梁慶記

營業中

休息中

店面光猛，環境乾淨企理，員工態度欣切。炸墨魚餅，新鮮脆口，完全無炸過龍，而且無油膱味，值得一試。燒豬頸肉，一樣冇過火，而且又淡淡嘅炭香味，十分推介。可以做得更好嘅地方有二，蝦子麵喺上菜之前可以撈得更加均勻，就唔會出現相入面嘅情況，黐埋一舊，比較難進食之餘，味道亦都唔勻循，影響咗整體評分。另外仲叫咗一個葡式吉列豬扒蓋飯，隨餐嘅咖喱汁，睇得出係俾心機做，椰香味充足，撈飯一流。唯一美中不足嘅係個飯真係太過濕，撈埋兩隻太陽蛋嘅汁，就好似食緊泡飯。

上次吃過下午茶，這次來是因為看完網上平台見人食蝦籽撈麵好好味咁所以突然想食蝦籽撈麵，搜尋北角區結果又是這家哈哈😆豬扒蝦籽撈麵 $63選的是幼麵，蝦籽份量十足，麵身彈牙；除咗豬扒仲有幾款選，標配炸墨魚片頭，麵份量足，定價略高不過好味搭夠，食過返尋味！

最近好想食豬扒包，搜尋到原來炮台山有梁慶記，下午茶由2:30開始供應，選了半個豬扒包+墨魚餅3件，飲品是檸檬桑葚茶；墨魚餅炸過幾香口但略油，如果底下放張紙吸油會好啲，內有芹菜對我來說扣分幸好味不濃；主角豬扒包包身脆、豬扒入味，洋蔥抄得香夠熟好味！份量以下午茶來說很足夠。飲品有三款花茶選又不用加錢是加分點，小店座位不多，平日下午茶時段冇乜人可以坐得舒服啲，不過店內冷氣不足加了很多風扇，人少時就問題不大。

幫襯過澳門的街邊大牌檔梁慶記，所以帶少少好奇心黎幫襯，雖然食落係兩回事(澳門蛋巷嗰間好食好多)，不過食物味道VS價錢都算不過不失啦。叫咗個2人套餐，入面有蝦子麵撈粗，餸就揀咗雞扒(其他選擇有豬頸肉、豬扒、澳門魚蛋，金錢肚)，葡式蓋仔豬扒飯，酸辣墨魚餅，再加兩杯餐飲，另外再叫咗個淨牛筋腩。酸辣墨魚餅最流，其實就係有D似炸魚片頭咁樣，不過炸到over咗少少，而且唔酸唔辣。雞扒蝦子麵撈粗都OK，都落咗幾多蝦子，不過就無乜香味，另外D麵有梘水味。反而呢個葡式蓋仔豬扒飯幾好，其實就係炸豬扒下面有隻煎蛋，然後下面就係白飯。拎開D豬扒就見到隻蛋。牛筋腩都OK，牛筋好入味。

同個朋友去叫左兩個麵等等下聽到個大嬸喺度咳我的坐位就望到廚房一邊撈麵一邊咳而且是沒有帶上口罩正正就是我的撈麵、其實啲姐姐仔知道我見到但照出當無事發生、最後無食。

又貴又唔好食要爽面 比林面杯凍檸茶得正常外面一半奶茶冇特別墨魚餅 只係將個墨魚丸切開四粒個炸雲吞係正常外邊嘅¼ ¼咋不過牛腩算係用心製作牛筋牛腩OK但係我哋嗰支揀兩個撈麵兩個撈麵跟湯都係一啖都未一啖就飲完啦根本就唔正常呢間舖頭正常人諗過跟湯都唔會咁差咁細碟啦除咗所謂竹升麵好正之外，廢到爆啊如果嗰次兩個人食$200 只值50或者更少令我好失望，什麼米芝蓮連續性面？什麼澳門 澳門名店食肆 好難食啊？不過有樣嘢食得㗎佢嘅酸甜蘿蔔好正我覺得這個地方

之前去澳門都會去「梁慶記」食佢地的蝦籽撈麵😋😋「梁慶記」係一間澳門老字號麵店，主打手打竹昇麵同豬扒包等澳門風味小食，亦獲米芝蓮推薦！！原來佢地喺北角都開咗間分店，咁唔洗過澳門都可以食到啦❤️❤️🍝各式蝦籽撈麵✨嚟到當然要試佢地的招牌蝦籽撈麵啦！賣相好吸引🤩🤩粗麵爽口彈牙，帶濃郁的蛋香，一啲鹼水味都冇！面層鋪滿蝦籽🦐，撈勻後鮮味十足！！配料就揀咗豬頸肉同辣金錢肚，豬頸肉鮮嫩脆口，油脂香豐富🔥🔥另外仲加($24)加配咗炸雲吞同葡式奶茶～～炸雲吞外皮酥脆，餡料有蝦仁同豬肉，味道鮮甜多汁！！葡式奶茶都唔錯，口感順滑，茶味同奶味都好香濃👍🏻👍🏻

梁慶記 (北角).朋友成日係港島流連又知我地喜歡食啲地道野，澳門🇲🇴出名嘅梁慶記原來香港都有！.唔想食飯/粗麵咁heavy嘅大家可以食米粉，呢到嘅葡式香辣喇沙米粉係比較清，個湯係清湯再加上香辣粉但佢跟嘅餸係炸雞翼，炸墨魚角等比較重口味，兩個夾埋就啱啱好.另外大推大家愛吃豬扒包嘅要食，佢嘅到嘅豬扒真係做得幾好，可惜今次我食呢個包唔夠汁略嫌乾身.飲品上有咖啡奶茶，但女士要養生嘅話仲有花茶叫咗個胎菊石蜂糖花茶，焗一陣好好飲！.梁慶記 (北角)北角炮台山電氣道233號城市花園3座地下4號舖

梁慶記 (北角).位於北角有一間澳門特色嘅餐廳，有撈粗有豬扒包！.▪️二人套餐▪️.呢度好貼心有個二人套餐，有晒我哋想食嘅招牌！我哋叫咗一個豬頸肉蝦籽撈粗，上枱就見到擺得靚靚，而且充滿着蝦籽唔想食豬頸肉嘅，你仲有其他肉類嘅選擇另外再叫咗個葡式豬仔蓋飯，呢個真係200分超好食！豬扒炸得酥香肉嫩，入邊中包住兩隻太陽蛋，另外佢仲配有咖喱汁同埋豉油俾你撈飯，豬扒再加上蛋汁，另外仲可以加入少少嘅咖喱汁，好好食！！.呢度嘅樽仔奶茶咖啡都好出名，樽仔入住就唔會有冰融令到佢淡咗！.📌 梁慶記 (北角)北角炮台山電氣道233號城市花園3座地下4號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

今天和朋友約左了在北角食飯朋友推介了一間餐廳 😍 是曾經勇奪米芝蓮的梁慶記💕我哋點左佢哋嘅二人套餐！ 套餐包括佢哋最出名嘅撈蝦籽麵 ！ 可以自己揀唔同嘅面底 例如你自己鍾意粗麵或者幼面都可以揀超級多蝦籽！差唔多成個面都係 佢哋仲會配一碗湯汁驚你個麵乾咗之後會好硬你就可以自己根據你鍾意食嘅軟硬度再去落湯汁我覺得好貼心👍🏻 之後就係佢哋嘅葡式蓋仔豬扒飯！可以見到真係成個碗都係豬扒甚至有啲仲大過隻碗哈哈仲隱藏着一隻流心嘅雞蛋配埋米飯食真係一流啊🤣🤣🤣 佢哋嘅炸墨魚餅都好出色但係一定要讚嘅就係佢哋嘅燒烤全翼剛剛燒出嚟嘅時候真係好好食完全有一種去咗燒烤店嘅感覺外脆內軟雞肉燒得剛剛好我想比一百分 💯最後就要讚吓佢哋嘅奶茶身為一個奶茶控🧋我覺得佢哋嘅奶茶底好濃好好飲✔️✔️建議大家都一定要試吓！

今日去左北角試左一間小店 主要係經過個門口俾個招牌吸引住 ！目測小店真係位置唔多 勝在時間夠早唔使等位 一坐低唔夠20分鐘全場滿座 大部分都係附近嘅街坊 就覺得應該冇揀錯！招牌安格斯溫泉蛋蝦籽撈麵同埋葡式蓋仔豬扒飯 就呢2個 跟門口招牌食！個麵口感豐富，麵本身好有彈性，彈牙有嚼勁食落有滿足既咀嚼口加埋安格斯牛肉既鮮嫩 麵有蛋香味同蝦籽豐富層次 蝦籽有微妙的咸香和清爽的質地，加埋辣椒醬每一啖都充滿咸香味，爽脆，香辣！份量又夠大 對得住價錢！葡式蓋仔豬扒飯個份量好大 豬扒好大塊完全掩蓋咗個飯 仲要係厚切豬肉扒，嫩滑多汁 完全唔鞋口 豬扒下面有太陽蛋 個蛋黃混合豬扒米飯一齊食 蓋仔飯搭配口感嫩滑豬肉扒 外脆內軟 ，配搭蛋香和米飯的口感，呈現出豐富的層次感。仲有花茶可以消滯！見食客都係附近街坊，坐場滿座就知呢間性價比高相當不錯，質量對得住價錢！抵食！

放工喺附近搵吓有咩餐廳見到有間嚟自澳門嘅梁慶記😯好耐無食過蝦籽麵所以就去試下啦😆- 安格斯溫泉蛋蝦籽撈麵(+$4竹昇粗麵💕)見到有傳統竹昇粗麵 而且係手打嘅😝當然要試下啦食落口感同平時嘅粗麵唔同😚偏淋身啲仲有好香蝦籽味添安格斯牛肉亦都好滑身 配上蛋汁 兩者之間好夾🥰另外 仲會有炸墨魚丸爽口彈牙 唔會咬落得啲粉- 葡式蓋仔豬扒飯大大塊炸豬扒😍側邊仲會有兩種汁可以點個人就比較鍾意點咖哩😋咖哩好香 但係唔會好辣用嚟點個豬扒 好match啲飯入面仲會有啲汁添😝

澳門過百年歷史的麵店梁慶記在港開咗分店，餐廳地方闊落，以傳統手工竹昇麵馳名，同事約咗我今日去試吓。濠江地道雲吞麵：手打竹昇麵採用澳門傳統做法，堅持人手打製，全用鴨蛋，所以麵條煙韌彈牙，而且沒有鹼水味，雲吞餡用新鮮豬肉製，中間再加一隻蝦仁，食落油潤甘香，肉汁豐富。湯底改用自家煲的豬骨湯，味道濃郁，鮮甜清新。跟餐炸雲吞和飲品，雲吞炸至金黃色，香脆可口。凍檸茶不太甜。葡式咖喱雞扒飯：辣道揀咗小辣，葡式咖喱香濃，雞扒肉嫩，沾滿醬汁好惹味！跟餐腩汁生菜配飲品，生菜清綠爽脆，加腩汁味道更佳。葡式奶茶：用樽裝裝奶茶，原汁原味，飲落茶味香濃回甘，甜度相對較低，適合喜歡濃茶味又怕甜的朋友。招牌澳門豬扒包：麵包外脆內鬆軟，充滿牛油和洋蔥的香味，而且豬扒肉身軟腍又Juicy，真係一試難忘！食完先睇到米芝蓮推介蝦籽撈麵，下次再來試吓！

聽聞炮台山梁慶記雲吞麵舖拎過米芝蓮，所以約好咗朋友一齊嚟食。我地叫咗安格斯牛小排套餐($158)。套餐包括180克安格斯牛小排，牛尾湯，胡麻沙律，葡式咖喱汁。本身個餐仲包咗一碗白飯，但我就加咗$6將白飯轉做米芝蓮蝦籽撈粗。另外再加$24加配咗個炸雲吞同埋檸檬黑桑葚花茶。跟住我哋再單點咗一個玫瑰桂圓花茶tim.炸雲吞有四隻，係一口雲吞嘅size，入邊有蝦同豬肉。蝦肉爽口彈牙。蝦同豬肉都有鮮味，雲吞皮炸得脆卜卜。安格斯牛小排係已經燒好咁上枱。牛小排燒得帶點焦香。牛味濃郁。跟餐有燒汁同葡式咖喱汁，客人可以根據自己嘅喜好拌以牛小排一齊食。我自己就鍾意葡式咖喱汁，味道香濃，而且出面比較少見。沙律菜新鮮爽脆，配上胡麻醬，感覺清新，減少油膩感。米芝蓮蝦籽撈粗果然名不虛傳！係撈咗豬油嘅粗麵上面再灑上大量蝦籽，咬落每一啖都充滿濃濃嘅香味。粗麵亦冇鹼水味，軟硬度適中。檸檬黑桑葚花茶同埋玫瑰桂圓茶都帶有淡淡嘅果香，係養生之選。總括嚟講，呢間係一間比較新式嘅雲吞麵店，滿足到老一輩嘅同時亦都好岩我哋年青人口味。#香港美食 #香港探店 #香港必食餐厅 #梁庆记 #澳门梁庆记 #北角美食 #手工竹升面 #米芝莲推介

講真食得多鮑參翅肚，間中都想簡簡單單，就算一碗白粥，我都覺得好滿足。今晚就過黎北角試試呢間，已經營運過百年既澳門老字號「梁慶記」，亦受米芝蓮推介過，佢地既地道正宗風味，就係果份價值，果份堅持，並唔係單純可以用錢黎衡量！👇🏻📌招 牌 推 介 -▪️ 蛋 蓋 豬 扒 飯 - $59▫️ 我朋友嗌左個「蛋蓋豬扒飯」，豬扒外層帶微微香脆，食落肉質爽口彈牙，完全唔韌，面頭放上一大塊炒滑蛋，口感相當滑溜，加左4蚊仲有加底，夠哂飽肚；加左24蚊仲可以轉set，送一杯飲品同埋小食；佢就揀左杯「玫瑰桂圓花茶」同埋「炸雲吞」；花茶入口清幽解膩，而炸雲吞亦係新鮮即炸，夠哂脆口；套餐額外再加16蚊嗌左個「滷水豆腐」，吸收哂滿滿滷水汁，份外惹味。▪️ 蝦 籽 撈 麵 - $63▫️ 另外不得不試呢個地道「蝦籽撈麵」，先講撈麵，食落完全無鹼水，口感極為爽彈，面頭灑滿大量蝦籽，鹹鮮味豐富，同樣揀左主食係「豬扒」，加左10蚊雙拼要埋「辣金錢肚」，金錢肚極有咬口，煙韌無比，最緊要係多蔥，同樣24蚊轉埋套餐，嗌埋碟「腩汁生菜」同埋凍檸茶，今晚真係完美收貨啦！