楚撚記大排檔 (馬頭圍道) (已搬遷) 新店位置

家住土瓜灣😋😋😋成日食楚撚記，有幾道菜係我必點既：.【😍 #黑松露蓮藕墨魚餅😍】我既首選，好香既黑松露味，食落香口，加上蓮藕好有口感！一試難忘，之後每次食楚撚記都必食！.【😍 #燕麥金沙蝦球😍】老公至愛，大大隻既蝦球爽口彈牙，用軟綿咸蛋黃包住，有濃郁咸蛋黃味，加上脆脆的原片燕麥，口感一流.【😍 #難忘漁港海山骨😍】因為太好食忘了拍照既海山骨係蝦醬醃過既排骨，酥炸過後，帶著濃烈的蝦醬香，咬下去，略為乾身，但都忍唔住一塊接一塊😋.仲有老火豬肺菜乾湯、激辣避風塘水魷、 蜜椒薯仔牛柳粒、飛天菜心、脆皮炸豬手、楚撚記小炒王，全部都好好食，價錢好合理，但可惜今次食楚撚記d小菜好似細碟左，唔夠喉😋😋😋

星期五去幾個麻甩佬試間新開既大排擋,點左幾個撚手小菜,試左d招牌菜: 爆漿牛丸,小炒王,咕嚕肉, 菜煲。 爆漿牛丸係其他鋪比較少見,點黎試下,食既時候真係要小心, 好易燙到條舌頭,食落去有好濃味既松露醬, 配牛丸都幾夾味道,唔錯。咕嚕肉就幾好食, 啖啖肉香口, 略嫌炸粉厚身,落得重手左。小炒王食得出好夠鑊氣, 配啤酒飲一流。菜式種類繁多, 見到塊牌都有排揀,下次再黎可以試下其他小菜

當年幫襯楚撚記, 都唔洗等位, 無幫襯一排, 發生咩事呀! 成村人係門口等位? 重遇上D藝員添!點咗三個小菜 : 三絲少米粉, 酥炸豬大腸, 啫啫唐生菜煲,1, 三絲炒米粉 : 一望碟米粉係我中意嘅幼身米粉, 大喜, 米粉炒得夠香, 配料無偷工減料, 滿分.2, 酥炸豬大腸 : 食過咁多間餐廳嘅豬大腸, 最正都係楚撚記, 薄身夠脆, 但係…. 分量太少唔夠喉囉！3, 啫啫唐生菜 : 原本對哩個小菜無咩期望, 唐生菜加咗南乳又出奇咁好味! 又係份量少咗D囉…..

都是同朋友聚會朋友建議的一間餐廳，楚撚記大排檔，睇一睇食評已經見到有好多特色餸菜想試，記得當日都幾凍，早到左係門口等埋朋友到齊先入座，門口好貼心有一個個好似太陽傘咁既暖爐暖住👍🏻野食方面叫左我想試同朋友試過推介的，特別係金沙白飯魚、黑松露芝士牛丸🤤一咬爆芝士，每樣都好好食！值得再來

楚撚記係絕對係一食愛上既小炒如果要試既話記得一定早3日卜位今次試係落雨少人，walk in 等左一個鐘都要2人枱會快小小，人多一定要book至好黎。先講小炒王先，有鑊氣好味，而且料足腰果脆無油益味👍🏻另外黃金粟米都係另食之選有咸香而且粟米又甜另外一口炸豆腐今次就失準小小唔夠脆，豆腐唔夠香魚香茄子唔錯，熱辣辣唔會太咸，不過咸魚香味淡左d而楚撚沙拉骨炸到外脆內軟，唔錯👍🏻最後既豬油撈飯係配埋蔥花真係好香個飯本身用瓦碗煮夠乾身，粒粒分明第一次試已經愛試哩個味到🤪啤酒用戰鬥碗上亦別有一番風味總結黎講，食物價錢有以上質素絕對抵食👍🏻

土瓜灣近期紅店，莫過於響小巷內既楚撚記大排檔😂經常行過，都見到人頭湧湧，好多人排隊🙈尋晚同班兄弟聚舊，就去左試試，睇下究竟有咩咁特別🌝尋晚好大雨，但門口依然好多人等緊😂幸好我地有預約，所以好快有得入去😛店內環境乾淨👍但坐得比較逼夾🙃楚撚記原隻脆皮炸豬手😋$102新鮮即炸🤤份量算多😎真係覺得幾好食👍家鄉五柳炸蛋🥚$68最快上既一道菜😂係幾得意既😏感覺係酸甜醬撈幾隻荷包蛋😆酥炸黑松露菌醬芝心乒乓波🌝$88覺得唔多抵食😔芝士味唔夠濃😗而且無乜特別🙃蜜椒薯仔牛柳粒🐮$98本身叫左另一樣🙃但結果黎左黎一樣😗無奈接受🙈牛柳粒味道尚可😆如果再砌大粒D😎口感更好🤣薯仔幾好食👍金沙黃金白飯魚🐟$68鹹蛋黃味道重😆白飯魚都幾大條😏食落香脆可口😛飛天通菜煲🥬$59辣辣地，都幾惹味😋夠鑊氣，又好食😄整體而言，我覺得幾抵食，五條友六道餸，每人先百二蚊，仲要無加一😛味道就不過不失，唯一不足就係漏單😗

今日撲咗成日，9點半先有飯食，成日在Facebook 見到廣告，終於「慕名」來試下。樓面明明大把位，係都監你兩個人坐張細檯，搞到下晝食茶記咁迫...想叫多碟餸都唔敢。見到餐牌有田雞粥、田雞煲，仲有豉汁炒涼瓜，於是問有無涼瓜炒田雞...問完廚房答案係一定要跟餐牌，餐牌無嘅就做唔到...睇來係一間無彈性的大牌檔...終於叫咗個蝦仁炒蛋，同招牌菜之一的避風塘田雞。因為一張4人檯分兩張單，結果樓面寫錯哂檯號，好在兩張細檯拍住夠哂近無送錯...菜一來，終於明白點解無涼瓜田雞，因為無論蝦同田雞都係無味的，雪藏貨又點做涼瓜炒?個避風塘田雞話有啲辣，結果都係鹹多過辣，不過田雞肉又入唔到味，真高手。間嘢sell鑊氣夠，但個蝦仁炒蛋就唔係好覺有，而且蝦仁碼少又無味又唔夠脆，蛋炒到唔成型應該係想做到滑蛋的效果，成個菜最有味係韮黃...本來想試試個避風塘燒豬手，但張檯咁細都係算數了。個酒牌幾有趣，藍妹青島嘉士伯大樽裝同價，Asahi 細樽裝卻貴好多...成檔生意睇落似乎係外行人搞的，個檔口細到擺明需要擺出街，對廚藝招呼環境用料，文公子都相信唔可以有咩要求，不過應該以後唔使再幫襯了。

鍾意幫襯小店嘅我，今次又約朋友到土瓜灣小巷內嘅小菜館，當日本打算電話訂枱的，但打到去對方就話已經滿座，叫我地可以walk-in 試試，我地抱著即管一試嘅心情，於黃昏大約6:15分到達，估唔到頭圍已經於5:30開始左，仲要全場滿座，我地前面有兩個客等緊，但因為見到裡面有啲客人已經食得七七八八，我地又未肚餓，所以就吹住水等，到6:45就有一枱客埋單，我地最後7:00左右就有位喇。講返啲食物 –金銀蛋豬肺湯，好有住家feel，高度推介黑松露蓮藕墨魚餅，一般，勝在蓮藕夠多，可以一試咕嚕肉，唔知係咪煮定，上到枱唔熱，但肉質唔錯小炒皇，九菜花唔老，爽口，味道偏咸金銀蛋油麥菜，油麥菜新鮮，清新好味蜆介鲮魚球，彈牙，唔油膩，如果下次再嚟，一定會再食當晚食左6個餸，都係只需4百幾蚊，食物質素都好平均，我個人覺得相當抵食。

7男女去食生日飯! 其實冇人住得近，全部都要老遠搭車來. 叫左好多餸, 不能盡錄, 介紹下幾個印象較深的: )香煎黑松露蓮藕墨魚餅 都幾有黑松露味, 又夠香口, 唔錯!黃金粟米，即是用咸旦黃炸, 不過講真, 旦黃的咸同粟米的甜好似唔係好夾，下次都係試下個黃金白飯魚好過。脆皮炸豬手，夠香，夠脆。超好食!鴨血煲，辣辣地, 個汁好味! 生滾滑雞粥，朋友話有啲太濃味, 但我就超鍾意! 粥夠綿, 雞夠滑, 食落好有味! 正!!!食左十幾樣野、又叫埋啤酒，埋單每日都係百餘蚊, 抵食好食!!!! 

今日和舊同學聚會，在以前學校的附近有間中菜館，個名好特別。。記得在餐廳剛開業時，都試過一次好正好特別。。但今次食除左多人排隊左外 。但樣樣菜式都遜色左。希望再下次食會有進步吧。

這一間"楚撚記"，可說是近來在土記區內十分火紅的食店。由開業至今，門外總站著一條長長等位的人龍。過往，其身處的這條小巷可真是鬼影都沒有多隻，但時至現在呢，人氣可是極沸騰的....試過有一次來到，walk-in沒有位，要我等差不多一小時後或九點後才就坐? 我真箇是睬您都傻.....之後立心再來，預先打了個電話說六時就就座，才能成功入來一嚐究竟這兒到底有何本領有這麼好的生意....住於附近的舅仔伉儷也躍躍欲試，也就拉埋他倆一起來試場。人多，也就可以點多些東西....有舅仔在，一客咕嚕肉是勢必一定要叫的。這兒的咕嚕肉是做成拔絲版本的，而且更聲明是用上梅頭....驟眼睇落，賣相擺盤是有的。舅仔急不及待去夾肉，竟赫然發現肉是黐成一團團的好像仍未斬開，一眾人見此後已眉頭大皺....再來咬一口肉，硬崩崩的根本不是梅頭；酸汁又是酸得刺鼻的....一向對此味極有要求的舅仔登時大怒，馬上叫侍者過來大興問罪之師。侍者也不敢作聲，唯有將之打道回府弄過一碟新的。這幅照片顯示出來的，正是新的那一碟了....相比起之前的那碟，肉已沒黏成一堆，不過肉質與醬汁，仍是如斯的不濟....至此，已不敢對之後點嘅嘢有任何期望。

是晚跟巴打們去食野～ 同得巴打出去一定唔係食港女野喇～ 大排檔係不二之選～黑松露蓮藕墨魚餅～好香黑松露味～ 墨魚餅彈牙～ 有驚喜！酥炸黑松露菌醬芝心乒乓波牛丸～想比墨魚餅呢個比較失色～ 唔夠墨魚餅惹味～ 芝士味都唔太突出呢～楚撚沙拉骨～飛天通菜煲～避風塘鮮魷～呢個好食！魷魚香脆～ 惹味得黎唔會死咸～ 送酒一流～菠蘿拔絲咕嚕肉～咕嚕肉個皮係脆身的～ 加上個酸酸甜甜的醬～ 配合得岩岩好～ 連脆脆焦糖都食哂～乾炒牛河～雖然無咩鑊氣，但河粉炒到好分明～ 而且好夠味～ 牛肉好淋～ 唔錯唔錯～生滾新鮮滑雞粥～粥底好綿夠哂味～ 雞好滑～ 完全無碎骨～ 隨粥仲有埋油炸鬼～ 正呀！豉汁蒸魚雲～豆豉味太重～ 搶哂魚本個味～ 一般般喇～其實我地得四個人～ 但叫左咁多樣～ 原因係每碟既份量唔算多～ 有好有唔好喇～ 好既可以試多幾樣～ 唔好既就係要不停諗之後叫咩食好😂

星期日去睇話劇，由於是日場，地點在紅磡理工大學綜藝館，故此晚餐順理成章走到土瓜灣搵食。這間食店最近當紅，曾與一大班朋友試過訂了好幾次，都一一落空，每逢週末假日，爆滿非常。今次原打算吃早飯6:30pm，而且又只得兩位，相信這次應該有著落吧！殊不知，食店回覆，星期日只得兩個時段選擇，一是5:30pm 又或是8:30pm我答: 我們只是兩位。食店: 那麼你6:30pm walk in 過來等等吧！但可能都要等到七時許。我答: 假如我們兩位過到來，會否說沒訂坐而沒位給我們的？食店客氣地說: 那麼我們替你預留7:00pm 吧！留枱15分鐘，進餐時間個半鐘。我答: 明白。就是這樣，終於可以薈一薈這間 “楚撚記” 。進入馬頭圍道，招牌大大個，一眼便看到。由於食店有兩個舖位，但最奇怪是中間有間神秘西餐私房菜，落晒廉，相信是自己友會員制，和兩間大排擋產生強烈對比。等待期間，看見店員拿著餐托盤傳菜，每碟菜色都有蓋蓋好餸菜，感覺食店夠細心，考慮到傳菜時的衛生問題。牆壁上有著射燈打著食店招牌，相當架世。到預定時間等了將近15分鐘便有位，店員有禮貌地帶入坐。店內牆上兩邊左右也貼著多種招牌菜色，大大隻字，肚子餓

返佐成日工，稔住食餐好野😮 有個friend突燈揸佐九個字車去到宜邊食，見到食評好好，加上又排隊排佐一個鐘，期待應該好好味。入到去點佐五個小菜加一碗白飯三碗豬油撈飯。一黎黎佐兩個小菜，食到兩個小菜差唔多完，飯都仲未到，就叫一叫佢，佢先岩岩落返單...過多三四個字另一個小菜又終於出爐啦.......個小菜味道正常，但份量同相差九萬丈遠... 見食唔飽就叫多兩個小菜，然後宜轉嗌既小菜其中一碟就好快上，仲快過第一輪叫既菜，真係神奇😊再催一催佢...第一round既其中一道菜終於等佐個幾鐘到佐啦!!! 係宜個時候我地叫多佐兩支可樂，個雪櫃係十步距離... 但個職員落佐單後去佐抹枱，然後再佐5分鐘我又催一催佢俾可樂，佢又check一check機先拎到2支可樂黎...最後埋單時啲叫佐既野都係無黎齊架...... 問佢 佢話連單都無落。要三催四請咁叫佢地落單，check野，連白飯可樂都要等n世... 終於知點解排隊要排咁耐..................

土瓜灣食神聚會，揀咗楚撚記，兼順道慶祝車人生日。本身我好鍾意食有鑊氣嘅餸菜，所以對呢餐都有好大期望。 三個人唔食得多，少少哋叫咗五個餸。先叫咗個小炒王， 都係將韮菜花，腰果，蝦乾等等炒埋一碟。 略嚴韭菜花老咗一點，鑊氣唔夠。跟住叫金銀蛋菠菜，不過冇菠菜，變咗勝瓜。勝瓜煮得好似好生咁，另外金銀蛋啲色水都有少少奇怪。黑松露肉餅，由於我好鍾意食肉餅，所以覺得呢味餸都好食。本來只係想叫椒鹽白飯魚，不過變咗金沙白飯魚。 鹹蛋味係好香，成碟餸即刻變得好邪惡， 係好食嘅。炸豬手，我都係覺得喺酒吧食嘅炸豬手好食啲。食到尾仲有番薯糖水送。總括嚟講，呢度嘅小炒比想像中遜息。不過呢度嘅服務又係ok嘅。