棋子燒鵝 (長沙灣道)

營業中

休息中

外賣叫左燒肉瀨粉，半個鐘到就送到黎，都幾快。燒肉、瀨粉同埋湯都係分開，唔會浸到淋晒，幾好。燒肉嘅份量都幾多，咬落都幾脆，$60，外賣質素來講唔錯👍。湯底應該唔係味精湯，比較清，瀨粉可以再多D就好喇。

吃了多次下午茶. 最近兩次食燒鵝瀨粉. 兩次都系給燒鵝髀, 但过熟. 皮好苦, 肉又乾又韌. 請送上飲品的亞姐, 給多一杯清水, 她回應轉頭給. 最近兩次都係佢, 亦系一樣咁樣回應, 然後杯水就冇咗影. 之前食嘅下午茶係有水準嘅！ 唔知點解最近變成咁樣！

今天來到深水埔工作，忙完後找lunch吃，經過這間棋子燒鵝的餐廳，看見它的燒味十分吸引，特別是燒鵝，所以決定一試。我點了一個棋子叉燒燒腩肉雙拼飯。它的叉燒和燒腩肉很大件，很正呢 🤤🤤而叉燒的肉不會過肥，咬起上來很多汁 Juicy.另外燒腩肉的皮很脆口，配上厚厚的腩肉，口感有多層次的衝擊，令咀嚼的時候很有滿足感，想大口大口的繼續吃下去呢！它的飯有很多，不會怕不夠飽，而且還有兩條菜心可以吃。這裡的燒味飯也很不錯呢！

放假去左深水埗買電腦野，之後去咗長沙灣道「棋子燒鵝」食午餐。顧名思義，店舖主打燒鵝，同時有各式明爐燒味或港式下午茶/常餐，定價適中原隻燒鵝髀飯店舖精選五斤四両的黑棕母鵝，採用獨特醃製配方及煙燻技術，使得鵝肉散發着陣陣荔枝柴煙燻香，配上秘製醬汁，非常滋味，佐飯一流！難怪大多數客人都係叫一碗燒鵝飯或燒鵝瀨粉～全日常餐棋哥叉燒米粉當然也需要試試！叉燒係半肥瘦的，香軟腍滑，帶有甜甜的蜜汁香，好好食哦香滑炒蛋及火腿配方包炒蛋果然夠哂滑，充滿蛋香🥚方包烘至金黃香脆，正呀！桂香切雞米下午茶套餐有多款選擇，另外叫多咗個桂香切雞米。切雞份量都幾多，雞肉口感嫩滑，鹹香滋味。同爽口幼滑嘅米粉好夾港式熱奶茶及熱檸茶奶茶夠絲滑，茶味香濃👍🏻檸檬茶酸甜解膩

收到柯打今晚要斬料加餸， 放工正好經過深水埗『棋子燒鵝』。 念念不忘佢嘅燒鵝～店舖新開張，地方乾淨～ 廚房乾淨企理， 比起其他地鋪茶餐廳食得更放心！燒鵝飯$50份量好足， 念念不忘就係佢芳香嘅鵝肉， 一試難忘 ！鵝皮更滲出煙燻柴火香味～ 鵝肉唔算好肥但肉質一啲都唔韌， 有肉汁， 每一件都是享受。😋👍一定要試佢嘅蜜汁叉燒（$60半斤）， 選用了腩位， 唔需要半肥瘦也入口軟腍， 肉質鬆化，蜜味甘香。 叉燒色澤自然冇多餘色素， 屋企人讚不絕口！💖😋分量好足$60半斤似乎平過我喺街市買～ 這裏衛生啲仲美味啲！！鹽焗手撕雞半隻$68手撕雞啖啖肉 ，落單後先即撕即撈～ 雞肉肉質嫩滑， 雞皮夠爽， 鹽焗惹味香囗，最啱佐酒！忍唔住叫多個麻辣手撕雞小食($28)， 怕屋企人唔食得辣。 竟然唔算辣， 麻味唔重不過麻香十足， 叫人一吃上癮。 堂食下午茶價錢比連鎖茶餐廳更相宜～ 下次可以 堂食試吓其他港式茶餐！！

琴晚放工去左位於深水埗既棋子燒鵝買外賣反去加料，位置好方面；一出地鐵站轉彎就到，而且店舖格外乾淨，加晒分！鹽焗手撕雞半隻$68：吾想成隻雞食，可以選擇手撕雞。手撕雞有兩種味道比客揀－麻辣或鹽焗。吾食得辣既我就揀左鹽焗味道－味道咸咸的，雞肉嫩口吾鞋；就算拎到反去刀吾會出晒水甘！當中既雞皮又吾太肥，仲有沙薑味。爽脆海蜇 (半磅) $70：相信大人同小朋友會中意食海蜇，餐廳同時可讓客人揀全份或半份。半磅既海蜇吾會太少，用黎送飯一流啊！海蜇口感好爽口，味道吾會酸，不錯！燒鵝五寶飯 $63：五寶飯包有油雞，燒鵝，咸蛋，紅腸，叉燒。賣相幾大份，油雞口感同樣好嫩口；燒鵝吾太油，而且好香，啖啖肉；咸蛋大大隻，用黎送飯一流；紅腸大片又甜甜地；叉燒半肥瘦，口感吾硬。飯粒口感軟熟，整體也不錯啊！

去深水埗運輸署辦理一些汽車手續，之後要去買燒肉拜神，因為今日係十五，記得之前女兒去過棋子燒鵝斬料加送，味道唔錯，咁啱黎到深水埗分店，一於斬斤燒腩仔回家拜神。燒腩仔係燒大豬嘅五花腩部份，會先將腩肉本身嘅肋骨起出，食嗰陣只有脆皮、嫩肉同肥膏，燒腩仔以皮脆肉嫩為上品，肉質肥瘦相間，咸香滋味，加上鬆化香脆的豬皮，送啤酒一流！順便買多兩個飯盒，唔洗煮飯，燒鵝飯：.鵝皮色澤赤紅帶光澤，鵝皮帶煙熏香，油脂豐盈不膩，吃落有濃郁鵝味。叉燒飯：叉燒有蜜味而且腍身，但食落又唔嚡口，也有肉汁。

棋哥燒鵝下午茶2:30pm開始，一到這個時段就很多人排隊$40 就有燒鵝飯，用這個價錢品嚐到燒鵝真的很幸福！燒鵝的皮燒到有吸引的亮光，打開飯蓋燒鵝的油香四溢，令人垂涎三尺。肥瘦適中，肉質踏實，令人好滿足。$35 的叉燒煎蛋米粉性價比都好高，太陽蛋流心，叉燒香口，米粉份量不少，即使是下午茶都能吃得飽。下午茶送熱飲，加錢轉了咸檸可樂滋潤一下。.見到有外賣著數優惠$115可以斬兩份料回家，就買了半斤燒腩仔及半隻桶子油雞，簡簡單單又一個晚餐。油雞雞肉好滑嫩，啖啖肉，又帶有豉油香，伴飯食一流。腩仔都好出色，層次分明，皮脆肉爽，正。

去深水埗買電腦軟件，路過長沙灣道，望見棋子燒鵝分店，之前食過燒鵝唔錯，好想試吓佢哋嘅手撕雞，諗住買返屋企食，點知賣晒，唯有下次早點來買。好彩重有桂香切雞，就斬隻加餸，桂香雞為特等優質雞，肉質鮮美，雞肉很嫩滑又有雞味，不會像平時的白切雞淡而無味。配合自家調製的薑蔥蓉，令味道提升不少。燒鵝拼叉燒飯，燒鵝煙熏味較香濃，鵝皮含鵝油香，食後齒頰留香。叉燒蜜汁味道甜蜜蜜，肉質鮮嫩唔會硬。飯加咗少許醬汁好惹味！

而家多咗留喺屋企食飯 除咗食媽媽嘅手藝 間中當然要斬料啦😌我本身好鐘意食燒味 但係平時同朋友出街 有幾可會約埋一齊去食燒味飯 所以斬料返屋企食就最好不過之前食過嘅棋子燒鵝 今次特登買返去比屋企人試 去到舖頭嘅時候見到仲滴緊油嘅燒鵝已經流晒口水啦🤤◾棋子燒鵝(下莊)燒鵝嘅煙燻味真係好香 識食一定食下莊 啖啖肉 仲有我最鐘意食佢層皮 燒得好脆架💕真正嘅皮脆肉嫩◽鹽焗手撕雞屋企人好鐘意食手撕雞 另外仲有麻辣味揀 不過屋企人唔太食得辣 所以我揀咗classic嘅鹽焗 鹽+沙薑+麻油 好有層次好惹味 家人仲大讚雞肉好滑tim🥰

媽媽入了院，想吃燒味飯！到棋子買了一盒义燒飯、一盒淨燒肉及一盒切雞！白飯太硬，像是未熟透，燒肉及切雞太鹹，雞肉又是死實實的！實在太難食了！對棋哥出品一直有信心、但今天幫襯棋子卻是很失望

Shopping 後 ，經過餐廳門口， 見到隻隻燒鵝油光亮麗， 令人垂涎， 忍不住入去用餐。 常餐$43常餐十分豐富， 有火腿、多士、香滑炒蛋、棋哥叉燒湯意粉， 叉燒入口鬆軟， 筋肉相連， 帶有淡淡蜜糖味， 與煙韌韌的湯意粉，十分搭配 ，多士烤得香脆可口， 雞蛋嫩滑， 確實不錯。棋哥燒鵝米粉(下午茶)$40燒鵝外皮爽脆 ， 還帶有陣陣煙燻炭香味， 與米粉一起吃， 津津回味。迷你燒腩仔米粉(下午茶)$35燒腩仔十分鬆脆，一層瘦隔著一層肥 ， 咬下時發出「吱嚓」 聲， 沾上芥末醬， 更加突出燒腩仔味道， 令人一吃再吃。鹽焗手撕雞定食$28鹽焗手撕雞， 表面灑上炒香的芝麻 ， 更伴上香香的麻油， 十分入味， 雞絲嫩滑 ， 啖啖是滿滿誘人麻香， 津津回味。熱奶茶、熱檸檬菜蜜(跟餐+$3)熱奶茶茶香奶滑， 熱檸檬菜蜜， 甜度適中， 令到冬天乾涸喉嚨，得到滋潤。

今日黎左深水埗附近行街買野，之後路過一間燒味鋪門面光猛，而且掛左好多燒鵝响玻璃櫃度好吸晴，而且好近地鐵站位於C1出口附近，好方便，見佢甘多人幫襯就去左買下莊燒鵝$135，鵝脾大大隻，鵝既肉質好有咬口，皮脆外軟都幾香口鵝肉好有肉汁，鵝脾正鵝味香濃，加埋必食醬汁酸梅汁，更加開胃，仲叫左半斤燒腩仔$60，打開個盒見到份量都幾多，幾抵食，燒腩仔皮香脆好味，個皮咬落去索索聲脆卜卜，好香，d肉肥左dd，不過真係好脆，腩仔就係要肥少少先好味。

新一年開始, 食番隻鵝脾爽下先!棋子燒鵝裝潢風格同棋哥燒鵝差不多, 當然唔少得既一定係門外既燒味部, 見到師父製作燒味, 一隻隻燒鵝掛係架上, 係幾吸引既!加$8既湯, 足料又清甜, 好飲。燒鵝脾飯wow大大隻鵝脾, 赤紅色既鵝皮, 就咁望落去都見到色澤油潤! 入口皮脆之餘鵝油滲出, 再加上細嫩既鵝肉, 非常甘香~~ 點少少酸梅汁就更加好食!燒鵝cha燒瀨粉唔係脾位既燒鵝, 一樣係皮脆肉嫩。cha燒有肉香, 如果可以再多d燶邊焦香味就更好。瀨粉湯頭清得黎有高湯既味道, 配瀨粉一流。依度既燒鵝真係必食, 隻鵝脾食完會好滿足, 會回頭

去深水埗買電腦配件，買完已經8點幾，過咗食店因疫情而限堂食時間，諗住搭車回家，等車時間見到間棋子燒鵝。啲燒味好吸引，一於買外賣返屋企食，送啤酒一流！燒鵝片飯：燒過的燒鵝表層脆皮，油脂甘香，鵝片冇骨啖啖肉，有口感和充滿煙熏味，點一些酸梅醬味道一試難忘。斬料、斬大舊叉燒，叉燒入口甘香，肉質軟嫩，真的色香味俱全！令人回味不已！涼拌海蜇，未食已聞到陣陣麻油香氣，入口脆嫩爽口，味道調得好夠味，帶有少少辣，好惹味！