼麵所以好岩夏天食，湯底帶少少濃稠口感，加埋西芹、芫荽、紅蘿蔔等素菜，夠晒豐富。麵底係即叫即打，所以每一條都好長，而且爽口彈牙，店員仲推介落埋佢地既秘製辣油一齊食，雖然d油望落紅卜卜，但原來唔辣，仲好有麻香味！紅燒蘭州牛肉麵因為都係手打關係，麵夠爽口，掛湯能力唔錯，牛肉粒配埋微辣湯底夠晒開胃。烤羊肉串非常惹味，食得出落左多款調味料，同一般街邊食到落重孜然粉既肉串有明顯分別。

今日收左工黎到銅鑼灣，唔知食咩好。友人介紹左呢間餐廳，真係非常之好食，一試便愛上。首先緊係試呢道既開胃菜，涼拌木耳，非常之出名，口感滑順，可降血脂與膽固醇功效，食落馬上胃口大開。之後叫多兩碗牛肉麵同咪紅燒牛肉麵，湯底非常清甜，加小小芫荽，非常野味，啲牛肉簡直冠軍之冠，一啲都唔肥膩，入口即溶，味道重好好，重有麵底非常爽口，口感一流，而且非常大碗同抵食，最岩我呢啲肥仔食量大。跟住叫多個烤雞翼，上面有一啲秘製味料，非常之好味，而且又唔會好油膩。世界級好味。最後叫多個烤羊排，真係無得輸，非常之好味，點小小醬油，再點小小香味粉，真係一試便愛上。食完之後好想快啲再黎食過，食幾多次都唔厭，真係好好味，而且交通非常方便，係銅鑼灣黎講價錢一啲都唔貴。份量又多。真心一定要黎試下。

每一碗麵嘅麵條都係人手即叫即製🤗見到師父又搓又拉🙌🏻一D都唔馬虎而且麵條嘅種類😄由幼到闊都有有成10款任君挑選😆紅燒牛肉拉麵🍜湯底清得黎又帶點微辣🌶不錯小妹配左名叫「薄寛」麵條😙邊邊係紐曲紋🤓韌度高非常有嚼口😚豐富哂成個嘴仔呢款麵條已經係尾三闊👌🏻仲有兩款更加闊架✌🏻相信更加正小妹叫嘅呢碗麵係小碗😊對小妹黎講已經夠飽有餘🤭但亦設有大碗比客人選擇😎自稱大胃王嘅朋友仔😉不妨挑戰下

銅鑼灣開咗間蘭州拉麵店 賣正宗牛肉拉麵🍜同西北小食麵條係有師傅人手手打拉製而成嘅👍🏻餐廳有九款唔同粗又嘅麵條比客人揀 .#蘭州特色炸醬麵 $58呢款炸醬麵嘅拉麵係D款麵 係一般正常日本拉麵嘅粗幼度炸醬味道好惹味😋有得揀小中大辣🌶炸醬入邊撈左少少豬肉碎同配料好似食緊自己整嘅老媽拌麵咁🤣味道唔錯😌可以試吓拌麵.#蘭州牛肉拉麵 $58呢款牛肉拉麵係G款麵 超闊身雖然係清湯底 但都有陣淡淡既牛肉香味😌牛展有6塊 比較薄身 但一啲都唔韌 幾淋值得一讚既係麵條 麵條闊身 好滑 🤩好鐘意食呢款質感嘅麵條🍜.孜然雞翼 $25雞翼有3隻 最好食竟然係呢款雞翼比土匪雞翼更入味👍🏻👍🏻好重孜然味推薦去食雞翼😼

路過謝斐道，見到有間新開住咁既蘭州牛肉麵叫東方宮，話擇日要黎試下，今晚就黎挑戰下！環境闊落乾淨企理，坐得舒服。可能時間尚早，大概6點，無咩人，我地夠邊坐低左，餐牌係點心紙咁自己劃，牛肉麵，牛肉麵同牛肉麵，麵有9款唔同粗幼選擇，好勁👍🏻是晚我哋2個人無食粉麵，叫咗：手抓羊排，蠔油菜心，青椒土豆絲，羊肉串，燒雞翼。青椒土豆絲👇🏻爽口清甜，唔會辣，好食。東方宮手抓羊排👇🏻$98半份，超好食，有羊膻味，喜歡食羊嘅朋友必試！唔好睇到好似好少咁，其實夠食。側邊半碟嗰啲酸菜都好好食，旁邊嗰碟調味料，亦係靈魂所在。嗰啲橙色粉係好多香料撈埋一堆，鹹鹹地孜然味好出，旁邊係辣油甜豉油，裏邊又有啲蒜，同手抓羊一齊能夠帶出羊肉既味道！蠔油菜心👇🏻$22大大碟好抵食！一定要食！羊肉串👇🏻 $18一串，夠晒孜然味，好香好好食！燒雞翼👇🏻 $25三隻，調味同啲羊肉串差唔多，都好食嘅，但係同羊肉串比羊肉串更好食。總括嚟講，好得我歡心嘅餐廳，喜歡食羊肉嘅朋友一定要去試吓，價錢唔貴，服務員服務又好，下次要去試埋佢嘅牛肉麵！

平常吃日本拉麵最多只能選粗麵或是幼麵，沒想過蘭州拉麵竟然有九種麵型選擇之多，食客完全可按個人喜好選擇喜歡的麵型：從最幼的毛細開始，其次有細麵、三細、二細，韭菜葉、蕎麥棱、薄寬、五道絲，到最粗的大寬，全都是即叫即拉。裝潢樸實無華，賣地道正宗蘭州風味。收銀處旁是一個擺放了多款涼菜的保鮮櫃，天氣也有點熱，我們先點了一碟涼拌木耳，麵食則點了一碗蘭州特色素涼麵（二細麵）和蘭州牛肉拉麵（薄寬麵），還有炸羊肉串。木耳清新爽脆，簡單拌了芫茜和洋蔥已經很開胃。吃過二細麵和薄寬麵後，我個人比較喜歡二細麵的彈牙口感，雖說是素涼麵，但麵還是微暖的。加入了大量蔬菜，在炎炎夏日吃這碗麵是很舒服又無負擔的。正宗的蘭州牛肉麵講究湯底要清，最好是清澈見底，牛肉薄切，跟香港人常吃的台式牛肉麵完全不同（老公因此不太習慣，還說很淡😂）。單喝一口湯頭很直接嚐到香料味，牛肉屬牛腱部位，帶筋，又嫩又滑，做得很好。如果想濃味一點，可加入店舖特製的辣油，不會太辣，反添香味。這碗牛肉麵我們要了薄寬麵，顧名思義是較寬闊又薄的麵型，入口順滑，但我們更喜歡二細的彈牙。羊肉與孜然粉是絕配，這羊肉串烤得又香又入味，可以多叫幾串。

第一次食蘭州手工拉麵，原來係即叫即製的，by order形式，今時今日還有即叫即製，真係非常難得；而且麵型既軟硬度都可以自由選擇，足足有九款咁多，只要係張點菜紙劃上就可以了😉🌟蘭州牛肉拉麵 (薄寬麵型) $58🌟湯底是牛肉清湯，雖然叫牛肉拉麵，但個牛肉似係食緊牛𦟌，還切到薄薄的一片，好考刀工；而薄寬麵型，食落有少少似平時食既刀削麵，不過係薄款刀削麵🌟蠔油菜心 $22🌟性價比高既一碟油菜，呢個價錢黎比，份量算多，都頗大碟👍🏻食完成個人都覺得健康左，自我感覺良好😆😆🌟紅燒牛肉麵 (二細麵型) $58🌟湯底係有少少辣，好惹味🤤值得一讚既係牛肉好軟腍入味😋二細麵食落似拉麵，好有咬口，個人認為二細麵好食一點😝🌟烤雞翅(微辣) $25 🌟好重香料味的烤雞翼，一黎到已經聞到好香，逼不及待即刻想食(要小心燙到口😅)，雖然用烤既形式，不過一啲都唔乾身，好嫩滑😋😋

行經謝斐道，見到年輕師傅在搓麵粉，粉團看似好柔軟，師傅見我望住，特別表演拉幾下麵，並向我們微笑😊非常友善，印象中我已經好幾年冇吃蘭州拉麵，今次真的被師傅吸引了被安排坐在玻璃廚房旁邊，看着一個師傅搓麵，另一個師傅煮麵，服務員話，每一碗麵都是即order即搓麵即煮打開menu，麵條竟然有9種麵型可以揀，當然不是瓜子口面、角字口面😬，細麵都分四種，粗、幼、扁乜都有，我揀一幼一粗，第一次食，當然揀牛肉麵蘭州牛肉拉麵（細麵），麵條非常幼滑，牛肉片好入味，仲有好多芫荽，與牛骨湯非常配合紅燒牛肉拉麵（薄寬），麵條粗扁，通常扁麵都比較有咬口，但這個麵是滑的，紅燒味牛肉好惹味烤雞翼，皮脆肉嫩，調味好有烤羊肉風味，一客三隻，我一個人食晒隔離枱一個人食六串羊肉串，睇到我流口水，下次要約多幾個朋友嚟試

今日約左友人落銅鑼灣行街，行到咁上下就肚餓了。又咁岩見到呢間鋪門口玻璃櫥窗內有個師傅係度拉麵。好得意，便行左入去。蘭州人喜歡食麵食，所以都喜歡研究麵既各種製作同食法。而岩岩我地見到既師傅就係度拉麵，睇住一大塊麵團經過揉揣後被拉成粗細均勻的麵條。真係好有趣。而且聽佢地口音，應該都係蘭州本地人。令我對與這一餐充滿左期待。自家製辣椒油，香口但唔辣。應該屬於釣味。香菜涼拌牛肉。滷製而成既牛肉，師傅將佢薄切，再配上醋以及香菜，香得黎又十分有嚼口。蘭州炸醬麵。極力推介，份量十足。麵淋既程度岩岩好，炸醬與麵輕輕撈勻，因為麵係闊條麵，所以炸醬都可以好好咁附在麵上。再加上青瓜，這濃濃既醬香以及黃瓜既爽脆口感會令你一啖接一啖。紅燒牛肉拉麵。每一條拉麵真係一樣既大細，非常有彈牙有嚼口，湯雖然係清湯，但都有濃濃既牛肉香。而且仲唔油，最後當然係連湯都唔放過啦。初次感覺唔錯。

蘭州牛肉拉麵喺內地的北方是一種極為平民化的食物，方便、飽肚，最重要的是價格便宜。欣然嘗試呢間新開不久且主打喺香港甚少見到的蘭州拉麵館，卻赫然見到小碗拉麵索價$58起。麵型倒是有樣學樣，有不下十種麵型可以自行選擇。保險起見直接order咗大碗的蘭州牛肉拉麵$68，麵條份量不見特別，只屬於正常，而配料方面約莫有5-6片薄切到機乎透明的牛展及半隻滷蛋，湯底略有味精味。以此價錢，米線或車仔麵類的餐廳絕對是更佳選擇。

閒日同朋友係銅鑼灣行街lunch時間求其搵間坐得舒服嘅餐廳食晏，坐下休息下～見到謝斐道有新餐廳，中式麵館樓面乾淨企理，加上主打手工拉麵，呢啲咁實在，又咁飽肚既美食，我最buy😁😁😁我地叫左兩個面，兩個前菜，另外忍唔住加咗每人一串羊肉牛肉拉麵個湯好好飲！啲牛展非常入味！至於拉麵亦都好彈牙，又好長，唔會碎濕濕見到有師傅喺門口不停拉麵幾十蚊食到碗人手拉嘅面喺香港算係難得！另外朋友嗰碗素既涼麵 我都偷食咗一啖清清地，涼涼地 仲要有好多唔同嘅蔬菜，賞心悅目😆😆都幾適合夏天食～佢哋嘅前菜都好食呀！試咗木耳同埋特色泡菜個泡菜好酸！好正！配埋啲面一齊食，又變咗另一種風格～至於個木耳，味道幾特別同平時食嘅涼拌木耳唔同，唔係醋味而係好香🤔🤔🤔想知係咩味？建議你去試試～好食到停唔到口仲要有好多芫荽&洋蔥！洋蔥好甜～我鍾意🤤🤤🤤🤤我哋貪得意每人帶左個燒羊肉因為都好耐冇食羊肉喇好香，啲肉都幾嫩，過吓口癮一流！