桔梗 (已結業)

桔梗聽左幾年，成日都見到排哂隊，今日咁岩平日放假，去整頭髮之前，lunch時間黎到見到唔洗排隊，終於可以食到啦😊餐廳環境都幾寬敞，檯與檯之間有足夠既距離，唔會好擁擠😌我同朋友一人叫左一個lunch set1️⃣日本A4黑毛和牛肉燥飯配溏心蛋除咗牛肉之外，仲有配菜，令到成個飯既味道都豐富左👍🏻👍🏻👍🏻另外加左杯凍檸檬草薑茶2️⃣我就叫左個台式燉牛肉醬意粉配溫泉蛋味道係有小小辣，溫泉蛋都整得岩岩好，冇overcook👍🏻牛肉粒都好多3️⃣伯爵紅茶芝士蛋糕大家食完個主食都想試下甜品，本身想試芋泥味，但係sold out，咁我地就試左earl grey呢個，都似出邊嗰啲巴斯克蛋糕，食既時候倒埋醬上去食😋😋😋其實見佢仲有其他野食，下次再黎可以試下個壽喜燒😍

終於試到呢間人氣cafe!! 桔梗💛旺角地鐵站行一陣就到 好大好易搵～入去坐低慢慢睇下menu 午市都有唔少選擇 好多日本A4和牛🤭 自助落單 方便又可以慢慢諗食乜🙈好快就落好單啦～ 加倍情濃 (cappuccino) $38短笛 (piccolo) $36先黎2杯野飲 正常發揮😌 特別一提係個拉花好靚呀 唔捨得飲走隻兔兔🐰 日本A4黑毛和牛三文治(半份) $78麵包烘得香脆 和牛外面係吉列炸 炸完好香脆 但熟度又岩岩好 唔會話炸到個牛老哂 叫半份試試不錯～ 照燒豬頸肉炒烏冬 $88上枱果陣啲木魚仲識跳架🤣 先講豬頸肉 煮得岩岩好 最怕豬肉好靭咬唔開 烏冬好味彈牙 仲有少少雜菜同蛋 加埋佢既醬汁 好好味😋 焙茶芝士蛋糕 $26係巴斯克芝士蛋糕呀😍 仲要係焙茶味 真係必試！焦香表面 好滑身芝士味濃 食落都唔會覺得膩～ 重點係個焙茶奶醬 真係好好味😋 焦糖牛角酥窩夫配雪糕 $78呢個用牛角酥整成嘅窩夫好好食🤤🤤🤤 有啲清新既蘋果粒粒中和返焦糖嘅甜 推👍🏻 整體來講 桔梗💛 環境舒適 食物質素唔錯 我同朋友都坐左成個下午 舒舒服服慢活一下都係個唔錯既選擇😌

天氣一冷，就會想吃壽喜燒🤩可惜我最愛的壽喜燒餐廳長期一位難求🥲想即時解口癮，唯有去發掘其他店家。剛好發現桔梗新推岀了壽喜燒套餐，就決定去一試。⁡👉🏻食物: 3/5⁡▪️壽喜燒套餐供二人享用。全程自己按指示來烹調，提供牛油、糖及壽嘉燒醬汁，甜度可自行掌握！由於我未試過煮壽喜燒，過程頗為雞手鴨腳🤯建議大家有煮食經驗一同來！⁡日本A4黑毛和牛看圖便知略嫌瘦削，油脂香欠奉，入口較為結實，沾上日本生雞蛋汁會較滑。蔬菜拼盤則非常豐富，有豆腐、洋蔥、金菇、冬菇、粟米芯、芋絲、娃娃菜等，再加上白飯，有助填飽肚😂

桔梗係旺角開左一年多，之前都聽d朋友講過話唔錯，今次星期日終於同媽咪試到啦比起一般既Cafe, 桔梗真係闊落好坐好多，每張枱都隔番咁上下距離，空間感十足👍🏻Menu 選擇唔算多但食物都幾吸引，見到menu 有桔梗和牛combo 有我想試既wagnu Sando同和牛肉燥飯($158)都幾抵食A4黑毛和牛三文治半份，三文治烘得香脆，吉烈和牛口感嫩滑，真正外脆內軟和牛肉燥飯超好食，比起一般台灣肉燥飯更豐富，仲有兩碟小菜同糖心蛋餸飯🤤甜品既話對我黎講有d太甜，雖然佢用croissant 去整waffle 底夠哂特別，但我應該都prefer 普通waffle 餅多d🙈

今日又去食旺角嘅「桔梗」～ 餐廳常有不同menu, 今次全新餐牌，主打和牛，同其他姊妹店完全唔同，幾有新鮮感～ 都仍然有保留一些原有的食品～ 日本A4黑毛和牛肉燥飯/溏心蛋 $88肉燥都幾香口，如果份量多啲會更好～ 溏心蛋好入味，唔錯～ 照燒豬頸肉炒烏冬 $88豬頸肉好味👍🏻 炒烏冬都好好食😋 推介👍🏻炸雞翼佐明太子芥末優格醬 $68有4件，每件雞翼入面都係滿滿的明太子飯，味道唔錯，而家雞翼外皮香脆，醬汁惹味，唔錯👍🏻

每次經過桔梗，都見到座無虛席😆桔梗比我的感覺很有文青氣息，等我同老公都抓住青春的尾巴好多人都選擇關西風壽喜燒，我同老公就想輕食一下，點了幾款小菜。甜薯條配酸梅沾醬薯條甜甜的，是番薯製成，新鮮炸起，外脆內軟。醬汁真是畫龍點睛，酸酸甜甜，更是開胃，我和老公都吃得滿足😆炸牛肉可樂餅配柚子醋沙律肉餅甜甜的，帶有牛味，加上新鮮炸起，炸皮夠薄夠脆👍🏼配上木耳水和沙律醬，更有口感。意想不到的是，蔬菜種類頗多，有青瓜、蕃茄、沙律菜等等😻照燒豬頸肉豬頸肉燒得Juicy, 外皮脆，配上沙律醬、木魚碎和紫菜絲，真是外脆內軟，又有口感。香芋芝士蛋糕🍰香芋在底層，配上芝士蛋糕，味道濃郁，兩人分享剛剛好。

姐妹難得相聚，最希望嘅就係搵到一個夠舒服夠安靜嘅地方坐下傾下計，但係香港地周圍都咁多人，真係難搵(╯‵□′)╯︵┻━┻但係呢度真係最佳選擇，有好野食，有足夠地方坐，正啊！而個野食，我叫左個帶子意粉，幾高質，帶子非常大隻，並且煎到外圍有啲焦脆，入面仲係好嫩嘅，食得出佢嘅火候岩岩好，加上佢本身自帶嘅鮮甜味，非常出色，但係個意粉份量唔算太大，作為下午茶岩岩好

Openrice訂了位，店員給我A8枱號，但不告訴我是Fast Pass，我和女友走遠幾步避陰，很久才發現位置已叫號，因為是Fast Pass但沒有向我們解釋，此其一。其二，我肚子痛，問店員為什麼這麼久，有沒有其他廁所，他說只有一格，我等了15分鐘都沒有人回應，細察下原來是雜物儲存格，又害我白等，店員看來全部都很馬虎，也沒有聽客人的需要，感覺就是敷衍一下。然後，我女友幫我點了茶漬飯，我老遠隔兩條街如廁回來，才發現茶漬湯已淋在飯裏，沒有分開，不知道是風格？是我見識少？還是外面其他餐廳都錯了，茶漬飯結果已成稀粥，有怒火，也只能欲哭。裝修很有格調，但服務真的十分馬虎，第一次經歷馬上送了，請認真檢討，我希望再來可以有改善，感謝

話說局長我一早就食過桔梗話哂都要支持下同路人嘛 但早前桔梗係走CAFE同埋CHILL既西式路線我印象中係比人食下意粉 飲下COCKTAIL但哩排友人話佢轉左路線賣日本餐 真係當堂嚇左跳!哩度門口 同以前局長黎開既時候無咩分別因為鋪位夠大 而家擺枱又唔會太密 老實講 坐得幾舒服以前桔梗係要自己出COUNTER買餐 所有野都要自助 好似大家樂咁 其實局長唔係幾喜歡 但今次黎到變返普通餐廳咁有人招呼同有人落單 唔洗下下自己黎 又幾好WO 有進步!睇下餐牌先嘩 估唔到真係轉哂做日本野WO個壽喜燒亦都非常吸引 好多野都好想食但左諗右諗 決定都係試下佢個A4和牛壽喜燒唔洗諗 咩都有得食首先上黎既就係A4和牛啦D雪花都OK LA 份量黎講2個人食我覺得都夠既 點解咁講?因為佢仲有個大到爆炸既蔬菜拼盤基本上局長同友人食完已經完全達成左一星期既野菜攝取量同埋佢D蔬菜 睇樣都知新鮮啦!店員亦都好耐心咁教左我地點樣去整壽喜燒就得局長化身CHEF整壽喜燒啦首先用和牛既油脂粒黎起一起鑊先然後就將大蔥 同埋和牛擺落去再加上提供既黑糖同埋特製醬汁就係咁一個關西風既完美壽喜燒就完成再將肥美既A4和牛搭日本生雞蛋食果種

我哋今次特登嚟食呢個推出左冇耐嘅壽喜燒2人套餐 晚飯時間門口都幾多人排隊壽喜燒嘅牛肉就有250g嘅A4黑毛和牛同澳洲M8和牛三角肉揀 我哋就揀咗A4黑毛和牛 呢啲牛肉油脂分布啲雪花紋勁靚同好平均🤩🤩首先落咗啲肥膏同大蔥落去獲到炒兩下 再落牛肉嘅時候 一落已經聞到好香好香嘅肉味 牛肉索埋啲壽喜燒嘅汁 超入味好好食呢個set有每人一隻日本長崎縣太陽蛋 呢一款蛋打出嚟嘅蛋黃真係異常地咁橙色👍🏻👍🏻😍😍而且蛋味都好濃郁 配埋牛肉、再加啲受壽燒汁簡直無得彈👍🏻👍🏻👍🏻因為白飯係任裝嘅 所以我哋最尾都order左多碗白飯去撈汁食🤭🤭🤭😂😂😂😂呢個set包埋一個野菜盤 有豐富既西洋菜、娃娃菜、金菇、豆腐、芋絲等 食到飽飽咁走😻😻😻

聽朋友講旺角開左間新式嘅日本西餐廳，食品品質唔錯，但一直工作很忙，未有時間去幫襯。趁著新年假期，就決定去試吓呢間餐廳，當係一年好開始的頭炮。我從旺角鼓油街轉入，無為意門口，結果要行返轉頭，原來鼓油街轉角就係。門口及內裡的裝修都是實而不華，有點文青Feel，餐廳合共分為兩層，地下擺了木桌同椅子，座位間不會太貼近，而最末端還有一排大陳設飾物架，架旁仲有棕色欄杆的樓梯可以直上第二層閣樓。仲未食野，望住呢個舒適環境，令人心情都變得輕鬆愉快。第一次嚟，我想樣樣試吓，原本想試和牛肉燥飯或者和牛刺身飯，都實在太好賣，服務員話已經售罄，惟有單叫和牛刺身，原來這個刺身都係最後一客喎。😊真係lucky。新年第一日就有好開始，Yeah。🎉🎉🎉日本A4黑毛和牛三文治（半份）🌟🌟🌟🌟🌟～三文治烘都香脆，中間夾住吉烈和牛件，和牛件雖然較厚，但仍保持中間嫩滑感。睇圖片就知🤭🤭🤭。Yummy。😋😋日本A4黑毛和牛刺身～刺身顏色鮮豔潤澤，肉紋分佈均勻，食落非常非常嫩滑。炸雞翼佐明太子芥末優格醬🌟🌟🌟🌟🌟～呢個有點喜出望外💖，雞翼炸得外表香脆，裡面仍有肉汁，無想過明太子醬汁非常惹味，甜甜酸酸，同雞翼好夾。👍👍👍👍雞泡魚干

9月底去的店還記得冷氣不夠涼 流了點汗💦雙人日式套餐$598份量幾乎是3-4人量• 餐前小菜漬物、溏心蛋• 炙烤鮪魚拌明太子醬• 香蔥檸檬味增豬腩• 燉飯x2• 熱炒魷魚佐明太子醬• 炸雞與酸甜五味醬• 伯爵茶芝士蛋糕形容為豪華版的家常台灣味絕不為過超大碗的燉飯 兩個人真的吃不完…最愛炙烤鮪魚豬腩小鹹 拌飯吃剛好魷魚肉質調味不錯 僅不夠爽口彈牙炸雞的油感控制得不錯 炸皮可以再乾身些主菜都吃到撐著吃不完最後的芝士蛋糕實在有點膩和太甜*利申我怕甜

冬天咁冬緊係要食D 暖粒粒既野🍲，桔梗冬天推出左期間限定🌟和牛壽喜燒套餐，價錢都唔平架，話明和牛呀嘛🤣黄店喎 緊係去試下架啦✨日本A4黑毛和牛150g + 澳洲M8和牛 100g桔梗的壽喜燒鍋係關西食法，餐牌有教客人如何烹調壽喜燒，因為我地當日餐廳唔算太忙，所以係店員開頭有幫我地燒和牛和整壽喜燒，因為咁樣我地覺得尼間餐廳服務態度真係幾好，佢同我地真係有傾有講😳👍🏻食物方面，日本和牛呈現雪花紋理，脂肪分佈平均，所以食落油脂味好重好香濃，而澳洲和牛雪花紋理無咁細密，所以食落比較有咬口，牛味相對比較重。食到後尾有兩三塊既日本和牛偏細塊同多筋位🥲🥲真係失望左少少，個人建議寧願比兩塊大既日本和牛質素靚d，都唔好比質素差d 但好多塊既和牛🥲 始終佢價錢真係唔平而蔬菜拼盤都算多食材，有皇帝菜、娃娃菜、金菇、南瓜等所以真係唔怕唔夠食✨莓莓燕麥奶搖尼杯飲杯飲落好健康，係有D 驚喜。同平時burger嗰啲奶昔比較好唔一樣，又唔多冰，又唔係加糖漿既甜味，係有一種水果本身帶出自然清新既味道。環境方面，枱與枱之間非常闊落，風格似工業風x日本風，都算坐得舒服，適合同朋友傾偈食飯。

行街經過見到佢午餐幾正咁，就同朋友入去試試😂 舖頭環境好寬敞、樓底極高！本身想食黑毛和牛丼飯同埋三文治，但一點嚟到已經賣晒😭😭 結果叫咗明太子鍋燒烏冬配吉列和牛（$168）賣相都幾好，除咗和牛都仲有少少其他配菜，烏冬有明太子後都幾濃味下，偏鹹，建議大家一開始可以挑走少少先，再因應個人口味加落去～☺️☺️至於吉列和牛味道OK但唔算太驚喜，和牛大約五至七成熟，口感較軟，出邊包住吉列脆皮～ 咬落去嘅時候兩者唔算太配合，最後都係要分開黎食😂🙈🙊食物味道OK，環境舒適，座位之間相隔幾遠，都幾適合同朋友聚會見面👍🏻👍🏻

我同媽媽嚟到旺角一間裝修好有日本feel嘅餐廳 ，佢嘅餐單都寫上日本嘅字句， 店員嘅打扮都好有日本嘅風格， 佢又有壽喜燒，和牛刺身等等富有日本特色嘅菜 ，唔講真係以為自己嚟咗間日本嘅餐廳。佢仲有午市套餐， 價錢都超抵食 ，有日本a4黑毛和牛餐牌上仲有和牛三文治, 和牛刺身, 又有炸嘅食物 ,甜品等等,好多選擇。飲品都有好多嘅選擇 ，有梳打， 有茶 ，又有酒精飲品， 適合唔同嘅人士飲。仲有呢個和牛壽喜燒，價錢非常之抵食， 六百幾蚊 就食到上等緊靚牛。芒果乳酪 ，味道好清新 ，好香濃嘅芒果味，又有大大片嘅芒果， 非常之好飲。和牛飯，有好靚嘅肥牛， 再加兩隻糖心蛋， 非常之完美。炭燒豬頸肉， 加上木魚， 配搭一流。 香脆可口。餐廳環境好有日本嘅感覺。