榮興小廚 (已搬遷) 新店位置

見到不少食評都對榮興要求幾高，其實１００元以下的晚餐，話多或多話少唔少．我去過榮興兩次，還算不錯．上次食籠仔蟹飯幾好，今次也點了最出名的朱鴻武豆腐，暏暏生菜，炸貴妃雞，例湯（已忘記是什麼）．整體真是幾好，需然炸貴妃雞明顯是冰鮮雞因沒有新鮮雞供應，但味道仍然很入味，質感也有「新鮮」感覺．朱鴻武豆腐是淡了一些，但我寧願淡勿過咸，所以也可接受．至於例湯，我們遇到其中一位老員工女侍應，她十分關心我們會否點得太多菜，因只有二人，故她堅持我們叫兩碗湯便可，而湯的味道也唔錯，未有覺得有明顯的味精味道．客人都是一群群的，是一個非常好的聚會地方，可以嘈吓叫吓，不像高級食府靜悄悄的氣氛．價錢不貴，menu菜色不錯，其實幾好呀．

前晚一行五人來到這裡,本來都抱住幾大期望,但係真係期望過高了.先講下食左D咩先1.波蘿咕嚕肉,好大舊肉,但係炸得唔夠翠,個味道OK.2.啫啫生菜煲,呢個幾冶味3.焗魚腸,我覺得蛋多過D魚腸好多,個面唔係應該係翠家咩?4.薑蔥雞,聽說是該店最出名的,但係我食唔到有雞味,個皮係翠,但係我又唔覺特別好食.5.鼓椒炒蟶子,呢個都夠冶味既,不過我覺得唔夠獲氣喎.以上既菜分量都好大,我地都食唔晒,不過又唔係好好味.水準係普通喇,不過係街坊飯店咁,價錢相宜.

個人來說想不到吃甚麼之時最愛便是跳上電車車到某處隨時就會有新感興這次三個人忽然飯局照辦煮碗卻是第一次不過今次就有些許跌watt了者者唐生菜照樣地缹大菜卻不多沙沙作響地上檯再炒兩炒香氣四溢吃下卻沒有聞到般香聲稱馳名的蔥油雞最少要半隻沒有例牌三個人來說確是多了一點是好吃的不過仍難與鄰近的悅香比拚砵酒焗生蠔濃濃酒味完全滲進肥蠔內再加上其他濃味配料塞在錫紙內焗其實是很特別的不過酒味實在很重只能說是口味不對吧怎樣算來也是平平地又算企理的街坊小廚下次搭電車時也可能會再有感興也說不定和朋友吃飯有電視看有時反而很尷尬誰叫這集野蠻奶奶劇情好像很吸引似的…下次要不就別作聲一起看要不就專心點有禮貌點傾偈好了

上個禮拜和同事到這間小廚午餐，在灣仔的橫街，要上樓的。午餐都幾多人，如果多人最好訂位。有點心食，不過都幾貴，成十幾蚊一碟小點。同事話炸物好好食，於是便點了春卷、咸水角，真新十分新鮮熱辣，內裏的料都很足，炸得很香口，不太肥。而奶黃飽亦香噴噴，奶黃一吃便流出來。另外點了乾炒牛河，都幾大碟。食物整體來說都不錯，環境普普通通，價錢略貴。

2007年10月21日，榮興小廚。來過兩次了，但另一半沒有，今天經過灣仔，便來試試。水準一向不差，每次來客人都不少，不過拿起餐牌，好像加價了。兩個人，叫了3個：海鮮雜菜煲：菜仍嫩，但油多了，不夠清，蝦大但是發水蝦無味，粉絲則好吃。叫前問有無魚（另一半不吃魚），夥計說沒有，但最終發現有兩魚塊。煎藕餅：不大吃得出有連藕味道，味道還好，但都是有點油。朱鴻武豆腐：是豆腐中夾有一塊鹹火腿然後炸，豆腐外脆香裏面滑，趁熱食很不錯。

之前與其他食友曾在此食團年飯, 食物水準不過不失. 今次與老豆食飯, 他是個傳統中國男子, 對西餐, 日本菜, 就算是北方菜也興趣不大. 還是家常小炒合他口胃. 於是選了這裏. 甫坐下, 一位鬍子男侍應(該是較高級吧!)向我們推介要個冬瓜盅. 說甚麼只剩一個啦…今次我們有六個人, 就點一個吧!! 冬瓜盅都幾大個, 配料如帶子(切薄片), 雞肉, 蝦仁, 勝瓜, 蓮子等亦不少. 湯底不太鮮味, 也好, 感覺是”師傅”不太重手! 一般啦!!另再點了五個小菜:上湯浸莧菜: 莧菜有點老, 沒辦法, 當造期開始過, 是我們不該點這菜的!魚肚肉碎浸勝瓜: 也是清清的一道. 魚肚不是上等貨, 但口感還可以. 加點肉碎, 整個菜不只太”寡”, 是送飯的菜式!油雞: 賣相像是炸子雞的. 沒甚油味, 但總算皮脆肉嫩, 當炸子雞吃亦未嘗不可!鍋仔無錫骨: 上檯時熱辣辣. 味道惹味, 肉排肥瘦得宜亦夠入味夠腍. 只是間中一兩件全瘦的有點. 送飯不錯!!焗魚腸: 這道菜亦是選這裏的一個原因, 因已很少食肆會做這手工菜了. 等了差不廿多分鐘才上檯, 賣相似是即焗的. 面層焗得香脆可口.

終於搵到地方食焗魚腸,唔係咁多地方有得食,之前附近既悅香飯店都有,但最近呢兩年都唔賣喇!我地7個人叫左-蔥油雞-焗魚腸-椒鹽雞軟骨-干燒四季豆-鯪魚球拼椒鹽鮮魷-籠仔蒸蝦飯-紅豆沙(送既)

出國前趕數, 忙完整個星期六, 就來這裡晚飯. 快九點了, 人客不算很多, 但很嘈雜.就要了個二人餐.老火湯: 6分, 是日老火湯係西洋菜煲豬骨, 都幾夠火侯, 但又不像無添加, 而且幾多肥肉係面. 係好典型的例湯風格.沙薑雞: 5分, 蔥油雞賣光, 要了沙薑雞. 雞肉幾肥, 沙薑麻麻入味, 部份雞肉幾老. 當然不能說係招牌雞了.咕嚕肉: 5分, 炸得幾勁, 無乜肉, 似生炒骨多一點, 唔係幾甜, 得個酸字.闊佬炒飯: 6分, 無鑊氣, 味道係淡淡的.番薯糖水: 5分, 過甜, 番薯硬硬的.味道一般, 服務都幾差, 環境又係麻麻. 看來同這裡都係一期一會.

再來榮興，為的仍是那隻葱油雞。這裡地方麻甩，大部份來幫襯的都是中年男仕，十個有九個都口花花，不斷僚啤妹，害我整晚不斷起雞皮。是晚的葱油雞，肉質依舊超嫩滑，皮也是特級脆；味道卻比平日鹹了少許，葱油汁亦少了份甜味。蔬菜要了圖示的脆肉瓜，魚肚一點也不腥，湯汁薑味突出，與魚肚和脆肉瓜的味道十分匹配。脆肉瓜爽脆，火喉剛好，是清淡可口之選。臨走時見隣枱的醉雞翼極美肥，看樣子好像很好吃，下次試完再話你聽好唔好味。

見咁多好評, 當然食指大動, 又想大吃一餐啦! 唔多講, 嚟個一針見血嘅食評...兩個人叫咗四餸一湯如下:1. 鮑參翅肚羹一般貨色, 無也特別, 無乜材料, 水汪汪, 好淡, 有D似街邊碗仔翅, 不過算啦, 幾十元貨仔, 想食人隻車呀！2. 蔥油雞重頭戲到, 賣相一般, 一件件散晒. 食落口, 塊皮真喺好脆, 肉好嫩, 不過最大問題就喺好多油, 怕肥就最好諗諗先!3. 炸墨魚餅唔喺其他大大講都咁好食, 不過飲杯洒, 整番件都錯! 不過又喺袞多油, 好想用紙巾吸下油, 不過好似好難, 所以最後都喺無4. 缽酒焗蠔蠔size 一般, 中等身材, 應該唔會喺美國蠔, 不遏都份量都唔少, 個汁幾好味5. 啫啫生菜煲同西宛無得比, 見唔到有, 聽唔到有, 油到不得了, 真喺唔喺好掂6. 平價紅洒(大概80大元一支)無期望, 往往就最唔會失望, 飲得過, 不過個酒杯仔唔多掂, 飲紅洒個杯真喺好緊耍架7. 甜品(免費)唔駛錢, 估唔到喺最好食, 冰糖紅棗糖水... 一流貨色總結:無想像中好, 可能又喺期望過高, 不過两個人五百大元, 又開洒, 又四五碟餸, 還要求乜呀...都可以一試!!

以為星期六冇咁多佬，嘻嘻，都係好多「佬」！個個都叫碟頭飯，唯獨我們優哉遊哉飲茶。比較奇怪的是他們有些點心是自家出品，當然有些是買回來加工就算。自家製的味道不錯，買回來的就是買回來的味道噢！但相比夜晚，晚飯出品優勝得多。上次拍的晚飯照片出不到，反正開飯板不少人品嘗過他們的名雞，那這回就拍些飲茶照片吧。左上那個，抱歉，忘記了是甚麼燒賣，總之好味道。反正上回評過今次不評價咯。

金豬年的第一個食評，在此謹祝各「網上」及/或「檯上」及/或「坐對家」的食友，萬事勝意，身體健康。淨計Openrice的團年，都有好幾局，最後的一局是一班「義工」團年，就LIFO，寫了這一局先。時至年廿八，本打著「麻辣團年」為題，但首選收了爐，次選沒有得訂位又要排一句鐘，立即轉「計劃丙」，就是來幾時都有位又從來不會專誠來的榮興。雖然是年尾，雖然是爆場，但打個招呼，總算可以在七時十五分搖控訂張大檯，七時三十分，十一人已安穩的在店內的最埋邊坐低，還算託賴。又最遲來，未坐定就拿著餐牌亂點一通，食左咁多年，不用多費神了吧。例湯、海鮮卷、蝦丸、咕嚕肉、梅子醬爆骨、龍躉兩吃、花膠冬菇炆鵝掌、魚腐浸莧菜，最後亦最重要的，過節怎能沒有雞？也來一隻蔥油雞。菜色上檯速度非常快，三兩下手勢已經擺滿一檯，作為團年飯，有魚有肉，看起來也有睇頭，相當高興。例湯改了個應節的名字，叫「發財大利好事湯」，問落單的是否髮菜、蠔豉及豬利煲湯，原來不是，只是青紅蘿蔔煲豬肉，撈渣上碟，也不夠睇頭，不喝已知平平；有雪怡又有Oli，咕嚕肉當然一上就要兩碟，已是我們的優良傳統。吃落夠熱又脆口，但味道略嫌太酸，可能女士們會喜歡也就不定；

入正題之前，有少少時間影相，團年，沒有散叫菜式供應下，只有少於廿款小菜供應，老頭子發辦，菜式大概有發財好事湯、咕嚕肉、龍躉兩味、炸蝦丸、梅汁醬碎骨、沙律海鮮卷、花膠冬菇炆鵝掌、魚腐浸莧菜湯．．．．．．等等。是晚笑得不亦樂乎，也懶得長篇大論，乾脆落caption：龍躉拉過油富彈性夠口感，養魚少少腥味走唔甩。梅汁醬碎骨，吃了大件肥肉，脂肪炸過後不覺膩，肉質亦富彈性，膩在蜜味醬太。咕嚕肉，吃了兩件，粉厚肉薄，酸味極嗆，唉。之後，開始入正題，與Oli、雪怡、LQ等一眾靚女分析當前形勢，熱鬧的討論下，過程中笑聲不絕，有這班智囊團的支持，結果怎樣亦變得無所謂了，謝謝大家！祝大家豬年事事如意、身體健康～P.S「哈哈」、「唔好題」

平時我一定一定唔食雞皮,但係今次忍不了... 吃了... 好好味呀! 無咩油,好脆,大家記住order但係其他食物質素其實一般啦... 佢\以前係潮洲好棧,改了個名(不知有否換老闆),吃的東西好似都係差不多??

這是一間環境地踎的食肆，來這兒是因為公司裡的高層都不會來的。跟附近的行家吃午飯，除了生記，這兒係唔錯的選擇。四個大男人，點「$17x 四人午市小菜套餐」，係不二之選。茶芥每位$4，係生記的一半而已。埋單$19x，經濟實惠飽肚。先來一大窩甘筍豬肉湯，味道OK。小菜碟頭超大。點了「金銀蛋時菜」（若果係莧菜or 菠菜就更好）、「粟米班塊」（炸粉略嫌厚和硬，但魚肉唔算薄，粟米creamy 汁好味！）、「西芹腰果炒雞丁」（真係好大碟！雞丁和腰果炸過好油膩，幸而西芹超多，還可以。）糖水係「桂圓紅棗糖水」，大碗些少就更好。份量、味道、服務都比生記好。環境和餐桌的整潔程度很遜。係「佬」的食堂。題外話：傳說中我們的老外COO，時常來這兒吃碟頭飯，至愛粟米班塊、咕嚕肉、蝦仁炒蛋！幸好，今天他沒有單拖來這兒吃，否則…斷正！）