榮少喇沙 (已結業)

可以話係香港一間最好味嘅喇沙！佢嘅湯底好濃，但係唔會好似落咗味精咁，令人好口渴！☺️豬軟骨喇沙我揀咗米線底😃佢嘅米線係偏腍，都幾掛湯👍豬軟骨炆得好林好入味，啖啖肉🤘🏽仲有半隻蛋同埋豆卜，豆卜吸晒啲湯，正😚脆炸雞扒喇沙朋友就揀咗呢一個名物😆個雞扒真係即刻整，仲係熱辣辣😍咬落好脆，雞肉好嫰滑，唔會乾爭爭！真係必食！瀨粉溝米粉都係一個特別嘅選擇，口感豐富🤘🏽btw Mirror and Error fans可以去打卡😃成間舖頭都係佢哋嘅周邊同poster😍😍

放左工近近地去屯市搵食開左有一段時間嘅榮少喇沙，但係未試過一入去有位，用手機落單叫左個芫荽魚湯底及喇沙湯底對於我嚟講覺得可以再重芫荽味多啲湯底好飲 湯溫度暖暖地 岩冬天食炸雞及豬扒好正 好濃味 值得一試另外再叫多咗個炸蝦餅$18薄薄地但係好好味， 10分脆口，熱辣辣好正-店舖服務10分好，服務店員周到，了解顧客需要下次一定會再嚟，再試唔同嘅湯底-另外，入邊仲有聖誕咭寫俾入獄手續，有興趣嘅都可以寫一些心聲-#黃店 #香港人 #好好味 #新加坡菜 #屯門人必食 #不忘初衷

好掛住新加坡野食，就去屯門市中心果邊食個喇沙解下癮先~小店位於屯門時代廣場地下，店面唔大，多數係2-4人檯，店主似乎好喜歡Mirror，店內好多poster, 而且一路播住mirror嘅歌。餐牌有飯、麵同小食，當中應該係喇沙粉麵類最受歡迎。餐廳亦都可以用QR code落單，疫情之下減少接觸。豬軟骨喇沙非常之大碗（已經嗌左少麵），湯底係屬於咖喱喇沙，比較濃稠，有濃郁嘅椰香味。 我點左米粉，比較掛湯，而且湯入面有好多望落碎碎地、咬落有顆粒感嘅配料，叫做石栗，係一種馬來西亞嘅香料，好提味，唔係間間鋪頭都會用到。成碗粉好足料，有三大塊豬軟骨、四粒豆卜同半隻蛋。我另外加配左蘆筍同秋葵。豬軟骨煮得好腍，有滿滿嘅骨膠原。越南春卷脆卜卜但唔油膩，蝦係幾新鮮嘅，入面仲包左香葉提升清新感。有氣菊花茶第一次飲到有氣嘅菊花茶， 原來係香港本地製造嘅飲品，口味幾清甜，而且每100ml得23kcal, 好飲得黎熱量唔高。

兩個人入去食，一入去就同地講要QR曲點餐，個人黎講最憎，都知唔知咁會唔會拎左手機資料架嘛，就好似安佢老心咁架嘛。叫左一個豬軟骨喇沙，一個珍寶特芫茜，一杯奶茶，一杯檸茶等左十分鐘唔洗就到一入口飲啖湯，勁咸囉，杯野飲又比平時外面一般既細杯，仲用軟膠杯，又淡到無味，成件事好唔掂，d 肥牛韌根本似咬香口膠咁。d 丸完全無味，感覺仲差過雞寶d 丸..食完咋咋臨買支野飲環境算叫做乾淨企理既，不過廚房佢唔知倒咩水，彈到外面囉。坐置比較細窄，好焗促

呢間鋪平時係公司外賣就食得多，今日終於試下堂食係點。餐廳環境整潔，壁報設計有心思，仲有好多mirror嘅poster同週邊， 鏡粉一定好開心🤣叫左兩個麵同一個小食,食物都黎得快，職員見你冇筷子會主動拎比你，夠細心。軟滑龍利魚喇沙 $55大大塊炸龍利魚，冇雪藏味，調味適中，鹹度足夠。鮮黃色嘅喇沙湯底，濃稠適中， 椰香和咖喱味平衡，唔錯。配料有雞蛋同豆卜。豆卜吸滿湯汁，麵條都掛湯。 份量都大份，食到好飽。燒雞喇沙 $58朋友叫左個燒雞喇沙（瀬粉溝米粉）另一臺客人見到，即刻問我地叫左咩🤣 燒雞大大碟， 肉質唔錯，唔鞋。咖央油炸鬼 $18第一次食呢個配搭，好新奇。 油炸鬼唔會淋曬，keep住脆身， 配上甜甜嘅咖央，又幾好食。 作為開胃小食都唔錯，叫得過。

今日放工一個人去左屯門市中心食野，聽朋友講話依間都幾出色，又岩自己食，所以去試下。個入口唔係連住屯門時代廣場，要係街行入去，有少少難揾，但係間鋪生意都唔錯，好多網上外賣平台、外賣，仲有唔小人放工放學黎食。入面仲有好多mirror 既應援物，睇黎係mirror fans!坐低就可以掃code落單，叫左脆炸雞扒特鮮莞茜魚湯麵($50)，叫左瀨粉+米粉，幾特別。另外叫左佢既特飲，奇亞籽檸檬薏米水($10)同埋肉燥四季豆($15)。等左一陣野食就黎到了。脆炸雞扒特鮮莞茜魚湯麵($50)配瀨粉+米粉大大碗麵，配上椰奶味重既莞茜湯，甜甜地，同平時食既一般莞茜魚湯不同，再加上摻麵，都幾特別。脆炸雞扒大大舊，即叫即炸，咬落去啲汁爆緊出黎。奇亞籽檸檬薏米水($10)跟餐配加$10，大大杯，勁多薏米同奇亞籽，係健康之選。雖然佢甜度已經調好，但都唔會過甜。肉燥四季豆($15)炸完既四季豆淋上大量肉燥，如果有胃口再食飯，我諗送飯都會好好食🤤如果覺得肉燥肥可以自己點小啲都Ok!總結，依間鋪頭一個人好岩食，大大份咁，味道又唔錯，可以一試！

我揀左珍寶喇沙，貪佢樣樣都有D，裡面有豬軟骨、肥牛、魚蛋魚片、龍蝦丸、花枝丸麵底方面有好多唔同選擇，例如米線，米粉，油麵，瀨粉，可以淨係揀一樣，或者自己組合，米線加瀨粉，油麵加米粉咁樣座位就比較逼，因為餐廳都比較細珍寶喇沙(4.5/5)個湯好香濃，所以裡面既豆卜真係好好味，吸晒Ｄ湯唯獨覺得珍寶Ｄ配料比較一般同個湯唔太夾，比較突出既係豬軟骨，煮得好淋身好入味下次想試下炸雞扒炸豬扒魚湯(4/5)雖然眼見餐廳裡面所有客人都係食喇沙，但朋友就話想試下魚湯就揀左炸豬扒魚湯，我試左幾啖，覺得個湯好有熟悉既感覺大家都諗左一陣，原來係舊式茶餐廳果隻白湯既味，食唔出有魚既味道雖然同我地本來諗既味唔同，但都係好味既,豬扒都脆口下次會再黎食

之前係天水圍嘅榮少食過海鮮喇沙米線,吾錯。咁啱係屯門時代廣場shopping,食下呢間睇下得吾得先。一般嘅茶餐廳裝修,乾淨企理,再加上一啲萬聖節裝飾！🎃今次轉下湯底,點咗🥤檸檬意米水跟餐優惠價$10杯,預先包裝好,飲得安心。吾會好甜,有檸檬味,加上意米同亞麻籽,第一次飲,幾特別！🍜豬軟骨魚湯米線米線係煙韌嘅,加入奶白鮮甜魚湯,腍腍嘅豬軟骨,仲有半個溏心蛋！味道濃而不膩！🍛炸豬扒飯 + 秋葵兩大塊豬扒腍一腍,白飯加上肉燥汁,豐富味蕾。見到隔離點咗個秋葵都係$10,我哋都要咗個。秋葵爽口,滑潺潺,十分健康！大大份餐都係一百多啲,非常抵食,下次再嚟試特鮮芫茜湯底！

今晚入屯門買野，見有朋友介紹呢間喇沙唔錯，咁我就黎試吓。入到去好快入座，係用QR code 自助落單。我叫左一個珍寶喇沙$50，一份小食拼盤$35。首先黎既係跟喇沙餐既一杯凍橙檸水果茶，有鮮橙味鮮檸檬味，茶底又唔會太甜，又唔會加冰溝淡哂啲味，都幾解渴。跟住上既係珍寶喇沙，碗喇沙幾豐富，好足料，有豬軟骨、肥牛、墨魚丸、龍蝦丸、魚蛋、豆卜仲有雞蛋，我叫咗油面加米粉麵底。先試一試個湯底，都幾濃椰子香甜味，有微微嘅辣味。個面底煮到啱啱好唔會太淋。豬軟骨煮得入味，又夠淋滑，唔會好難咬。魚蛋丸類都煮到剛好。豆卜食落索晒湯汁，幾正。最後黎既係小食拼盤,有炸雞翼，蝦餅仲有日本炸帶子配泰式辣醬。三樣炸物都炸得夠香脆，唔會太油膩，雞翼都炸到剛剛好，中間唔會乾身有肉汁幾好食。食完真係夠哂飽，呢間餐廳下次可以encore!

難得平日放假去開屯門市中心買嘢見呢間榮少喇沙啲麵好似幾吸引咁就入左去食個lunch先入面裝修好親切好warm 仲幾貼心咁有無障礙設施餐牌一目了然最新推介都幾醒目 其實見到有少少想試試佢不過又一心諗住食喇沙所以都係留返下次先試新嘢叫咗燒雞喇沙油麵溝米粉套餐喇沙湯底好香椰香好好濃郁入口味道好正宗啲豆卜索晒湯底嘅精華每一舊都超級好味糖心蛋都好完整油麵同米粉嘅硬度都啱啱好份量都十足燒雞都幾特色 表皮燒到顏色金黃金黃雞肉好嫩滑同有雞味配埋薑蓉簡直係Perfect match加咗$18有3塊蝦餅蝦餅即叫即炸所以上枱仲熱辣辣好有泰式風味套餐跟埋是日餐茶 一杯凍橙檸茶雖然佢係固定嘅甜度但係完全唔會太甜橙同檸檬溝埋一齊個味道又幾特別幾有特色

最近Mirror同Error大熱呀！出街都會見到佢地個樣🥰呢間店內牆身貼左Mirror 同Error既應援物😆見到都超級興奮呀😃🍜燒雞芫茜魚湯米線燒雞真係好好食😋 個人認為份量都幾多！個芫茜魚湯都好夠味😃👍🏻都幾鍾意芫茜味道既湯麵😋🍜魚蛋魚片芫茜魚湯米線清淡少少但都幾好食😋最緊要係芫茜魚湯味道夠出👍🏻🍜喇沙肥牛肉湯米線喇沙不辣的👍🏻都幾好味😝個喇沙湯幾濃味👍🏻👍🏻

🍴●「脆炸雞扒喇沙油麵」($50)●.每款麵都可以揀油麵或者米粉或者米線或者參參（即係可以雙拼）啱曬選擇困難症嘅你😂😂就算日日食都唔會太悶 喇沙湯底真係超級推薦！椰香同埋香料味足 同埋有平衡 都算似喺泰國食到嘅味道😆😆炸雞都好脆但係美中不足嘅系凍咗少少~.🍜●「特鮮芫茜魚湯豬軟骨喇沙」($50)● .芫茜湯底都幾多芫荽😍但係唔使畀佢嚇親 芫茜味冇睇落咁重 驚芫茜味嘅人都可以試下豬軟骨好大嚿 超推薦大家要試下😍 禮拜一到四六點前埋單仲可以第二碗半價！如果住喺附近不妨lunch time可以同friend去試下~~真係好抵💭💭💭好味(7/⑩)抵食 (8/⑩)💭💭💭店舖：榮少喇沙地址：屯隆街2號屯門時代廣場北翼地下44號舖

一直都知道呢間喇沙店好出名，所以就決定賠朋友試吓啦，結果果然好有驚喜🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳🥳海鮮喇沙材料超級豐富，湯底濃郁，椰香味好重，差啲連湯底都飲晒🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰小食同樣有驚喜，全部上枱時都熱辣辣，加埋甜酸醬越食越開胃❤️❤️❤️❤️❤️❤️❤️❤️❤️❤️❤️❤️❤️❤️❤️飲品同樣有心思，有自家製嘅檸檬薏米水，可以清熱氣，超級細心😋😋😋😋😋😋😋😋😋😋

🍴豬軟骨喇沙米粉 $50 加配豆卜 +$7豬軟骨好腍佢將軟骨位置煮到好腍 食落感覺好重膠質湯底好重椰汁味 有少少辣仲加左豆卜 份量好足夠 每一舊都吸收左湯汁 好好味🤤而且仲配合埋米粉 成個配搭都係掛湯既組合但米粉略嫌有少少碎 如果冇咁碎就好🙁🍴珍寶特鮮芫茜魚湯瀨粉 $50唔知你地系咪芫茜控呢🤔我地就唔抗拒既 所以就叫左佢黎試下🤣魚湯做底 飲落唔腥 鮮味都幾重芫茜為魚湯提升左去另一個層次可惜打爛左 冇得一條條咁食🥺但芫茜味一流 芫茜控必須👍🏻配料方面有肥牛 龍蝦丸 花枝丸 豬軟骨 魚蛋魚片一個價錢食到咁多餸 誠意十足😎揀瀨粉既原因除左系我鍾意之外系因為好少地方有呢個選擇🥰不過都系略嫌碎左啲😩😩🍴小食拼盤 $35拼盤有炸蝦餅 炸帶子同炸雞翼每樣都有3件 份量同價錢成正比👍🏻最重要系3款既炸粉都好薄 好酥脆值得一提系炸蝦餅同雞翼蝦餅有別於坊間既厚身蝦餅 佢係薄身既🧐蝦味濃郁之餘 仲有一陣陣咸香味🤤令到人會越食越多 配湯粉食好正😍而炸雞翼食得出唔系批發反黎既急凍炸雞翼而係自己醃製同上炸粉既 肉汁偏多 食落好juicy👍🏻

放假嘅屯門市廣場真係多人到….🌚兜咗嗰4個商場幾次選擇困難症嘅2人最後揀咗大家都未食過嘅榮少喇沙💛佢係地舖嚟 向着輕鐵路軌(即係要兜返出室外)都幾易搵 門口貼咗呂爵安同Dee jor一對門神入到去仲更加不得了😆仲有陳卓賢同Jeremy😍 仲有係咁播佢哋嘅歌因為又係選擇困難症嘅影響最後叫咗珍寶 乜都有啲 唔駛煩😂珍寶喇沙 $50 🙆🏿‍♀️我哋一個叫油麵溝米粉一個叫瀨粉溝米粉其實仲有淨米線、米粉、油麵、瀨粉揀可以揀自己鍾意食嘅麵底💛佢個喇沙湯好濃郁 仲要一啲唔辣適合埋唔食辣嘅人而珍寶嘅餸真係有好多有肥牛、豬軟骨、魚蛋魚片、花枝丸、龍蝦丸、豆卜同蛋仲要唔係好敷衍比得一舊肉你嗰啲肥牛都2-4片 豬軟骨都2舊 仲要好夠淋😍真係差唔多啖啖都有餸👍🏿罐裝汽水 $8下次想試埋魚湯🤤🤤🤤❎ 加一服務費✅ 星期一至五11:00-12:30；16:00-18:00堂食第2碗麵/ 飯半價 ⚠️公眾假期除外⚠️