極鮨

營業中

休息中

今日去咗銅鑼灣覓食，又係我最鍾意嘅日本菜，但又有午市優惠，我揀咗個午市定食，佢個set 入邊包左沙律🥗、茶碗蒸、麵豉湯，仲有一個甜品。沙律🥗、茶碗蒸，食完都幾開胃。主食方面我揀咗和風山椒燒汁牛柳，野食一上到枱就聞到層層嘅香味，相機食先，之後就快快想試吓佢嘅味道，牛味都幾重，都幾Juicy，記住加少少洋蔥咁食，咁樣可以同黑椒嘅味道中和返，會更加夾！牛柳嘅下面係滿滿嘅蔬菜，蔬菜都非常之新鮮嘅，而且都有幾多下。另外，麵豉湯足料，都幾好飲。之後我再單點叫多一個蔥吞拿魚腩手卷，呢個呢個手卷俾咗喜出望外嘅感覺我，好鮮甜，好足料，成個手卷都有吞拿魚腩蓉，值得一讚。最後上咗個甜品係抹茶味嘅蕨餅，好QQ彈彈，good ar!!! 好中意食呢個甜品！

今日同朋友去左行銅鑼灣市， 行完之後就睇下有咩好食! 見到有間新開嘅日本菜於是就上去試下！餐廳用左淺木色做主調, 旁邊一排落地玻璃所以採光度好夠, 而且餐廳服務非常好而且店員會耐心介紹, 師父會係面前親自手握壽司同介紹, 有一種omakase嘅感覺麵豉湯湯底用真鯛煲成, 麵豉湯冇平時飲既咁咸 味道更甜, 茶壼蒸蒸蛋口感嫩滑, 材料豐富 前菜前菜師傅準備左漬蒜同簥頭, 簥頭食落微酸帶甜好開胃 極鮨手握壽司(十貫) 北海道帆立貝壽司帆立貝鮮甜爽口, 用左竹鹽同青檸汁調味, 令味道更清新赤海蝦壽司赤海蝦口感爽彈有咬感, 魚子醬帶咸香味同脆卜卜, 令整體口感增強！赤貝壽司赤貝鮮爽甜美, 沾上少許青檸汁令味道更清新真鯛壽司上面擺左少量鹽昆布調味, 食落更鮮甜間八壽司, 食落比較爽身, 肥美鮮甜, 深海池魚配搭左柚子胡椒, 清新得嚟有少少辣非常開胃金目鯛壽司上面擺左三色漬, 令味道更有層次鱸魚壽司外層微微燒過 未食已經聞到微微焦香, 而且撒有七色芝麻, 入口好重魚油味, 口感嫩滑 加拿大海膽壽司比較甜美, 入口即溶, 海膽味濃中拖羅壽司拖羅富油香,  紫菜輕輕燒過, 非常香脆, 中和左拖羅油膩感拖

最近某大型百貨公司做緊Thankful week，鍾意血拼嘅我當然唔放過😼行完之後就喺附近一間新開嘅日本餐廳食嘢先😋🥢食物🥢1️⃣極鮪之戀拖羅丼$368: 6大塊厚切拖羅，顏色肉質味道油香都超正👍🏻旁邊仲有拖羅魚蓉，入口有溶化感覺，好滿足😍必點～2️⃣手握壽司（6件）+蝦野菜天婦羅定食$238: 每件壽司都食得出好新鮮，特別喜歡是💕赤蝦，帆立貝，炙燒伊佐木💕而天婦羅炸醬好薄，火喉控制啱啱好，香脆而不油膩！另外套餐包了麵豉湯，沙律🥗茶碗蒸，沙律酸酸甜甜好開胃，茶碗蒸超滑溜😋超滿足的午餐！💥環境💥兩邊座位都有大玻璃，陽光曬落嚟環境覺得好溫暖，感覺好舒服😌雖然得10幾個位，但仲設有一間係VIP房間。💥服務💥一入門口店員有好親切嘅笑容歡迎我哋，除咗介紹食物之外，亦都有幫我哋擺袋，拉椅的小動作，令我地好窩心😳而廚師同有些是日本店員都好好禮貌！

BB帶我破戎之日本菜愈是說要做就做不了的定律！地方都幾舒服，多人可以坐包箱，係特色房間。套餐包左沙律菜，蒸蛋，麵豉湯極鮪之戀拖羅丼 $368坐底一見到我諗都唔諗就話要叫，因為佢係拖羅bb。好多片拖羅再加拖羅蓉好足料。如果想食拖羅但又唔中意過多油脂既呢個就岩食。極鮨。手握壽司6貫+蝦野菜天婦羅定食 $238反而手握壽司有驚喜，食得出同平日食既有分別，好新鮮而且厚切。天婦羅同平日食既唔同，佢做到外脆之如，蝦唔會好淋，咬落有口感當天仲有日本人駐場，好似去左日本咁。

今日黎到一間裝修得幾靚，環境企理乾淨嘅日本餐廳食lunch。呢度嘅午市套餐幾抵食，我揀左：北海道松葉蟹三色丼三文魚子、帶子、蟹肉鋪滿左成個碗，好足料。鮮艷橙色嘅三文魚子好大粒又飽滿，晶瑩剔透，食落好鮮甜，口感爽脆，勁鍾意佢喺口裏面爆開嘅感覺。而帶子都幾鮮甜，我習慣會唧啲檸檬黎提鮮。而蟹肉係主角，淡淡的海水味，味道鮮美。咁佢啲飯係用咗日本米嘅，大大碗，豉油加芥末，撈飯食再加埋啲魚生，飽曬茶碗蒸滑溜溜，好味道麵豉湯呢個天氣飲就啱晒喇，夠晒暖胃前菜仲有新鮮沙律甜品係綠茶mochi ，煙煙韌韌呢度嘅食物質素唔錯，可以同朋友黎食下

HAPPY FRIDAY要食好D!.約左成班同事去極鮨，歎返個午市OMAKASE~.位於銅鑼灣澳門逸園中心10樓，係正地鐵站隔離，夠哂方便。.店員好熱情又友善，加茶換碟都好勤快！.今日揀左個極。壽司盛合十貫，附送沙律、茶碗蒸、麵豉湯，都幾抵食！.沙律菜好新鮮，夠爽脆，淋上醬汁特別開胃。.茶碗蒸嫩滑鮮味，仲有香菇等配料。.壽司十貫：.拖羅，肥美得入口即溶，帶魚油香真鯛，清淡優雅富有彈性，口感淸新北海道帆立貝，肥厚鮮爽且帶甜深海池魚，油脂多，魚味濃，爽口嫩滑赤蝦，鮮嫩甘甜又粘糯赤貝，彈牙鮮甜，令人回味鱸魚，嫩滑有彈性，細膩鮮美金目鯛，肉質細膩油分甘香間八，幼滑鮮甜，味道較濃郁海膽，味道濃郁，口感嫩滑甘甜.最後奉上麵豉湯，鹹度剛好，唔錯。

銅鑼灣呢幢大廈有好多高質餐廳，大部份都係以日式為主。見到呢間新開幾吸引，午市去相當多人，滿座！好彩預先book咗位。坐低好快店員就奉上熱茶，睇完Menu好快都揀咗嘢食。Lunch set有壽司、刺身、熟食等等，我就揀咗刺身定食。估唔到質素非常之有驚喜。揀了極上拖羅刺身（六品）定食$258點完餐就有新鮮沙律，、滑滑蒸蛋。刺身定食有帆立貝、甜蝦、拖羅、兩款白身魚等。帆立貝夠厚身、鮮味。甜蝦好新鮮鮮甜。兩款發生魚魚味唔算重，但係魚鮮味濃，好新鮮。拖羅部位肥美，有少少入口即溶，好味！個麵豉湯相當有驚喜，以為望落好淡味咁，一飲充滿香濃嘅魚鮮味，夠鮮甜！而且入邊仲有少少山椒，味道豐富。飲得出好足料！食完準備埋單，店員話做緊優惠，只要讚好社交平台就可以有雪糕。食完甜品相當滿足！

最鍾意食日本嘢，呢間日本料理星期六都有午市套餐。極。壽司盛合十貫$328首先有沙律🥗沙律配以酸酸地嘅汁，有車厘茄幾開胃。茶碗蒸熱辣辣，蒸蛋夠滑。之後就先上五件壽司🍣- 帆立貝大隻鮮甜- 赤貝有光澤，爽口鮮味- 赤蝦望落晶瑩，鮮甜爽口- 真鯛有咬口，面上有少少昆布調味- 深海池面上有少少柚子醬，將魚嘅鮮味提升另外五件壽司🍣- 金目鯛魚油好香，肥美帶少少爽口感- 赤身面上有芝麻，吞拿魚味幾濃- 中拖面上有芥辣，油脂感令人滿足，肥而不膩- 海膽夠凍夠鮮，紫菜夠脆- 火炙左口魚火炙後魚油更香，少少筋位咬口最後Like 社交平台就送雪糕一客，揀咗朱古力味幾濃郁～餐廳食物質素高，呢個價錢性價比高！

前兩日去開銅鑼灣食嘢，呢間日本嘢環境優美，餐廳以「禪」作為主調，餐廳店面、榻榻米和式個室、都用上日式簡約風為主調。店員都係日本人，但都識講少少廣東話同英文，所以溝通唔會有任何障礙。店員嘅服務細緻、用心，可以充分感受到店員對食物的熱誠。今次到餐廳，就揀咗個午餐餐牌嚟試吓。極上 • 拖維 • 刺身（6品）定食 $328刺身包括鱸魚、深海池魚、牡丹蝦、拖羅、鯛魚、帶子，配上一碗熱飯同湯。店員好有心思，會教我哋食刺身嘅先後次序，先由白身魚開始食，到最後先食油脂比例重嘅拖羅，咁樣就可以確保清楚試到會有刺身本身嘅鮮味。餐廳嘅水準好高，可以食得出師傅對食材嘅執着。最後食返球海鹽雪糕，雲尼拿味好重，帶啲鹹鹹地嘅海鹽味，幾特別，亦都好好味。

聽朋友講銅鑼灣有間新開嘅日本菜，性價比極高，前幾日趁着星期日，就同朋友去咗食個lunch。同朋友一人叫咗一個lunch set，每份lunch time Store包一份定食、沙律、茶碗蒸同埋麵豉湯。首先食咗份清新嘅田園沙律先，有沙律菜、粟米同埋車厘茄。茶碗蒸嘅蛋香好重，食落都好滑，暖粒粒好好味。極。壽司盛合十貫Kiwami Sushi (10 pieces)十件壽司包括：海膽 金目鯛 牡丹蝦 赤貝 帆立貝 拖羅 真鯛 深池 間八 鱸魚食得出好新鮮，每款壽司都有經過精心處理，例如燒過或者加上昆布漬之類，好似啲omakase會食到嘅質素咁。我個人特別鍾意鱸魚，燒過再加上芝麻粒，食落口好香。壽司飯嘅黏度都啱啱好，唔錯唔錯。本身lunch set就唔包甜品嘅，不過like 社交平台就有免費雪糕送，嗰日有得揀海鹽雪糕或者芝麻雪糕。我揀左芝麻雪糕，食落芝麻香好濃郁，雪糕口感亦都好幼滑。以$328呢個價錢食到omakase般嘅質素好抵食，最後仲有八折，抵上加抵。

餐廳按時令推出隱藏版菜式，師傅都按客人喜好推介。最有驚喜係前菜😋師傅都用心制作👍🏼醃漬牛蒡～脆脆又入味芥末牛油果🥑～味道好夾，好好味😋下次再試其他款式🤩

窩夫好掛住日本，所以今年生日選擇吃日本菜，「食咗當去咗  」。窩夫與蝦子餅光顧了銅鑼灣新開的「極鮨」，餐廳非常細心周到，為客人準備了信封放口罩，還有濕紙巾。午餐定食有刺身壽司，也有燒物，有生有熟，滿足不同客人的口味。「極鮨」位於澳門逸園中心10樓，被安排坐在窗口位，等食期間可以看看街景。點餐後先上沙律，紅色的車厘茄、黃色的粟米粒和綠色的蔬菜，顏色吸引，沙律菜很新鮮，車厘茄和粟米粒都很甜，沙律酸汁非常開胃。吃完沙律，打開茶碗蒸的蓋子，滑滑的蒸蛋裡加了雞肉、菇、銀杏，還有芫荽，芫荽的香味令味道更加豐富。蝦子餅點了極上．拖羅．刺身(六品)定食($258)，六款刺身包括拖羅、牡丹蝦、鯛魚、帶子、鱸魚和深海池魚，每款兩大件，正好讓窩夫與蝦子餅分享。拖羅肥美，帶子厚肉鮮甜。炙燒鱸魚令口腔充滿脂香，魚皮滲出淡淡鹹味，味道很有層次，一試難忘。白飯上桌時熱辣辣，粒粒分明，水份控制得非常好，可以媲美日本當地的水準。窩夫的極．壽司盛盒十貫($328)來了，賣相精緻，店員建議先吃白身魚。 相機食先的時候，店員提醒不要拍太久，以免影響貝類的口感。橙紅色的赤貝很有光澤，口感爽脆，非常新鮮。赤蝦肉質肥厚，鮮甜無比，

朋友又搵我食日本菜，就陪佢試下．呢間新開位於銅鑼灣澳門逸園中心10樓嘅 極鮨 SUSHI KIWAMI原來訂位會有85折，難怪咁有誠意一早訂定位．岩岩開幕，餐廳更會送客人一隻清酒杯，可惜我唔飲酒．5 Kinds of Toyoshu Deluxe Sashimi Combo $428豐州特上五點刺身盛合5款刺身包括：三文魚、赤身、牡丹蝦、帆立貝、三都魚赤身：雖然係赤身但都唔會有筋牡丹蝦：將蝦頭預先油炸，夠香脆三都魚：薄切三都魚，點上小西瓜 (蘿蔔蓉) 酸汁，夠哂鮮甜帆立貝：灑上柚子皮，鮮味即時level up.大食嘅我，只食刺身當然未夠．所以就直接叫極壽司盛合十二貫 $588極鮨特別選用日本七星米，米黏性較重同時有口感，米香更濃郁，配合昆布和自家調製白菊醋十二貫夠哂選擇多，包括有: (前後不分次序)赤身，中拖羅配Wasabi 漬，金箔大拖羅，深海池魚(縞鰺)，三文魚子，真鯛 牡丹蝦，赤貝，北海道帆立貝，金目鯛配三向漬，右口魚裙邊，北海道海膽 金箔大拖羅：上面放左金箔 so fancy，入口即溶，油脂爆滿 北海道海膽：夠哂鮮甜。意猶未盡，再叫熱食，超級大滿足．西京燒銀雪魚 $198 &

星期六放假，約左媽咪一齊食LUNCH～揀左呢間位於銅鑼灣既極鮨，午市OMAKASE都幾抵食，選擇又多！特別一讚當日店員服務態度良好，熱情招待而且加茶速度快。同媽媽都揀極。壽司盛合十貫，有十貫壽司，另包沙律、茶碗蒸、麵豉湯。一SET定食咁上，先試沙律，淋上酸酸甜甜醬汁好開胃，沙律菜爽脆，食得出好新鮮。茶碗蒸熱辣辣奉上，充滿蛋香，口感嫩滑。壽司：特別推介北海道帆立貝，口感厚實，鮮甜又滑嫩～海膽甘甜細膩，入口即溶。深海池魚脂肪比例適中，入口細緻爽脆帶油份。赤貝海水味濃郁，鮮美爽甜！拖羅脂肪比例較高，滿口魚油甘香。金目鯛Q嫩，肥而不膩，鮮甜緊實。間八口感柔嫩，鮮滑細膩。赤蝦味道濃郁夠哂爽滑。真鯛淡雅Q彈好鮮美。鱸魚脂肪較多，入口柔嫩。麵豉湯鹹香細緻，用作暖胃一流。

呢間係近排食過性價比最高嘅日料😍當日我地4個人去食, 人均只需$250😱😱咁嘅地段, 咁嘅環境, 咁嘅質素, 咁嘅服務, 難以想像個價錢竟然......咁親民🙊😍😋