榮記(東成)飯店

營業中

休息中

朋友話要食鱔煲喎，咁我以前一路都淨係食開豉汁蒸鱔，就冇食過鱔煲嘅，就問佢邊間有得食啦，咁佢就話自己食開呢間係灣仔鵝頸街市熟食中心嘅榮記。咁坐低左之後，正常大排檔Service啦，拎咗個餐牌嚟睇睇。人數唔多，所以就叫咗三個餸就算數啦。第一個，就當然有我個friend好想食嘅啫啫白鱔煲啦。嗱，好認真，個份量呢就真係唔大嘅，但係味道就真係OK喎，個豬潤呢，就好爽口，應該係啱啱好熟曬唔會overcooked，個白鱔就鮮甜脆口，唔會話好淋咁，佢加咗好多蔥頭，個汁好濃，所以真係好香，好好食。另外有個沙薑雞，個沙薑雞呢，都幾香，但係有d overcooked咁，同埋鹹左d。福建炒飯，食物個感覺一般，不過不失，唔會話太鹹，但係個飯炒得一般，有d會係一舊飯咁，唔夠鬆。一般正常大排檔水準，冇乜特別，係鱔煲好食，但價錢較貴。

夜晚9點先搵野食，見好耐無食過大排檔，所以去咗街市搵野食，見到呢間咁多好評，諗住無死，點知好伏！！！伏一：咩都賣曬！！！明明開到凌晨，我地9點鐘坐底，無幾耐已經即刻落單。落左單五分鐘之後，同我地講其中一樣，芥蘭賣曬，咁我地轉通菜啦。再隔多十分鐘先同我地講，通菜又賣曬，唔止添呀，連第一次落單個幾樣，包括椒鹽九肚魚、蒜香蟹飯，全部都賣曬呀！賣曬唔係問題，但你早講呀，隔左十分鐘先講，又講d唔講d，吱牙膏咁，離譜！！！想食既全部都無得食，又黎曬野飲，迫住要係度食！伏二：零鑊氣！！！食大排檔都係貪d野食夠鑊氣、夠惹味，sorry呢間大排檔完全唔合格，我試過咁多間最差既，建議大家去食陳根記或妹記！椒鹽豆腐，無錯係外脆內軟，但無味既，必須要夾住d椒鹽一齊食。茄子煲，非常令人失望，點解！！！點解d料望落去咁足，但食落口完全無味，一d都唔香口！！！擺明求其用水煮熟左，扔落個煲度！同樣地，蜜汁豬仔骨都係咁，豬仔骨剛好熟既，咬落滑身，但無味！點左d蜜汁一齊食，都只會一入口個下有蜜汁味，咬多一啖已經無曬味！好灰咁同職員講，佢竟然話而家要食得健康d，少油少糖少鹽，喂我要健康去左你隔離鋪食素啦！無心煮就無心煮啦！

🇭🇰#香港捐窿捐罅記 Instagram: foodkiller_dk一講起有鑊氣 價錢相宜🤤 而且適合一大班人一齊食既地方 😍大排擋一定係大家第一個諗起既選擇 而近年大排擋都搬晒去熟食中心 只有小數仲有大排擋牌🙁-環境就其實冇咩好講 佢環境太乾淨 我反而唔習慣 不過總體尼講都可以接受魚腸🐠係好少地方有既菜式 因為挑魚腸係一件好考功夫既事 叫左尼試 彈口 幾好食 配上白飯一流（易入口😂）九肚魚炸得乾身 脆口 你一食一舊 就會好想叫支酒🍺去配佢😍沙拉豬扒🐽煮得啱啱好 淋淋地加上沙拉醬既酸 十分之開胃♥️魚頭窩🐠比足一個魚頭 而且魚頭好飽滿😍 對我尼個識食魚頭既人尼講 簡直係美食🤤其他菜都中規中舉 唯一係個𧐢餅有d過咸 再點上佢既魚露變左咸上加咸🙁-🎈灣仔寶靈頓道21號鵝頸街市1樓鵝頸熟食中心CF4號舖-平均傷害：$150好味值：7/10

今日2個人去食大排檔，就係想食有鑊氣嘅味道呀~ 黎到呢間喺鵝頸街市入面坐滿人嘅榮記。可能聞到好香啲關係，2個人勁肚餓，叫左4碟野 😅蒜蓉粉絲蒸聖子， 豉油王炒麵， 啫啫芥蘭 ，炸子雞。蟶子幾新鮮，粉絲吸收左蒜泥同蟶子汁，好正~ 炸子雞份量幾多，皮夠薄，唔太咸，點少少淮鹽幾野味~ 粉麵又係好大碟，賣相就普通啦。但炒得幾乾身，最緊要仲熱辣辣有鑊氣。芥蘭不過不失，幾爽口。唔會太多油。2個人連埋一罐汽水320蚊，抵食喎~

以前讀書的時期, 剛畢業不久, 常常會約在「榮記」開大餐。常常一大班人每人選一樣菜, 桌上盲有十幾碟菜一齊食。開心是真開心的。人大了, 步入社會, 各有各的忙碌, 各有各的生活。搞手不在有空了, 聚會亦慢慢變很少, 直到變成沒有。要約一大群人, 真的很困難。現在在面書上, 偶爾會看到幾個比較要好的, 才會約在一起吃飯。而我也是, 只會找幾個最好的朋友出來。當天晚上, 是身邊的她想要吃大排檔, 我才會又來到「榮記」, 回憶一下子湧現, 多懷念呀。豉椒炒蜆 HKD 68.00以這個價錢來說, 真的是很值了。份量很多, 而且每隻蜆的蜆肉都很鮮美。大排檔的那個鑊氣真的很棒, 很惹味。砵仔焗魚腸 HKD 58.00貪新鮮點了這個魚腸, 就出事了。很腥, 不是每個人都食到。像我這種怕腥味的人, 就有點出事了。一吃下去是很甘的, 有那種回甘的味道。但是慢慢地腥味就出來了, 有點可怕, 但剛吃的時候是好吃的。啫啫通菜 HKD 68.00無得輸, 通菜真的好好味。就算一個人吃一盤都完全沒有問題。偶爾吃一下大排檔也是真心不錯, 雖然兩個人吃, 點不到很多款式, 但也是不錯, 下次再來。

呢間餐廳係熟食中心入面的, 已經同朋友食過好幾次了味道都過得去, 但而家唔知係唔係通脹太勁份量真係少左好多呀!避風塘雞軟骨 – 好好味既小食! 雞軟骨整得非常香口極之爽脆而且唔油膩, 抵讚.黃金蝦 - 蝦肉雖細但煮得都唔錯而且都幾彈牙, 只可惜唔夠鹹蛋黃而且食唔出鹹蛋黃既鹹香!煎蠔餅 – 好味道! 而且絕無欺場, 蠔餅入面仲有好多蠔仔嫁, 而且仲要唔油膩.椒鹽鮮魷 – 全場最唔惦真係呢個椒鹽鮮魷, 份量不在話下而且粉漿好厚, 食落去仲要好韌!鹽焗雞 – 食唔出鹽焗既味道而且我覺得同普通白切雞沒有分別, 但味道過得去呀.枝竹班腩煲 – 整體合格啦, 但枝竹就比較硬唔係太喜歡.芝士琵琶豆腐 – 果然好好味, 朋友果然無介紹錯, 豆腐外脆內軟而且佢個芝士汁送飯真係一流!咖哩牛腩煲 – 好少牛腩每人一件已經無哂了, 但味道都唔錯!海鮮什菜煲 – 食左咁多肉當然要食返D菜啦!豆豉鯪魚唐生菜 – 其中一個鍾意食既菜, 真係好好味哈! 豆豉鯪魚果然同油麥菜, 唐生菜都係咁夾!

細細個成日嚟鵝頸街市度食嘢，呢日就同埋朋友一齊黎食，回味下童年嘅感覺。喺大排檔食嘢周圍都好熱鬧，完全無拘束嘅感覺。呢度嘅小菜價錢合理，好大眾化.......椒鹽鮮魷 外皮炸得鬆脆，唔會好多粉漿。鮮魷大大隻，成碟好大碟！xo腰果蝦乾銀魚又係大大碟，腰果好脆口，蝦乾大大條，啖啖肉。 銀魚都冇乜腥味。蝦米雜菜煲 叫得雜菜煲當然有好多唔同種類嘅菜啦，亦都有粉絲，粉絲幾好喎，唔會一夾就斷。啲湯都幾鮮味。豉椒炒蜆 好多時喺大排檔都會叫，呢度炒得幾入味，啲蜆都冇乜沙。

去開銅鑼灣，講到食大排檔，點可以唔黎鵝頸橋呢間榮記都度食呢！七點幾嚟到呢度都好多人下㗎，好彩攞到最後一張三人枱。由於碟碟餸都比較大碟，兩個人食呢就真係比較難叫餸嘅。好彩有三個。嚟到呢啲地方就梗係叫一啲自己唔會整嘅餸啦。椒鹽豆腐，佢切到細細粒，外面脆口入邊嫩滑，仲有好多脆蒜頭粒，我忍唔住係咁夾啲蒜頭粒黎食。XO醬腰果銀魚蝦乾！每個大排檔呢都有佢哋嘅招牌小炒王，偏偏呢間嘅小炒王一啲都唔吸引，反而呢個腰果銀魚蝦乾，辣辣地非常惹味。每次嚟呢間大排檔嘅必食之選。再叫咗個椒鹽豬仔骨，肉就幾淋但係就好似冇乜味呢。最後仲有姐姐介紹嘅盲曹一條，可惜食得太快唔記得影相。而且呢度飲啤酒大支裝都係十幾至20幾蚊一支非常抵飲。

舊朋友聚會, 揀左呢度食飯。。。豬頸肉好味, 其他食物都幾新鮮 不過不失。。。環境較嘈, 傾計要好大聲, 但氣氛幾好。。平均每人100幾蚊, 叫做抵食。。。下次會再黎。。。。。

就算能量幾高嘅人，幾有自信都好，都有迷惘嘅時候....接到朋友來電，想我幫忙占卜問事，佢係香港島，我又咁啱係灣仔， okay，落灣仔請我食飯囉！一時間諗唔起去邊到食飯，就再去榮記食飯！記起上黎，已經係第三次幫襯榮記了！食過兩次都無大問題，所以放心再上去幫襯！今次點咗炒聖子，黑椒牛仔骨，椒絲腐乳生菜同椒鹽鮮魷。炒聖子同黑椒牛仔骨都有一個問題，洋蔥頗多，好彩我自己都中意食洋蔥.聖子新鮮，所以質感當然嫩口，牛仔骨火喉控制得好好，唔會炒到過火過韌，同樣，鮮魷都係新鮮，煮得唔唔好，都無入口過韌嘅情況出現。唯一缺點，廚藝出色，自然搵位唔易囉....

早二個月係榮記食左過羊腩煲，上星期－晚經過天樂里，順道上去再食番果羊腩煲，點知過左年後已唔再買，想食要年尾先有。既然黎到，亦試下呢度大排檔小菜。XO腰果蝦乾銀魚 - 炒得好有大排檔風味，夠鑊氣，好黎餸啤酒一流。豉椒鹅腸 - 味道略為淡啲，鵝腸不夠肥味。姜蔥魚雲煲 - 魚雲炸趣，夾埋姜蔥一起食，好香口好味。最後叫多個鹹魚雞粒豆腐煲 - 鹹魚好嘢味。雖然有些飽，但都忍唔住叫左個白飯來送鹹魚雞粒豆腐，真係食完個飯都唔知飽。雖然這間食店坐落街市樓上，但正層都係食店，全層有空調，看起來總算衛生。

啤小姐一向愛吃鑊氣，自朋友帶我來鵝頸街市試過後食上癮，今次已經是第五次來訪啦！蠔餅是每次啤小姐的必食菜式，先說份量已經取勝，$65 大大份，有很多蠔仔。再說口感外脆內軟，蠔餅外皮酥脆，內裡有juicy的餡，沾上魚露更帶出蠔的鮮味，食過返尋味！真心推介雖然知道油炸食品上火，但來到大排檔實在按捺不住苦苦爭扎還是再叫一道椒鹽鮮魷。場內客人眾多，等了半小時後終於熱辣辣上台！魷魚很有彈性，十分煙軔，外脆內彈牙。啫啫雞煲火氣十足，配上各式配料，蒜、䓤、洋䓤、薑等，香味撲鼻！雞炒得乾身而不老，整件都沾上醬汁，很惹味！

今日一家行完工展會，去搵食！諗起鵝頸橋街市。就上去食大排擋喇！上到去估唔到咁大多人熱鬧之後梗係搵間最多人食嘅！我哋坐底咗，4個人叫咗5樣嘢食！蝦粉絲煲，幾乾食！有10多隻蝦幾抵食椒鹽雞軟骨好勁酒味芋頭臘味煲啫啫芥蘭煲豉油王炒麵我覺得係最好味！

原本以為柴灣泉記嘅羊腩煲正，今年食過有d失望，正當失望之時，好彩搵到榮記！結果食完一次又一次！柴灣泉記羊腩煲係羊腩汁正，榮記係羊腩炆得夠冧！羊腩唔會太大件，最可惜係榮記嘅羊腩煲無竹筍。另一個驚喜係炸子雞，好多時食炸子雞，可以做到皮脆肉滑，但雞肉總係凍嘅，榮記嘅炸子雞食咗兩次，都係熱嘅，當然係皮脆肉滑啦，結果食完一次又一次，無失望，如果有甜嘅豉油汁更好！見到枱枱都叫碟小炒皇，但自從食過尖沙咀圓山嘅超硬小炒皇之後，對哩款菜好有介心。炸豬大腸夠脆口，而且份量唔會太細件。鎮江豬仔骨外相唔係咁好，望上去好似煮得過咗火，但原來係假像，食上口肉汁豐富，而且夠入味。蝦膏蝦乾蒸肉青咸咗少少係正常啦，不過無想像中咁咸。唔講嚕，襯熱食羊腩呀！

都有年幾冇幫襯了。越做越大，質素都冇乜變。服務依舊，有大排檔feel,好親切。價錢一般啦。經常都咁多人。來一個食個海鮮餐先。食椒鹽鮮魷，首選大排檔。灼蝦好大隻，豉油皇炒麵，灼螺，沙薑雞腳，加支大啤。（欠個火腩豆腐飯，就好大排檔兼麻甩了）食得開心。