板上 (桂林街) (已結業)

味道吾錯賣相好正，好吸引🤪環境好乾淨😋😋安排好好，吾洗排好耐😝員工好有禮貌，服務好好😁😁😁價錢合理，吾會太貴😋值得推薦👍🏻👍🏻👍🏻大家去試下喇🤟🏻

新年轉咗新menu，冇咗我至愛的黑椒魚柳。今次試了照燒魷魚，牛肉加蛋，炒飯，都不錯，份蛋幾滑。照燒魷魚都可以，但有點失望，因是細條的。好懷念之前曾經出過的原條燒魷魚，成只手掌咁大的，照好味，可惜不再出。好期待出水牛城雞翼呢，可惜一路都話未返到貨。

「 板上(桂林街) Griddle Top (Kweilin Street) 」—————————————————店舖地址： 深水埗 桂林街36B號地舖—————————————————今日用OpenRice落單 然後去到舖頭度自取 好快有得拎今次叫咗個板上照燒雞珍珠飯同埋板燒雞腿🍗捲餅! 板上照燒雞珍珠飯$60份量好足夠 雞腿好入味 ! 板燒雞腿🍗捲餅$59個卷餅皮好有麥味, 入面有蕃茄生菜同埋雞腿! 個醬汁好好食 但係要食快啲 唔係就會變左水😂😂

以為鐵板set會不便宜，但門口廣告牌2款鐵板主菜+2款配菜+飯+飲品只需$62。就初嘗板上。先購買食物叫號送餐。室內裝修簡潔，紅黑色作主調，略嫌高櫈不舒服，食完便要走。另外廚房設大玻璃窗，可以見到廚師們工作。枱上設有各款叉電線，非常細心。自選2款鐵板主菜：燒燻蹄和一口牛2款配菜：生菜沙律和牛油粟米一口牛值得一讚，有牛肉味又淋，燒得香又不過火，配上少許 蒜片，不用其他醬料已經非常惹味。燒燻蹄味道正常，份量較少只有3片。飯選用珍珠米。是日特飲蜜桃紅茶，order少甜，可以中和鐵板燒的熱氣。食物質素ok, 但此價錢定價在深水埗選擇不少。

呢間野已經唔係第一次試，之前響荔枝角，今次經深水埗又比我遇到佢！😋 日本野一向定價可以好高，平價日本野比較少見，套餐跟埋飲品，味道又唔錯，性價比算高🍱 今次叫左兩個set📍 蒜香火炙三文魚+燒極柚子黑豚 $64淨係聽個名都覺得正，食肉最怕油膩，豚肉嫩度啱啱好，配上柚子更加清新，三文魚唔會太老，味道還好。同埋幾欣賞個茄子，幾香口😋📍 自選便當：照燒雞拼一口牛飯 $62照燒雞個醬汁好香，雞肉唔會太淋或太乾，味道尚可。反而個牛粒有啲韌，唔係好夠嫩，不過呢個價錢算係咁 😆🥤飲品揀左玫瑰🌹花茶 + 精選蘋果綠茶，味道正正常常，吾會太甜。🍚 飯後感深水埗比較少有既日式小店，堂食位置唔大，加上多人外賣，都多人排隊，建議提早少少去比較好。性價比唔錯，會再光顧 😋

-【誤打誤撞竟然比我搵到佢！】深水埗出名餐廳多，食物種類夠廣闊，中日韓西餐都應有盡有，重點係價錢亦都相當親民，所以深水埗都係一個我會經常去嘅地方！今日我唔打唔撞竟然黎到呢到，梗係試一試佢個漢堡啦！ 佢個漢堡真係唔錯，蔗渣嘅價錢，真係有燒鵝嘅味道，重點係全部都係新鮮製造，咬落去啲肉汁留到我成手都係，呢個漢堡真係超級正！另外，佢嘅薯條亦都相當有誠意，並唔係預先炸好，所以食落真係熱到辣口啊！呢間餐廳我係誠意推薦比大家，如果大家行街嘅時候諗唔到食咩好？ 可以嚟呢度試一試比次機會佢！ 講住咁多先，下次再同大家見面！

見佢圖片係跌板餐，鬼咁靚，就嗌個六十幾蚊嘅牛肉粒飯餐，點知嚟到係一盒便當，得幾粒牛肉，配菜係栗米粒同綠色一條條最cheap嗰隻海澡定咩，老實講，唔係鐵板上就唔好呃人，咁嘅質素好意思收人六十幾蚊，太過份！

深水埗對我嚟講一直都係一個樂土，佢多平嘢買之外，美食就更加之多。每次嚟到深水埗，不外乎都係迫下開倉雜貨店，去附近買下整平革所需嘅用品，最最最重要嘅當然係周圍搵食啦，咁今日就試下板上啦。睇個menu就知佢夠抵食，又吸引。一接到個飯。哇！乜份量咁多嘅。試下你咩料先。牛肉粒有牛味，而且咬落去有肉汁咇出嚟，唔會得一味死咸味。而個魚一啲都唔腥。整體嚟講成個飯性價比超值。我覺得呢間小店值得大家支持一下。唔係一味幫襯連鎖集團。

板上之前係其他分店食過，覺得佢個牛肉粒飯係好食嘅。今次黎到深水埗分店例牌照叫4號餐（牛肉粒飯），連是日餐飲（今次飲熱情果多多，可較冰量同甜度），再加個栗米同中華沙律都係$65，食得飽又感覺幾豐富。不過嫌今次啲牛肉粒有啲過份熟，比較硬身同「鞋」口，但以價錢同份量黎講都可以接受。餐廳內有提供充配合線比客人一路食一路充電，但我試咗幾條都係無電嘅。另外最可怕係一路食一路有幾隻烏蠅係你面前飛黎飛去。可能因為間餐廳出面就係街市嘅關係，衛生環境都有影響到。但其中一隻烏蠅真係成隻拇指指甲咁大，肚都脹晒，好恐怖。所以要食嘅話就要留意返，有個心理準備會較好

深水埗區平時諗住食飯都應該係食下茶記呀雲吞麵個啲，但原來都有其他好野食呢間板上午適時有好多款午市套餐，除咗個主食仲會配一份中華沙律同栗米，仲包杯每日餐飲今次食咗個一口牛肉飯，坐底可以隔住塊玻璃睇住廚房用鐵板燒好一粒粒牛肉睇到都已經流晒口水好快已經上菜，啲飯係日本珍珠米牛肉粒好大粒好厚肉，而家係燒到岩岩好剛剛熟，唔會煮到好老所以仲保留到好多肉汁另外配上燒汁可以點牛肉食，不錯。今次杯餐飲係蜂蜜綠茶，都好大杯！成個餐都好豐富性價比高，抵食

板上照燒雞·珍珠飯🌸🌸🌸🌸🌸雞控表示每次到板上都係叫呢個餐🥳🥳木盒裝著啲飯啲雞同小菜 便當咁既形式好正🤤每次小菜都唔同 好似圖中就係中華海草同牛油粟米既搭配🤓🤓中華海草就係出面壽司鋪嗰啲 凍凍地小小辣幾開胃🤭💕份量都OK多牛油粟米牛油味香 但有啲油 粟米幾甜 唔錯主角都係啲雞同飯啦照燒雞甜甜鹹鹹有啲重口味 值得讚既係冇雞皮！！份量又好多 食到啖啖肉超正 而且唔硬好嫩🤤❤️珍珠米粒粒分明 軟Q軟Q既 好香好好味 加埋照燒雞既汁好送飯阿 好鍾意板上啲飯😚😚··套餐都會配翻個野飲 之前一直都係百香果多多 今次係水蜜桃多多😂😂其實個味差唔多就係水果加茶 不過唔係好甜幾解渴係唔錯 幾大杯添 抵呀🤤🤤❤️

食過三四次 當初為見到有台式飲品而試試落食物幾好食 似鐵板餐味道燒雞最好食 夠汁撈飯牛枊唔錯 汁另上 但感覺少汁d愛汁之人 誠意推介燒雞每款都配一份粟米一份菜 感覺唔會太膩包是日飲品值得一提 有吧枱窗口位 傾住計食幾唔錯

板上第一間舖開始幫襯就覺得好抵食價錢、份量、質素成正比！幾年後既今日雖然加左少少價，但40幾蚊一個餐都仲係好抵！而家仲將廚房改裝透明玻璃，可以望到師傅煮食過程，衛生情況都好好平時多數食照燒雞或五花豚肉，今次想推介既係雪花一口牛配珍珠米牛味好香，燒得岩岩好，一啲都唔UN!是日配菜係汁燒茄子，唔會太油，調味唔錯！加埋牛油粟米食感覺均衡好多唔似平時食頹飯求其搭得兩條霉哂既菜跟餐送既蜂蜜綠茶好夠茶味，唔會好似飲糖水咁最欣賞板上就係有限既價錢下都堅持提供最好既質素

今次講下香港本土鐵板燒品牌-板上。😁 ⁣⁣黑豚漢堡。脆薯皇 （$62） ［好味度：7/10］⁣一嚟就係見到一個超大嘅burger，成我手掌咁大呀。🖐️ 而且一咬落去佢係d汁係流曬出嚟。😚 我覺得佢嘅配料係做得仲好過主角豚肉㗎，因為佢嗰啲生菜番茄全部都好清新好fresh，同埋份量啱啱。🤩 好很正係個芝士，熔咗之後，勁重芝士味呀！😋 反而佢個肉呢就唔夠肉味，亦都係比較鞋啦，同埋肉汁都冇鎖好，分量都唔夠多，失色非常。😫 本身食完個包已經好飽，仲要送埋啲入面充滿好飽滿薯仔肉脆薯皇，真係飽上加飽，但係咁脆又唔捨得唔食。😅 ⁣⁣板上（深水埗）⁣⁣其他評分⁣⁣⁣⁣靚靚度（7/10）⁣⁣⁣⁣性價比（8/10）⁣⁣⁣⁣回頭度（9/10）⁣⁣ ⁣⁣⁣⁣⁣⁣⁣#頹飲頹食 #板上 #鐵板燒 #本土 #griddletop #teppanyaki

今天工作到有D食欲不振，但是點都要照顧一下自己的肚皮，來到依間餐廳，佢的種類特別多，而且口味也多選擇，我就選擇了一個定食加一杯凍飲，杯凍茶好夠茶味又不太甜，而D咕嚕肉真系好有肉汁甜酸的味道好配合，需然是普通的客飯，但有肉有菜都幾平均真的算是性格比。