楚撚記大排檔 (馬頭圍道) (已搬遷) 新店位置

喺附近工作，即刻上網睇吓附近有咩好嘢食，就搵到呢一間大排檔，超級多人推介，即刻去試吓！醬爆鴛鴦雞煲$99雞煲一上枱香到不得了，隔離枱都忍唔住望下係咩黎🤪 夠野味夠入味！正！家鄉三絲炒米粉$69依個真係必點，食得出超有鑊氣！以為上咗翻大陸個啲瓦火大鑊炒！ 平靚正！豉椒鵝腸$89又係夠晒入味同啲汁香到可以撈飯食啊！食到好飽飽，準備埋單，侍應話可以送糖水，真係好驚喜！加分加分雖然糖水免費，但係真係好好飲，清清地又解濟，有少少想買多碗飲！好抵食

難得入一轉土瓜灣，於是上網搵吓有咩好食，就搜到呢間餐廳，滿心期待來試吓。去到門口已經見到十幾人等緊位，最後都等左半個鐘左右入座，不過都係值得，冇令我失望。菠蘿拔絲咕嚕肉呢道菜係幾出色，咕嚕肉味道調到啱啱好，酸甜適中，非常開胃。咕嚕肉又唔至於太乾，肉汁幾多。伴碟既拔絲真係幾有心機，正式色香味俱全。麻辣韭菜鴨血煲係我鐘意既鴨血配埋韭菜，好有風味。不過辣度就算小辣既家鄉五柳炸彈其實我有少少後悔點哩個，因為同咕嚕肉撞左，少少似點左兩味類似既送咁。幾特別既，都係酸甜開胃果類脆皮炸大腸正！炸到乾身脆口，上面仲放左“上檯即食”既牌仔。好香口，真係無得輸。同埋相影得唔清楚，下面係墊住罐頭菠蘿切片，可以調節膩感，好細心呢~豬油撈飯真係好難得可以食到豬油撈飯，超級香啊~飯後送既糖水，番薯糖水同清補涼。無奈檯真係太細，放滿碗碟，杯盤狼藉。整體來講，餐廳既食物真係有水準，而且係好地道既風味。裝修都好復古懷舊，整個風格都好配合到。不過環境實在有D太逼，出入都有D困難同要小心；另外，碟都係比較大份既。到底要唔要排隊等？我覺得值得~

一般大排檔俾人既感覺就係冷氣唔夠越食越熱同埋服務唔多好既感覺。但偏偏楚撚記完全相反，由於又係帶bb去食既關係，好多謝侍應每上一個餸既 kindly remind 要小心熱，好細心。一去到餐廳其實已經有位，不過前面仲有幾枱客安排入座中，所以我地都略略等左15－20分鐘。開頭俾門口位我，其實我一臉嫌棄嫁，因為我超怕熱，哈哈。但坐落去冷氣真係超級夠！！！一睇個menu 就眼闊肚窄，每樣餸都係自己既favourite 。三個人叫左4個餸食，我最鍾意就係個瑤柱蝦粒帶子蛋白炒飯，真係 HIGHLY RECOMMEND!! 入面係有好多粒帶子，個炒飯好正，好岩我呢d 炒飯fans 食。

等左一粒鐘，就算好餓好餓都堅持到底，為左想試下個味道。探究點解多人等候嘅原因。最後終於一粒鐘後有位啦，入座後發現每一枱客都有叫豬手食，當然要試下啦。誰不知個豬手好脆，唔似其他餐廳豬手咁咬到牙膠都甩都仲咬唔到，佢真係做到咬落去好脆，仲有啲膠質咁。配上夏日必備嘅啤酒，正係夏日消暑聖品！店舖有個女仔，好有禮貌，每次上菜都好有禮貌地笑住移好位置，好少餐廳會有咁禮貌嘅侍應。最後埋單時，佢仲好有耐性的等我們搵銀仔，仲笑住同我哋講慢慢唔好急。咁好生意仲要咁有禮貌！好好呀！

是咁的！我地一行四人約左去做HIIT！做完個人特別肚餓，就去左成日想去食，今日終於食到嘅大排檔！去到既時候，已經人生人海！好彩只等左半個鐘左右！黎到仲有代客泊車，對於有揸車既我！完全係冇得頂！$40蚊邊到搵！款式非常多選擇！飛天通菜煲睇到個名而為香港都可以好似泰國咁係對面街飛過黎！鑊氣十足，送飯食就啱晒！脆皮炸豬手呢個豬手皮脆肉嫩！香口又唔油膩金沙黃金白飯魚呢個我就覺得一般，因為食唔到鹹蛋黃嘅香味！酥炸黑松露醬芝心乒乓波牛丸呢個名夠晒長氣，點估到黑椒牛丸配松露醬汁係會咁夾！真係估你唔到呀！香煎黑松露蓮藕墨魚餅外表煎到金黃，食落去脆口彈牙！仲有豬油撈飯添！本身諗住強身健體！黎到呢到就完全將減肥增肌放埋左一邊！仲有唔知大家有冇留意到，大部份餸都有個牌仔！呢個牌仔真係好貼心！而且所有店員，面對咁忙嘅環境，都依然面有笑容，好有禮貌，呢一點值得嘉許！

楚撚記位橫巷入面，如果吾熟路都吾易搵到。晚上8點半去到 2人台都要等半小時 足見好多人幫襯。佢分有左右2間鋪頭，面積吾大 但2間都非常熱鬧 裝修幾有大排檔風味麻辣韮菜鴨血煲熱辣辣上台 成煲紅噹噹以為好辣 結果吾係😂 鴨血吾夠入味 反而啲韮菜好好食 夠濃味飛天腐乳通菜好食翠綠色既通菜炒得吾會過火 腐乳夠香 仲加左蝦乾 夠晒咸香豬油撈飯豬油和豉油獨立上，想加幾多可自己做決定。豬油撈飯雖然邪惡 但啲飯粒粒分明 豬油撈埋啲蔥花一齊食 好香一碗飯都可令人感受到幸福😂😂😂😂😂黃金九肚魚又一開胃菜九肚魚痴住啲咸蛋黃 吾洗講都知有幾好食配啤酒食一流啊食到尾聲店家仲好大方送左蕃薯糖水仲有好多招牌菜 留待下次再試

住左土瓜灣咁耐一直聽過楚撚記 今晚終於有機會嚟食個宵夜啦😍😍😍叫左小炒王🦑🌾黃金炸魚皮 🐟蜜椒薯仔牛柳粒🐮同啫啫雞煲 🐔小炒王系我呢幾個菜入面最中意 夠曬足料😋😋😋黃金炸魚皮我最期待🤩不過嚟到個賣相同味道都唔系我心目中嗰種 🧐🧐🤨🤨魚皮同鹹蛋好似分開曬 無嗰種融洽嘅感覺🥺🥺🥺薯仔牛柳粒同萬發大同小易 不過比萬發優勝系佢蜜餞做得好入味牛柳好juicy 🤝😋啫啫雞煲 一嚟比個感覺真係好夠鑊氣 自己有少少燒焦嘅感覺好香🥳好想試吓佢個老火菜乾豬肺湯賣晒 🥺🥺其實仲有啲招牌菜都想試下次都會再嚟 🤝🤝🤝真係一個唔錯嘅宵夜選擇收凌晨3點 環境企理 四個小菜一支啤酒再加兩支汽水 冇收加一 $366價錢公道😬😬

土瓜灣小菜舊店，朋友訂枱，基本上都覺得吾會太伏，裝修算可以，6個人都坐得舒服，聽說後巷有露天位，但我又無行去望下，今次我坐店內。望見餐牌，大部分價錢都係50-80蚊左右，都無咩點理，想食就叫，主力搵點功夫菜試下，食評睇圖。服務算可以，至少聲線客氣，主動收碟。食物份量算標準，6人食小食就一人一件，小菜每人兩件左右，吾算大碟頭。味道有少驚喜，但未至少嘩一聲。叫左9樣野4支啤酒埋單$800，價錢合理。小店特色小菜，會再試。

一到晚飯時間楚燃記外面就好多人排隊  但試完一次就明點解個蜜椒薯仔牛柳粒係我食過最好食既，同阿妹爭住食唒，一定要點而炸豬大腸就係阿媽至愛，配上菠蘿唔會太油膩，好快食哂

呢間野話自己係大排檔，但唔見有任何露天位同煮食爐。。。淨係知我由炮仗街行過去，餐廳所處既地方係一條後巷，當時晚上7:15，條後巷有20個南亞裔人在吃晚飯。。。都幾驚，所以建議大家如果去，就由馬頭圍道轉過去，唔洗行咁長後巷。。。間野巴閉了，同一條後巷都有兩個鋪，同朋友二人被分配坐餐廳路口中間張枱，啲位好窄，所以成日有侍應係我頭頂「攘」過行黎行去，真係楚撚住晒，坐得極唔舒服小姐呀，去得大排檔就預咗坐得唔舒服啦！雖然呢度一啲都唔似大排檔，但你預左啦！係既係既，咁講番食物囉，梗係試佢啲招牌菜啦～菠蘿拔絲咕嚕肉：個拔絲真係嘥鬼氣，唔係o係咕嚕肉或菠蘿個面，係一舊咁放o係碟邊。。。啲咕嚕肉個皮一啲都唔脆，仲淋淋地，唔太掂黃金蛋黃炸魚皮：一睇個賣相就唔得，醎蛋黃唔夠多，再黎食落口，靱既！啲魚皮咬極都咬唔爛，仲慘過食擦紙膠。。。同侍應講，會唔會啲魚皮唔熟所以咁靱？侍應都好好，幫我地同廚房反映又取消咗個菜燕麥金沙蝦球：無咗個魚皮，改咗要個蝦球，一般貨色啦～醎蛋炒得唔夠香，啲燕麥就一啲都唔夾味，整色整水酥炸黑松露菌醬芝心乒乓波牛丸：呢個真心好食，有好香既松露味，一咬開粒牛丸有一pad溶咗既黑松露芝士，熱辣

有家人在外地回來，希望試試廣東小炒，想起此家店經常大排長龍，決定一試.殊不知星期二晚都要等足一小時我們只有五個人，其中最有食力的小弟感冒，要求清淡一點，只好點了一個雞粥，想不到他非常滿意.我點了一個小炒王，老實說有㸃失望，除了分量可以多點外，韮菜和蝦干太少，如果加上菜甫會更好.飛天通菜及豬肝排骨蒸陳村粉都好有水準.最有驚喜的是黃金白飯魚，外地家人停不了筷⋯此店還有很多推介我們都未試，肯定重來，希望下次我們可以訂到枱.

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！前一晚睡前刷facebook看到便即刻約友人相聚，楚撚記，聽其名已經覺得過癮，香港粵語文化博大精深，懂得運用既有加強語氣的作用，亦不會感到聽罷會被冒犯！裝潢是刻意地走懷舊路線，算是對獨有香港大牌檔致敬，我是很本土的，吃大牌檔大的，故然份外親切！飛天通菜煲我吃過最好吃的通菜煲是在紅磡大酒店後面一家歷史悠久的大牌檔，可惜敵不過文化洗禮，上年結業了。好吃的地方是鑊氣吧，把鍋煲燒紅，放入已經炒好的通菜，鍋煲的熱力把蝦膏味進一步迫出來，再加上少量紅椒青椒點聚，當我以為再吃不到的時候，我在楚撚記重遇上！海山骨是重頭戲，用蝴醬醃製的肉排，炸成閃閃生輝的金黃色，咬下去有蝦膏的鹹香香豬肉的鮮甜，香口有鑊氣，一口接一口！啫啫雙雞煲，雙雞是雞和田雞，一上枱便聽到沙沙響的，醬汁

一行五人經openrice訂座，所以去到餐廳唔洗等位就入得。餐廳內佈置懷舊設計😛仲播住好多唔同既懷舊經典歌。叫左菠蘿啤同手工啤，菠蘿啤就偏甜少麥味，酒精只有0.6%-1%。手工啤就朋友飲，我無試😛不過包裝紙設計得好靚好vintage！原隻炸豬手，好搞笑有個牌仔伴碟（請上檯即食）豬皮炸得非常香脆！唔會好硬好un岩岩好！仲附有甜酸醬同芥末醬😋拔絲咕嚕肉😍味道岩岩好唔會太酸太甜，入面除左有菠蘿仲有桃！第一次食有桃同拔絲既咕嚕肉🤣不過拔絲食落有啲硬，好似咬碎緊硬糖咁。不過賣相very good👍🏿黃金白飯魚，黃金味夠突出之餘亦唔會太咸，酥脆可口😋脆皮炸大腸配菠蘿底。炸得岩岩好，唔會太un，食落時亦唔會感覺油膩，迫晒啲油出黎，炸得好好👍🏿配埋菠蘿底當堂去晒啲油膩感🤪呢個麻辣鴨血韭菜煲，一開始食時都頗麻，但食食下好似係鴨血自己出水，所以又唔係太辣，不過鴨血有啲易散開，一夾就散，要用匙羹不起，味道就普普通通。最後埋單每人都係$112，叫咗咁多餸黎講都算非常抵食🤩最後仲會送糖水！下次要再黎試埋其他招牌菜😜

點解話係宵夜嘅好去處呢， 係因為夜晚成日排曬長龍，所以我哋寧願食宵夜。同埋佢開得好夜， 所以我地都成日心思思想落嚟食嘢。不過食宵夜有個唔好處 ，就係好多嘢食已經賣曬。我哋次次都想叫嘅豉椒炒蜆佢次次都冇得食。冇得食炒蜆就唯有食炒鵝腸啦。佢嘅豉椒鵝腸，份量都算多，啲鵝腸好彈牙好新鮮， 唔係一般嘅急凍鵝腸，好好食。佢啲紅椒青椒同洋葱都好爽脆好甜，正！之後我就一定會食佢鹹蛋嘅菜式㗎喇，今次食鹹蛋 九肚魚，好香口，啲鹹蛋嘅份量啱啱好，唔會太多令到成個餸好濟，鹹蛋入口即溶 ，好正通常我地會外賣一個雞粥返屋企，同媽咪一齊食。佢嘅一煲雞粥嘅份量都好多，會有三個透明嘅外賣盒 佢嘅雞都幾滑，滲咗啲雞油喺粥入面，好好味

一向都覺得大排檔小菜款式多、平又抵、又夠獲氣，不過成日驚街邊大排檔污糟所以唔係咁鍾意去。見網上介紹土瓜灣開咗呢間大排檔比較乾淨企理，所以放膽一試我哋冇訂位，估唔到咁多人！！都等左差唔多一個鐘先有得食！！建議如果去嘅話一定要book位先！座位有啲迫不過好乾淨原隻脆皮炸豬手～招牌菜一定要試～皮夠脆、肉夠嫩滑、多肉少肥膏蜜椒薯仔牛柳粒～用咗蜜糖汁所以成碟都甜甜地，幾特別，好鍾意呢個汁送飯一流～牛肉就有少少煙韌炒通菜～個汁幾香，有獲氣，炒得都唔錯豬油撈飯～老公叫左豬油撈飯！我自己冇食因為怕肥老公就話好耐冇食過咁好味嘅豬油撈飯～老公話飯比較硬身，淋左豬油之後就好有口感番薯糖水埋單先知原來免費送番薯糖水食埋個糖水大滿足總括嚟講下次應該叫多啲人一齊嚟食！多啲人可以試多啲餸菜因為款款都好似好吸引咁Menu: