榮記粉麵

營業中

休息中

食完新開果間越南菜一肚氣貴夾唔飽所以先焗住轉場食車仔麵晚上9點都仲係好多人要等枱不過9點30就cut人啦好彩入得切選擇唔算好多想食魚皮餃亦賣曬了食左個淨餸春卷、豉油齋等等住全部都係配腩汁的佢個腩汁唔會太濃味食完唔會口渴但其實我希望佢可以重味啲而通菜用個細碗裝住感覺上份量似比較少其實食落都ok的不過好似放得太多醬了如果想食嘅朋友就有心理準備一定要搭枱啦因為真係好多人同埋相信同類型嘅鋪頭格局都係咁上下架啫

每次黎銅鑼灣，問我想食咩！！第一時間只想到榮記車仔面～午餐時間人來人往，流水席甘，有時要等一等位。唔係榮車車仔面特別好食，只因記掛佢個靈魂辣醬🤣🤣🤣🤣🤣為左辣醬，可以不顧一切～以我花心大蘿蔔的性格，每次必點4餸面，加我至愛的粗面/油面，一般我唔叫普通野，今次點了牛肚，墨魚頭，豬腩肉，鮮蝦雲吞，滿滿的肉～榮記野食在我角度唔係特別好，但勝在重口味，一定入味，唔會淡茂茂。配上靈魂辣醬，無得彈😋😋😋（個人覺得榮記辣醬比新記好食）中肯講，榮記車仔面不是特別好食，舉例墨魚頭唔及同區輝記，真係贏係個靈魂辣醬度，連我唔食辣的同事都係必食之選，所以要加$3先食得，無左辣醬，相信人流會少好多。（沒有靈魂辣醬，起碼在銅鑼灣，榮記不會再是我首選）

#chuchu食在銅鑼灣📍 榮記粉麵好耐冇介紹港式餐廳🙊今次介紹呢間係🐷出親銅鑼灣都會食嘅車仔麵，就算平日去食都會排長龍，講真環境就唔討好嘅，啲staff嘅態度都唔係好nice咁，佢哋應該係family business今次去仲鬧交，9點就截左單🌝不過呢啲好小發生嘅！雖然係咁，但佢嘅濃湯底同雞翼尖真係好出色😚—————————————————————❣️三拼車仔麵 $44 🐷媽嗌左豬皮+豬腸+牛筋，油麵底！一上枱就聞到好濃嘅牛腩湯味，碗碗都加色再加埋通菜！個湯底好深色，全部餸都會索到腩汁！牛筋口感好嫩不膩，味香四溢；豬皮好淋，好索湯！.❣️三拼車仔麵 $44🐷嗌左大腸+雲吞+蘿蔔，幼麵底！蘿蔔超甜，索盡腩汁精華十分入味，又冇渣；豬大腸厚切左啲但又唔會太瘦，冇腥，唔會韌；雲吞都唔差，但可以試其他！.❣️美味雞翼尖 $30 💯💯💯💯💯💯💯💯 #chuchu推介 超級好食！🐷次次去都要食，雖然🐷媽話比以前已經退步左，但係佢滷水味好香！炆得好入味！ 又淋！真係好食！❣️炸魚皮 $22 幾好食！好薄！但有啲小！—————————————————————不專業評分👅好味指數:7/10💰性價比:10/10👍

我本身好鍾意食車仔麵，我覺得每區都有一間好食又夠特式，每次經開去到銅鑼灣我都會食呢間，佢哋嘅湯底偏向重口味，有腩汁及一啲秘製汁醬，好香濃又好惹味，而佢哋餸嘅款式都好多，多到每次去到都揀好耐，樣樣都會想試下，佢哋嘅豬紅好水潤入哂味，基本上一定會叫，仲有好腍身嘅豬粉腸，洗到好乾淨無怪味，而牛肺都燜到好腍又入味，每咬一啖都吸到濃汁，最後個墨魚頭好爽口又新鮮，咁濃嘅湯底配米粉好吸湯，每食一啖米粉都掛滿湯汁，不過食完會有一點口渴，但好輕微可接受

其實味道真的好一般！好多野太咸，明白車仔麵如果冇味精不如唔好食！但又唔好太多囉，湯底可以比少少心機熬製一下！話哂價錢真係唔平呀！感覺唔太有心做好食物比顧客！飲品可以多元化一點，現今社會，大部份人都少甜走甜，貴店只有汽水，豆漿又係甜！感覺未能與時並進，以前啲人唔太注意健康就話飲姐！一間有心食店，唔會只為賺錢！其他野座位環境都算，但食物一定要用心做比顧客，不可求求其其，再咁落去，只會比別人淘汰！！！！

𝑁𝑜𝑜𝑑𝑙𝑒ℎ𝑜𝑙𝑖𝑐 𝐵𝑖𝑛𝑎 𝑖𝑠 𝐵𝑎𝑐𝑘 🍜 𝐵𝑖𝑛𝑎’𝑠 𝑃𝑖𝑐𝑘 車仔麵必食🔝3️⃣之一 銅鑼灣榮記粉麵(糖街)喺糖街嗰間❗️唔好去錯渣甸街嗰間 無咁好食‼️Bina最鍾意嘅配搭係豬紅+蘿蔔+雞翼尖+河粉 你呢? 🤭Any肥。鍾意腩汁湯底嘅你一定唔可以錯過🫶🏻完。#飲食係一種享受唔淨係為左生存#無論平定貴都一定要花費得明明白白#eat_withbina #eat_noodle_withbina#eat_銅鑼灣_withbina

以往到銅鑼灣必食新X車仔麵，因為最鐘意自家制辣醬， 久仰大名嘅榮記剛巧經過又唔使排長龍，就試一試， 一口食落去只感到勁鹹，而且辣椒油都係普通， 都唔知點解咁多Fans, 試左一次，好失望。😪

✨四拼粉麵四餸揀左墨魚頭 豬大腸 豬紅 牛腩份量好足 每款最少都有三四嚿墨魚頭 鮮味 爽脆彈牙 條條都肥嘟嘟 呢度必食推介豬大腸 厚身 入味 冇怪味有少少油脂 帶啲甘香 必食豬紅 入味 滑嫩 少少脆 唔錯牛腩 大大件 入味 肉質少少偏乾柴 普通另外仲搭左幾條西洋菜麵 揀左油麵 個人覺得食車仔麵必點油麵油麵 煮得剛好 軟硬適中 湯 加左腩汁 幾香濃 唔算好油膩另外值得一提嘅係 佢地個辣椒油辣勁十足 對我黎講係噴火級 如果鐘意辣記得唔好錯過味道唔錯 必食墨魚頭 另外呢到牛筋都幾出色環境服務普普通通 價錢可以

聽聞呢間係港島人兒時回憶 因為我係九龍人 所以聽都未聽過門口有人排隊，有個店員維持秩序，都算好快就入得叫左2碗4餸麵。1.魷魚豬紅羅白牛肚油麵2.雲吞春卷豬紅牛腩米粉對於第一次黎食既九龍仔黎講，呢碗車仔麵都係主打味精濃味湯底，愈深色愈味精。係好食既 ，但味精太勁 ，醬汁太濃，唔係太岩我呢d鐘意食 食物本味 既人。*豬紅係值得一讚，無左平時街食既豬腥味，處理得幾好。*牛腩唔夠林但基於女朋友 細細個開始食都要比返個回憶分

銅鑼灣有唔少老字號車仔麵店，而榮記粉麵就係最愛♥️事關佢地可以叫好多餸，仲可以食淨餸添🤟🏻麵提供有多款選擇，如油麵、河粉、粗麵等。每碗麵都有通菜墊底及獨特嘅腩汁作調味，入味濃郁，落少少辣油食仲正😗餸方面，個人較推薦食豬紅、蘿蔔、牛筋及魚皮餃🤍豬紅色澤光滑，質感滑溜；蘿蔔超甜吸盡腩汁精華十分入味，爽口無渣。而牛筋口感淡嫩不膩，味香四溢；魚皮餃則有魚香不腥。至於豬頸肉就唔建議嗌啦，乾身無味。📌四餸+油麵 $51:豬紅、蘿蔔、牛筋、豬頸肉📌四餸+油麵 $51:魚皮餃、牛筋、牛腩、春卷

長期糧尾都可以有啖好食食得落肚嘅卡路里必須好味‼📍榮記粉麵糖街27號A地下味道 🍽🍽🍽價錢 💵💵💵💵賣相 👀👀👀環境 💒💒服務 🛎🛎喺銅鑼灣食飯又想食平啲? 車仔麵就啱曬 榮記湯底好夠味 餸菜易畀足料 用嚟打卡都唔失禮🤗

在疫情下很多食市暫停營業或關門，由其銅鑼灣，人流少了很多，很多吉鋪。好彩榮記仍然開門好感動。 生意實在難做，店內間隔亦已分開座位坐。 眼見依然有很多外賣，店員忙不停手。 食物質素依然很好味。不過我千里迢迢行過嚟食

榮記粉麵🍜📍 銅鑼灣糖街27號A地下≔≔≔≔≔≔≔≔≔≔≔≔≔≔≔≔≔≔≔≔≔≔≔≔≔≔≔最近經過銅鑼灣，咁岩見肚餓，條街既鋪頭都冇乜人， 就走入去呢間以前一直都要排長龍既鋪頭食下野😛。呢間車仔麵都開左成廿幾年lu, 以前好多遊客都係度幫襯😂，而佢地個湯底好好味😋，好濃郁👍🏻。必試一定係墨魚頭、牛腩、蘿蔔⋯⋯⋯樣樣都煮得好好食🤤。🌟 各式粉麵 單或雙拼 $37 三拼 $44、 四拼 $51、五拼 $58整體推介指數 ：❤️❤️❤️🤍🤍≔≔≔≔≔≔≔≔≔≔≔≔≔≔≔≔≔≔≔≔≔≔≔≔≔≔≔

其實本身好少記住邊間車仔麵好好食，但聽我朋友講，佢啲朋友係會收工特登過海嚟呢度食，講到咁誇張🤣終於有日佢帶咗我嚟「朝聖」！➼ 三餸車仔麵｜$44 ✅有啲車仔麵就算你話加腩汁，加到成碗麵嗰湯變得好深色，都未必食得岀個腩汁係咩味🤣但呢個好濃味！同時又唔會令你好頸渴👍🏻我嗌咗米粉，每一啖都食到個湯底，好正！💕餸方面有我揀咗墨魚頭、豬粉腸同魚蛋。特別想講個墨魚頭好好食！好大舊好有咬口！雖然佢係墨魚頭，但佢比埋足鬚部份，好足料！聽講墨魚頭好搶手，有時會好快賣晒，所以最好早啲去🥰➼ 雞翼尖｜$30 ✅聽講雞翼尖係必食嘅小食💕果然名不虛傳，滷水味好香！炆得好入味呢👍🏻➺ 小分享：呢度嘅可樂係玻璃樽裝，仲要係大支㗎！第一次飲樽裝可樂係差啲飲唔哂🤣🤣

每次去到銅鑼灣，一定會去食榮記車仔麵，食過一次真係返唔到轉頭大家記住係位於糖街嘅榮記粉麵，唔好去錯另一間。今次帶埋朋友去食，等咗5分鐘就有位喇~同朋友一人一碗3餸車仔麵！食車仔麵推薦要配油麵做麵底3餸只係$44都幾抵食。有多過20款配料比大家選擇，個人推薦必選的有牛腩、牛肚、豬頸肉。我今次揀咗牛腩、春卷、豬頸肉三餸配油麵。一上枱已經聞到好香濃嘅牛腩湯底味，每碗車仔麵都係有榮記招牌牛腩汁做湯底再加埋通菜比你！個湯底十分濃郁所有配料同麵都會吸哂腩汁嘅精華就算飲晒啲湯都唔會口渴，簡直無得輸。牛腩亦都做得好好，唔會過靭，豬頸肉係有煎過，所以做到外脆內軟！春卷亦都吸收哂湯底嘅精華，所以好入味朋友叫咗牛腩、牛肚+蘿蔔，蘿蔔煮到勁入味勁甜，一啲都唔苦朋友讚不絕口，牛肚亦都好淋好入味，一啲都唔腥，鍾意食牛嘅朋友呢幾個餸一定啱你！榮記粉麵就算平日去食出面都會見到一條長龍，但等位唔算等得太耐，朋友第一次食完之後都話一定會再encore