板上 (D2 Place) (已結業)

已經黎左呢間食左好幾次，其實食物都係一般般，只係一直選擇唔多。第一次食時賣相ok, 但可能我少食太濃味嘅野，所以我會覺得偏咸，但朋友們食是覺得挺好，所以才有好幾次來食。今次見佢有多個新嘅menu展示牌，以為有新餐，但其實同以往的分別不大，價錢亦沒有分別。雖然係咁，得照叫了「一口牛肉x三文魚」鐵板珍珠飯賣相唔吸引，以前是好很多的，依家有啲似工廠大廈飯堂的2餸飯。雖然味道沒有太大轉變，對我黎講都係偏咸。但以價錢及地點上的餐廳比較，佢就真係好一般了

今日lunchtime黎到d2 place，行過見到呢一間型格快餐就諗住試下，見到午餐餐牌都係4x-5x，算係便啦，感覺都唔錯！赤上味噌五花豚珍珠飯+玫瑰花茶望落去好似健康餐盒一樣，除左主角炒五花豬肉配珍珠飯外，仲有健康粟米和黑木耳！味噌炒五花豚味道唔錯，帶點微辣，有點像韓式燒五花腩的感覺，配上珍珠米，十分推薦！此外，午餐還附送飲品，我點了一杯玫瑰花茶，可以中和五花豚的油膩，而且幫助消化，雖然係茶包，但也很不俗。

今晚約左友人拎手信+開餐!!!!!閒逛左一陣，係D2左揀右揀，最後決定食呢間板上!!!!我地3個人各自揀唔同既野，但係都係鐵板拼飲品我食$80鰻魚+一口牛(可揀照燒雞)，本身連飲品, 但我另加$10蚊配左杯自己想飲既百香果檸檬梳打, 味道一般友人J食$68一口牛+柚子燒黑豚，她話味道都ok友人N食$68一口牛+柚子燒黑豚, 她話味道OK, 但我望落去, 覺得塊三文魚薄到呢!!!  應該只有1CM厚度

Happy hour板上除左便當 原來仲有薄餅等小食仲愈開愈多分店 價錢平又高質.百幾蚊就有齊啤酒 薄餅 小食拼盤吉列蠔 有少少鯹 但可以接受魷魚圈 薯角 魚片 雞翼都幾ok分量適中 不得不讚佢個炸漿.薄餅批底薄脆 唔會過硬/乾芝士都幾多 拉住絲飲啤酒🍻正啊

星期日放假，同男朋友黎D2 place行下週末市集～不過12點左右黎到，市集啲檔攤都未開曬⋯⋯於是我地上左樓上，諗住買杯野飲邊飲邊行街邊等市集開😎呢間『板上』之前都同男朋友黎過，環境都唔錯，地方大，座位又多，而且店員做野都幾快手👍🏼放係門口嘅飲品menu都有幾多款飲品，今次我地share一杯「紅豆抹茶奶茶」聽落怪怪地，紅豆配抹茶就係經典組合啦～至於抹茶同奶茶嘅關係就唔清楚喇😂😂我地都第一次飲抹茶mix奶茶，我覺得無左抹茶個陣苦澀味，不過整體來講味道都唔錯，唯一嘅缺點係，飲到最後剩低好多紅豆吸唔到上黎😫所以飲嘅時候，應該要不停攪拌！

板燒黑草羊珍珠飯🐑 💲56大姆指雞翼🐥 💲8（跟餐）❌ 羊肉多肥膏🤦🏻‍♀️ 羊味亦唔出❌ 雞翼好乾身😐👅Taste：2.5/5💰CP值：2.5/5🙋🏻‍♀️Service：2.5/5👁‍🗨Stylishness：3/5

D2 place個商場真係要乜冇乜咁個商場吸引力好低是次黎到d2 place 係因為開咗個間新戲院而間戲院又做緊優惠好平咁就可以睇場戲雖然呢期冇乜戲好睇好啦 講返主題咁睇完戲都要搵下嘢食而我地最後係搵間平平地嘅食D2 place普遍都比較貴呀呢到啲食肆所以搵咗板上食叫咗個牛肉飯有罐可樂跟個飯就唔算咩出色嘢架肥仔唔靭嘅咬得開但冇乜特別普通大陸珍珠米價錢唔算平 但對比其他d2 place入面嘅就平啲咁再叫咗個漢堡都係有倍土汽水跟薯皇都ok嘅算脆口個漢堡冇乜特別整體不過不失 性價比都唔高只係比其他食肆叫抵食啲啦

店鋪位於D2 Place one, 很好找。 那天跟朋友在附近去完Party room 餓了就找到這家一起吃晚飯咯我們一共7個人，除了5個飯，一些小吃還有叫了一個2 人 Pizza Set 最後除開也就80塊左右，而食物真的不錯。我比較記得的是鰻魚飯，鰻魚挺厚身，雖然未至於入口即融，但也很香很軟綿綿的。 小吃拼盤是叫 Pizza Set 然後加30塊升級上去的，感覺比單叫一個抵 裏面的東西都很好吃還有就是Pizza 了，挺大份的然後芝士很香，最主要還是剛出爐熱乎乎的就很好吃，還有有2杯啤酒🍺 不過有一點小插曲就是一位朋友問一下Pizza 好了沒，服務員突然不耐煩：未啊！弄好自然會叫號

真係寫個服字比呢間野。星期六下午茶時間我地就去d2place搵下野食，咁我一直食過幾間d2place既餐廳都覺得幾唔錯。咁見呢間板上都有幾多分店裝修又幾靚就幫襯下。咁我就叫左個柚子醬油燒極黑豚珍珠飯，加杯紅豆奶茶。首先飲淡紅豆奶茶，茶底係普通茶記料，係一間咩都有得食既餐廳都唔要求咁多，但都合格啦。配菜係粟米車厘茄，同埋木耳，但佢唔係普通的木耳，係加左泰式辣醬既木耳，我夠膽講泰式辣醬同木耳之間既關係，就好似我同林嘉欣咁，一啲關係都冇！！！！完全唔夾仲要冇味。燒極黑豚都食到人好消極，柚子味唔多，醬油味唔多，都算，塊肉冇味道既，又唔似燒得好勁，但又韌到我用刀鋸極都唔爛，我差d 要call消防幫手。我食到最後開始懷疑呢間野係養生餐廳，唔為食物加調味，主打白烚食物。簡單d講，成餐最正既就係車厘茄。

話說昨天到荔枝角覓食，有人介紹這一間板上。於是今天便決定去一試！他位於D2 one，地鐵站出來便已經看到了。位置有點偏僻，找了一會才找到，午飯時間人滿為患，還好有提早去到。服務方法因為除了付錢下單的時候，全程沒有人會理你，所以不予置評。環境幽暗，有點浪漫的感覺，情侶來吃也許是個不錯的選擇。衛生方面，我坐的台還一大攤水積... 因為忘了帶紙巾， 所以拿收據自行清理一下了⋯我和朋友今天分別點了板燒黑草羊珍珠飯和板上蒲燒鰻魚珍珠飯。先說一下我點的蒲燒鰻魚飯，它是日式便當，裡面的飯有一試蛋絲來點綴，賣相不錯，吃下去也增添一重口感。栗米粒非常甜。雲耳不過不失。蒲魚熱騰騰，吃下去竟有種入口即溶的感覺，令我驚喜。價錢85$，以午餐來說算是比較貴了。另一份是黑草羊，兩個餃子是加錢追加的。配料跟蒲燒鰻魚一樣，就不再點評了。他的黑草羊不得了！來的時候已經遠遠聞到香味，吃下去有羊騷味又不會過重，認真值得一試。飲杯我們都叫了特飲，分別是蜂蜜蘆薈綠茶、椰汁仙草。蜂蜜蘆薈綠茶令人失望，淡而無味，非常一般。椰汁仙草的椰香味很香很濃，仙草也是非常軟Q，可以一試。今天就這樣，下次再吃好東西再分享！

尋(2-3-2019 Sat)晚同女友人WK行完銜就食晚飯,我帶佢嚟呢個這場,因為都有幾多食肆,去到睇,佢覺得呢間幾吸引,於是走嚟.我哋搵咗係先,但呢喥係冇紙menu,我哋搵咗位後,出去影menu至揀,最後WK要$64.00嘅蒜香三文魚燒極黑豚,珍珠飯,加$10.00要紅豆抹茶奶茶,我要$62.00嘅黑豚漢堡,脆薯皇,加$10.00要巨峰乳酸梳打.落完單等咗一段時間,我發覺我買錯咗WK嗰份,我買咗同樣係$64.00嘅帆立貝拼照燒雞,珍珠飯.佢即刻出去問可唔可以改返,職員睇都唔睇張單就答整o緊,改唔到.再等多一陣,叫我哋嘅No.喇,我就出去攞,先攞帆立貝拼照燒雞,珍珠飯同巨峰乳酸梳打(前後係等咗8分鐘),再過4分鐘,黑豚漢堡,脆薯皇同紅豆抹茶奶茶都有喇.兩杯飲品都唔大杯,呢個size應該係細啩,我哋開餐喇,WK俾咗粒帆立貝我試,唔熱嘅,味道亦清淡;我都有食佢嘅雲耳,係爽口但個唔知咩汁一般.我嘅黑豚漢堡,脆薯皇呢?我哋一直嗅到脆薯皇嘅香味,食落,外面口感正常,但裡面係好腍嘅薯蓉,麻麻.黑豚漢堡呢?打開張紙睇,大大個同厚,有塗牛油,包都有烘過.材料有芝士,生菜,重有番茄,食落,味道正常唔太鹹

放lunch唸唔到食咩好，就行遠啲去D2幫襯隔咗好耐都冇去嘅板上先！呢間餐廳係採取自助形式，類似快餐店咁，自助搵位，自助落單，再等叫號碼自助捧餐。Menu冇咩點變，但就多咗啲做緊推廣嘅特飲！我就叫咗個一路都食開嘅雪花一口牛，係就係貴咗啲，但牛肉味道幾入味，都算淋，唔會話好韌，當然仲加咗錢叫咗杯個人中意嘅凍奶茶！不過對比想當年新開嘅時候，啲一口牛肉粒真係多好多，鋪滿晒飯面！！ 但依家份量就偏少，如果大家想抵食啲或者想飽肚啲，就建議大家叫照燒雞或者味噌五花豚肉喇！

今日去D2 place買零食，但又有d肚餓，所以去左之前食過都幾ok既板上醫肚。星期六中午人流極少，所以大把位。睇左一陣menu，叫左個味噌五花腩配珍珠飯，心癢癢+$10飲胚芽港式奶茶。賣相還可以，對女性來說份量剛剛好。港式奶茶幾好飲，走左冰都不會過甜👍🏻👍🏻味噌唔會死咸仲有少少甜味，味道是ok的，美中不足既係五花腩內藏咬崩牙既「豬軟骨」😥要將硬到咬唔開既「豬軟骨」咬岀黎先可以安心食用！！

今天路過呢間餐廳嘅時候，就被佢色彩繽紛嘅飲品poster吸引左，於是覺得呢間餐廳都幾特別，飲品嘅款式好多，又有唔同種類嘅主食同埋小食，於是就決定一試。最後買咗板上雪花一口牛飯，更加咗$10叫多咗杯野飲試一試，今次叫咗走冰嘢飲，但飲品唔會過甜，味道剛剛好。酸酸甜甜好開胃，而且亦有好大浸嘅玫瑰花味，不過唯一唔好嘅就係飲椰果個陣會好易飲到玫瑰花。而雪花一口牛飯，牛肉粒好正，有牛味而且易咬軟淋淋，而且便當上面嘅粟米亦都唔係罐頭粟米，食得出係新鮮粟米嚟嘅茄子做得出色，抵讚

間中都光顧，由食蘆筍到變食生菜，而家仲變咗做芽菜，感覺大不如前。我最愛點山賊醬燒薰蹄，平時入口煙韌，完全唔會覺得肥膩，但今次竟然佔咗一半係肥膏，入口油膩無口感，仲要連豬毛奉上，失望。