梳乎厘 (已結業)

前排見到上水有新開既舖頭今日終於決定入去試下叫左個SET DINNERd野食外觀不錯, 所以有期待...um...牛扒味算得上好食...不過都ok ge甜品就最欣賞!是日甜品係"香蕉布丁"其實係個香蕉味既蛋糕幾好味~~~!!!! 服務方面: 我覺得好好, 好有禮貌又主動~~~d水飲左一大半, d服務員已經好主動過唻加返d水比你

這是我的結婚週年晚宴。太太喜歡吃西餐，我選擇了餐廳“SOUFFLE”。過往在此店有兩次經驗,覺得在梳乎厘的食物，是值得深入品味。我們已安排一個6道菜的晚餐來慶祝。菜單有:沙律：玫瑰三文魚沙律伴青檸橄欖油汁 Rosette of Smoked Salmon with a Lime Vinaigrette頭盤：威尼斯風味香煎鵝肝伴黑醋 Seared Foie Gras Venetian Style Served with Aged Balsamic Vinegar餐湯：北海道帶子龍蝦湯 Lobster Bisque with Scallops主菜：海鱸魚配檸檬牛油汁 Pan-Fried Seabass with Lemon Butter Sauce主菜：扒美國頂級西冷/ 或澳洲羊扒伴紅酒肉汁 Grilled US Prime Beef Sirloin Steak or Grilled Lamp Chop with Red Wine Jus甜品：梳乎厘 / 士多啤梨拿破崙 Souffle/ Strawberry Napoleon當晚七時半玩到十一時,環境、食物、招乎樣樣一流- 讚! 今次更喜

一直都想試下呢間係上水馬會道既餐廳,因為見佢裝修簡潔,環境唔錯.呢排行過又見佢午餐推出左個新既和牛漢堡,今日就同朋友去試下先.果然無令我失望,和牛漢堡口感好細嫩呀,而且油花均勻,即叫即煎,肉香濃烈,牛味可媲美安格斯,識食既一試就知靚野.包烘得熱辣辣,非常鬆化脆口,加上生菜,蕃茄,芝士,味道配合得相當出色.Lunch又湯又茶又有頂級和牛漢堡,埋單只係$68,無加一呀,下次真係要試埋個晚餐......yummy呀^^

我很久沒有吃好味牛扒,屋企D爐火,好似都欠火喉,今次專登通知各界食客,一間用心做餐館,都係買少見少,大集團財力下,吃來吃去都冇Heart,今次見到新一代大展實力,我跟朋友從遊舊店的下午茶-Mini漢寶,食到我嘴角都會笑, $38你地可以話我誇,但眼見無論大人,小朋友都影相大叫,真搞笑,仲有炸魷魚,牛肉粟米片,原來都好有新意,不過侍應一放低,就比人分化落肚,想影吓相都慢咗,講吓笑吓不知不覺就坐到黄昏6:00啦^^^見到有個侍應正在寫黑板,似老師寫預告,原來有個廚師推介,二人套餐,甚麽有骨安格斯肉眼扒,有24oz厚切,好利害想像到肉汁juice,香到暈啦,下次一定約人試吓先,不過是否有細8oz,比我地美女們2個人都可以分享下,那就更Perfect原來: 環境/ 服務/ 廚師水準 真係另大家回味無窮 ( 上水梳乎厘***真叫人忘不了)****請接受我的小小意見**** (大細安士牛扒,任君選擇)

今日無意中 同幾個朋友經過上水一間西餐廳 覺得環境唔錯 便入去試一試 地方十分企理 待應生很有禮貌 七時多 已經有8成客人了我地4個人 點左2個晚餐 1個係龍蝦米多 另一個係牛扒配大蝦再點了一個龍蝦沙律 同埋一個2人套餐 (24安士的有骨肉眼牛扒)今日餐湯係意大利菜湯 好好味加左28元仲可以轉酥皮龍蝦湯添 個龍蝦湯 好濃好夠味 正~~~加多15元試埋個南瓜忌廉湯 D 湯真係好有水準主菜 龍蝦米多 係用芝士焗的 待應落單後 還親手比我地睇下隻生猛龍蝦 牛扒拼大蝦 牛扒好食 隻蝦仲好大隻添 24安士有骨肉眼 真係物超所值 438元 好抵又好食~~~甜品 ORDER左個 心太軟 梳乎厘 日式芝士餅 仲有個 意大利奶涷 全部都好好食 我地食到好飽 好滿足~~~以後一定會再來~~~~~

之前聖誕食過一次，味道都好好味，但係..諗住再返黎食...覺得好失望.......今次食D牛扒有d"un"，咬極都咬唔開意粉食到一patpat，有d失望，上次食係一條條叫返我鍾意既心太軟...但點解...甜得制...食食下聽到聽隔離枱D食客講，好似轉左主廚，之前張紙係黃SIR唔通真係轉左主廚?侍應都係有禮貌~唔錯...但味道...真係差左....下次未必再黎食~

自從投入社會工作後,沒有幾個生日是遇上有假放的,今年就在假期中渡過,心目中有好幾個食餐勁的選擇,以雙子座的多變性格要以最後那分鐘的想法才算是最後決定。結果在最後那分鐘決定入上水,目的地是那家曾光顧過的法式小咖啡店,那種氣氛的確是我想要的;到達上水後反正有時間又繞個大圈從另一邊馬會道走走,原來這邊也真的好多食肆,除經過上水街坊曾說過蠻好吃的上海飯店外,還有這家梳乎厘,望一望門外午餐也蠻對眼,而且還是空無一人嘛!一踏進店裡,跟門外是兩個世界,清涼恬靜的!佔了光線充足的一邊,慢慢享受舒適冷氣之餘,剛好換上下午茶餐牌,當中選擇不少而價錢更加相宜,壽頭有點食神眷顧!先來的熱咖啡,點菜時也問了是否即磨?厚厚一層咖啡脂在杯面,底層咖啡也蠻有香氣,雖然餘韻不算持久,起碼仍像杯香濃咖啡,未加糖時的確如一杯苦口良藥,即時精神為之一振!!加了咖啡糖則易入口得多,還未到飲齋啡的階段,加入鮮牛奶為咖啡增加鮮奶香及更幼滑,效果當更可口,可是鮮奶沒有加熱,冷冷的溫度即時令熱咖啡降溫,這方面是可以有所改進的。製作有點需時的煙肉雜菌汁意粉($35)以下午茶份量來說相當豐足,作為午餐也相當足夠。幼身意粉煮得完全al de

琴日中午終於去試咗依間响上水少有嘅西餐廳.帶住期待美味午餐嘅心情一家人入到去, 唔駛等位, 即刻坐底.地方環境簡潔整齊, 算可以.點咗兩個午餐:香煎魚柳配薯菜燒汁豬扒配意粉再加一個散叫雜菌煙肉意粉前菜忌廉湯同沙律好快就送上.味道可以, 跟湯個麵包就一般般.香煎魚柳賣相唔錯, 幾好味.雜菌煙肉意粉冇乜特別.燒汁豬扒韌到切都切唔開話比個女侍應知個豬扒好韌, 佢好快咁答話d豬扒係冇"葉"嘅, 跟住就行咗去.條氣頂住, 之後見到有個男人應該係餐廳經理掛, 叫咗佢埋呢話比佢知個豬扒韌到切都切唔開.佢聽完之後就即刻响枱面攞起把刀同叉切落块豬扒度, 結果佢都切唔開.跟住佢講對唔住同收走咗果碟豬扒.佢好快就返呢話唔好意思, 話已經幫我哋取消咗個張單, 問需唔需要轉其他嘢!佢好有禮貌, 服務態度好好. 不過我已經冇乜胃口.跟住就埋單走人.失望的午餐就咁完結.

呢間餐廳我地兩公婆去過好幾次, 環境唔錯, 星期一在深圳做完嘢, 特登在上水站落車幫襯. 因為唔知餐廳星期一開唔開, 事前打電話去訂枱. 由火車站行去, 話遠唔遠, 但天氣開始熱, 去到經已身水身汗. 入到去, 老公點了燒牛肉套餐($108), 我點了法國燒雞餐, 好似係$58.非常口渴, 然是叫啤酒, 待應話只得小枝裝藍妹, 雖然藍妹老公一向麻麻, 但又熱又口喝, 乜都殺啦.(其實從未問過枝啤酒幾錢.)點完菜, 兩個人開始商量飯後甜品應該叫梳乎厘定心太軟.幾分鐘後, 待應通知:「啤酒未放雪櫃, 你地介唔介意?」吓, 唔凍的啤酒! 你估廿年前大陸咩. 我微弱地抗議:「唔凍點飲呀?」此時坐在櫃枱後的男士, 估計是負責人啩, 話:「咁我地現在放雪櫃, 你等等啦. 」真係俾你激死, 「你而家至放入雪櫃, 到樽啤酒凍, 我地都食完啦.」於是我提議: 「不如我出去七仔買啦, 橫掂我地都唔鍾意藍妹嘅.」以為一人行一步,點知負青人竟然唔制, 「唔得㗎, 唔好意思. 」都好離譜啫, 天氣已經轉熱, 你買啤酒返嚟, 但唔放雪櫃, 咁同冇有咩分別先, 你冇提供凍啤酒, 係你唔啱, 但你只為自己生意著想,

事前訂位, 6:30PM即到即入, 無需等位, 服務不錯, 很有禮貌和笑容.湯很CREAMY很滑不錯呀!PIZZA簿底, 很脆.意粉白汁很美味. 蝦夠彈牙炒蜆肉汁很好味. 廚師很用心呀! 我會再去架HEHE!!

鮮蝦意粉，$88 包一杯飲品一碗湯，意粉冇味，蝦不是鮮蝦，普通茶餐廳好好多，青豆湯又係冇味，環境算不錯，勝在冇加一，有但一定冇下次，d扒好貴$368，唔知好唔好食，但唔敢再去

上水西餐唔多..特別係舊墟.. 所以Souffle特別搶眼!門口貼了很多報導.. 身為行內人.. 一看就知報導是拉大來印的....而且是一窩蜂的新店介紹..不打緊. 還是抱住一試的心態.等位等了約15分鐘.. 好旺場最搶眼的是開放式Kitchen..其餘的裝潢其實好一般.. 而且位置同位置好逼.. 其實都幾嘈.. 看著餐紙，感受到大廚的用心.. 想將用心製作的西餐帶入上水..不過..試完d食物之後..牛扒大蝦..牛味夠...帶香...但肉質好韌..好韌..大蝦不過不失，無蝦味.. 不過燒得夠香... 一般般餐湯.. 只能說平椰林閣的白湯高一個水準.. 但又未到好足料果種西湯.意粉.. 做到Al Dente 的口感.. 不錯.. 番茄味亦剛好.. 只是海鮮方面有點不滿意.. 毫無鮮味可言!最失望係最後食到的炸魚薯條.. 等了差不多20分鐘.. 即炸的..即炸的薯條當然問題不大.. 但那炸魚實在很唔掂..脆皮硬得可以敲出聲.. 脆皮和魚肉可以完全分離.. 魚無味..脆皮厚.. 唔掂!每人$170.. 3樣野.. $340蚊依個價錢.. 係上水黎計.. 實在不值!我寧願食上水廣場味

話說個日同男朋友慶祝314啦~之後見喱間近屋企個氣氛又好似好好咁,所以就去喱間食其實D服務態度真係好好..有個女侍應仲好似安以軒所以就好期待D野食黎..D野食黎之前.佢地會比D一條條既餅我以後都唔會再食喱間-_-..三百幾蚊同食波仔有咩分別!?好唔值.你話好味就話姐~_~即係就算間鋪頭幾出名咁又點..都係靠包裝姐-_-仲要食唔飽-.-

想在大埔及北區食餐似樣啲的西餐, 選擇非常有限, 假如對環境有要求, 真係五隻手指數得哂.見到雜誌介紹上水呢間疏乎厘, 即刻扑入去試試. 餐廳距離火車站十五分鐘腳程, 在比較冇咁繁忙的馬會道, 去到十二點, 剛剛開門營業, 即刻有七八個人走入去, 睇嚟生意唔錯.餐廳開張冇耐, 裝修簡潔, 最特別係個open kitchen, 好, 透明度高, 證明信心十足, 我鍾意.午市套餐有pizza餐($48), 意粉餐($52), 及黑板手寫的幾款($5x-$78).我點了咖哩雞柳意粉($52)前菜有麵包及香草雜菜忌廉湯, 麵包香脆, 個湯就飲唔出有邊種"香草雜菜"味, 但係好滑溜.除了湯, 仲有薯仔沙律, 食得出個醬係自己做的, 如果落多兩滴檸檬汁會好啲. 主菜咖哩雞柳意粉, 咖哩汁係英國式, 好溫和嗰種, 冇乜濃烈香料味,意粉不會煮得過腍, 除了雞柳, 配菜仲有西椒&香菇etc, 份量適中, okay啦.即磨咖啡, good.老公點了黑板上的 豬柳拼羊肉配燒汁&意粉($78).麵包+湯+薯仔沙律+咖啡 都同上面一樣的.豬柳拼羊肉, 我覺得個組合都幾奇怪, 不過自然有食肉獸捧場.兩塊肉差不多s

前幾天跟媽媽路過這間餐廳，媽媽說想試，就找了個星期天去吃了。剛好我們一行3人去到仲有一張四人台，不用等位。環境不錯，小小一家餐廳便有4部冷氣，夏天一定很夠凍!裝潢很簡單，所以冷氣喉管什麼的也清晰可見的…套餐展示很不清楚，只在左右兩塊小黑板，有些死角位一定看不到很不幸，今天的湯是青豆湯，本人不吃青豆所以點了沙律，沙律是不錯的爸媽也點了青豆湯，不過得到的評價也是「奇怪的味道，又甜又鹹，唔知咩味」奇怪的事來了，湯來了兩客，但麵包卻沒有出現，店面雖然滿座，不過店員都不忙碌，是忘了嗎?一直等，結果主菜來了，麵包都沒來…點了的這個龍利配淡咖哩汁魚是劇鹹的什麼淡咖哩嘛，跟葡汁唔覺有分別…奇怪的事又出現了，媽媽叫了燒豬肋骨+飯，不過我們吃完成個飯佢果個都未來，突然聽到隔離台的人叫侍應「我叫的是龍利+薯菜，這個豬肋骨+飯不是我的」那碟東西已經放在人家的台有十數分鐘了…侍應把東西收回來之後，爸爸便催他們說仲有一個飯未到先是一個女的說「要煮過比你」，再來一個男的說「我幫你催催」但是我望到出菜位那邊，那碟東西一直都放在那兒，一堆人在耳語…過了數分鐘那東西終於被傳入了廚房再過了數分鐘(正常人都知道數分鐘是不可能