楓林小館

營業中

休息中

以前Lunch已經好中意約埋同事嚟呢度飲茶，轉咗工之後就少咗飲，今日終於同返屋企人嚟飲茶，水準都仲係咁高！呢度係算係性價比好高嘅高級少少嘅茶樓，本身嘅裝潢已經比較高級少少，而坐位亦都比較舒服，唔會話好迫。食物嘅質素亦都好高，款式好多，仲會經常都轉款。所以每次去基本上都會可以試到唔同嘅款式。本身茶樓會有一d比較傳統嘅食物，但同時亦會有比較特色嘅食物，今次就試咗一個酥皮和牛撻，本身酥皮已經好鬆脆，加埋和牛再有層芝士喺上面，味道係估唔到嘅咁夾。仲有個柚子蜜蛋散都好好食！蛋散本身好鬆脆，再加埋柚子醬喺上面，酸酸甜甜咁好開胃！最估唔到嘅係佢啲甜品都好好食😂平時都好少喺茶樓食甜品，但佢嘅甜品真係好出色。以前食過一個桂花啫喱凍，一食落口嘅時候已經覺得好fresh，清清地又唔會太甜，但今次嚟已經冇咗，所以今次試咗個栗子西米布甸，佢都係秉承到唔會做到好甜，呢樣野真心好值得讚！

🔹️之前與朋友聚餐到銅鑼灣 “楓林小館” 試過唔錯🥢👍今次帶家人試試（尤其乳鵨🐣）☺️ 食物有水準😋 服務稱心滿意🧑‍💼👩🏻‍💼價錢合理💰🔸️前菜番石榴🧆口感香甜軟糯, 有八分清甜中带着兩分微酸, 開胃之選😊🔸️紅燒乳鴿🐣必試招牌紅燒乳鴿, 乳鴿皮脆肉嫩, 能鎖住肉汁, 啖啖滋味, 還配上香脆蝦片🦐🔸️楓林得意腸粉🫔腸粉十分幼滑, 包着酥脆餡料, 口感充實😋🔸️清灼芥蘭🥬芥蘭軟身易入口, 翠綠鮮嫩🥢🔸️咖喱蒸土魷🦑以濃郁撲鼻咖喱汁, 相當入味, 土魷爽脆唔韌👍🔸️鮑汁鳳爪🤌熱騰騰送上~ 鳳爪夠腍配香濃鮑汁, 啖啖滋味🤤🔸️籠仔蒜香中蝦飯🦐打開荷葉便聞到香濃蒜蓉味, 開邊蝦面頭佈滿蒜蓉, 蝦肉鮮香嫩滑, 蒸飯粒粒分明😋🔸️蛋白杏仁茶🍵香濃杏仁味, 入口順滑👍🔸️紅豆沙🥣清甜中帶一股果皮香🤤

撞正同事生日想食中菜，一於就嚟公司附近呢間 「米芝蓮」中菜館試試！整體嚟講覺得環境都唔錯，食物同服務質素都正常，呢個價位嚟講一試無妨。.2 日前電話訂座，店員提醒招牌食物最好預定左先，例如招牌乳鴿、炸子雞、蝦多士等，問過大家意見後就決定試曬 2 款再加上同事欽點的藕餅同蝦餃，再加多個菜同湯，5 個女生食份量剛好！.招牌菜炸子雞皮脆肉嫩，調味剛剛好，食落會感受到好香雞油味，但配菜嘅蝦片就有啲太油，個人覺得可以不食。.乳鴿聽聞都係鎮店名菜，果然名不虛傳。外皮香脆，內裡卻非常 Juicy，即使唔洗點椒鹽都非常入味！.蝦多士係我本人最期待嘅菜式之一，啱啱炸好嘅多士香脆之餘帶麵包香甜，配上原隻鮮蝦非常惹味。但唯一缺點係真係有啲太油，食咗一件就開始感覺膩口。.藕餅估唔到幾有驚喜，Feel 到好足料，爽脆蓮藕配上啖啖肉勁滿足。.最後不得不提嘅係呢度服務態度真係幾好，知道朋友生日都會主動幫我哋收蛋糕，亦唔收切餅費，環境座位都非常舒適，都係同家人聚餐嘅一個好選擇。

欖角冰梅骨正常味道冇乜特別，如果煮到啲肉同骨有焦香更好。招牌紅燒乳鴿王都係冇咩特別，無論喺生熟程度同調味方面都唔覺好好食 。有機會再介紹我覺得好食既燒乳餐廳比大家 。南乳炆齋菜煲鍾意食佢呢個南乳齋菜煲，味道唔會過濃過鹹 。配菜亦有好多，不過如果佢再多啲大白菜/旺菜就更好 。送飯一流 。脆皮雞（半隻）當晚最後半隻嘅脆皮雞俾我哋叫咗 。聽聞佢哋係用新鮮雞嚟去整。不過果日隻雞調味偏鹹。其實如果用新鮮雞去整個調味應該要輕手返少少，突顯返隻雞嘅鮮味。餐廳好似有兩層，我同朋友共3人坐咗喺一個卡位 。嗰個卡位似係兩人座，兩個人坐同一邊連個袋都唔知放係邊 。另外注意餐廳收10:00，個人認為比較適合家庭聚餐 。佢另外仲有啲六人餐八人餐提供，喺銅鑼灣灣仔呢啲套餐價錢都確實無可厚非。下次如果家庭聚餐都可以考慮一下～

第一次去，有種感覺係精美小店，都見到有好多熟客仔，服務員對佢哋嘅服務當然就十分好啦，不過對我哋呢啲生客，都算係咁㗎喇。叫咗佢哋嘅招牌菜「招牌紅燒乳鴿王」，「杏汁花膠燉白肺湯」一窩，「豉椒炒聖子皇」，「豉油王鵝腸」，「椒鹽白飯魚」。乳鴿真係好好味，皮脆嫩肉夠Juicy。豬肺湯好飲，三個人飲，每人都飲到兩碗。聖子新鮮，肉質鮮甜，配菜亦都好好味，尤其係個青椒。鵝腸夠爽口，又大碟，啲芽菜朔晒啲豉油汁，好好味，但又唔會食完好頸渴。椒鹽白飯魚住得好脆，好香口👍🏻甜品送咗紅豆沙，中規中矩冇乜特別。

🔹️朋友回港✈️ 經攪手悉心安排到銅鑼灣 “楓林小館” 聚餐🥢館內以古色古鄉的裝修佈置, 環境舒適🎶 服務貼心👩🏻‍💼👩🏻‍💼 價錢合理💰🔸️紅燒乳鴿🐣店內馳名红燒乳鴿, 皮脆肉嫩, 能充分鎖住肉汁, 惹味不油膩👍（需要預訂）🔸️楓林蝦餃王🦐名副其實King Size蝦餃王, 外皮煙煙韌韌、餡料大大隻蝦、肉質嫩鮮彈牙😶‍🌫️🔸️百味豆腐🧆豆腐色澤金黃、外脆內軟, 十分精緻🤤🔸️百花釀魚肚🍲除了外觀吸引外, 入口啖啖肉、味道鮮香👍🔸️懷舊蝦多士🍤🧇蝦多士炸至金黃香脆, 蝦味濃濃, 數量以每件計算😋🔸️陳皮义燒酥🫔精緻奪目的义燒酥, 外皮鬆脆、餡料不多但味道濃濃🤤🔸️鮮蝦腐皮卷🌯以金黃脆卜卜腐皮包着鮮嫩彈牙蝦肉Yum Yum☺️🔸️啤梨鹹水角🍐香脆可口、造型可愛😄🔸️鮑汁鳳爪🤌以香濃鮑汁好入味, 鳳爪夠腍, 味道不太鹹👍🔸️蝦子柚皮🥘柚皮清甜甘香配上惹味蝦子😍讚呀💓🫶甜品附送紅豆沙🫘🥣👍😋

My friend and I went to a restaurant called "Fung Lum" （楓林小館）located in Shop 5, G/F&1/F, Dandenong Mansion, 379-389 Jaffe Road, Causeway Bay銅鑼灣謝菲道379-389號特麗樓1樓及地下5號舖..Fried shrimp with scrambled egg滑蛋炒蝦仁海老と卵の炒めHKD$128.the shrimp are sweet and freshthe shrimp are jumbo sized,bouncy and springy .nitrious and wholesome dish.recommended.Stir-fried beef with mushroom and Flowering Chinese cabbage北菇牛肉炒菜心キノコと牛肉と野菜の炒め物HKD$198.generous amount of beef.the beef is tender and soft.the mushroom addes the nut

又發現咗間好出色嘅中菜館😍一定要同大家介紹吓！✅招牌紅燒乳鴿王 呢度最出名就係燒乳鴿，實在太好食🤤乳鴿唔單止皮脆肉嫩，乳鴿仲好多肉，$88超抵食😋✅蝦多士用新鮮蝦整，多士唔單止夠脆，仲非常香口🦐✅欖角冰梅骨味道酸酸甜甜，拌飯食係停唔到口🤪暫時食過最出色嘅欖角冰梅骨✅杏汁花膠燉白肺滋潤養生，燉湯恰到好處，杏汁味道唔會太濃✅燕窩雞茸羹啖啖燕窩好足料😙好似食翅咁，調味做得好好💛好味指數:4.9/5 💜回頭指數:5/5📍楓林小館 (銅鑼灣)銅鑼灣謝菲道379-389號特麗樓1樓及地下5號舖

最近朋友帶我品嚐過一間超高質中菜館， 是最近食過最有心的中菜！「楓林小館 」在銅鑼灣開了，環境帶有古色古香的裝潢，食物水準真的好好👍招牌紅燒乳鴿皇牌之作，店員說幾乎每枱必點！採用中山石岐乳鴿用滷水膽先浸泡乳鴿，風乾2個鐘，落單時便即炸，所以皮脆肉嫩超入味！花膠杏汁燉白肺真材實料，連花膠都有，滋潤到入心入肺！🧡欖角肉碎四季豆 四季豆配上欖角肉碎香味俱全，咸香滋味送飯一流！楓林小館 銅鑼灣謝菲道379-389號特麗樓1樓及地下5號舖

楓林小館. 用餐日期: 2024年2月 午餐《$49 楓林蝦餃王》蝦肉好爽好彈，蝦餃皮都係偏厚，但一夾起就成舊餡掉出黎。一籠三粒大大粒，食幾粒就好快飽。《$22.6 蟹子燒賣王》呢個係用午市優惠價叫既，所以會優惠好多。燒賣大大粒，肉餡份量好多，正正常常。《$42 鵪鶉蛋燒賣》鵪鶉蛋燒賣都係一籠三粒，正正常常冇咩特別。《$40/件 懷舊蝦多士》一上枱個擺盤好靚，蝦多士就好似花瓣咁圍住中間既沙律醬，因為$40一件，價錢偏貴，所以期望值都比較高。賣相就好靚啦，一食入口，多士係鬆脆，但好油，蝦肉算爽彈，但都填補唔到果陣油膩感。《$88/隻 紅燒乳鴿》紅燒乳鴿配左幾塊印尼蝦片上枱，睇個份量就應該唔係用黎配住食，亦唔係用黎伴碟，唔知大廚有咩用意，但有少少多余既感覺。蝦片一早已經淋哂，雖然食落唔算好油，但亦都唔好食。乳鴿燒到皮脆肉嫩，仲好juicy，肉都幾厚身，相當不錯。《$48 百花釀花菇》其實就係蝦滑釀花菇，上面仲加左少少蟹籽，花菇都厚身，爽滑有咬口，但冇咩菇味，整體味道偏淡。《$38 竹笙黃耳餃》用既皮係粉果果種半透明既皮，厚身煙韌，包住滿滿肉餡，好大件。成件餃味道偏淡，食唔到竹笙，好普通。《

嚟過呢間餐廳三次左右, 之前都覺得唔多衛生, 今日大開眼界。 1. 首先啲茶杯碗碟全部有油漬, 有一隻碗同匙羹竟然有一大pat食物殘渣都照俾我， 唔止要換一次，拎俾客人嘅碗碟都咁污糟, 廚房睇唔到嘅真係唔知點！ 同埋餐廳係用地氈一浸霉味，地下地氈好污糟2. 短髮戴眼鏡員工本來戴住口罩,但係竟然打開口罩向住張已經更換新枱布但未有客人嘅枱打乞嗤，然後再帶返個口罩, 即係唔想啲鼻涕整污糟個口罩, 寧願啲鼻涕污染張枱？ 3. 問佢攞個外賣盒, 佢搲完頭皮又搲屁股，先攞個外賣盒俾我, 佢掂過我都唔想掂。4. 賀年食品嘅蘿蔔糕就咁擺喺枱面, 完全冇遮擋，啲職員同埋食客行過全部會經過，鋪晒塵, 這餐廳有蚊滋， 訂咗呢啲蘿蔔糕嘅人真係自求多福。5. 食物質素方便， 叫咗個海參麵， 海參好硬洗唔乾淨有好多沙， 燒賣腸粉嗰啲就正常酒樓食物，唯一好處就係佢啲嘢好大碟， 味道亦屬正常，可惜衛生唔太理想，啲蒸籠好多污漬同埋發霉。今次食完大家都話以後真係唔會再去，嚇怕了！

唔好以為我係專業食評家，不過我無啦啦行過江南老宅，跌進呢個美食天堂，先俾啲實感你哋。好啦，落手落腳嘅先係招牌菜紅燒乳鴿，一啖咬落去，外皮香脆，啖啖肉，啲味道鮮得滴水嚟🤤。再嚟，同桌友人點嘅椒鹽魷魚，份量足足哋，口感軟硬適中，鹹香麻辣嘅口味，真係滿足到五臟廟。話時話，俾個掌聲畀荔茸香酥鴨，鴨皮吱吱作響，與芋頭嘅絲滑夾搭得剛剛好，好似聽老歌般，懷舊又有feel。而家講返湯品，魚湯花甲浸勝瓜湯，鮮甜透心涼啊，每一啖都滿足到個口慾👅。直頭嗌得停唔到口嘅，非得嗰碟啫啫魚干芥蘭煲莫屬，蔬菜夠綠，魚乾夠香，真係啱食到飛起。呢家鋪頭，食得暖笠笠又食得舒心，完美繪出普羅大衆嘅飲食文化。食完成個心情都好晴朗，講真，我心目中最正嘅巷弄美食就佢喇😄！

第一次幫襯，屋企人話好多年前已經聽過楓林。點心好夠熱，好新鮮，出嘢食都快，侍應服務態度好好。有得訂位，啲茶客都好斯文，想假日舒服飲茶又唔貴真係大力推薦！搵食艱難，多多支持有心做嘅餐廳。

一探這間飲茶好去處，開始我嘅味蕾之旅🍽️。今次，我就品嚐咗楓林小館嘅兩款菜色。先嚟個"欖角冰梅骨"，個肉嫩滑，香氣四溢，欖角嗰點鹹香帶出肉骨嘅鮮甜，真係好入味，令人意猶未盡。返嚟味覺嘅另一端，"皇金蝦炒飯"嘅wok hei掃過舌尖，每顆米粒都包裹著咸蛋黃，金黃滋味令我食指大動😍！最後，當然少不了招牌嘅紅燒乳鴿。鴿皮酥脆得黎唔會太肥膩，烤到剛剛好嘅肉質鮮美多汁。一嘴氣，一撈汁，真係唔吃可惜👌！點心方面，蝦餃同燒賣等一系列經典款都做得唔錯，呢面算係無驚無險。確保每一啖都係質素的保證，呢家飲茶店絕對令你心滿意足同埋食指大動！下次再嚟，我仲會繼續試埋其他款式嘅點心，期待又一番新驚喜！🥢🥠

首先係呢度嘅「紅燒乳鴿」，話說啲乳鴿啲紅燒咖啡香，正！脆皮加啲嫩嫩嘅肉，真係餓咗一朝咸魚，呢度係你唔錯嘅選擇！再嚟係我最愛嘅「黃金蝦炒飯」，炒得啲飯香嘅無話講，啲蝦仁個個新鮮，啲脆脆咖梗係我心頭好啦！啲飯唔會太油，係咪夠佛心啊？啊，啲老板同阿姐服務好好，笑容嘅熱情真係可以填飽我地啲肚子嘅！有時候係啲小細節，先會使食物更加美味啦。