楚撚記大排檔 (馬頭圍道) (已搬遷) 新店位置

通過身邊友人同我分享土瓜灣的美食，就同我share 左呢間大排擋，咁本小姐今次就專登去試個究竟。首先order 左推介美食其中一道，香煎黑松露蓮藕墨魚餅，黑松露味道重，加上墨魚餠十分香口彈牙。蜜椒薯仔牛柳粒，牛肉鬆軟，加上有少許蜜糖的味道，味道十分讚。麵豉蒸魚雲，味道佳量夠。七味黃金炸一口金磚豆腐，外酥內軟，口感甚佳。去大排擋當然唔少得叫啤酒飲，佢會比戰鬥碗俾你飲啤酒，加上戰鬥碗係喺雪櫃到拎出嚟，凍碗加凍啤，爽！

想食風味小炒，又想有小小新意，今日就黎試下呢間係土瓜灣幾出名既楚撚記。7點幾已經有唔小人排隊，等左一陣就有位，佢門口好貼心有兩排凳坐👍🏻Menu 有好多選擇，除左普通大排擋既小菜，仲有好多特色小菜，難得黎到當然試下佢特色招牌菜😊-推介必試💓蜜椒薯仔牛柳粒 （$98）薯仔粒細細粒，包住蜜糖同濃濃既黑椒汁，而牛柳粒都好入味肉味濃，敗筆係好細碟。-再推介👍🏻：酥炸黑松露菌醬芝心乒乓波牛丸 （$88）賣相幾特別，牛丸幾大粒，表面有小小鹽同胡椒粉，咬一下真係會流汁，而且好熱。佢既汁有小小似白汁黑松露醬，芝士味唔太覺，整體幾香口幾彈牙👍🏻-失望😞：燕麥金沙蝦球 （$90）其實係一堆燕麥放係上面，而下面既蝦球無咩味，感覺係撈堆d 咸蛋黃醬，無咩鍋氣，覺得同燕麥都唔係好夾，整體麻麻地。埋單無加一$276

因為某些特別事情，入住土瓜灣區的酒店，多年沒有去過這區，只好上開飯找食肆，這間比較有人氣，於是一試，星期一晚上7點半，門口都有10多人在等位，果然有點人氣。等了約10分鐘即可入座，但要搭抬。是晚二人餐點了豉椒抄蜆，椒鹽田雞及韮菜抄鹹肉，兩支樽裝汽水。買單$296。豉椒抄蜆很快上枱，果然有鍋氣。但味道則薄弱，豉椒味不足，蜆肉有沙，減分。韮菜鹹肉，韮菜鮮嫩但鹹肉卻實在太實。又減分。最後椒鹽田雞，既不椒，又不鹽，田雞又老又柴。零分。結論，無下次。

今晚同d同事有飯局特別一星期前bk位食呢間好多人都話好食既餐廳去到門口已經聚左好多人好彩有訂住位，去到唔洗等即刻有得入個店員帶我地行過成條街，有間落到地庫既舖仔，d位對比門口舖個d闊落好多3個人叫左4碟餸，1個炒飯，同1個豬油撈飯可能本身對呢間餐廳期望太大上菜之後就有d失望d餸唔夠熱，個小炒王都係微暖，咕嚕肉都係最熱係個炒飯同豬油撈飯小炒王，味道一般唔係差但唔算好食拔絲咕嚕肉冇乜特別d肉唔夠脆身，可能曾經食過好好食既拔絲咕嚕肉，呢個真係一般黑松露墨魚餅就有黑松露既香味，不錯不錯但煎得唔夠香脆成晚最好食係個炒飯炒得夠乾身，粒粒蛋香👍🏻最後加多左個豬油撈飯再結飯係蒸飯，粒粒分明夠硬身，抵讚但豬油唔夠香味成晚最出色都係個炒飯！

今晚諗唔到食乜好，行行下又黎到呢間大排檔，諗起上次食過覺得好好食，所以決定再去試下其他小菜！ 上次食過佢既黑松露藕餅、沙拉骨同欖角肉碎四季豆，樣樣都好好食！ 特別係個藕餅，好香，食落唔會覺得油膩熱氣，超好食！ 今次都係揀佢既招牌小菜！ 飛天通菜煲有蝦醬、蝦乾，再加埋少量紅椒青椒，好香好好食！ 熱辣辣，好惹味！ 再黎脆皮豬大腸，配菠蘿佢有溫馨提示叫客人即食，食落香脆，點埋d酸甜醬，好食呀！ 我呢個以前對大腸冇好感既人都覺得好好食！ 食完一件豬大腸再食舊菠蘿，感覺好舒服，亦解膩！ 兩者好match！ 呢味叫做海山骨，話係加左蝦醬去製作，味道都幾特別，d肉肥瘦均勻，唔會痴口，香口得黎又唔會覺得真係好熱氣！ 都係好食之選！ 呢間大排擋環境幾舒服，選擇又多，味道又好，值得一試！ ；）

大排檔. 就是有點麻甩 但你會好想食 可以放鬆甘係甘食點解？ 因為餐牌實在太多選擇 樣樣都好想食！記撚楚 楚撚記 一路都好想食 朋友都話等好耐 難得今次黎到唔洗點等.一打開餐牌 又係勁多選擇 最後選左3樣野食椒鹽鮮魷 金沙黃金白飯魚 香煎蓮藕黑松露墨魚餅椒鹽鮮魷金沙黃金白飯魚香煎蓮藕黑松露墨魚餅✔️.味道方面大排檔最緊要夠鑊氣. 楚撚記完全做到.最喜歡佢個黑松露墨魚餅 加左蓮藕豐富左個咬口. 但黑松露味唔算重環境方面 乾淨 又唔會 太嘈.場內音樂 主要係 懷舊er...呢樣就見人見智 ❌要改善既係炸物有點油前後點了兩次 黑松露墨魚餅 第一次係炸得剛好 唔會乾身 或 太油 ！第二次極度油！食物份量好像有點小. 另外 可能11點幾去食啦 糖水已經送完了。回頭率極高既大排檔 但以上講的 改善埋更好

👉🏻楚撚記👈🏻名字獨得，位於舊區土瓜灣，憑著著名撚手小菜出名，想吃它記得提前訂座訂了位也是安排拼著分開的二人方枱，枱與枱之間比較迫，可謂背貼背，生意火爆⋯上菜迅速，大排檔一樣，嘭嘭聲上齊，餸菜叫多了一次性也沒有位子擺放，服務員會將兩款食物拼在一起 炸物黃金系列好吃，黑松露蓮藕墨魚饼也不錯，例湯菜乾豬肺湯也夠火喉，基本食品都是😋，價格又不昂貴，可算十分抵食夾大件！最尾還奉送老薑蕃薯🍠糖水，用這碗糖水做Ending ，感到很満足！避免浪費食物，也厚著面皮拿了個外賣盒裝起吃不完的家鄕炒米粉

成日經過見到人排，搵日又去排下第一次4個人食左福建炒飯，飛天通菜，爆漿牛丸，豉椒炒蜆，炸豬手，黃金白飯魚，樣樣都好好味。必食係爆漿牛丸。食過就反尋味，因為呢頭真係無乜好野食。之後再去就試左小炒蝗，炸大腸炒米粉，蒸魚云同椒鹽九肚魚，真係食到lam lam 脷。最後仲可以叫佢送蕃薯糖水，食埋就好滿足，又唔收加人，但係侍應態度非常有禮貌。如果唔想等咁耐，建議17：30一開門就去，或者21：00後去，如果唔係可能要等1個鐘。

今日一家4口諗住試吓！因為有多好評，同埋經過每次都見到好多人排隊！心諗一定係好嘢🤭所以6點到就到，唔洗等位，安排坐喺第二間鋪！我哋先叫咗一隻脆豬手，皮係脆！不過就唔係話好好食！之後叫咗個小炒，就唔係太惹味，亦比較細碟。之後再叫咗個拔絲咕嚕肉，普通的加多個炒麵係中途😨竟然有從上落嚟🥺當堂嚇一嚇可能我哋叫嘅嘢，唔係佢哋拿手🤷🏻‍♀️

楚撚記的”撚”字就是這食肆的重點, 不是代表著粗口, 而是撚手小菜的撚, 在土瓜灣的暗巷, 這裡就是火光熊熊地弄著鑊氣豐富的小菜, 很有活力的情況和土瓜灣的老氣相映成趣! 三個麻甩佬吃的當然是”佬菜”, 炸牛肉配上黑椒, 本身已是惹味非常, 內裡有黑松露芝士醬, 咬下去噴射出來, 難怪要”小心爆漿”了. 炸豬手外皮脆而腍, 內裡的肉沒有炸得如肉乾一樣, 配上大枝啤酒, 這就是男人的浪漫. 麥皮蝦和新加坡吃的軟一點, 麥皮依然香爽, 但蝦肉咬下去就不如在後者吃得爽了. 浪漫過後, 以鮮人蔘浸時蔬作結, 收我們六十多元的價錢, 但人蔘的甘香味不是假的, 爽完嘛! 就是要舒服.

每次黎都見到呢間餐廳好多人排隊人山人海我估佢一定係唔錯所以今日終於有機會可以黎試吓係非常之期待嘅一件事我哋三個人就叫咗一啲招牌菜式當中係包括飛天通菜煲呢一個通菜煲嘅份量都唔少架佢仲落左小量嘅辣椒去炒所以係好惹味而呢一款係黑松露蓮藕墨魚餅呢一道菜色絕對係我嘅推介之一，黑松露味好香但係唔會話香到臭，食落去係非常之可口加埋蓮藕嘅爽口咁一食難忘當然唔少得亦都係帶佢嚟一個招牌即係脆炸豬手啦。豬手嘅份量都非常之多㗎而且新鮮即炸，啲肉汁又keep得住，食落去係好嫩口嘅，真心覺得幾好食！最後我哋仲叫多咗一個濃湯人蔘浸時蔬，嗰日我哋就揀咗菜心。個湯底應該係落咗忌廉去煮嘅所以係非常非常之濃郁！但係我就略嫌佢啲菜心太大棵不過味道真係算唔錯三個人食咁多樣嘢都只係三百幾蚊我覺得真係抵食，而且食完之後仲會送一個糖水，而嗰日就係一個充滿薑味嘅番薯糖水係我嘅最愛！另外不得不讚嘅係服務生嘅態度非常之有禮貌，然之後上菜速度都好快。下次一定會再嚟食試吓其他唔同嘅菜式

經過幾次都見到人山人海，知道呢間大排檔一定好出名，今次終於可以一試，可惜只有兩個人食，時間又太夜，唔可以試到太多野。豬肺湯$84: 三人份量既湯，非常入味好飲，價錢偏高，但值回價格。蜜椒薯仔牛柳粒$98: 薯仔炒得好脆，牛椒粒生熟度剛剛好，用黎送飯一流，強力推薦！美中不足既係份量唔太夠。蒜蓉炒小白菜$54: 簡單一味菜，好夠鑊氣，明顯地揀左菜苗出黎炒，一入口就感覺到菜好嫩，正！好可惜無哂豬油撈飯，下次一定要試！最後原來重送蕃薯糖水，雖然係送的，但超足料，好味！環境好懷舊，重一路播住經典舊歌，beyond、哥哥、學友...好有feel!下次一定再來！

成日經過見到都好多人排隊，都估到有好野食細細個已經成日食大排檔，真係會有種情意結，今日就去試下，晚上6:15第一間鋪已坐滿8成，我地唔洗等就即刻安排坐位，亦無限時要求。一睇menu 已經好多野都想食，因為好食既「大排檔」已經所剩無己。菠蘿拔絲咕嚕肉-比想像中一般，有點韌粟米魚柳魚同粟米汁分開上麻辣韭菜鴨血煲，我食得比較濃味，我覺得唔夠辣金沙黃金白飯魚，必食超薑蕃薯🍠糖水，送既我地食完出黎已經十幾人等位仲有好幾個餸想試，飛天通菜煲、墨魚餅、麻辣水尤.......我一定會再黎

一早聽聞位於土瓜灣的楚撚記大排檔，餐廳人氣甚高，最近終於成功訂到位。以大排檔為主題，裝潢走懷舊風，除了傳統小炒，還加入了不少自創菜式，嗚雖然不至於大件夾抵食，但價格合理，人均百多元可以在舒適的環境吃小炒，也不錯啊餐廳位於馬頭圍道，一條街三個鋪位，座位數量不多，難怪晚飯時間像七時、八時，很快就預訂爆滿。餐牌供應傳統小菜，例如咕嚕肉、蜜椒薯仔牛柳粒、椒鹽鮮魷等，再加上自創菜式像黑松露芝心牛丸、招牌脆炸豬手等，價錢合理。菜乾豬煲豬肺湯 $129老火湯六至七人份量，菜乾豬肺清熱，湯頭油份不高，而且湯渣不少，抵足料。楚撚原隻脆皮炸豬手 $102豬手皮炸至酥脆，肉質鬆而不會太鹹。黃金椒鹽粟米 $57全晚最好吃的是粟米，雖然吃不出椒鹽味，但粟米件沾滿存在感高的咸蛋黃，好食酥炸黑松露菌醬芝心乒乓波 $88自家手打牛丸沒有想像中般爆漿，牛丸大粒爽彈，黑松露味濃郁，反而嚐不到芝士味了。激椒避風塘水魷 $89水魷未有如題激椒，脆口入味，以粉絲墊底，吸滿醬汁，如果能提升辣度，更加過癮。蜜椒薯仔牛柳粒 $98牛柳粒交到功課，鬆軟腍身，沾滿蜜汁，薯仔油炸微脆，略嫌太細粒。家鄉五柳炸蛋 $69五柳炸蛋懷舊家常，雞蛋

我收工之後想去食中菜於是見到呢間幾多人幫襯就入去試試，沒想到九時都這麼多人光顧。看到隔離枱的菜色頗有鑊氣賣相也不錯。炒麵的賣相相當不錯而且不會很鹹很有獲氣加上芝麻非常香口而且份量亦很大，真係抵食另外沙拉骨的味道也不錯不會很酸而且炸得很可口。 而苦瓜那個亦是一道不錯的菜式，豉椒味很濃。 每樣菜式都非常有和氣媲美大排檔而且價錢不算貴值得一試下次會再來光顧