榕基滷水專門店 1992

營業中

休息中

第一次食評 見咁多人食 就去試下 點知食物都還好 無必要排隊去食 而至於服務方面真係有待改善 我哋一行三人去食 叫咗兩個set同一個小食 因為口量細 費事食唔晒好浪費 但係叫個陣個waiter已經好confused同啲態度開始唔同 但其實個餐牌又無寫到明一定要一人一個set 之後就繼續 食食下飯 個waiter一而再再而三咁叫我哋將啲骨放落隻碟度 但其實我哋只係放上木盤 仲擺得好好 唔係成枱都係 但佢就好似阿媽教仔咁一定要啲客跟佢個方法擺 如果佢好聲好氣講埋原因咁同我哋講 我哋一定會做 但係佢不停騷擾我同友人食飯 仲係靠近我友人耳仔細細講 行為極其古怪 同不安 同埋未食完仲對住我哋張枱唉聲嘆氣咁 好似我哋食餐飯都得罪你咁 明明比錢食飯嗰個係我哋 但應有尊重都無 我唔係嗰個係咪老闆娘定點 但係佢啲行為如果盡可能都改善下 同埋食食下飯見到明明有個客行緊 啲waiter都叫人行快啲 所以建議改善下員工啲態度先 同埋如果唔expect人哋share食 可以係個餐牌大大隻字寫明要一人一個餐 thanks

榕基滷水價錢💲: $63/65/ ~$120好味程度😋: 4.3/5服務🍴: 3/5環境🗾: 3.7/5性價比🥢: 4/5回頭率😚: 4/5-大埔人氣年輕化鹵水店🤓 之間睇完youtube報導已經好想試，係少有唔係傳統的滷味店，而係一對年輕夫婦開的。呢到的滷味主要以套餐形式上碟，賣相精緻d。鋪頭都唔係傳統坐凳仔個啲格局，而係用白色做主調，非常光猛的鋪頭。當日店員的態度有待改善，但老闆娘事後都有私下dm我解釋返，成個感覺舒服好多🥹 呢到套餐除左揀主菜，仲可以揀小菜同飯麵+飲品，配搭幾多🤓-✅招牌鹵水獅頭鵝(拌面)。鹵水汁食得出有大量佐料另味道更香，例如花椒八角。整體味道唔會太鹹，而係帶小小甜都甘香，食完都唔會口渴👍🏻獅頭鵝非常肥美，皮厚肉嫩，難得鹵水鵝的肉仲保持小小粉紅同嫩😚 肉質都好juicy！不過皮上面d鵝毛都幾多同厚，有d噁心🥶 主食選擇左鵝油拌麵！麵保持到硬度，唔會軟patpat😝 鵝油唔算好香，不過勝在唔會太油，而成碗麵整體都夠味。個人鍾意配菜揀鹹酸菜，夠晒潮州風味。-✅綜合牛肉。入面有牛𦟌牛肚牛筋。牛𦟌薄切，唔會好乾，亦容易咬開😜牛肚切成絲，保持到啱啱好的咬口。最好食係牛筋，

本身因為母親大人係潮州人,所以都好喜歡食滷水😋~而我最鍾意食滷鵝,但通常都好貴咁🤑...趁今日收工好早,就去試一下~貪心嘅我,當然要揀鵝片拼豆腐啦🦆~佢仲會包一個飯或麵,同埋一個小食~佢哋嘅鵝肉用正宗獅頭鵝,所以難免比較貴~但係獅頭鵝比較大亦比較厚肉,食起嚟亦比較香~雖然層片比較厚,但係鵝油嘅油脂真係好香🤤~而且有油脂嘅滋養,鵝肉先唔會太老太柴~不過無論如何,鵝肉都無可能係好嫩滑哥種,有啲咬口先係正常~而我覺得只要軟熟,而且無渣都係非常唔錯👍~佢嘅下面仲有啲豆腐,個人覺得可能滷得唔夠耐,所以唔太入味~不過好在碟度都有啲滷水汁,再點下就夠味~豆腐都幾滑,亦可能因為咁所以唔可以滷太耐~而個鵝油撈麵亦都係好香🍜~佢嘅擺盤方式令到件事好賞心悅目📸~不過因為咁,所以令到部份麵黐埋一齊,需要多啲時間拆返開~但總括而言我都覺得好食嘅,亦都想試下佢個湯麵~呢間店的確令滷水呢件事年輕化~靚嘅擺盤加埋比較細嘅份量,都實在令年輕一代比較易接受~而且佢嘅店員都好友善有禮貌,令人想一再光顧~所以難怪佢嘅店面成日人頭湧湧呀~

有幾個朋友都話呢間好好食，之前試過一次佢嘅招牌鵝脾，但我覺得一般（d肉都唔滑，仲要好難咬），抱住比多次機會佢嘅心態，試多次啦，btw朋友話佢而家呢個位置係新鋪～同朋友兩個人叫左兩個餐加碟小食～鵝片拼豆腐（$73）（㨂左鮮鵝油撈麵加炒花生魚仔）今次個鵝又係同上次一樣咁韌🥲個豆腐仲要有D鞋，真心唔明點解朋友覺得好食🥲滷水又唔入味，成個餐最好食係炒花生魚仔，鵝油撈麵正常水平，冇話特別好食。綜合牛肉 （$65） （㨂左鮮鵝油撈麵加炒花生魚仔）明明鵝/鴨先係呢間餐廳嘅招牌，但佢D牛仲好食🤷🏻‍♀️牛肚同牛筋都淋，但偏鹹。滷鵝腎 （$19）呢個都ok嘅，冇鵝片咁韌。次次經過都見多人排，唔通係我味覺有問題？🥲埋單～Overall好唔好食？唔啱我食會唔會再幫襯？唔會

好好味，值得推薦😋👍🏻雞湯湯麵🍜啲面唔會太軟太硬，剛剛好！滷水鵝🦢都好有驚喜！平時出面個啲滷水會好咸，但呢個剛剛好，唔會太咸，加埋個酸汁，味覺好有衝擊感！🤩

兩個人生活放假倒不如尋找美食，上星期六終於去左期待以久既 慈山寺 宏偉嘅建築令我覺得不枉此行。去之前食左 榕基滷水專門店 1992以 大埔 滷水貼地價錢帶有時代設計，的確贏了不少分數。全日套餐有雞、鴨、鵝、豬總有一款岩你選擇，可以配上潮州白粥、白飯、鮮鵝油撈麵、手工雞湯麵。仲有四款揀一小食及多款冷熱飲品及特飲，人均套餐$52-$88 不等 鮮鵝油撈麵小辣好惹味又飽肚。食滷水又點少得鵝對於呢樣我都係要求，畢竟小妹爸爸係以製作滷水鵝來養大我。對於食滷水都有一定研究，我地兩個人叫左 招牌滷水獅頭鵝 及 鵝片拼豆腐 ·前者肥美又多汁肉質豐盈軟身，後者每塊都切得恰到好處，有鵝片又點少得豆腐嘅出現簡直係靈魂所在好食另外小碟揀 家鄉鹹酸菜，簡直係潮州嘢嘅必食之選。同場加映有 涼伴皮蛋 及 滷豬手兩者都是抵食之選$24/$36·一上桌已經相當吸睛，份量及賣相已經係相當好。豬手好味又軟淋份量好多值得一讚。大埔 一直好多野食，用心製作由外賣店做到有堂食，可見年輕一代打破傳統以一碟碟奉上，又可以打卡又能夠坐得舒服 。最後人均$105抵到呢!食物水準高值得大力支持。         

夏天沒有食慾的時候，太適合吃這種鹵水了！這家店開了很多年，前幾個月才被老闆的下一代給接手重新升級了一下一看店招的門頭就愛上了，是我喜歡的樣子！選了比較推薦的鹵水鵝套餐和牛三寶套餐鹵水鵝好好吃，一點也不柴，配著酸酸的醋汁可以綜合鵝肉的肥嫩牛三寶的三樣也都好吃配的鵝油拌面和雞湯麵都好好吃店員的服務態度也很好～好喜歡的一家店哦！

#fatchubelly大埔榕基滷水專門店(大埔)招牌滷水獅頭鵝+手工雞湯麵/鮮鵝油撈麵+ 推搪炒花生魚仔/川椒蓮藕丁$63呢度一定係食佢招牌嘅滷水獅頭鵝但整體有少少失望滷水味做得不錯👏食得出用咗唔同香料但係鵝味唔太重😞不過口感都唔錯 唔會太鞋手工雞湯麵出乎意料地好食💯個雞湯好清甜而且唔會好油同麵好夾鵝油撈麵都幾好食不過都係冇乜鵝味唔講唔知用咗鵝油🥲但係個麵完全唔會黐埋一舊💯值得一讚個人認為比坊間買到嘅即食拌麵好食好多👍兩個小食都唔錯個人鍾意蓮藕丁多啲😆整體質素都唔錯☺️尤其係個雞湯麵但係鵝嘅味道唔係好出評分 ：65回頭率 ：50榕基滷水專門店 1992 (大埔)大埔廣福道97-99號地舖#hkfoodie#hkig#hkfood#852food#852foodie#hkfoodlover#hkfoodblogger#hkrestaurant#852美食#美食推介#美食#良心店#打卡#聚會#慶生餐廳#香港美食#生日餐廳#食評#食好西#小店#大埔美食#大埔#滷味#滷水#麵

🔆榕基滷水1992🔆大埔🔆潮州菜🔆週末去大埔玩，當然要去大埔黃店幫襯下啦！今次同屋企人一齊去咗食滷味，呢一間標榜傳統路線加新式年青化餐廳，見到好多人推介，所以慕名拜訪🔆發現呢間嘢超抵食，大大碟$140 ，可以叫招牌獅頭鵝！叫上庄仲可以免費起片，即係切做鵝片，無骨啖啖肉，鵝肉非常入味，有咬口，肥膏亦唔會過多，超好食💗滷味拼盤都好大碟，有豬耳、牛𦟌、豆腐、鵝掌、鵝翼～但最正係我哋竟然會認為豆腐唔夠😂證明呢間舖頭絕對唔會揸流攤，搵啲豆腐塾底就算數😅另外我哋都超讚賞鵝腸，冇腥味之餘，好爽口，而家都買少見少🫶🏻另外一個招牌菜係鵝油撈麵，見到廚房係煮熟咗個面之後淋上一羹鵝油，上菜附上一碗熱湯，侍應叫我哋快快撈～油香好食，撈麵麵身偏硬～超好撈餸🤭我哋亦有叫到小食～係話梅醉雞翼～覺得無咩特別🫣我哋無叫套餐，雖然套餐睇落都好多菜式，不過我哋覺得散叫更加符合心意，就集中攻勢😂另外超讚賞嘅係，小店極有人情味～姨姨見我吮骨吮得辛苦，問我要唔要多個碗仔輔助😂見我哋叫凍，送咗兩杯熱茶俾我哋💕超窩心等位期間，見到勁多人叫外賣，相信口碑極好，入嚟大埔一定要試吓💕💕💕榕基滷水專門店 1992 網址: https:

每次行過都好多人今次終於係晚餐繁忙時段入座落單大約5分鐘食物已經上枱非常快手擺盤望落整潔舒服配菜川椒蓮藕丁好開胃鵝肉非常入味，但肉質略乾咁啱比既部位皮厚過肉麵質食落反而有驚喜配埋鵝肉食味道啱啱好就算好繁忙員工都好有禮貌

一直都有留意佢嘅社交平台，今日終於有機會去試啦！😋環境簡約乾淨，地方唔算太大，去到嘅時候見到有幾個人喺度等外賣，我哋等咗5分鐘就入得去。三個女仔安排咗卡位，坐得幾舒服。一坐低姐姐就主動問我哋係咪第一次嚟，仲即時話轉頭同我哋介紹返，都好殷勤親切🫶🏻點餐其實好簡單，主食+飯粥麵+小碟+飲品各選一，姐姐推介我哋食鵝油撈麵（仲話係唔會肥&對皮膚好嘅油嚟嘅），而其他主食都好吸引，選擇困難症又發作！我好鍾意食醃蘿蔔，佢嘅醃蘿蔔酸度甜度剛剛好，滷味都做得好入味又淋，朋友一陣間就食晒，平時食得最慢嘅變咗最快，食完摸摸個肚話好好味😂😂😂今次我試咗牛𦟌，下次再試吓其他先～～

睇到好多youtuber 介紹呢間食店， 都想試下佢， 講下食前既感覺，見到佢好乾淨企班，座位闊落， 有台式小店既感覺，都幾吸引到人注目，但我理性咁諗，乜滷水要食到咁咩？但的確係有人係到排緊隊。叫左兩個set，試左佢個滷水鵝手拼鵝油撈麵$65，滷金錢牛展拼豆腐$56。擺盤係好精緻，個鵝好乾，好實，比到既位無乜肉，同埋較咸。牛展比較好，幾入味。就咁覺得個滷水好普通，無乜香味。 個麵係陽春白麵咁，，食唔出加左鵝油，麵身又無味，用粵式蛋粗麵會唔會好d呢？，食完，，果刻諗起平時屋企斬料加餸既喜悅，大大啖肉， 大大份，頓時有種空虛感。 娃娃菜$20。蛋$6。

🔎榕基滷水專門店 1992 (大埔)💛買料加餸 今次人多可以嗌滷水鵝啦😙🔹滷水鵝半隻 $280 上庄起鵝片店員都有提醒滷水鵝返到去唔好翻熱 食之前整熱個汁淋落去就得架啦～不過當然即刻食好食好多啦鵝片啖啖肉 肉質仲好嫩 唔會好油膩 唔點白醋已經好香滷水味 點埋就多種層次 再咬多幾啖啲鵝味就出哂嚟 除咗鵝片其他位置都唔錯 雖然無啖啖肉 但仲更加香聽講啲麵都好食 而且擺盤仲好日系 有機會嘅話試吓堂食滷水麵先📍大埔廣福道97-99號地舖🍴搵返相關地區👉🏻 #90sfoodieshare_大埔#食在大埔

今日大埔一日遊，我哋第一樣諗到嚟食嘅就係榕基滷味，我叫咗鵝片拼豆腐，跟鵝油伴麵。一上碟，侍應就會提醒你，趁熱要快啲攪拌個面。呢個鵝油拌麵真係好香，但又唔會太油膩，唔知係咪個冷氣太凍，定係佢滷水汁更加濃，我食到一半就覺得佢個鵝香減弱咗好多。另外有跟拌麵來嘅湯都好清甜，唔會覺得重味精。主角鵝片拼豆腐，佢個鵝片肥瘦分明，都幾鬆軟，沾滿滷水汁，非常惹味，而且食得出有啲藥材味。下面三片豆腐係硬身嘅豆腐，吸收埋啲滷水汁同鵝油嘅精華，好啱送飯。另外仲有個小菜我揀咗蓮藕粒，佢個味其實同佢喺紅磡嘅榕基口水雞一樣，有花椒油，少少辣幾突出。

見過不少foodie 介紹，今晚去大埔食晚飯，就由火車站行過去睇吓要等幾耐時間。平日晚上7:30 左右，見出面門口等位，都係等3 張枱，所以等。天氣熱都仲係，門口是正正廣福道，店舖可能怕客人等位時熱，有放了一樽水及紙杯，我估客人/ 附近街坊可自行飲用。15 分鐘後，有位，我們二人，原先侍應安排最尾比較窄單卡位坐，另外一位店員見我們（因為拎住兩大袋物品，轉了一張四人卡位給我們。食物點了招牌 滷水鵝併豆腐麵，配菜可選，配了酸蘿蔔。點形容，豆腐、配菜、麵都okay, 至少滷水鵝，係食完一件，唔會想再夾來食嘅感覺（唔同係其他坊間打冷店，個種味道, 我覺得問題係個滷水汁度，唔能夠令到鵝片惹味！另外一份是沙薑雞配飯，呢個可能不是熱門點食，更加一般，雞唔係太滑。😐此店，雖然食物一般，但店員是好有禮貌的，始終年青一輩，好有拍力，見切滷水檔都係一些大些年紀師傅，希望食物可以改進。