榮發粉麵專家 (已搬遷) 新店位置

晏奏食左啲零食覺得有啲滯，夜晚食粉啦，專登黎呢間食，我以前細個住機利士大廈媽咪成日帶我黎食（20年前），因為佢個裝潢冇變過，我又黎試下，個心成日覺得舊野應該係好食啲嘅！🤔🤔樓面阿姐服務態度好好，左一句多謝晒，右一句睇熱啊！好似阿媽咁好親切😀👏🏻👩🏻我叫左個雙拼牛腩雲吞河＋腐乳通菜＋凍奶茶少甜碗粉$30，通菜$14，凍奶茶$14腐乳通菜：普通通菜味，我嫌佢洗得唔夠乾淨，有啲黑色一粒粒，食左半碟放棄。雲吞牛腩河：雲吞可以接受，有三粒，食開果種味。牛腩完全唔得，又韌又冇咩味，好明顯炆得唔夠，直接放落個湯霎果種，唔知係咪太忙關係，因為我見都坐滿。河粉唔得！又幼又冧，湯底又淡，真係食唔落，一pat咁索晒水。凍奶茶：收我＄14蚊一杯，成杯都係冰，好過份！叫左少甜，淨係飲奶水味，完全冇茶味，見杯野個顏色咁淺已心知不妙，落奶太重手😄好差好差，唔知係咪多客忙所以整得求其左？總括黎講紅磡食粉，洽興>沾仔記>潮興，人地加飲品半價，你仲要樣樣係單點。

嗰日睇完演唱會，不知不覺就由火車站行左落去紅磡搵野食。咁岩得咁橋行過一間麵鋪，本新都唔為意有呢間鋪頭，點知一個肥師奶好熱情咁問我，先生幾位呀！我唔好意思咁拒絕佢，所以就入咗去le一間粉面店啦！裏面雖然裝修唔靚，但環境尚算衛生。店裏人客好多，卻只得兩三個姨姨。不過佢地都好快手，坐左1分鐘都冇，佢哋就行過黎問我想食啲咩。可能我對呢一種傳統食店冇乜概念。我問佢哋有咩好介紹，個姨姨就超熱情甘一輪嘴講咗好幾樣野食俾我。而我最後都係揀咗牛腩撈粗。好快，我叫嘅牛腩撈粗就送來。熱熱ge牛腩撈粗加上超香ge辣椒油，根本就係人間嘅享受。加上嗰幾位姨姨非常熱情ge招呼，我覺得非常的滿足。話甘快我就完我嗰一碗牛腩撈粗，準備結帳時，我先發現我唔見咗個銀包。我不斷重複在書包底找尋銀包的蹤跡，順便係書包底搵吓有冇零錢掉到書包底。最後我在書包底裏淘了24元正，都尚餘五元才足夠埋單。正當我苦惱着怎樣籌得5元時，有一個姨姨走個黎問我係咪唔夠錢？我只好一五一十甘同佢講我ge情況。忽然一個像是老闆的胖子跟我說"嗰幾蚊唔唔緊要啦!我哋等你下次來，你先比返我地啦！"嗰陣我真係突然間明白到咩係人間有情。可能果5蚊銀對呢間鋪頭來講真

認識這家店已有三四十年，從它最早期位於觀音街大排檔，繼而搬到現址。小時愛吃他們的雙丸米，那時還是$2一大碗，現時已是$24一細碗的了。可能人長大了吃濃味多了，更欣賞他們做的豬手及牛筋。- 柱侯豬手是最傳統的味道，暫沒找到比得上的別家- 牛筋炆得夠淋，腩汁做得不錯- 最喜歡他們的米粉，不粘口不太幼，仍然爽滑。其實河粉生麵粗麵都好，但我總忍不住叫米粉- 雲吞是多豬肉少蝦的，另一番傳統風味- 魚疍重魚味- 粗牛丸彈牙好味總希望老店一代傳一代繼續經營下去，能把傳統承存下來。

星期日的下午，我和女朋友經過紅磡，進入了榮發，看見單餸粉麵河都是廿三元，實在好平民。我點了牛腩河，牛腩相當的入味，入口有彈牙感，有牛肉香，不像過火，河粉好滑口。女友點了牛腩幼麵，麵身好彈牙，好多麵，份量足夠飽肚。另外，不可不提是麵東自家秘製的辣椒油，十分香，辣味十足，吃到額頭冒汗。很用心的一家麵檔

可能太辛勤去玩耍吃喝月下旬就缺錢今天午餐到榮發吃頂肚牛腩粗細碗一律23蚊腩米當然也是不過知道粗面對我最夠回本飽腹湯都喝醉上海人有個著名清牛肉湯起碼40元不論館子或外賣榮發的喝得過對面同類粉面洽x只20元一碗但那個牛肉湯缺乏沒有牛雜

想食d野但又5知食咩好~ 最好就係食下d 麵類~ 行下行下見到間粉麵檔, 又有大細碗之分, 決定入去試下.1個人好易搵位~ 坐底落單叫個細牛腩河走青, 吾洗5分鍾~ 牛腩河送到~ 牛腩牛根夠軟腍入味, 不過湯有小小偏咸~ 粗河夠爽又5會一夾就散~抵讚 仲要係街坊價~ 係附近想$22 食到飽一飽真係好難~ 速食~閃

呢間紅磡區歷史悠久的粉麵店我有幾年冇來過，以前就經常幫襯，今次路過又入去食野，雖然佢地系主打粉麵，其實我認為最有水準系兼賣的茶檔食品同茶啡，絶對唔失禮，甚至好過唔少茶餐廳奶茶香滑順喉，無苦澀味，多士香脆，而西多士較厚身，因為系用三塊方包做成，加d牛油，糖漿或煉奶，又一天下美食雖然佢地收好夜，但三明治多士類因來貨有限售完即止，一般五六點已賣哂，另推介魚蛋同牛丸，冬天好多人買來打邊爐

自從合隆執笠後，一直係紅磡都搵唔到靚麵食，今次專登山長水遠行十幾分鐘黎到必嘉街，赫見榮發寫住柱侯牛腩，即刻衝入黎整返碗先啦。雖然真係路途遙遠，行就行得遠一點，但總好過幫襯難食既香港仔魚蛋囉。好熱行到身水身汗坐低透順條氣先，驚見四眼肥師拉食客不停向阿叔阿伯搭訕，推介食物，仲話請大家食添呢 ﹗完全無停止既意慾，不斷高聲說話，嘈死人咩 ﹗我都係用 headphone 塞住隻取隻聽歌好過，都唔知好嬲定好笑。柱侯牛腩河走蔥，依個係柱侯牛腩？味道及外觀跟五香牛腩一模一樣呢。牛腩炆得軟腍鬆化，幼嫩無渣。五香柱侯味芳香濃厚，好好味。但湯底味偏淡，香甜不足，河粉硬淨完整，無咩特別。自家辣椒油，微辣但香味不足，而且非常甜喎，磨豉醬味濃。蠔油菜芯走油，老左一點點，有一點點渣，有一點點粗糙，菜甜味沒有，不合格。魚蛋雲吞麵走蔥，湯底淡得黎味道夠真夠清香，不假不嗆不濁。魚蛋四四方方潮州板魚蛋質數有保證，趙落魚味濃厚有咸香，爽彈滑滑。一口雲吞剛剛好，豬肉不過咸、蝦仁帶鮮爽，滿意。鹼水麵質地爽爽的啊，聽得見的索索聲，合格。掛上大量微辣香口辣椒渣，大滿足！湯底沾上辣椒油已變成香辣湯汁，太刺激好味，比我一滴不漏全部飲晒。

呢間小間有大小碗雲吞麵選擇，由於經過Kevin Ko教機會成本的資料，食雙併係唔抵。於是兩人叫了兩碗不同的share.雲吞麵，個麵夠爽，不太重鹼水味，個雲吞內有各有一小蝦，豬肉當然個大部份，＄28足料製作，真係買小見小。如果喜歡辣，呢道既辣椒油超正，不得不食。牛腩夠林，不過淹味一般，同平牛腩麵專門店的不同，都係雲吞好味。好平的晚餐。

本來去食新開的烤魚店, 奈何它今天忽然休息, 於是家人建議去這間她們吃過認為不錯的. 本來她們推介牛腩, 但我第一次來未夠信心, 改叫牛筋河. 河粉滿意, 但不算特出. 牛筋賣相好, 但我那份的咬口就一半半, 有些夠軟, 有些不太夠, 但仍不錯.炸魚皮不是即炸, 已不脆, 吃了一件便沒再要.潮洲(白)魚蛋比炸魚蛋頭更好吃, 很有水準, 不太淋, 適度地彈口, 也不會滿口粉的感覺. 坐位不算迫, 可是通道則有點, 但明白本地租貴, 是很難搞的. 

由於，去買完新鞋過年差不多九點。有點想食多少少野，回家前經過，於是食碗野，又唔想行到去新大X燈，平時覺得呢間野，佢一定MAMA地。方便食少少，原來味道不錯，下次會再去。全店坐滿，要搭台先有得食。阿姐都有主動安排我坐，服務OK LA評： 雲吞麵湯底，少許蝦子味，原來有三魚旦，三魚片（但比較薄），OK彈口，河OK，不會一PAT PAT，＄19 算幾好。重點係佢既辣椒油，好香，放少少已經OK，不過我是辣怪，放了兩次。如果午餐應該唔夠我飽。

能夠在招牌沙膽地寫出粉麵專家,就會一會睇下係咪浪得虛名!!地點:來到紅磡呢個地方食榮發大約可分為3類人!1.睇演唱會前食個快飯2.與白事有關3.理工大學學生.三類人共通點就係匆匆忙忙,要食個快飯的話,魚旦粉麵呢類岩哂!!唔怪得呢間榮發知客似雲來食物:比一般粉麵店質素好,點了,牛丸河(各$19)同埋芥蘭($12),牛腩米一放上枱,有D驚喜喎!!份量足,肉同筋比例一半半,準備放入口之際已經聞到陣陣藥材的香味同少許陳皮味(好感UP!!!),肉質方面,好淋,但又不失牛應有的質感,三個字:好味!!至於牛丸河,豬扒首領就覺我冇特別,但$19叫做大碗,女仔絕對夠飽,男仔的話,可考慮$25(大)環境:唔好預特別好坐,始終人來人往,但如果要食個快飯,榮發係唔錯選擇

是夜，出席完舊同事的葬禮，深感生命的無常。事後，即使部份人素未謀面，一行五人決定齊去附近搵食。同事E遠處望到「榮發」招牌，覺得意頭極好，就一馬當先衝了入去就坐。店家主打各式丸類、豬手、牛腩及紫菜等粉麵，麵底有粉、麵、米粉及米線以供選擇，兼有出售炸魚皮及郊外油菜等，選擇不太多，價錢由$12-$34不等。樽裝可口可樂除了L飲熱檸蜜外，其餘四人均要了坊間較為少見的玻璃樽裝可口可樂，細意回味記憶中那份逐漸消失的味道。酥炸魚皮 $12炸魚皮屬新鮮貨色，咬下「咯咯聲」，夠香脆可口而不油膩，水準不錯﹗蠔油菜心 $12 & 蠔油生菜 $12烚菜夠鮮嫩，蘸上鮮味十足的蠔油同吃，十分搭配。芥蘭烚的時間拿X準繩，色澤翠綠，口感爽脆；生菜小妹則略嫌烚得過久了，菜變得啞色、縮作一團。小妹要了一碗鮮蝦雲吞墨丸米線$25、N要了一碗柱候牛腩撈麵$28、L要了一碗爽滑魚蛋米粉$19、C要了淨鮮蝦雲吞$19，而E要了一碗柱候牛腩米粉$19。鮮蝦雲吞墨丸米線 $25$25一碗，份量頗驚人，有三粒墨丸和兩粒碩大的雲吞。墨丸中規中矩，相反，鮮蝦雲吞餡料十足，頗有驚喜。薄薄的雲吞皮內，除了鮮蝦外，尚有豬肉碎餡、爽脆木耳及竹筍。

下午到過紅磡送別老公一名親友後，我很想回味那充滿著街坊情的魚蛋粉。在紅磡居住了許多個年頭，在成長的階段中，紅磡在我人生中刻上不少色彩。從前跟著老爸和弟弟們走到寶其利街的鐵皮屋大排檔，魚蛋粉、多士與檸茶等均是我們的心頭好，所以榮發粉麵和另一西茶檔是我們經常光顧的。現時榮發的老闆，當年大抵是一名中學生，身材瘦削、臉容長得甚為俊俏。隨著鐵皮屋的拆卸，榮發與西茶檔搬到消防局旁的臨時檔位。最後榮發才轉到現時的舖位，而西茶檔則搬到紅磡街市的熟食檔去了。榮發的間隔跟以前一模一樣，只是牆上多貼了其他食品的介紹。當然不忘回味我至愛的魚蛋米粉。先來嚐一口湯頭，榮發的湯頭沒有變化，依舊保持以往少鹹、淡淡蝦香的蝦角湯底。榮發的魚蛋具有魚香，質感軟綿中富有彈性，入口即流露出手打魚蛋的天然特性。可是這趟魚蛋的魚味卻是淡薄了許多，失去了從前的味兒！老公不曉得如何選擇，於是我想起弟弟以前最愛的豬手，再配上老公喜愛的水餃，一碗湯底充滿柱候色澤的豬手水餃河粉便端來了。豬手入味，燜煮得軟腍，水準依然。而水餃餡料有蝦、木耳及豬肉，層次豐富，不過味道稍為偏鹹。榮發所在店舖，前身是一家潮式麵粉店，最著名的是幼身與特別滑溜的 "大

追思禮拜之後, 也要找點吃的才踏上歸家的道路, 就近近地來了這裡. 晚上九時許, 還是有不少客人, 是旺場的.鳳城水餃米線 $18: 7分, 要了碗細的鳳城水餃米線, $18一碗, 其實份量也十足. 水餃皮不會太厚, 料足, 米線質感也對辦. 以這價位來講, 收貨有餘.鮮味墨丸/柱候牛腩米粉 $24: 7分, 文迪的選擇就是雙拼, 份量是大的, $24一碗. 墨魚丸是幾彈牙的, 而牛腩不會太實, 只是柱候汁未夠入味.郊外油菜 $11: 7分, 算是幾大碟的, 菜還算幾靚, 但下了太多蠔油, 太鹹了.是經濟抵食的, 食物水準還算可以, 只是不介意環境比較一般的話, 是令人滿意的. 怪不得在區內已經有三十五年的歷史了.