根

營業中

休息中

本以為純粹去一個打卡嘅Cafe, 大樹的確好有感染力，令人靜下來欣賞它，慢慢享受環境同食物。有心的食物製作，親切的服務員。好想有多點時間去慢慢欣賞收銀位置張枱，很美😂。

今次黎依間鏡粉必試餐廳。星期日2:30左右大概有20個人等位，入面大概有10張台左右，我地兩個人等左9個字左右入去。依間既擺設都係以樹木為主，餐廳中間放既樹好靚，仲有種chill既感覺。但近樹個邊既位置就比較細，可以放到既食物唔多，建議叫左甜品既要後上。脆條三步曲 $78有紅菜頭、蕃薯、薯仔，側邊有松露醬。一上台d脆條好熱，要慢慢食。紅菜頭冇咁脆，但就真係原條紅菜頭，粉唔會太多。蕃薯同薯仔就真係好脆，好好食。香蒜白酒蜆肉炒意粉 $158香蒜味唔算太濃，我係比較鍾意淡味野，所以覺得啱啱好，意粉韌度剛好，而且蜆肉都漲卜卜，又鮮甜。煙三文魚牛油果碎蛋沙律配柚子醋汁 $98柚子醋汁唔算濃，車厘茄令到個沙律酸酸甜甜，都好開胃。午夜抹茶 $75攬拌後抹茶同咖啡味都濃，仲加入左竹炭，都幾好飲，但略嫌有d貴。樹皮柚子撻 $68好多既甜品都有植物既元素，上面既朱古力就有d樹皮既造型，入面有d蛋糕有柚子醬味，仲有麻糬係入面，出面就有個撻皮，牛油味唔算重，但同蛋糕有d分離，唔太一體。另外一提，有個女服務員態度好好，佢會間唔中黎睇下每一個位有冇吉碟，有就即刻幫手收，笑容好sweet，又會問下我地d野食好唔好食

忍唔住寫第一篇食評去分享呢間Cafe1. Service好入座前Staff已經會問定想坐近樹(Cafe Signature Design) 定係 枱，樹個邊其實好啱1人/2人坐可能Staff都習慣大家影相打卡，會停低唔阻客人影相，幫手揸機又會就角度影得好靚2. 餐牌選擇多由輕食，到主食，特別甜品都比一般Cafe選擇多唯一要挑剔嘅係飲品如果非咖啡類，得Matcha Dirty較吸引，而且飲品好多偏細杯。3. 食物推介主食好高質素，意粉煮得好好，Carbonara如果一人獨食有d「漏」，反而蝦意粉份量會較適合，而招牌燒雞唔細份，配埋薯條女仔一個未必食得哂，特別一提，燒雞佢燒到啱啱好，肉好嫩，不過同一晚有客人要求餐廳再煮熟d , 所以建議想食overcook就落單同店員講聲。食飯當日M9和牛吐司7點已sold out，所以想試呢樣睇黎要早d去到甜品佢會砌埋一碟，打卡真係最靚效果♥如果鍾意食拖肥，推介仙人掌，係Hazelnut Cream x 拖肥撻底！如果鍾意朱古力，大力推介仙苔，唔會太甜ga！樹皮柚子撻就睇個人口味，鍾意微酸柚子先揀，唔係就唔好食樹皮了(笑) 芝士蛋糕就同出面餐廳嘅分別不大

午餐時段到達，已經排長龍，見cafe有位，但店員未有安排，讓人龍久等，等了二十分鐘，去問店員外賣，怎料外賣只有飲品？食物都要sit in, 甜品都不能外賣😕安排實在要有改善。店內環境不錯，裝修非常特別，不過食品飲料價錢亦都不低，性價比average, 如果來打卡還是可以。等候用餐的時間有點久，正餐食物質素還好，甜品外型特別，有少少over-priced, 咖啡/抹茶average, 期待coffee 有更好的發揮。

不是粉絲 附近居民嘗試一下6pm之前只有下午茶 沒有主食不能booking 只能walkinwagyu三文治一般 遠遠不如Fukuro三拼薯條份量好少 甜菜薯條軟趴趴飲品也一般般要是排隊1.5hr的話略不值得點單得去前台的

星期日11:40到咗，前面約有廿幾人排緊，裡面只有6張雙人枱，8個bar枱位同埋圍繞樹既幾個打卡位，本來都已經打定輸數可能要等第二輪，結果12點準時開門，真係啱啱到我地就截咗，而其實當時幅畫前面仲有兩個位，但就冇安排比人坐。等到12:50有一張雙人枱走咗，收拾完後一直冇安排我地入去，等到差唔多13:00就忍唔住入去問啲職員，點知佢話要Hold比後面8個人，我地嚟先點解要hold比佢哋（佢地仲要離譜到兩個人嚟排隊先，然後最後有6個人加入！咁下次我1個嚟排隊，帶100個人嚟都得啦？！）我話有冇搞錯，然後個職員安排我地坐幅畫前面嗰兩個位，我當時真係火都嚟，你點解唔一早安排我地坐呢個位？！搞到我地白等成個鐘！食物一般，cafe價錢，預咗都係為打卡而嚟，知道會多人嚟朝聖，但安排得咁差真係令人好失望，唔會有下次。

主菜完全唔藉呢個價錢，意粉細得可憐，今日三個女性朋友，order 2個意粉，2份小食，虎蝦意粉$188 竟然用好似大湯碗上，份量真係少，另一個蜆肉炒意粉係無味。再叫甜品就正常好多，份量同味道都ok.但未算有驚喜。如果安排細枱用膳，真係只可以食甜品同飲品，d細枱真係細得可憐，又太近，傾計都驚比人聽到，坐得唔舒服。應該唔唔再去，sorry 柳

最初以為Cafe是mirror成員有份投資，所以餐廳質素有機會名過其實。一心抱著羊群心理去湊下熱鬧，打卡為目的。誰知今次竟然有點驚喜！因為我們到達時間為晚上7:40的關係，last order是8:15，故我們幸運地成為最後的一台顧客。由於沙律和很多甜品已沽清，故我匆匆忙忙點了兩個意粉及甜品。香蒜白酒蜆肉炒意粉及香蒜橄欖油虎蝦意粉味道都很相似，很香濃的蒜片味，少少的紅辣椒帶出虎蝦和蜆肉的鮮味。意粉的軟硬度適中，本人比較喜歡蜆肉意粉，份量也不少，一人量剛剛好。至於甜品，我點了樹皮柚子撻，脆脆的朱古力片放在麻薯柚子撻上，少少酸的味道很清新、醒神，不太甜，相當適合不太嗜甜的人。熱抹茶就一般，不過不失。全間餐廳以根為主題，相當特別。不過店的位置得小，容納人數也不多，枱也小得很。最型格和突出的非餐廳中間的樹幹，在大樹下進食，有一種在大自然的舒適輕鬆的感覺。

經祖祖既IG 知道Jer 再做老闆（之前已經開咗間日本餐廳）今次係一間Cafe，都有諗過安排吓幾時去試一試佢！今日就係吉時啦。星期四平日下晝三點，博佢冇乜人，不過以柳應廷嘅人氣又點會冇人呀⋯⋯好彩比我想像中少。未行到埋去已經見到－整列花牌呵佢新開張，啲花都幾靚嘅～我諗等咗15至20分鐘啊，其實我哋見到入面圍住棵樹嘅－排透明膠櫈其實都冇人坐，唔知點解佢唔安排俾人入坐。我朋友話會唔會係驚俾人坐爛😜出面門口一條長木凳又係唔俾人坐，點解呢？為左唔使等咁耐，我哋Bar枱都照殺！一坐低已經話俾我哋知有邊啲邊啲冇得叫，已經有啲掃興，雖然佢最後都俾返啲抹茶嘢飲我哋揀 結果我哋選擇錯誤嗌咗和牛Sando 同脆炸魷魚圈。食物強差人意😓和牛多士簡直就係嘥咗，和牛竟然有筋😵‍💫本身我諗住簡單啲用手食件三文治姐，點知唔可以輕易咬斷，個包又烘得太過分，我諗一半價錢就差唔多。乾到一個點魷魚圈－個字形容-乾，炸到落地都亨亨聲，兩樣食物都會令到你個嘴刮到損晒😢當然以上內容只係我哋兩個嘅個人感覺，同埋係對於呢兩種食物當日試完之後嘅感想。我哋冇試過其他食物，所以唔可以一竹篙打一船人。講埋飲品先，由於佢最後都話有返抹茶飲品

星期日4:30 去到未有好多人 排左5分鐘就有位坐似乎多數都係粉絲同附近居民店入面呢個樹既藝術係幾靚 坐落去環境舒服，期望出面地盤圍板解封景觀會開揚番咖啡味道一般，但奶泡同咖啡溫度控制不錯甜品外貌打卡精緻，但食落無想像中咁好食睇ig 評價好高 可能我太高期望價錢都唔平。小插曲叫左個雜莓乳酪碗落單個陣係收銀問左姐姐「乳酪碗係唔係得雜莓，無其他生果架？」佢話係，不過最後黎左有莓同香蕉同奇異果我話 我問左得雜莓，香蕉都算莓？雖然個姐姐話唔好意思，我唔清楚會有香蕉，幫我換 ，換左紅莓比我咁擺香蕉落去究竟發生咩事？乳酪多到粥咁多，但Granola 少得很。

啟德站附近開咗間新CAFE, CAFE嘅佈置精美度簡直好似置身美術館, CAFE以森林🌳作為主題, 店內嘅壁畫充滿藝術感! 陶瓷杯&碟每隻嘅紋理都唔同，從細緻位就感受到有幾認真👍🏻 店外/內都用上實木去做枱/櫈/裝飾, bar枱嘅實木+樹脂所造嘅超級靚! 夜晚時候cashier 枱嘅透光真係好夢幻 (留意相中有幾張都有影到), 另外店中心嘅大樹好有生命力💪🏻 坐係大樹下慢慢細味咖啡真係好治癒! 🥹有幸係試業日同朋友去食晚餐, MENU比想像中更多選擇, 點咗 ⭐️脆條三步曲 (紅菜頭, 薯條, 蕃薯條) 蕃薯條好味, 而紅菜頭做脆條口感&味道都唔錯呢, 有驚喜! 🤩主食點咗 ⭐️慢煮澳洲牛頰肉肉醬意粉, 味道唔錯, 意粉口感清爽, 肉醬配料味道豐富! 👍🏻個人推薦 ⭐️辣蒜香草烤雞配薯菜, 呢隻烤雞真係不得了! 🤤 我本身唔好太多肉, 諗住同朋友share可以唔洗食太多, 但呢隻雞香草醃得好入味, 雞肉嫩滑, 雞皮有微微嘅辣度配合得好match, 點咗半隻雞但啲肉既量都多, 最終我地食晒之餘, 我仲忍唔住連雞皮都食埋! 😆咖啡系列我點咗⭐️Espresso Tonic, 咖啡豆用Ethiopi

歌手柳應廷有份投資這一間以樹木為主題，以根為名的cafe正式係啓德開張，試業期間品嚐過內裡食物，而餐廳內部裝修，猶如藝術品，吧台及收銀位置，長枱設計如置身水底，牆面偌大壁畫，中間有參天大樹，透明長櫈圍繞大樹，內裡是樹根為裝飾品，坐在樹下好像置身大自然，一杯咖啡，一件精美甜點，已經好悠閒。食物方面，有意粉、沙律、吐司吸甜品。點了一客香蒜白酒蜆肉炒意粉，意粉彈牙，蜆肉新鮮，厚切澳洲M9和牛吐司，沒有大多調味，和牛表面鮮炸酥脆，內裡鬆軟，但份量十足亦美味，小食有脆條三部曲，包括薯條、蕃薯條及紅菜頭脆條，甜品有仙人掌及樹皮柚子撻，賣相精美亦美味。食物環境都是上上之選，價格亦限一般cafe接近，不失為一間悠閒而舒適嘅cafe

️《根 the root 》係2月13-15日舉行soft opening ，比一眾嘅歌迷優先試食❤️店鋪可以劃分4個區域，吧枱/落大玻璃旁嘅4人枱/大樹下嘅位置（共5張枱）/室外位置（共3張枱）❤️ 店舖整體比人感覺好舒服😌日光嘅照射係唔同嘅時段都令人有唔同嘅感覺☀️加上牆身嘅畫令整間店鋪嘅藝術感大大提升☺️餐牌以藍白色為主，食物有沙律/小食/自選吐司/意粉/主菜/甜品；飲品就有咖啡類同非咖啡類☕️我自己就衝住甜品而去，由其係想食Taro Cheesecake 巴斯克芋泥芝士蛋糕🍰 可惜今日所有甜品沽清🥲所以我就淨係叫咗杯嘢飲啦☕️✨ Midnight Matcha 午夜抹茶首先杯飲品好有層次感，上層係抹茶嘅綠色，下層係灰灰地好似芝麻糊嘅顏色😌入口係好香濃嘅抹茶味道，鍾意飲抹茶嘅朋友一定要試❤️ 然哩杯飲品係擺係咖啡類，所以應該有咖啡因成分，如果對咖啡因敏感嘅可以考慮飲普通Matcha/Matcha Dirty☺️

cafe位置比較隱蔽，未必多人會經過，但cafe設計非常用心，有棵大樹是其標誌！冇諗過一間cafe除咖啡外都有多款食物選擇，共叫左香草烤雞半隻、脆炸魷魚、白酒蜆肉意粉，一杯午夜抹茶、柚子抹茶梳打，仲有3款甜品（仙人掌、Taro cheesecake和樹皮柚子撻。）整體比我想像中好，蜆肉意粉冇咩特別，但被隔離枱叫既虎蝦意粉吸引多d🥰,虎蝦好大隻。脆炸魷魚鬆脆彈口；烤雞肉好滑嫩，呢個必點👍🏻，但皮就咸左少少，香料可以不用落太多😅。最吸引我喺甜品，苔玉應該最受歡迎，所以去到已售罄，但另外叫既仙人掌，我朋友好喜歡佢底部既朱古力脆脆撻，好味😋，我就喜歡Taro cheesecake,很滑很香，如果芋泥厚身多少少味道會更出！兩杯飲品我喜歡午夜抹茶，抹茶味道濃但又有咖啡味，層次分明，外觀都好靚！最緊要價錢算抵食！正式開業後會再來！

首先講環境好靚，樓底高，中庭一棵大樹，中間被裝住木段吧玻璃展台圍住。牆面掛住整幅幾米高嘅翠綠樹脂藝術畫，先聲奪人。Cashier 枱面都係木同樹脂藝術，碧玉似海，木似大地，意境一流。餐廳最重要嘅梗係食物質素，食物都一樣出色。今次試咗推薦嘅燒雞，飲品點咗午夜抹茶，甜品試咗樹皮柚子撻同推薦嘅苔玉。-午夜抺茶上層冰&抹茶下層咁靚嘅雲中山水係Double espresso &奶&竹炭，甜度、咖啡味、抺茶味都啱啱好，諧協至極。-辣蒜燒雞雞肉惹味juicy, 雞皮唔係脆嗰種但都好食，薯條唔知點形容，有啲似薯角，但係好食嘅，沙律淋咗果醋。朋友唔食辣表示辣度適中。-甜品一流苔玉：外層綠色碎碎其實係朱古力蛋糕，入面一層啡色朱古力慕絲，再入面再一層粉紅色慕絲。朱古力味濃，甜度啱啱好、又有層次。樹皮柚子撻非常清新，中間有麻糬，上面嘅朱古力薄脆有柑橘（定柚子）味，好有誠意。同埋不得不讚餐具都好靚，瓷碟隻隻都唔同樣。唔多講，睇圖就明。比較可惜係地方細咗啲，大枱唔多，想約埋一大班朋友一齊食點坐就有啲尷尬。