東昇樓海鮮酒家

營業中

休息中

好幾次去東涌, 都會諗起之前有朋友講東昇樓底食又好味, 今次特地一試, 發現幻想永遠是美麗的.....3個人叫左4样:馳名燒鵝 - 表皮係脆, 但唔明點解d肉係鞋.....及深啡色囉燒腩仔 - 一般, 太興比佢好味上湯豆苗 - 一般炸生豪 - 差, d粉太厚, 炸完大過我隻手, 連格離枱d食客睇到都評論.....

前些天，一些朋友來港找我，於是便想著去邊度食飯較好，就想到了以前去吃過的東昇樓酒家去的時候是中午時間，吃飯的人不是很多，沒有晚上的那麼多，所以上菜的速度還是很快的吃的幾個菜也非常喜歡，可惜沒帶相機不然就可以拍下來給大家參考一下了先說我覺得最喜歡的一個菜是烤豬展骨，很好食，我朋友都讚不絕口然後就是這裡的豆腐整得很不錯，吃了還想吃的還有這邊的燒臘也是一絕，說是老闆親自動手的，吃起來真的是美味還有白切雞，不知道是做法還是雞本身，非常鮮甜只是有少許幾道菜味道就一般般沒有太大的特色總體來說，還是不錯，值海鮮就只是吃了一下蜆，整得挺靚的，自己挑的，也沒有不新鮮吃完了飯，帶著朋友在漁村里走了一下，朋友說沒想到香港還有這麼有特色的地方，呵呵，準備下次帶她們去大澳，應該會有更多的驚奇吧

:是日追月,一班義工約埋去東涌出海玩.因有人問咗朋友借隻機動艇仔俾我地出海玩,我地只係俾油錢就得啦.10:00 a.m. 鐘話係東涌既港鐡站等,hehe...我比原定約既時間遲咗2個站,真係唔好意思.但某部分人去咗買水同埋去洗手間,搞搞下,都要十點半左右先正式起程.我地係步行去東涌既碼頭,沿途要上山同下山,行到將近十一點就行到呢個叫馬灣涌既地方.呢個地方我都係第一次黎,環境唔錯幾寫意.我地安頓咗一陣,就開始水上既活動,有d人扒艇仔,亦有些人坐艇仔出海撒網,我就坐唔到啦,事關艇仔只可以坐8個人,所以唯有下轉啦.搞搞下,又到食飯時間,大紅,julia,Carman四出搵野食,俾佢地搵到附近既一間酒家,酒樓名叫東昇,跟住拉大隊去酒家,一去到...哦...咁叫酒家呀,一望門面,那裡似酒家呀,似私人住宅就真,不過一入到去,就見到有幾張枱,呢間酒家好懷舊feel,樓下俾人book咗,我地唯有上樓上,我地要了2圍,我地大大小小一共有22人,呢餐飯由大紅發板,佢叫了 椒鹽九肚魚 -炸得幾好,冇散到,又幾惹味,yummy西蘭花炒鮮魷 - d鮮魷都幾好味,不過太細碟菠蘿咕嚕肉 - 一般啦,唔講得特別好食冬

是日跟朋友入大嶼山玩,佢成家都好like.仲誠意拳拳請我去食飯,真係有D唔好意思.由於要係東涌轉車出市區,所以就揀左呢個地方.起初聽到個酒樓名,仲諗會係商場裡面.去到先知,原來係條舊式既村裡面.聞說係東涌碼頭舊址.(逸冬村旁邊)例湯:每人一盅,豬骨鱆魚冬瓜湯. 幾好味,又唔覺有味精,又夠火喉.燒腩仔:等得最耐,但又值得喎! D皮燒到,好似食薯片咁脆 D肉仲剛好半肥半瘦.豉椒炒聖子:都幾好味,份量都OK,個汁又野味.炸豆腐:大碟又大件,切成三角形,我都好少見, 出面既大酒樓多數都切到細細粒.金銀蛋莧菜:味道OK,都係大大碟. 莧菜多,配料都好多.仲有少少菇.紅燒斑腩煲:夠鑊氣,個汁又幾好味,份量都OK.西檸雞:份量比較少D,炸得又比較乾身, 個汁仲有少少過酸!

小弟上次到東昇樓開餐已距今兩年前了，如今再到此光顧，試試水準能否保持。此店為舊碼頭一帶最著名的食肆，店面有如一般上了鋪的大牌檔；白光管，膠地板，裝潢欠奉，一張張大圓桌則放在店中。今次我們一行十三人，包了整個閣樓。經濟不景，加上大家對海鮮也沒特別執著，所以我們今趟主打一般晚飯小菜。馳名燒鵝：全店只剩下半隻，當然機不可失。燒鵝能保持一貫皮脆肉嫩，汁料也香濃，很好。 白切雞：半隻切雞點來與燒鵝湊成一隻。切雞頗具雞味，肥美卻不太膩，也好。 椒鹽鮮魷：只用上小量粉漿來炸，非常香口，加上椒鹽香味，正！ 蘭花牛肉：鑊氣很好，牛肉炒得夠嫩滑，西蘭花軟硬適中，不錯。 香煎肉餅：改良版家常小菜，以香煎形式處理豬肉餅，外面煎得香脆，口感很好。 豉油蒸茄子：用上銀魚仔、蝦乾和土魷來蒸茄子，加添鮮味。 梅菜蒸勝瓜：勝瓜清淡，但卻滲滿梅菜香味，用作送飯一流。 咖哩牛腩煲：咖哩加入椰汁，味道香濃，牛腩也夠嫩，但相對其他菜色，此道顯得較為一般。脆炸中蝦：中蝦炸得非常香脆，沾滿椒鹽的蝦殼也脆得能吃掉，佐酒佳品。 烤豬展骨：豬展骨烤得香口，配上微辣黑椒汁，美味。 總括而言，食物質素保持水準，但可能我們這餐點得太多菜，加上

今次卻第一次食這裏的盤菜，大盤的要七百多元，小盤的三百多元，還有迷你的，要了小盤，我覺得可以足夠十四、十五人食。料很足，有成個山咁高，雞、鴨、鮑片、東菇、豆腐、蘿蔔、燒肉、蝦等等，食到飽一飽，味道唔錯，絕對值得一試。值得一提這裏食野會有例湯送，不是一般的例湯而是原盅燉，夠火路，好像冇乜味精，唔錯。呢度環境是舊式茶樓環境，好像是七幾年開業到而家，服務上，好像網上有多人說這裏的服務很差，可是我又覺得不是這樣，老闆娘和侍應好多都有笑容，尚算有禮貌，不是傳聞中的惡劣，可能只是假期人多的關係才使服務水準下降，始終是舊式街坊酒樓。http://icuteee.mysinablog.com/index.php?op=ViewArticle&articleId=1695747

搭昂坪360前，先要祭五臟廟。依稀記得東涌馬灣涌村有幾間店子不錯，於是就走過來。一時許，東昇樓今天不太多人。一行三人，點了楊州炒飯、涼瓜肉片和時菜斑腩，新鮮！好味！斑腩有肉絲作伴調味，是久違了的味道。楊州炒飯有鑊氣，但鮮蝦不及村口新華那麼大。不過，這類漁村食肆，別旨望在服務和環境有酒店水平。埋單計數，三人才七十八元，價格相宜。

星期日同左朋友食飯一共9人叫左白灼蝦,蒸帶子,薑蔥炒桶蠔,油鹽水蔒蜆,雞半隻,炒白菜仔,腐乳唐生菜,椒鹽九肚魚,京都骨,9 碟餸.發覺真係名氣大,名不乎實佢d海鮮一d都不新鮮, 大部份背殼類海鮮都就死左, 蝦好似養住, 實際已經不曉旭 , 勝子,,蜆,亦一樣食野環境悪劣有好多大小蒼蠅周圍飛食物質素普通,只可入口, 不是好食送的豆腐花有燶味, 教人點食................

幾年前o黎過幾次，燒腩仔、海鮮、小炒……樣樣水準之作。事隔經年，上週六一家人決定再訪東昇。燒腩仔無復當年，再唔係皮脆肉嫩、肥瘦適中，而係剛剛相反...海鮮不過不失。而小炒最唔掂，尤其係咕嚕肉。雖則叫咕嚕肉，但其實係實的的o既咕嚕豬扒，又硬又唔入味，當選全場最差勁。環境變化唔大，服務麻麻地，當街坊食堂的話冇所謂，專登o黎食就冇謂。p.s. 我o地懷疑大廚唔同o左，不過證實唔到...

幾年前一次去完迪士尼睇煙花, 一行十六人, 分渣幾部車入東涌搵食.一入去坐張檯可以坐晒十六個人的, 小弟唔多好海鮮, 主力都係食中式牛柳, 但好香架.埋單每人$150, 算ok啦.最後有少少交通安排的建議, 如果唔想坐佢的貨Van仔去食, 可以在東涌站B出口, 出左站之後向著室內的巴士總站走, 坐新大嶼山巴士38號($3.1, 坐任何E線巴士或MTR都有一元轉乘優惠)或任何一架去逸東村的巴士(37, S52, S64, E31, E21A), 在逸東村的居逸樓站下車(總站前一個站), 下車後過馬路到對面寶逸樓/德逸樓, 會見到寶逸/德逸樓之間有個停車場入口, 向呢個方向行, 經過東涌天主教學校, 謙逸樓, 信逸樓, 最後在信逸樓旁有條樓梯, 行落去再一直走就會見到架啦.(34已在年多前不再經馬灣涌村)

其實我是在綱上和朋友推介下今天舉家到東昇樓晚膳。在東涌MTR站上車到他們的店舖尚可(不用5分鐘車程)。可是座位安排不當(星期五已訂臺)。食物水準普通，味道沒大驚喜。海鮮價錢尚可，一碟淨菜收HK$40.00，與市區食店比不覺便宜。衛生環境差。要服務員拿紙巾、lemon水洗手，最少重覆五、六次才拿給你。明顯人手不足。我們八時離開，一心乘他們的專車回東涌，但足足等了45分鐘。中間有人插隊不在話下。比我們遲等車要返回Disney Land的，卻有2部車安排他們先離去。我最少電聯東昇7、8次，每次的回應都說車在途中，敷衍了事。最終8:45 pm 才有車到。今天是端陽節，應該是happy family gathering，but this experience made each of us very unhappy! I won't recommend anyone to go there.

在逸東村旁邊的村屋,隱藏著間不起眼的酒家"東昇樓",如非住在逸東村的同事告知,也不懂得摸上門.早上來到飲茶,點心絕對少得可憐,我問有咩點心?)店員鳳爪,排骨,盅頭飯,同埋包之類.)我咁有無蝦餃,燒賣之類?)店員無呀,唔好意思.)心想唔*係卦?一間做早市的酒家,連呢類點心都無?有無搞*錯?)店員我地有腸粉,即拉的.)好,就信你.先行盅頭飯,盅頭飯為白飯,鳳爪排骨就分開上.兩者來到才交個朋友.白飯都蒸得分明,排骨都有肉汁,最後放在一起吃,也吃出個味來.即拉腸粉為蝦腸,都說即拉一定不差,粉皮很滑,餡料的蝦就沒有味,而且腸粉內還包著薑茸.腸粉搭薑茸,聞所未聞,吃罷感覺頓時有點光怪陸離.午市再來,為了吃燒腩,這個時段吃的燒腩,一定是出爐不久.燒皮未去到入口即化地步,但一樣香脆,腩肉口感鬆化,皮同肉之間的肥膏,更是爽口.燒腩下的蕎頭,其酸味用來燒滯就最適合.再來個椒鹽鮮魷,脆漿有點點過厚,咬落也香脆可口,內裏的魷魚就很鮮味彈牙.連伴碟炸蒜也不放過.又燒腩又椒鹽鮮魷,去到最後,連白飯也忘記去吃....

終點在東涌，就是為了食這間據說又抵又好食的海鮮酒家。6點去到還未有人，不過已說訂滿，唯有坐樓上。到8點多走時，原來整條街都給他霸佔了。未點菜已送上例湯，是章魚蓮藕湯，火喉十足，真材實料，所以沒有飲到味精的蹤跡。避風塘瀨尿蝦- 4大隻瀨尿蝦一開為3份，用了避風塘煮法很難唔好食，因為有香炒的蒜蓉和辣椒，是勁為香口惹味，蝦肉尚可。豉椒炒蜆及蟶子-兩款也欠缺鑊氣，味道也不夠。辣酒煮花螺-夠辣又夠花彫香味，這個湯比花螺好，可借沒有淨粉絲，而且叫一窩淨米粉要$45，大家認為唔抵，所以無要。如果將粉絲或米粉浸了湯後，吸收晒味道更加滋味。將海杉蚌二味，炒球及炆頭腩，前者不及炆頭腩來得入味。炒球始終較為清淡些，魚肉結實，但魚味稍為欠缺，但勝在獻汁不過太糊口，而墊底的西蘭花夠多又夠爽。炆頭腩就入味非常，不過沾了太多粉來炸的魚頭，入口有點漿口感覺。配料的豆腐亦為過老。海三寶蒸茄子-頗特別的一味，將原條茄子，放上了鹹魚仔、蝦乾及魷魚乾來蒸，有這三寶來吊味，當然惹味非常。除了以上海鮮外，再另加幾碟小菜。燒腩仔-皮燒得幾脆，肉更加好，夠嫩。最特別是用蕎頭來作伴菜。生炒骨-頗為難食又乾又，甜酸味不夠。腐乳通菜及麵醬

Half an hour late for our reservation, we were still able to catch our table, in fact an entire roomful of tables to choose from. At the seafood stall choices are ample, we ordered:1. Razor Clams steamed with fried garlic and vermicelli (Clams slightly overcooked but well flavored. Love the vermicelli soaking up the juices)2. Live boiled cuttlefish (fresh ocean sweetness from cuttlefish. Nothing's better than simple method like this)3. Cuttlefish stirfry with celery (this one, though is a disapp

jan 04, 08,2人來dinner,叫咗 : 1) 老火湯(送)-喺菜乾湯,都幾大兜-都幾夠火喉同夠味,而且無嘜味精,起碼我無發作-不錯的1個good start2) 海鮮火鍋$200-menu上無呢樣嘢,要獨立同老闆傾出嚟.............但唔喺我哋傾番嚟(請見尾段)-大碟同多嘢到你唔信-全晚,我同友人就喺淨"隊"呢碟嘢作為mission...............其他咩都唔洗叫-海鮮包括: i) 極度欣賞(因好鮮甜)有瀨尿蝦(2隻),中蝦(6隻),帶子(2隻),鮑魚仔(2隻),蟹(1隻),魷魚片,手滑墨魚丸(4粒),鯪魚球(4粒) ii) 普通欣賞有扇貝(2隻),生蠔(2隻除咗殼),九肚魚(2條),泥鯭(2條),魚肚iii) 唔多欣賞有大蜆(4隻) - 有3隻死因點淥都唔開口,亦食到有死死地嘅味東風螺(2隻) - 有少沙-肉類: 牛肉(4片) - 好嫩滑,濃牛味連骨雞肉(4件) - 好滑,有雞味豬膶(4片) - 好新鮮,唔"un"唔"鞋" -蔬菜類(唔計湯底本身嗰d) : 金菇,大番茄,菠菜,唐生菜,粉絲,鮮腐竹,全部都好新鮮,好脆同清甜(可能喺中段過後才食,個鮮甜