榮記(東成)飯店

營業中

休息中

同兄弟食飯隊啤酒，次次都一定泥呢間記。有幾樣嘢一定要點， 魚香茄子煲 ，花雕醉雞或者羊腩煲 ，豉油王炒麵仲有大量嘅 森寶大啤！認真你冇食過呢度嘅豉油王炒麵嘅話， 幾遠都一定要出嚟銅鑼灣食。 全香港唔會有第二間可以炒到佢咁乾身！ 仲要呢個價錢係平時 得人哋 三分二分量！呢度魚香茄子煲極都係我個人認為全香港最好食嘅， 鹹魚香豬肉碎配搭 冇得彈 之餘， 茄子炒到乾身脆口， 唔會普通店整到軟淋淋。 至於啤酒就自己選擇啦 個人認為呢一支比較性價比高啫😂， 同兄弟們坐底一個禮拜 都嚟一次！

又繼續我既食素之旅第十三日.以前一定會覺得食素點會去大排檔搵到野食. 如果係全素者可能就真係有啲麻煩.但係我唔係全素. 所以雞蛋個啲我可以食.今日我地就繼續走坊香港各地搵素食.首先呢個紅燒豆腐$58大家都唔會陌生, 不過佢今次個汁較得比較濃而且個西蘭花煮得比較"淋"所以扣左分.但係呢個苦瓜煎蛋$58就好香蛋味, 而且苦瓜比例係極多,所以真係啖啖苦瓜肉.而且個蛋味真係好香好濃再黎叫返一碟很多人都有叫既豉油王炒麵$48 其實呢個價錢真係好好好平,平時出去食都可能80蚊以上.因為雖然用料唔係上乘但係要炒得好都唔係易事.鑊氣真係好緊要.最後ORDER呢個蒜蓉韮菜花$68 佢竟然係今晚幾味餸入面最貴既一味.但真係好香,好好食,尤其將佢同個麵一齊食.所以其實素食者去大排檔其實都可以好多選擇唔係淨係素餐廳先可以. 大排檔一樣可以.

為左去don don donki, 又再出銅鑼灣搵野食。 想食下小炒， 走左去鵝頸街市熟食中心食榮記。可能因為疫情又嚴重左， 未坐滿， 我地遲黎都唔洗等就有位。XO蝦乾銀魚小炒：基本上係枱枱必點既小菜， 份量大而且足料。 有好多既蝦乾銀魚同腰果， 夠鑊氣味道適中。88蚊都幾抵食。椒鹽九肚魚：真心正， 炸到d魚骨都軟晒， 可以成條食，食到最後凍左都好食。豉汁蒸大鱔：lee碟餸係最唔掂， 我見openrice都有人讚先叫， 但伏晒。 唔入味， d鱔又軟身， 唔厚肉。 148蚊比起上面既水準好唔抵。侍應服務唔錯， 可能少人， 落單唔會搵唔到侍應， 埋單又快手。

相信大家在這個疫情下，已經減少外出食飯了。即使有一些不可推卻的聚會，也會找少人又要好好味的餐廳，才不枉此行。這一頓飯已經是在疫情爆發前享用了，當時還座無虛席，未知現在是什麼境況了。二人進餐，點了三個餸、一碗白飯、一支啤酒。先說海鮮聖旨，體積有點細，粉絲唔夠多，一心打算用蒜茸粉絲撈飯，可惜。咕嚕肉一定要在鑊氣強勁的大排擋食，才是最美味。這一碟沒有成個口只有粉的味道，肉跟炸皮是夾得埋的。最後一味是薑怱炒魚肚，第一次，係第一次食咁多魚肚，咬到個嘴勁累，但好食也，也感覺骨膠原大增。

久不久都會來到榮記覓食，今次距離上次已經好幾個月了😅位於鵝頸橋街市熟食中心，每次到來情況都一樣，永遠都係人山人海👨‍👩‍👦‍👦天氣凍凍地、叫咗個煲仔菜。✨八珍豆腐煲 $68上枱熱辣辣👍🏻除咗主菜紅燒豆腐外、仲有鮮魷、豬膶、肉片、鮮蝦，冬菇及翠肉瓜，算多料👍🏻✨蒸大鱔$148每片厚薄適中，味道剛好、好多地方都係豉汁蒸，呢到應該係用麵豉醬，不會太咸或過濃味😉由於位於熟食中心內，環境一般但算乾淨👌🏻如果不想等位的話，最好晚上六點就到啊😉

今日天氣很冷，決定找一些暖胃的吃，去了铜羅湾近鵝頸橋市政大樓的大排檔食晚飯👫，🎈榮記飯店，都己經好一段日子無來，人和環境都無變，仍然是舊香港的情懷。🎼羊腩煲亦是這裏的首選，但前幾日已吃過，所以今天選一些其他小菜✨豉汁蒸大鱔😋，鼓汁味道平衡，滲著清香的果皮味，配合厚度適中的大白鳝，正👍，稠度剛好的汁 撈飯食，真係人間極品😋✨八珍豆付煲材料豐富，主角豆付滑溜，豬潤，尤鱼，畺片，大怱，魚片，肉片及蔬菜，萬佛朝中，又係一味佐飯的好餸👌因人太多，街坊居多，唯有坐在近𨋢口位，但也沒有半點不舒服，你就下我，我就下你，0K喎，两人共$226,滿足🎉

比較起較本土、大角咀市政楓樹圍，鵝頸橋市政榮記的顧客就較國際化，間中會見有老外找到上來吃。以往遇周六日，最好黃昏6:15前便要到，否則至少等下輪，這陣子明顯淡靜，5:30到，見6:45居然還有數張枱剩。餐牌更新了，太久沒來一時間不知點啥，見牆上貼了 蒜香蟹飯似是推介，另點了 豉油王鵝腸、翠塘豆腐、菜膽雞。蟹飯雖 只一隻蟹但蟹肉及蟹膏豐富，肉質結實，飯底加了中量炸蒜粒、少量咸蛋來蒸，對得起$128這價錢；豉油王鵝腸 似乎忘了加蔥，就得銀芽墊底，而銀芽的水份煮時滲出太多間接沖淡了豉油味，所以不夠香且味淡；翠塘豆腐 下了冬菇粒、蘿蔔片、西芹、魚片、草菇、蒸蛋，主角豆腐是切粒同蒸，料很足；菜膽雞 棄小棠菜而用生菜，感覺不夠「膽」，賣相亮晶晶，就是吃不出雞香味，只能嚐到雞肉滑嫩，全靠那個芡汁調得好補救。又叫了森堡2支、仙地等，整餐飯大概$420左右。

夜晚來這裏吃飯必然人山人海因為在這我頸橋熟食中心吃飯的人來自不同的地方龍蛇混集有人着西裝飲到面都紅埋 有人做街市未換衫上嚟食返兩碟小菜我已經係榮記嘅熟客 不過為佢寫食評又第一次一間餐廳佢肯幫襯超過三次 呢間餐廳一定好好食除非你係同朋友食（你懂的）我知所以係佢嘅熟客 完全係俾佢嘅鑊氣小炒吸引住今晚和家人到這裏吃晚飯 要從地下搭lift上2樓嘅鵝頸橋熟食中心 門一開轉左有一大班人問你幾多位 但係要注意佢哋唔係間間都係榮記 因為熟食中心就好似food court一樣 所以有好多間鋪頭係熟食中心你要走去 榮記前邊先坐低 枱上邊嘅Menu應該寫住榮記我叫咗佢其中幾個招牌菜 包括魚香茄子煲 xo腰果蝦乾銀魚 同埋椒鹽魷魚酥 自己帶咗隻龍蝦（要收加工費不過同腦細議價首先係魚香茄子煲個人認為炸得唔夠透 雖然賣相幾好但係食落去中間可以在熟啲然後我認為xo腰果蝦乾銀魚直頭可以比滿分蝦乾同銀魚本來就非常夾再加埋腰果 真係冇得彈銀魚好脆 唔係一般餐廳林晒嘅樣 送飯一流椒鹽魷魚酥相對遜色 但仍高於一般餐廳 炸得稍為唔夠乾 食落去冇咁趣 應該係炸粉嘅關係 最後龍蝦嘅加工亦都幾好 所以大野上嚟加工絕對唔會浪費左你

今次黎到銅鑼灣鵝頸橋街市熟食中心食榮記飯店，環境同傳統香港本土特色大排檔相若，侍應們會比較忙碌。周圍既人都大大聲高談闊論，好熱鬧。我地叫左幾道小菜：炒龍蝦/XO醬蝦乾炒銀魚乾/魚香茄子煲。炒龍蝦的調味合適，炒到好香。店主同我地講可以自己帶海鮮上黎叫佢地炒，佢地會保證用最好的烹調方式處理得最好食。XO醬蝦乾炒銀魚乾都非常有鑊氣，銀魚乾都幾脆口口感唔錯。魚香茄子煲唔會太咸，茄子略微炸得唔夠透，但係魚香味十分滿意。鐘意食小炒既朋友可以即管黎試下，我覺得榮記有本土大排檔特色，價錢相宜。

朋友們同某人食生日飯，為咗要就遲放工嘅朋友，大家揀响佢哋返工嗰區，鵝頸橋熟食市場嘅榮記，好幾年無嚟呢度食嘢嘞，上到去依然係人頭湧湧。某人已經諗定食咩，坐低就落單。沙薑雞腳夠腍又入味係有幾隻煮爛咗，唔靚啫。魚香茄子煲送飯一流茄子仍保持紫色，肉碎都有份量，味道唔錯，係爭咁啲咸魚香。涼瓜鮮魷夠鑊氣，涼瓜新鮮味甘，魷魚有彈性，配豉汁炒好夾，送啤酒最豉椒炒蟶子，蟶子好肥美，配料主要係洋蔥，豉椒好少，唔夠惹味，可惜。鎮江豬仔骨有大有細，以前係支支都咁大架汁還汁，肉還肉，唔掛嘅，要拿住支骨係咁碌先至有味，已經唔係當年必吃嘅模樣。啫啫芥蘭水準依然，顏色翠綠，香噴噴又爽脆蠔餅普普通通，蠔仔大隻嘅，但係無薯粉嘅軟韌口感，亦無咩蛋味，脆而不香唔知個蟹飯又如何呢？有機會再試試佢。

即興的聚會。。雖然食吾到馳名的清真牛。。但就試下隔離呢間小菜飯店。。叫咗沙薑雞腳。。。有成十隻腳。。小食都咁大碟抵鹽水蜆。。。蜆肉吾算大。。但又係以量取勝。。好味煎蠔餅。。蠔多過蛋。。又係好味檸檬烏頭。。。大大條多肉。。正椒鹽鮮魷。。。勁多魷魚鬚，炸得好乾身。。好過好多大酒樓清炒時菜。。。標準野。。ok菜脯炒蛋。。。住家餸。。仲有肉碎在內。。跟飯一流琵琶豆腐。。。有肉加豆腐。。煎得好香口。。。整體上菜時間快。。食物又大大碟。。。又可自帶紅白酒。。要冰桶只需叫支啤酒就ok地道小店。。有冷氣嘅大排檔風味。。。值得支持

呢間位於銅鑼灣街市嘅打冷小菜飯店銅鑼灣既地方，食小菜先幾十蚊一碟椒鹽炒鮮魷真係抵到爛呀$78仲有水煮牛都系好好味呢水煮牛肉d汁用黎撈飯不得了仲有呢碟涼瓜炒牛肉人哋話識得涼瓜都可以清熱氣咁我呢排生暗瘡就食下啦最正係呢個豪仔餅都幾有潮州風味事關太多人仲叫咗個魚香茄子煲10個人叫左八道菜多人食係唔同啲平均每個人應該$70-$80左右平時冇諗過喺銅鑼灣呢個地方可以以呢個價錢食到咁多道菜不特止，性價比高，只能說抵到爛

初嚐灣仔大排擋，和朋友三人叫左四個菜一支啤酒。炸子雞雞有雞味好滑超好食，桶蠔有姜有蔥勁好食，椒鹽魷魚新鮮彈牙極好食，腐乳通菜夠鑊氣非常好食。加埋啤酒食飯吹水十分開心^^

有時食得多西餐都難免會想起夠哂鑊氣嘅中式小炒。這次特意來到熟食中心找尋地道港式風味。椒鹽魷魚鬚魷魚鬚外面炸到好脆好香口，入面嘅魷魚肉好容易就咬得開完全唔韌。蘸埋酸醋食愈食愈開胃，唔會覺得肥膩。金銀蛋豆苗豆苗大大碟，而且好鮮嫩無渣，吸收哂湯嘅精華。蒜香蟹飯成隻蟹連埋飯一齊上碟，大大份好吸引。蒜味食落唔算太重，無蓋過蟹膏嘅鮮味，可以用嚟撈到幾碗飯食。蟹上碟個陣已經拍開左蟹殼，好容易就拆到肉食。價錢相宜食到小炒，下次有機會再嘗試其他菜色。

收工約朋友去鵝頸街市搵食呢度唔係咖哩就係呢間小炒啦6:45黎到已經全場座無虛席行到最尾先有一張細枱好在我地得3個人先有位咋坐底我地幾經辛苦先搵到忙到唔得閒招呼我地既阿姐落單椒鹽田雞 茄子魚腩枝竹牛肉都係好重口味既菜色 一定要配白飯先食得落落左單成半個鐘先上第一道菜可見呢間野生意幾好啦街市環境非常嘈 三個女仔傾偈都幾傷喉嚨架哈哈不過黎到其中一個原因都係食呢個咁有feel既環境姐三個人叫三個餸絕對夠飽價錢都非常合理啊 埋單人均80左右