榮少喇沙 (已結業)

尋日大風🌪大雨🌧到high high就唔掛🌚今日個風上哂岸走到無雷公甘遠個八號波🎱就掛足全日甘滯🙄特登re左日假但邊到都無得去唯有回味下之前啲野食相🥺•炸豬扒喇沙 $50之前係公司叫過外賣黎食一直都好記掛住個喇沙湯底🤤廢丁唔食得辣，呢個湯底一啲都唔辣，所以好岩我口味🥰而且好香椰奶味，叫我飲哂成碗湯都得呀🤭豬扒都好大塊，肉淋，食落幾香口👍🏻不過我以為炸豬扒係會有炸粉個啲，呢個似係煎豬扒多啲😂•珍寶魚湯🐟 $50珍寶勁多款餸，但都係$50😮丸就無乜特別，都係個啲啦😂 吸引既係豬軟骨，好淋，好入味，但又唔會太咸魚湯就比想像中爭啲，唔夠濃同唔夠魚味，而且飲落個味有少少怪？唔知係咪有溝少少椰奶？但嗒到尾係會有少少魚味既😅個人都係鍾情喇沙湯多啲❣️

🧚🏻‍♀️蝦多士 $12隻蝦仔炸得卜卜脆🍤 係一口既Size下面舊多士仔都唔細舊 仲有麵包嘅鬆軟咬落都唔錯 多士就外脆內軟🧚🏻‍♀️小食拼盤 $35一見到個份量真係嚇親～依個價錢黎講都算多小食🎈有3隻雞亦 3舊春卷同3舊蝦餅雞亦個皮夠哂脆 啲肉都嫩 個皮仲有陣牛油味春卷同蝦餅入面都好夠蝦仔味 略有少少油左啲 都唔錯不過🧚🏻‍♀️咖央油炸鬼 $18聽個名覺得幾得意 佢係油炸鬼上面加左層咖央估唔到佢又幾夾到😂見到都有好多人叫 可以一試🧚🏻‍♀️燒雞喇沙 $58喇沙果然係名不虛傳 味夠哂濃又唔會太口乾啲豆卜索哂啲湯底味☺️☺️夠哂椰香味最好係佢可以自己選擇油面米粉瀨粉仲可以雙併可以跟返個人口味又唔洗額外加錢燒雞就睇落唔係好燒既顏色但食落都唔錯 肉超嫩 再夾埋啲薑蒜 讚🧚🏻‍♀️豬軟骨喇沙 $50依款我地就揀左米粉底米粉份量好似特別多咁可能因為索哂啲湯😂勁正豬軟骨大大舊又夠冧 仲滲得入哂味 正仲見到Vit TV一哥同Mirror☺️☺️裝修都夠鮮明 都坐得舒適又夠光猛～

連登仔吹奏的榮少喇沙在屯門的店舖相當方便, 就在屯門市廣場隔離, 基本上去屯門工作也會經過它, 今次在開工前吃過快飯, 這裏送餐相當有效率, 點完餐十五分鐘內就能送到. 說到其喇沙, 五十元的價錢有如此份量沒有甚麼可挑剔的, 米粉和油麵煮得有點稔但未至於糊化, 湯底清淡, 椰奶香味比咖喱香味濃, 沒有味精喝下去也不會口喝. 豬扒反而我有驚喜, 外面煎得香脆, 肉香而嫩, 咬下去肉汁澎湃地湧出, 帶點蒜香相當惹味.小菜點了炸雞翼和咖央油炸鬼, 前者做法樸實無華, 炸得酥香而內裡有肉汁, 沒有雪藏味就已經是合格以上. 後者在油炸鬼上加上咖央醬, 是港式和星馬菜的結合, 有Gimmick但有點為做而做的感覺, 咖央的甜香只能停留在油炸鬼的表面, 味道層次就有點膚淺.

肥牛喇沙米粉喇沙湯底挺香濃的，很香椰汁味，我點了米粉很掛湯，每一口都是濃濃的喇沙湯汁！肥牛就是普通家裏吃火鍋的那種，沒有讓我讚嘆的部份不過這家的麵底份量很足！我選了少麵還是來一碗滿滿的喜歡湯底清一點的還可以選魚湯或者芫茜湯底喔💕小食- 蝦餅 小食- 雞翼 這兩款小吃都是炸物，皮很酥脆，味道還好奇亞籽檸檬薏米水（固定甜） 就如名字一樣，有奇亞籽，檸檬和薏米的飲品，味道清甜！💕一開始看到寫著”固定甜”還怕會太甜，還好不會Overall來說以這個價格吃喇沙是可以試一下店內空間不大，位置有點擠，環境一般

搭輕鐵個陣比佢吸引左 所以就落車試試佢🤪平日都好多人食😰😰 好彩唔洗等位 入面仲有窗口位😍😍 Menu 主要都係分飯、麵同埋小食😎 唔好睇佢細細間 但都好先進 用手機落單～ 快靚正😚 拿拿臨叫野食醫肚😎😜 魚蛋魚片喇沙～ 上台已經勁香..... 仲要望落勁重口味 ！ 勁驚喜我地😂😂 麵底叫左油麵撈米粉 油麵好爽口 加埋米粉食 口感又幾得意😂同埋本身海底好濃郁 如果剩食油麵可能會容易膩 所以推薦你地食撈麵✅🤙🏻 不得不提佢既魚蛋超彈牙同爽口🤣🤣 我仲見到有台跌左粒魚蛋落地 彈得勁高同彈左勁多下😆😆😆😆 真人真事之真係好彈牙✌🏻👍🏻 豆卜超級索湯 加上佢個湯真係好濃！ 好出色👏🏻👏🏻👏🏻另外叫左個烤雞喇沙😋😋😋 有隻半流心既雞蛋😄😄 一樣湯好濃郁 雖然好重口味 但唔會辣 怕食辣既都可以一試～ 烤雞大大隻 又多件🤣 每件調味唔重～ 好突顯雞既香味☺️ 配落重口味既喇沙 岩岩好😋😍😍 唔錯唔錯～ 檸檬意米水 好refreshing ❤️❤️ 總括黎講 一個麵60蚊都唔洗～ 仲要質素高 真係抵到爛！ 住開附近既 你地日後又多個選擇啦😜

呢間係屯門市中心的榮少喇新 位置都近 西鐵站行5分鐘就到 佢間店舖都大約坐到30-40人 位同位就近d今次食左兩款麵 同埋一份小食我叫左份魚蛋魚片喇沙 佢個椰香味好出 仲要我選左油麵撈米粉 其實咁先係食喇沙必食之選份量都多 一個人做正餐完全足夠魚蛋好香 勁彈（ 隔離枱跌左魚蛋落地下 我睇住彈左幾下）另外就叫左個燒雞喇沙 個燒雞係另上 油雞再燒過 肉唔會太難咬 但有小小炭烤既香味 雞有5-6件 夠晒飽叫左一件炸蝦多士 一大件連埋辣醬 幾吸引餐飲方面 你可以選佢個檸檬薏米水 或者加錢要可樂佢薏米水都係自家製 淡淡地 比你食喇沙個陣飲中和番成件事唔好咁肥 最仲要係有多多薏米係底 都算係健康飲品佢每張枱都有個qr code 你可以就咁scan 之後就直接係手機落單 輕鬆快捷方便

呢幾個月都忙到飛天，所以少咗update，不過我會繼續努力，再推薦畀大家✊🏻某日入屯門然後問屯門牛朋友有乜推介，佢建議呢間，地點都好方便，喺正屯門市中心，泊車都好平(大鄉里)！🍜珍寶喇沙 $50有豬軟骨 肥牛 魚蛋 龍蝦丸 花枝丸，有唔同麵選擇，我就揀咗油溝米粉～湯底好濃郁，亦好重椰香，喺香港算係我食過頭幾名嘅喇沙😗 另外兩款麵溝埋食有唔同口感，都幾索湯，不過油麵就冇米粉咁襯個湯底，餸方面就不過不失😗🍗 脆炸雞扒喇沙 $50炸雞好出色，好出色！！炸粉鬆脆，然後雞肉都好嫩滑🤓 呢個極力推介～ 另外呢碗揀咗瀨粉溝米粉，不過我覺得如果成碗都係瀨粉會更好🥸總括嚟講呢間有回頭～ 不過食完之後真係勁口渴，應該都幾重味精，如果可以少啲就好啦🤓

今日嘅晏晝去咗屯門榮少喇沙食，呢間餐廳喺時代廣場北翼，喺韓國炸雞隔離我哋11點去食，所以唔多食客好多Mirror同Error既poster😂呢個係行qr code叫餐我地嗌左個珍寶喇沙同埋脆炸豬扒魚湯珍寶喇沙入面有豬軟骨、肥牛肉、魚蛋魚片、花枝丸同埋龍蝦丸，仲有幾舊豆卜個湯底都好濃郁，但係濃而不俗，十分之香，魚蛋魚片爽口彈牙，食到魚香味，肥牛不過不失啦脆炸雞扒魚湯米線聽日聯絡雞扒同魚湯分開上，第一啖試咗魚湯，好好飲，好重魚味同埋真係飲到魚既鮮甜味，估唔到呢度嘅魚湯都做得相當不錯我我哋都好鍾意食過水炸豬扒，因為佢同出邊啲炸雞扒唔同，只係薄薄地喺上面上一層粉，所以淡淡都係肉，絕對唔好食到成口都係炸粉我覺得呢個脆炸雞扒係必試！我地另外叫左兩件蝦多士，冇乜特別，純粹想過下口癮呢度冇茶水吧，所以只有健康工房同汽水簡，仲有佢地既檸檬薏米水

🎈返奶奶度食飯之前，我地每次都去打定底先（我是壞新抱不要學😂😂） 之前就去左試榮少喇沙🍜食完呢碗之後因為太飽所以無食晚餐了，但男子組應該只係岩岩好。🎈呢碗係海鮮喇沙湯配米粉，其實我想食油麵+米粉摻摻架，不過理性嘅我最後都係揀左米粉。🎈呢個喇沙湯底好濃，但可能我地呢半年都食得比較清，我就覺得有啲油喇；餸呢就有有半隻蛋+海鮮+豆卜，海鮮嘅份量都可以，每款餸好似都有2-3粒。🎈不過呢⋯食食下有隻好大嘅烏蠅飛過，扣哂分🙈可能要再加強一注意一下衛生了‼️💵 $58 無加野飲

知道屯門新開左榮少喇沙，小妹作為喇沙fans當然要睇準機會朝聖一番位於屯門時代廣場北翼地下，沿外圍商店行好快就到步室內裝潢走簡約設計，座位數目有約十幾個牆上仲貼滿當紅偶像歌手既poster ，相信店主都係鏡粉錯粉既一份子每張枱都設有QR Code 自助落單，認真先進方便好快小妹就揀好心水美食海鮮喇沙呢次小妹揀左瀨粉溝米粉既配撘，幼細既麵食起時更能強調出香濃喇沙湯底，每一啖都係精華❤️除左湯底正，不得不讚海鮮用料好足料，大大隻鳳尾蝦有5隻，另外仲有帶子、魚蛋魚片蛋、腐卜，食完一碗小妹已經9成飽蝦餅最後一成空位就比埋呢三塊炸蝦餅，配埋泰式辣醬，十分惹味 十成飽既一餐，100蚊都唔洗，超值

哩間喇沙係位於大商場既小店。除咗喇沙湯底，仲有其他湯底選擇。我就食主打既喇沙湯底，椰香味濃，仲有少少辣味，好惹味😋麵有得揀油麵加米粉，咁先夠正宗👍🏽🥢小食拼盤：有鳳尾蝦、蝦餅、炸雞翼。炸雞翼勁好食，即炸即食，外脆內軟，個皮有牛油味～完全想食多幾隻🤩越南春卷同蝦餅真係好一般，唔食都無問題。🥢海鮮喇沙：海鮮分特有鳳尾蝦、帶子、魚片，全部都分量十足，唔會係細細粒，價錢唔貴，真係性價比好高。🥢豬軟骨喇沙：豬軟骨夠淋，又入味，唔係度度都食到，都可以試下～

香港好食既喇沙真係唔多，見尼間咁多人讚決定要試試佢😌✨肥牛肉喇沙湯配瀨粉溝米粉湯底望落唔似好惹味，的確飲落味道偏淡略有椰香味，蝦味辣味反而無乜，失望左😞雖然配料肥牛份量幾多，豆卜索哂喇沙味好食👍🏻，而麵食方面瀨粉比起平時食既偏硬身同有煙韌，我個人麻麻地🥲🥲係扣左唔少分✨豬軟骨喇沙配油麵溝米粉尼個湯底我覺得係香濃過肥牛湯底，就咁望湯底橙黃辣油顏色都已經睇得出，飲落係比另一碗香D。豬軟骨唔算太腍🥲想腍D，而麵食尼碗揀左油麵溝米粉相對尼講係match過瀨粉😂因為油麵煮得岩岩好同湯底都好夾👍🏻✨手工蝦多士蝦多士通常都係配三文治，但尼間係用炸饅頭🤪仲要係即叫即炸👍🏻需要隻蝦唔大隻但整體幾好食✨越南春卷(3件）春卷食落暖暖地應該唔係即叫即炸🥲但口感方面幾特別，因為中間有塊紫菜，所以食落有啲煙韌🤣餡料仲有蝦同沙律醬✨檸檬薏米水尼杯檸檬薏米水仲加埋奇亞子係入面，口感豐富，甜到適中值得推薦👍🏻總括然而，整體唔錯如果底湯可以改善會更好🤔

榮少喇沙，由天水圍已聽過它的大名，想不到他跟我來到屯門，五十幾元一碗粉，都幾合理。海鮮魚湯$58海鮮包括有鳳尾蝦、日本帶子、魚蛋魚片等，魚湯底有淡淡魚香，加上像忌廉湯的感覺，麵底可揀瀨粉同米粉兩溝，第一次試，好新鮮！燒翠肉瓜$15小食等得比較耐，但值得，有驚喜，翠肉瓜咬下去多汁爽脆，又有很多蒜泥，好抵食！奇亞籽檸檬薏米水$10固定甜度，不會太甜，健康美白去水腫，酸酸甜甜，味道清新，奇亞籽更是superfood。

燒雞喇沙🥢話明「榮少喇沙」，喇沙固然係招牌菜，湯底有香濃嘅椰香同香料味，真材實料👍本身以為會係燒雞扒，原來係雞件，賣相雖然普通，但係雞肉仍然juicy頗滑旁邊嘅薑蓉甚有驚喜，佢唔係平時嗰啲得個鹹字，而係真係食到薑嘅新鮮原味，唔會太鹹😋粉麵選擇都幾多，一般嚟講摻摻係指油麵溝米粉，但係依度仲可以揀瀨粉溝米粉，米粉幼身能吸收湯底嘅精華，瀨粉爽滑，口感雖然不及油麵彈牙，但係就會比較順喉，幾欣賞瀨粉溝米粉依個組合🥢 手工蝦多士🦐蝦多士係一口size，上面有原隻鳳尾蝦，多士望落比一般嘅厚身，所以除咗食到脆脆嘅外層，仲有麵包嘅鬆軟🍞奇亞籽檸檬薏米水🍋薏米水係固定甜度，唔會太甜，帶微微嘅檸檬酸味，底下奇亞籽、薏米嘅份量都足夠，幾有咬口，可以清熱解渴!店舖貼心咁提供風扇仔，食到熱辣辣嘅時候最啱用~

要講屯門嘅美食真係點試都試唔曬，今次經朋友介紹嚟咗屯門呢間榮少喇沙。為咗試佢哋更多嘅餸，珍寶喇沙就啱晒，有齊豬軟骨、龍蝦丸、肥牛、魚片、魚蛋、墨魚丸、豆卜同雞蛋。湯底除咗喇沙湯底，係可以揀芫茜魚湯同魚湯嘅，我建議第一次食當然係揀招牌喇沙湯底，麵底方面竟然有雙拼可以選擇，我就叫左油麵加米粉，湯底椰香濃郁色水十足，飲一啖完全係開曬胃，餸料麵料份量十足，豆卜吸曬啲濃湯十分juicy，整體嚟講十分高質！另外我哋仲嗌咗小食拼盤，呢個完全係十分驚喜！新鮮炸起即刻上碟嘅雞翼、越南春卷同蝦餅，越南春卷係我呢一味嘅最愛，入面有一片香葉令味道提升，連蝦尾都係炸到脆卜卜！雞翼亦係水準以上，完全鎖住所有肉汁。整體來講絕對係難以置信性價比高嘅一餐，鍾意喇沙嘅絕對要試！