樂面牛屋 (已結業)

Just lunch with my friend. I want to try this kind noodles. Nice environment friendly and polite staff despite lower English. I got the spicy beef noodles and my friend no spicy. Noodles was fresh and very good make. Good taste smooth and average level of beef. Spicy very nice. Finally we got also chicken fried. Good taste. Everything was perfect including the drink. Good job will back again

餐廳裝修風格像回到8,90年代的台灣, 面且擺設都是那年代的物品!! 抗疫期間還有折扣優惠, 相當抵食!招牌清燉牛肉麵 $70原本以為麵條會是粗扁身的, 但出來的是幼身, 有點失望, 但還是好食的! 湯底好清好香牛肉味! 牛肉厚厚的, 大大塊, 肉質算正常!豆乳鹹酥雞肉燥飯 $62聽到名字好特別便點來試試! 豆乳鹹酥雞好好食, 不會太過咸或味精太重, 炸得乾身脆口, 雞肉肉質算不錯! 不過不知道跟豆乳有什麼相聯! 肉燥飯正常, 沒什麼特別!冰鎮桂花冬瓜茶 $26只有甜甜的味道, 但沒有冬瓜味!台式紅豆餅 $28這個絕對是所有食物當中最好食的!! 最值得推介!! 一般台式餐廳比較少看到, 即叫即做, 一送上檯時十分熱辣辣! 一入口外皮是軟軟的, 紅豆再配煉奶超好食!!!

叫左紅燒牛肉麵餐 成百幾蚊 但份量勁少仲要完全冇味 得油味... 好彩冇叫二人餐 成二百蚊另外叫左份甜不辣 炸到勁燶又油冇彈性 同show 出嚟張相差勁遠 好伏 食完成餐等於冇食 不會再有下次！

好難食🦧❌❌❌❌淡而無味，紅燒肉又韌，雞翼有色無味，肉燥飯好淡，以為食緊低鹽餐，搞到我要胡椒粉送飯！🧟‍♀️服務又差 未食哂又趕頭趕命收碟收碗等位程序又無系統 問佢有無票又無 最後叫咗遲過我嚟嘅人入😡😡😡

一行五人搵食，進入這間台式小店， 鋪內狹窄 ,坐位不舒適。叫了紅燒牛肉麵 ,冇味！清燉牛肉麵,冇味！香炸排骨滷肉飯還可以!老爹滷肉拼盤,無味！從未食過滷肉，可以淡已無味的。牛肉完全無味。價錢偏貴，質素完全吾掂！

樂面牛屋的紅燒牛肉麵, 也不如其他評論般那樣差! 她湯頭的味道其他在香港的台灣牛肉麵比較, 有更重的藥材味, 辣度更重而且帶有麻香, 也有其吸引力, 至少應該比清湯的來得好. 麵條夠Q彈 而且厚身, 掛湯能力也OK. 要說批評的見其牛𦟌, 有些瘦柴而且不夠Juicy. 肉鬆皮蛋豆腐味道有點淡, 豆腐豆味不夠香濃, 豉油膏不多, 幸好肉鬆帶甜味, 為其加添少少分數.

完全無味道，飯同麵都無淡茂茂台灣嘢好難得有哩個水準同效果唯一係裝修同食物賣相ok, 所以中左伏食對面媽咪雞蛋仔好過如果唔係就黎餓死都唔會食呢間。老闆個樣好似過氣泊車仔，入去幫襯都好似你殺咗佢全家咁嘅態度，係收錢個下個樣先笑下。無改錯名。。”落”面牛屋，落自己面。。老實講，我唔係食過晒全世界嘅台灣野，但係有亞洲食物嘅國家嘅台灣野基本上我都試過好多，真係好難搵到一間差過佢。我食完呢間，我都即刻過對面間媽咪雞蛋仔再買！

今日同女朋友去銅鑼灣買嘢🧳，買到咁上下就諗住搵啲嘢食，就嚟到希雲街，見到每一間鋪頭都好多人排隊🤦‍♂️ 所以 所以我哋就揀咗一間望多人排隊嘅，就係呢一間麵家🍜，冇幾耐我哋就有位喇，入到去呢間舖頭好有台式嘅裝修🏗跟住睇一睇個餐牌其實啲價錢呢都唔算平🤑，不過冇乜所謂，我哋叫咗幾款嘢包括係甜不辣、 鹽酥雞滷肉飯、花枝丸同埋一個香腸拼盤🍡 冇幾耐啲嘢食就嚟到，食多兩啖發現啲嘢食 都係偏鹹嘅😛，每一款食物都冇乜特色都係普通一般般平時食到嘅嘢食，所以呢間舖頭我哋評語係一般😂

之前去開禮頓道果頭覓食, 發現原來呢頭好多餐廳, 所以今日次去睇睇有咩好食。呢間樂面牛屋因為處於轉角位, 所以人流好旺。見佢有咁多捧場客, 而我咁岩都想食台灣野, 於是就入去試下。餐廳唔算大, 座位唔算多。我入到餐廳坐低左先發現原來店外的客人係等緊外賣的 (因為外賣自取有8折) , 早知我都叫外賣啦😅麻醬雞絲乾麵 ($62)上枱時覺得成碗都都好Dry, 因為蘿蔔絲, 青瓜絲, 雞絲同埋D麵都係無汁的。但原來一翻開D麵, 下面有超級多的麻醬, 足夠將所有材料都沾滿麻醬。麵身似烏冬, 但食落似上海麵, 感覺似兩者既混合體。配料爽口, 雞肉味都唔錯, 唯獨對於個麻醬, 我覺得芝麻味同花生味太重, 完全搶了配料的味道。一開頭食既時候會覺得好濃郁好好味, 但因為佢好稠身加上重味, 食到最後會有D漏, 同埋好似漿住個口咁, 所以整體黎講只屬一般。熱珍珠奶茶呢杯珍珠奶茶好甜, 係台灣飲品既味道呀! 珍珠細細粒, 好有咬口, 而且落既份量都幾多, 我一路飲, 一路”不”珍珠黎食, 去到最尾都仲有珍珠剩低。

日前去銅鑼灣辦點事，中午去了經過很多次的樂面牛屋食晏。以為可以嘆到一碗美味的台灣牛肉麵。一坐下來，我點了3個菜，包括清燉牛肉麵，炸花枝丸，及韮菜餃子。失望的是那牛肉麵的湯底，好像是淡淡的當歸水，完全沒有鮮味。牛肉本身夠淋，但也欠缺香味。正所謂一辣遮三丑，呢碗嘢唔加辣椒醬真係食唔落。其餘的花枝丸及韮菜餃就中規中矩。沒有驚喜。呢間嘢以後都唔使去啦。

放工和男朋友去拍拖，肚子不算很餓，但又很想吃東西。週末的關係，想吃的店舖都要大排長龍，剛好路過樂面牛屋，被內裡的裝潢吸引了，所以決定一試！店面是以懷舊的台灣風設計為主，很有特色。一張張大型的木枱，很適合一班人來聚會。星期六的晚上七時多，店內不算很多人。因為不太餓的關係，吃牛肉麵又覺得太熱了，所以只點了乾麵。店內只有兩款乾麵可供選擇，而且沒有配料，略為簡單。我吃的是肉燥乾麵 $40很普通的一款台灣路邊攤肉燥乾麵，配上炸蒜，比較香口，麵的質地也有彈性。不過不知道是不是煮得太耐了，所以有點淋，少許失望。推介 男朋友吃的是雞絲麻醬乾麵 $50我嚐了一口。麻醬有很香濃的芝麻味，好喜歡啊！再配上紅蘿蔔絲和青瓜絲，味道和口感都變得很清新很清爽，是一款很適合夏天吃的乾麵呢～店內除了乾麵外，也有肉燥飯、牛肉麵、台灣小吃、刨冰等選擇。來銅鑼灣逛街不想排隊的話說也可以來歇一歇。

沿住利園個邊行過黎，一路聞住丹麥個陣油炸味，真係好想食炸野雖然話呢間既牛肉麵值得一試，但真係好想食炸野 叫左個"豆乳鹹酥雞肉燥飯" ，見到豆乳呢兩粒字，真係有啲驚中伏但都係好食既，啲雞唔油，細細粒入面唔乾，唔算話好juicy係好食既鹹酥雞，好好笑咁，侍應哥哥倒左一粒鹹酥雞落地下，攞個細碗仔裝返幾粒黎唔通我個樣真係咁sadAnyway 多啲黎密啲口

前排去完台灣食刨冰食上癮，個日三點幾一個人經過銅鑼灣諗住去希雲街有名嗰間食番碗，見街口間有台式嘅仙草芋圓又唔使等位就試下啦，點知落完單無耐聽到刨冰機聲，以為好快有得食，但等極都未有，當時得四五枱客又唔見其他客人食，無事做等下就等下，落單計前後等咗15分鐘，又聽到刨冰機聲，見其他客人全部都食緊，應該都係我㗎啦，點知又等多成十分鐘先送上枱，一睇，啲冰好似剌身用嚟墊底咁，死實一片，隻羹要用力拮落去先分得開啲冰，少少鬆軟入口即化嘅刨冰感覺都無，入到口只有粗糙不堪嘅碎冰，仙草芋圓好唔好食都已經唔重要，因為佢註定係一碗失敗嘅刨冰 ，可悲！

要喺睇戲前醫一醫肚，用餐時間唔係太夠，食台灣嘢都係一個好選擇。嚟到禮頓道附近，先知有依間台灣餐廳，入面嘅裝修夠曬"台灣味"，亦都係我鍾意啲小店嘅原因。碌下openrice，呢一間台式小店嘅紅燒牛肉麵都幾出名，不過今次我哋就冇order到。大概等咗廿分鐘到就有嘢食啦。豆乳鹹酥雞肉燥飯，啲雞香脆得嚟唔會太乾，啲調味粉落得適中，唔會太過鹹，另外附上嘅配菜都唔錯，當中芽菜係我最鍾意嘅。我朋友就點香炸排骨肉燥飯，不過排骨嘅調味就濃咗少少。

之前有留意過呢間台式餐廳，一於搵日去試下佢，來到時尚早不用等位。紅燒韭菜餃麵餃子是韭菜饀料，都算豐富，不過味道就一般般，而餃子皮就略嫌太厚。麵條屬粗麵條，唔易斷，但唔够彈牙。紅燒湯底，味道都算濃郁，略帶少辣。肉燥乾麵份量確實比較少，肉燥同蒜片擺係麵上，要撈一撈先進食。肉燥味道唔算好濃郁，唯一可稱讚嘅係蒜片起到調味作用。冰鎮桂花冬瓜茶可惜桂花味非常之輕，而冬瓜味道偏甜，反而令成杯野普普通通。整體來講，算係一般。