樸生 (已結業)

預約為生日慶祝的，到了問有什麼生日優惠，侍應們不清楚，叫經理來，那位恐神惡煞的經理同我地講生日優惠要兩日前比訂金$200 ，先會有一個所謂嘅魚生飯，如果冇預訂依家可以比$100先會有一個免費生日魚生飯，因為啲材料好貴個喎！唔知以為幾珍貴！ 咁就唔好寫住免費啦！問個經理多句，又話自己係打工唔關佢事架！啲嘢難食不在話下，啲位又窄，冷氣又唔夠，侍應態度差，仲要倒瀉野連道歉都冇句，個經理不斷喺度鬧啲新來侍應生，一碟肥牛來三小片, 食物選擇一般，味道新鮮度又唔夠，咁寒酸，咪鬼學人搞放題火鍋啦！老實，我地在大快樂火鍋都開心d! 平心已論，喺青衣大商場呀，做食物的都是半個良心事業，俾啲質素啦！所以真係恭喜佢結業啦！仲要執得咁快，開始食已經預咗佢會執啦！令一邊仲學人搞素食， 算吧啦！有冇心做好食物，黑心淨係賺錢，聰明的消費者睇唔到㗎咩！呢度係香港! 不如返去羅湖商業城開啦！總括而言，貼錢買難受，不知所謂！最慘剛去完日本旅行乜都好好食，剛回港就食到呢啲垃圾，真係覺得好難受！

之前見到啲相關介紹，火鍋加炸雞好想試下，終於有機會。1）食物質素普通。不過炸雞有好多醬點真係好特別，試左士多啤梨韓式醬，幾好食。朋友都讚啲雞炸好脆。2）朋友話個價錢平。二百蚊一個人3）到晚上九點尾收晒啲雪糕同棉花糖，同行既小朋友好失望，點解唔一早話俾食客知？甜品得麻糬🤦🏻‍♂️4）服務真係好差，女侍應黑口黑面都算，佢講無一個字我係聽到，一串發音了事；坐左半個鐘行過黎俾張單話「last order」😱。問女侍應我幾點入座，佢諗都無諗「我地個電腦提我，一定係由您入座開始計，無錯架啦」；簽完張單先發覺收多左我一個人錢，佢話「頭先問您地您地話七個人」我五大一細您眼望我眼，小姐您問左邊位？再三追問女侍應先死死地氣去check個電腦，另一個男侍應「唔好意思，我地攪錯左，張單係隔離枱，剛才簽嗰張單取消左」😡最後埋單，另一女侍應一見到張信用咭「我地唔收信用咭，請俾現金」😱有無咁離奇？有咁既服務加無乜特別既食物，我下次真係唔會去

見間點開咗，咁耐以前淨係以為食素食，點知原來有自助餐，都幾抵食，就係試下啦，點知中曬伏。諗住慶祝，餐廳冇得訂位，咁就walk in啦，之前已經做曬準備，影曬餐牌，好期待，點知入到去可以係另一個價錢。店員話 小一的小女高過120cm，要收成人價，已經有點奇怪，但由於價錢不貴，都算數。入到去睇餐牌， 原來只有90分鐘，同寫明130cm以下有8折， 就問清楚店員，店員回覆個餐牌係錯的，要睇出面嗰餐牌。 我就出去睇個餐牌，點知冇註明高度120cm收成人，亦冇寫90分鐘。只有宵夜餐牌有寫120cm. 但只是宵夜， 叫佢改返啲錯誤嘅餐牌佢話整緊，但俾錯誤訊息人係呃人，所以我都註明呃人好多次。旁邊小朋友是幼稚園都叫佢出去度高，原來咁執著120cm要收成人價，120cm只係小一。後來都俾番130cm 8折我，但都已經成肚氣。最想食朱古力火鍋，壞咗好在仲有棉花糖機，真係有技巧才整到。首先一定要熱咗機，筷子中間拮粒棉花糖，棉花糖機中間轉轉轉時加糖，但會飛哂出來，小心衣服及眼睛，等佢熔到差不多又要加糖才會多絲。而我想要白色棉花糖，唔駛七彩色素。食物都幾多種類，幾有心思，但指示很不清楚。有整石頭飯， 成日見啲

下午茶時間，門口 Reception 掛住玩手機，完全唔理你！入到去態度更差，直頭係想趕客，好耐未見過咁嘅人/服務態度！唔想做可以唔做，冇必要幫公司趕客！奉勸大家，冇必要最好唔好去。

成日行過，今日同同事食下門口個韓風靚仔職員，企正係面前，聽到，但無反應，只隱隱約約聽到一個！哦！字落單又係哦，另一位女職員，送野食黎放放左係無人坐果個位就走，問一問佢呢個係乜黎，明明聽到，回頭望一眼繼續反方向走埋單女職員態度好小小，找錢黎都係放底就走去食飯，講到尾都係食物質素，食物質素不過不失，但咁嘅態度，仲要收加一，普通荼餐廳都可以好過佢好好多，以後請都唔食

其實我真係成日食到伏野，但第一次會因為伏到要打食評。係為左打呢間野劣評而特登申請OpenRice AC。岩岩新開張果陣已經試這呢間食LUNCH，因為真係好鍾意生牛肉。最後叫左泥試，唔好食都算，係唔新鮮。生牛肉有三分二的肉係變左色，唔係鮮紅色，係啡啡地色，味道仲要怪怪地。曾經係韓國馬場食過，完全兩樣野。唔係要一模一樣，但都唔好比D變左色的野人地食。生牛肉WO。但我就係經常重覆犯錯，見佢出左打邊爐。我又真係好鐘意，而且成日經過都心思思好想食。所以上泥睇下評價，我開頭見好評多，而且講到打邊爐有幾好，就算有10幾個劣評我都去試下。我諗住差極都有個譜，以我出去打邊爐咁多次，真係好難做到咁差。煲細，食物少，味道差。真係吉邊都無得比。講番先，每碟肉係兩塊，所以真係食得唔多肉。最多係菜，因為真係無得選。當時的熟食，石頭飯係完全唔開胃。炸雞都好差，淨係叫左最少兩舊泥試，唔想再食。乾唔乾淨就算喇，因為出得街食都預左係唔乾淨，邊有咁多良心食店。我唔明點解會有人話佢好，可能因為個名哀左，真係好少人食，自然食物都少左。但變相就好多傻仔（我），比幾篇好評握左。證明我真係有去食。之前生牛肉太耐，加上無諗過要特登打食

0-10 分 / 10分最高分 我好少會上黎講餐廳既唔好，如果唔好食咪最多自己下次唔食，但我唔會想去數人地壞話，但我真係忍受不到，本來2月14日因為情人節出街食太多人，就同男朋友2月15日 諗住食餐好，大家都好期待，嘗試下新野，但衛生情況嚴重地差 食物質素 ：1分 , 選擇唔多 ，D菜有臭味，D食物有無洗？中午無雪糕食 （都唔緊要）衛生情況： -10 分，係負10 分，碗碟好多污糟，岩岩洗用，有水都唔緊要 ， 隻隻都污印 ，我自己擦乾先用，D配料....... 算 抵食 ： 因為太差，我覺得唔抵食 ， 1位$138 ， 2個人$276，再加$28 服務費， 一個午餐$304 食垃圾 ，

想黎樸生好耐,今晚終於約到朋友黎,樸生半自助晚餐：白靈菇石頭鍋飯，幾好食，白靈菇好入味，碗飯好足料😊有青瓜絲，蘿蔔粒，芽菜，菠菜，粟米粒同  素芝士，加埋拌飯醬撈埋食真係幾好食！三選一既主菜仲可以享用素食區既自助salad Bar, 甜品等等，好多選擇搞到我都三心兩意。尤其係有至愛既❤️豆腐花❤️芝麻糊，一開波連主菜都未到就食左2碗😂其實食完飯都有啲飽，不過款款我都有試，好多好食既野！但最有趣既地方係可以同肉食朋友同枱食飯，琴晚2位朋友同我就係咁！呢個主意非常好，照顧到大家唔同既需要又可以聯誼又可以一齊開心食！ - 芝士海鮮麻辣部隊鍋,芝士好惹味,個湯唔算辣,所以幾好味素芝士炸素魚漢堡,做出黎真係幾似魚肉味,,連埋個包一齊食幾好食,個包太大,所以切開會易D處理😋

青衣一路以黎都無韓國野食,最近終於開左間喇泡菜煎餅幾好食 幾有韓國感覺 而石鍋飯就唔算好熱上 爭少少 隔離就有食素既選擇 想食清啲既時候就可以去喇 overall 都唔錯 係坐得迫少少 不過都會再去食

韓式邊爐第一次食 🤪 牛豬雞任食，配菜任拎，最特別係任食炸雞 🤣平時港式火鍋打得多，第一次食韓式，鍋底有海鮮同人蔘雞揀，姐姐揀左海鮮部隊鍋，有蝦有青口有蜆，都唔太差喎，揀左濃湯底，同一貫火鍋都有嘅豬牛雞肉，每碟份量都好少，唔驚會浪費.. 🤪 加88蚊升級左份量都係一樣，但啲料正左喎，同多左海鮮刺身飲品可以叫，正呀 🤤 炸雞方面，炸粉岩岩好,食落好脆,幾好味.刺身都唔錯,賣相幾靚,幾新鮮， 而甜品方面有牛奶雪糕，仙草凍同埋自制棉花糖可以揀，哈哈，其實都算多野食喔 😋

早段時間和朋友來到青衣吃晚飯,來了這家韓式素食店自製年糕$78 自製年糕可以自己揀一種汁同埋三個餸 我就揀咗羽衣金藍芝士汁 餸我就揀咗雞肉雨衣金藍同埋菇 要自己煮熱佢 煮耐啲等個汁濃會好食啲😀 羽衣金藍加埋芝士呢個配搭真係好好食好襯啲年糕！ 年糕都好有咬口泡菜芝士牛肉卷$68 個外皮炸得好脆 芝士味好濃 不過唔係好食到有泡菜 牛肉炒飯 $78 呢個炒飯好食☺️☺️炒得好乾爽唔會油 牛肉炒得好香仲有隻蛋撈埋好好食 荔枝玫瑰茉莉花冰茶 $48呢個配搭好Fresh ! 但係飲到未有啲糖漿未溶 羽衣甘藍雪梨沙冰$48 好健康同清新嘅配搭 原來羽衣甘藍同雪梨個味好夾😍－－－－－－－－－－－－－－－－－－－－－－－－－味道: 3/5環境: 4/5抵食: 3/5

以前係青衣返過工,有好多舊同事都係依面所以間唔中都會黎搵朋友食飯聚舊一下印象中青衣城都冇韓式餐廳不過姒排見到D舊同事話依間樸生幾特別,所以今日同佢地黎試下岩岩開張既時候都有黎睇過等位人都唔少加上係星期6於是同朋友決定搵個閒日先黎食雖然係閒日但係人數都比想像中多好多基本19:30後都要等位喇食物既種類都唔少而且主菜好多都可以自己選擇 非常多變化最驚喜既呢到居然有醬油蟹食!我地4個人,所以可以有醬油蟹送不過朋友最近腸胃唔太好唯有留返下次食另外佢地有分素食區,會有條手帶比素食既朋友我地食左椰子雞湯本身無咩期望,因為依度價錢唔貴,但係個湯估唔到幾夠味, 個雞好香連埋湯一齊食好惹味雞肉吸左湯汁之後仲好食所以我覺得都算係唔錯既選擇除此之外我地仲點左炸魷魚圈,PIZZA等等,都幾好食,又唔會太油,炸得好脆好多餐廳既八爪魚都係急凍冰鮮而呢到既係新鮮八爪魚已經好耐冇食過咁新鮮而且甜美既八爪魚

美女朋友是食全素的（即使蛋和奶也不食）和他食飯多是由他帶路，其實香港地素食者搵食也有好多選擇，只是我們平時少留意吧 Bobsang位於青衣城１期地下，非常方便就腳，我有時收工經過門口總是排滿等待的人，來食飯還是先訂桌安心一點 餐廳非常大，晚上供應素食自助餐＄１６８一位，店面用了很多木和綠色植物去裝飾，感覺自然樸素，另外一提的是，這裡的店員們都好年輕而且幾靚（仔＆女）素，全部都是素！沙律吧和小食系列我喜歡這類型的素食，大都是單純用蔬菜，水果和豆類做出來，沒有很多添加劑。飲料區提供了多款天然飲料大量果仁和各式各樣的豆！ 非常新鮮的羽衣金藍沙律 很喜歡這個蕃茄湯，非常鮮甜，似屋企煲的天然味道雖然味道普遍是偏淡（可能因為食素的朋友多數味覺會較敏感） 但食素原本就是想健康一點，食清淡一點反而能食出食物當中的原味呢主菜我點了韓式拌飯，和平時出面食的沒有分別，食材豐富而且好夠熱，有飯焦的香氣，雖然沒有肉，但味道還是很好的這個韓式漢堡也是全素，令人驚喜，口感很有’’肉’’的質感。中間那片漢堡是用茄子代替，而拌碟的那碟汁非常惹味，有點似辣辣地的沙律醬，上面的素芝士也很像真，食落和一般漢堡，但少了份肉的油

星期五同朋友去試新野，本以為友人去食素。原來是比這店的炸雞吸引。入到去冇乜人可能太早，坐底店員很好地奉上點餐纸，我地點左個芝士海鲜鍋。之後叫了牛肉，雞肉，豬肉各一。之後很快個鍋同肉已到，先吃鍋中海鮮及麵條都ok。而牛肉，豬肉都比出面食的好。而我再叫多3次牛肉。出面吧枱，有很多種蔬菜任選，還有熟食。豬手夠入味，雞腳好香藥善味但未夠軟。對面還有韓式伴飯或石頭鍋飯，可以自己DIY。種類都好多，其中温泉蛋真的好正，剛剛好不會太熟，好滑。呢度仲有甜品，有鮮草，芋圓。炸雞是即叫即炸還有多樣醬料選擇

因為今日係齋期， 所以揀咗呢間所謂嘅放題素食服務差， 待應沒有禮貌，黑口黑面　唔知以為我爭佢錢冷氣唔夠，打邊爐唔好揀依度食物質素差，沒有一樣野值得推薦星期日入到去，都有一半位係吉嘅， 好食都有個譜後悔沒有睇食評睇到底再咁樣做生意發祝君好運無⚠️下⚠️次食物質素如下：❌食物選擇少， 質素差‼️❌湯底味精重， 飲品柚子茶像清水‼️❌甜品芋圓，非常淋身，無牙都食到‼️❌炸雞衰過KXC