棋子燒鵝 (長沙灣道)

營業中

休息中

今日媽媽話想簡單一點！今日我就去了深水埗行過"棋子燒鵝"好多人，門口有下午餐！見好多人點燒鵝！我就入去看看！見都幾抵食！又見個個都是點燒鵝！忍不了手就買左！燒鵝～下莊（燒鵝的1/4下半部分）$135價錢都ok !好香香🤤，外皮蘇脆！肉質香軟！肉味濃郁入味，味道剛好！我仲買左半斤叉燒$60肥瘦剛好，肉質鮮嫩！好甜好香！一路回家，都不斷傳出燒味的香味！🤤🤤🤤回到家都好新鮮好好味！在家自己煮個米粉配一下好正！

燒味係香港好受歡迎嘅必食美食之一 每逢經過燒味店 見到泛油光嘅叉燒/燒鵝/切雞…都流晒口水🤤呢日同朋友經過棋子燒鵝 之前行過見到好多時都滿座 今日6點幾見到有位就即刻入去試啦◽燒鵝燒腩仔飯◾燒鵝切雞飯◽鴛鴦手撕雞小食燒鵝果然係主打 皮脆肉嫩 仲有好香嘅煙燻味 尤其是層皮 真係燒得好好食 本身仲好想食乳豬 可惜賣晒🥺改為叫咗燒腩仔 唔會太肥 最重要係每一塊皮都好脆卜卜🐷朋友本身係雞控 所以除咗切雞之外 仲order多個鴛鴦手撕雞 兩隻味分別係鹽焗同麻辣 鹽焗除咗鹽同沙薑粉 呢度仲加咗少少麻油 食落更加惹味 而麻辣我本來諗住純粹係gimmick野 點知食落都真係辣🤣辣完之後個麻再慢慢滲出嚟 效果做得幾好 有驚喜✨

一睇餐廳名就知道食燒鵝出色啦！夜晚時間勁多人排隊買外賣，我同朋友都等左一陣間先有位堂食，果然好受歡迎呢！門口一入就見到個開放式廚房，見到啲斬料非常之新鮮，尤其燒鵝，一睇知就係外脆內嫩嘅感覺我同朋友兩個人叫咗個二人餐，有兩款燒味加碟菜，仲可以揀飯或者瀨粉，再加可以揀湯或者揀嘢飲，價錢只係$198，我覺得非常之抵食！因為燒鵝一隻鵝脾都已經$100啦🙈燒鵝係指定菜式；燒鵝味濃，外脆內嫰，食得出燒味師傅嘅功夫出色。一咬啲油脂就喺牙齒間滲出，好正！另外一款燒味我哋就叫咗燒肉，其實有好多款選擇有叉燒、雞、海蜇等，燒肉皮卜卜脆，肥瘦分明，食落口一啲都唔肥膩，好味道！老火湯果然係老火湯，味道好香而且湯料夠，冇任何一啲味精味道。值得一提，餐廳員工服務態度非常之好，而且同事間感情相處和洽，有講有笑，應該喺度做嘢做得幾開心！

古語有話有「棋」父必有「棋」子，棋哥燒鵝大名聽得多，有棋子燒鵝當然是承傳父業的新店，深水埗新開張店格局光鮮，乾淨企理。棋子燒鵝菜譜一看其實同棋哥大同小異，同樣有一人至六人餐選擇，就是排版比較新款。HK$198/2人餐燒鵝例牌、單拼燒味例牌、菜心、飯/瀨粉/米粉、老火例湯/飲料雖說是例牌燒鵝，但上檯份量不俗，兩人完全夠哂食，第一口的招牌鵝一定感受到那種味道就是經荔枝柴煙燻的脆皮燒鵝，由於自家店燒製，新鮮鵝肉的脂肪比例平均，能夠鎖緊肉汁，油潤甘香，鵝肉原味道亦明顯濃郁，就算唔配上秘製的酸梅醬，鵝肉原汁原味的非常吸引。單拼燒味例牌點了肥叉燒，梅頭肉半肥瘦, 同樣是例牌但份量多得非常滿意，叉燒沾滿蜜汁，惹味吸引，肉質軟熟, 脂肪瘦肉平均滿意，二人餐要來送飯送瀨粉都真心一流。食肉獸又少不了的一碟均衡營養的菜心一碟，加埋足料老火靚湯，足料清甜解渴，是令我們幾滿意的一個二人餐。一路食一路有砍料的外賣生意，原來買燒鵝半隻，不但有九折，而且可以加$10有半隻鳳中鳳雞，是砍料加餸的絕對之選。👅美味: ⭐️⭐️⭐️⭐️⭐️/5✨環境: ⭐️⭐️⭐️⭐️/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️

打電話返屋企，媽咪話今晚冇乜鎹。.經過呢間舖嘅時候，見到呢度嘅燒鵝好吸引，於是諗住買返去屋企加鎹。.🌼棋子燒鵝 下莊 $135回到家打開外賣盒，聞到一股淡淡的煙燻香味。燒鵝皮超級脆香，可以不用點任何醬料，細細品嚐原汁原味。.燒鵝肥瘦均勻，外脆內軟，點一下酸梅醬，酸酸甜甜，味道一流～.🌼桂香切雞 半隻 $65份量都幾足夠，雞肉肥美嫩滑，搭配薑蔥蒜醬，鹹淡適中。.呢間舖係地鐵站附近，大馬路旁，好方便購買。見到鹽焗雞也還不錯，下次再試下。😋

跟朋友去深水埗購物 在閒聊其間 朋友透露是一名燒味愛好者 想起之前在九龍灣吃過一間燒鵝店再上openrice查看 得知道深水埗也有分店 便帶朋友去嚐嚐餐廳裝潢簡約 而且位置鄰近港鐵站 一分鐘的路程 就能看到紅色燒鵝招牌 非常吸引。一定要推薦朋友吃煙燻燒鵝髀 主要是鵝髀好大隻 又壯又肥美 燒鵝皮有淡淡的荔枝柴味 而且又鬆脆，超級Juicy再加上甜甜的梅子醬汁 一流的配搭一直想吃燒肉 可惜早早賣完了只好轉吃叉燒瀨粉 + $8 老火湯叉燒用梅頭肉 半肥瘦 蜜汁味甜 鬆軟 瀨粉湯有淡淡的胡椒味 不是沒味的清湯湯是 粉葛紅蘿蔔豬骨湯 湯濃 是家庭式料理再叫了一份半半手撕雞 （ 一半麻辣 一半鹽焗）雞肉滑 皮爽，麻辣味比較辣 愛吃辣人士必點

.🔺棋子燒鵝 講起港式美食 燒味真係不可或缺😝呢間棋子燒鵝係棋哥囝囝開嘅分店😗小編未試過棋哥燒鵝比較唔到試左呢間味道非常唔錯呀😝燒味迷一定要試吓！😋😋.二人套餐🍴套餐包左一份例牌燒鵝、自選燒味、時菜一份、兩份老火湯同粉麵飯💁🏻‍♀️煙燻燒鵝皮脆肉嫩好Juicy 鵝肉唔會太肥！😆叉燒好有炭烤味 每件叉燒都有少少脂肪🤤食落有油脂感 好味👍🏻👍🏻😋老火湯有滿滿嘅湯料 味道就不過不失啦😌

Been a while since we come to this busy place, so we decided to come pay a visit and starting our SSP discovery journey🙂 This area has opened up many new comfort food restaurant - the recent added one being a roasted goose noodles shop. Qi’s goose newest additional - smoked taste of goose with good CHARSiU. Perfect deal for dinner set for two. .we added a shedded chicken with our meal - highly recommend this dish for mote protein added!

棋哥之子最近一口氣連開兩間食店，上次喺九龍灣德福廣場買過外賣，我屋企人好欣賞佢嘅脆皮燒鵝，今日放工經過深水埗嘅分店，又心血來潮想回味一下。原來而家燒鵝做緊九折，而且仲標明係煙燻燒鵝，店員話燒鵝係帶有煙燻味道。而家買燒鵝半隻，仲可以加$10有半隻雞，完全諗唔到有咩理由叫自己唔買埋。手撕雞都好似幾吸引，呢個留待下次再試。阿媽教落，想知道嗰隻係鵝定鴨，其中一個特徵就係鵝頭會有個髻，而呢度掛出嚟嘅就一定全部都係燒鵝，貨真價實。攞到返屋企，燒鵝皮仍然係脆卜卜，今次嘅燒鵝仲果然有明顯嘅煙燻香味，真係別有一番風味。 十蚊雞肉質彈牙而爽口，仲非常嫩滑，$10真係好超值！半隻燒鵝加半隻雞埋單只需$235，以呢個質素真係值回票價。

🔸棋子燒鵝（下莊）$135🔸桂香切雞（半隻）$65-今晚收工又去斬料返屋企加餸喇，唔駛媽媽咁辛苦煮咁多味餸嘛！見呢間燒味鋪門面幾四正整潔，又有幾多人幫襯，一於試試佢。揀咗店舖招牌嘅燒鵝，見到玻璃窗裡面掛起幾隻燒鵝真係幾靚仔，就斬個下莊返去，係最正嘅髀位。咬落燒鵝嘅皮好脆，隨即就滿口油脂感好正，而且肉質剛好唔過火喉，好功架！作為稱職嘅「雞精」當然再斬多半隻切雞先罷休啦！切雞都非常唔錯，皮薄肉嫩，而且調味都恰到好處，唔會太咸，好滿足啊！

雖然說經濟不景，失業率高企，但我星期日去深水埗買嘢，真係周圍都係人🙃🙃下午3點，餐廳都坐住唔少人，有好些還要等位，棋子燒鵝也不例外，可能因為下午茶嘅燒鵝飯太吸引。呢度有外賣餐牌，比堂食便宜一點，用黎加餸的確唔錯。叫得棋子燒鵝，梗係要試下招牌燒鵝😍今次叫左下裝（外賣$135），有鵝脾同附近嘅位置。鵝皮燒得薄脆，斬起時油光幾靚，不過屋企有d遠，拎到番去個皮就淋左，不過都沒大礙，皮仲有少少炭香，脾位夠淋滑鬆化，味道唔咸，可以點上甜甜的梅子汁（好吃），整體都唔錯。麻辣手撕雞（外賣半隻$65）我覺得好抵食，雞好滑，皮又爽，仲連埋骨上，明顯真係手撕！調味恰到好處，唔太辣唔太淡，啖啖肉送飯食幾正，送酒會更正！除了麻辣，仲有鹽焗手撕雞，下次經過想再買來試下！PS. 最近我仲係巴士見到棋子燒鵝嘅廣告😁

今次我想介紹下食廣東嘅特產「燒鵝」我平時去深水埗次次都係食燒鵝大王，因為食燒鵝諗唔到可以食邊間，但朋友介紹我話深水埗呢間《棋子燒鵝》都好好食，所以我就黎試下先。💟燒鵝髀飯 $108其實叫返佢普通燒鵝飯只係$53，但我要試就試佢最好嘅野先知正唔正。一上檯隻鵝髀好大隻，好肥好粗壯🤤🤤🤤 同埋食到佢嘅燒鵝皮有好香好香嘅荔枝柴味，皮又脆，同埋我食嘅係鵝髀，勁滑，好多油份好Juicy, 食完都好有罪惡感🤣🤣🤣🤣真係好食過燒鵝大王😱 睇黎會變我嘅新飯堂🥰💟燒腩仔+叉燒飯 $53我叫左半肥瘦叉燒，佢一定係誤會左，舊叉燒真係好肥😂😂😂 半肥瘦應該係肥瘦夾雜架嘛，但佢嘅半肥瘦又真係半舊肥半舊瘦，又吹佢唔漲，但太肥我食唔到，瘦果邊都OK, 正正常常咁，無太大驚喜；燒腩仔就皮脆肉滑，咬落唔乾，唔會太咸，但略嫌份量唔夠多，我想好多好大舊先滿足，最好大舊到好似人地斬燒肉咁大舊😂😂😂📍棋子燒鵝📍地址 - 深水埗長沙灣道233-239號惠康大廈地舖

今日去深水埗黃金商場睇電腦, 要趕返屋企食飯。行過見到棋子燒鵝, 啲燒味好吸引, 而家仲做緊外賣優惠, 一於斬料返去加餸先！棋子叉燒+桶子豉油雞 $115外賣1+1著數燒味組合, 燒味雙拼原價$129, 優惠$115, 分量都唔少！叉燒用梅頭肉半肥瘦, 鹹中帶一點點蜜汁甜味, 惹味軟熟, 入口即化。豉油雞 脂肪較少, 肉質清甜嫩滑吾鞋口, 醃得入味鹹度適中, 送飯一流！棋子燒鵝片飯 $85見到呢度嘅招牌燒鵝, 真係流曬口水, 忍唔住要買個燒鵝片飯！燒鵝片起骨啖啖肉, 外皮烤得香脆, 中間夾著一層薄薄脂肪, 油脂甘香, 肥美肉厚, 嫩滑多汁, 帶有濃郁燒鵝味道！臨走先見到有個優惠, 買半隻燒鵝加十蚊送半隻雞！又幾著數, 畀個藉口我下次再嚟幫襯！

今日去深水埗執平燈飾，想換下屋企夜晚嘅氣氛。買完就係附近嘅棋子燒鵝坐底食燒鵝飯，叫左2樣燒味，1個小菜，1碗白飯；看似平凡但有驚喜😚1. 棋子燒鵝飯$63平平地但有質素，鵝肉唔會「鞋」，最特別嘅係燒鵝皮嘅味道，有炭烤味，食落唔油膩，好正。2. 棋子叉燒$88蜜汁半肥瘦叉燒，令我諗起大學飯堂嘅味道，因為佢而忍不住叫了一碗絲苗白飯，大滿足😋3. 鴛鴦手撕雞$30一次食晒鹽焗同麻辣味嘅手撕雞，味道好足，但唔會蓋住雞嘅鮮味，岩晒重口味嘅我。

深水埗啲野食平靚正，今日就同朋友黎左呢間燒味店食燒鵝。呢度有好多款燒味可以揀。我地點左原隻燒鵝脾飯，黎呢到當然要點佢既招牌燒鵝脾啦！大大隻既燒鵝脾，皮薄，燒到好香好惹味，鵝唔會太肥，鵝肉嫩滑，配埋點鵝肉既醬汁，勁好味！另外，我地仲點左桶子豉油雞飯油雞飯既水準亦都好高！嫩滑既雞肉好juicy ，配埋豉油飯，真係停唔到口！我地想食健康啲，所有點左一碟油菜黎食，呢道既菜係用左菜心，份量都幾多，唔錯！飲品方面，呢度既熱奶茶都幾香濃。