橫浜水產磯燒+遛Local Bar@Grill & Hot Pot (已結業)

今日同朋友去油麻地買野，行到肚餓當然要搵野食啦，去到譽發廣場見到大排長龍，就知道又係樓上店美食雲集的地方，門口有個亞姐派傳單，見到橫浜水產有刺身又有打邊爐任食，見價錢唔係好貴，就決定食呢間，上到去見到既有美味的刺身食，又有严选的美国牛肩火锅，还有黑毛猪肉，可以说是非常丰富的，火锅有两大格，汤底选择360牛乳，汤味浓，I like it so much, thank you for having this fantastic dining moment.

Happy friday約左朋友行mk, 有好強目標未完成，所以搵左間食打邊爐又幾好feel. 我地叫左個刺身加火鍋既set, 湯底我地揀左泡菜，覺得幾日式 唔算辣，幾多泡菜，反而似蕃茄湯底既味有驚喜。二人份量有呢個四款刺身，我覺得個溫度岩岩好又幾新鮮。個爐未滾之前，我食左炸雞翼同炸薯波，都係高質。仲有中華沙律，螺肉同鳳爪，都okay 既。每碟肉有幾塊，份量唔多 ，但可以任點。配菜方面都幾多選擇，但係煮完d土豆片搵唔返可能已經溶左。最愛係午餐肉同蟹柳。食飽後再出發。

香港飲食業競爭激烈要做得好，首先係食物質素要吸引，其次係有冇滿足到顧客的需要價錢吸引更加會係錦上添花朋友介紹我來到橫濱依間餐廳，話一次可以滿足「火鍋、刺身、爐端燒」三種食法於是一行4人去醫肚初入去鋪面時，感覺有點細小，但原來老闆預留左地方開兩間私密房，隱密性高岩曬明星朋友一齊來食我地4個點左個牛放題火鍋，有埋刺身及海鮮一送上黎，即時嚇親份量足料，海鮮新鮮餐廳方面都好細心，係爐端上面鋪埋張牛油燒燒火鍋湯底就揀左日式昆布同豬骨，味道偏咸。餐廳仲有個火鍋配料小角，都多選擇肥牛一碟數量唔算多，但可以不斷叫，費事食唔曬浪費。大蝦好大隻 新鮮野整體而言，都相當唔錯 

今日係女朋友生日，同佢去咗橫浜水產食呢個美國牛肩肉火鍋放題十刺身套餐，先嚟係刺身，包括有三文魚，北寄貝，甜蝦同帶子，幾款刺身都好新鮮，食咗幾次先食火鍋，又可以係出面攞啲火煱配料，放係出面嘅配料都有二十幾款，飲品又多選擇，先試牛肉，味濃，跟住到雞肉同黑豚肉，黑豚肉切得好薄，好快孰，配埋嗰自己調制嘅醬汁，味道唔錯，女朋友自己行咗出去攞咗啲火鍋配料，包括有粟米，芝心丸，冬菇，豆卜，生根同金菇，我就不停咁叫牛肩肉同雞肉，牛肩肉真係超正，又薄，只要淥幾秒就食得，女朋友好滿意呢餐，話下次可以再來。

今日約咗個fd打邊爐，大家都係旺角附近做嘢，所以就揀咗依間，我哋揀咗牛肩肉加刺身套餐($198)。首先上嘅係刺身，賣相正常，味道幾好，三文魚刺身都唔會太薄。另外，呢度有嘢飲放題，呢度嘅嘢飲都係即整嘅，有梳打，乳酸，花茶，沙冰，奶昔等等。由於我病病地，所以我淨係試咗個金橘檸檬同埋洛神花茶。兩杯都唔差，放題水平黎講係above average。講講主食先，我地叫咗個牛乳湯底，真係有陣奶味。出面就有好多唔同嘅嘢食，係任夾嘅。一開始Standard會上咗每人一碟豬牛雞先，豬同雞正正常常，我同個fd主要食牛，色水唔差，都好有牛味，我地refill個陣整係加左牛。總結：野飲方面比較有驚喜，多選擇又唔錯。野食正常，上菜速度唔會慢，下次再黎會試磯燒。

同事生日話見到網上有人介紹話要嚟呢度食，我地揀左刺身+海鮮頭盤+嚴選美國牛肩肉火鍋放題($268)《刺身頭盤》三文魚(2切)+油甘魚(2切)+北寄貝(2切)+有頭甜蝦(2切):油甘魚夠鮮甜，其他一般😂《海鮮頭盤》蝦: 我哋個個都懶得搣殼，所以無食到🤣元貝: 普通雪藏貨色😗3L廣島蠔: 唔算好大隻，食落口亦都冇乜特別😂蕃薯蜆: 好細隻，我哋用咗黎熬湯底🤗360牛乳海鮮湯+番茄濃湯(鴛鴦鍋/+$28):牛乳湯真係有好香嘅牛乳味，但蕃茄湯唔夠濃🤔活魚刺身一條(+$128): 值得加錢食。條魚都幾大條，可以片到好多片刺身出嚟，好新鮮。侍應教可以將個魚身同魚頭放落湯底一齊煲😁喺出面拎嘅丸類同蔬菜款式唔算多， 仲要畀我見到有頭髮係啲辣椒碎度🤦🏻‍任食嘅豬肉同牛肉質素亦都好一般😑餐廳俾想像中細，坐得幾迫仲要壞咗冷氣，好似焗住桑拿咁打邊爐🤦🏻‍埋單一千六百幾蚊，呢個價錢我覺得可以食到質素好啲嘅食物👎🏻

行街行到攰上openrice搵吓有咩任食火鍋發現到附近有呢一間橫濱水產有任食火鍋同埋燒肉我哋叫咗嚴選美國牛肩肉放題加刺身套餐首先會有刺身頭盤，包括左三文魚、甜蝦、北寄貝、油甘魚甜蝦大隻，三文魚肥美，油甘魚新鮮，北寄貝爽口我哋加咗$28要咗鴛鴦湯底一邊叫咗日式沙嗲一邊叫咗昆布湯配料選擇都幾多，應有盡有牛肩肉我覺得燒比打邊爐更好食因為牛油燒左出黎更有牛味如果可以提供埋鹽同黑椒就更正添啦豬肉就用打邊爐好食啲飲品方面我覺得朱古力沙冰係最好飲水蜜桃🍑乳酸都好飲，可以一試！

揀左淨打邊爐，被安排坐路邊細枱，個爐明顯有問題，煲左成個鐘都滾唔起，個侍應話因為湯底係sukiyaki,比較“結”身，係咁。。唔會滾起。咁都講得出，真係以為食客無腦，又換煲，又換湯底，叫佢換個滾得起既湯底，坐成粒鐘，結果都唔滾，最終先肯換有鐵板既枱比我地，唔使5分鐘即滾起。。。。求奇食d野就埋單走。。。最衰既就係，見到之後黎既人，都照安排有問題個張枱比其他人，一樣係滾唔起，明顯係餐廳侍應蝦食客唔出聲。。。堅衰。。。野食唔特別好食，仲一肚氣。無下次

朋友見上網有宣傳 一於陪佢好好去食返餐😚 餐廳地點係旺角近油麻地方向 位置都幾方便 就腳易搵👍🏻 我地第一次食 揀咗最平個款試下餐廳質素如何先 $198套餐 開始會有個刺身盤 按人頭計份量 我地個日去食就有三文魚 甜蝦 帶子 北寄貝 食落各款都新鮮 正正常常咁 刺身就係唔可以再追加 算係解左口癮🤫 食完就開始套餐既主項 打邊爐！都有幾款湯底可以選擇 我地簡咗日式🇯🇵 大愛 壽喜燒🍲 套餐主要有 嚴選美國牛肩肉 雞腿肉 穀司黑豚肉 放題任食 一開始會各黎一盤 我地兩個人就一開就會有六盤 各款有兩盤 一盤份量唔算太多 大概四片左右 所以通常一定要ENCORE💫 我地後來夾夾埋埋一人都食咗6盤左右☄ 以牛肩肉質素最高 推介愛牛之人去食哩款 感覺上唔會讓你有所失望🐮而出面亦有個自助區可以隨意選擇配料 亦有少量熟食提供 款式真係算幾多🥰 望落幾企理 侍應一見到某款配料差唔多被人攞哂都好快fill返一盤新既 所以基本上想食咩都唔洗點等👍🏻 厚花膠係幾特別既一款配料 平日少見兼幾吸湯底 蜂巢豆腐都係吸味之選✌🏻 另外出面仲有好多款既丸 菜同菇 基本上平日你係放題遇到既 睇到都唔會感到陌生☺️ 除咗食肉

今日去咗油麻地買嘢， 星期六驚太多人一早就去咗搵食， 呢個鐘數去食放題仲可以好經濟。😍唔同嘅放題套餐，會配上唔同嘅刺身併盤。就揀這款 《嚴選美國牛肩肉放題 ＋刺身套餐》$198 任食兩小時。餐廳裝修十足日本居酒屋風格， 唔侷促周圍都有大玻璃望到街景，仲間開咗幾個主題嘅獨立房間。餐廳另一邊擺放住個款 任取火鍋料， 貢丸，雞尾腸，蟹柳，烏冬， 豆腐芋絲，多春魚，雞肉， 花膠仲有午餐肉， 蔬菜類別則有 三，四款。另一邊凍櫃側擺放冷盤，涼菜，泡菜為主。 底盤雪到好硬。 只係取了酸辣鳳爪和韓式泡菜， 兩款味道都唔錯， 韓式泡菜夠爽脆。各款醬料和兩款熟食。 炸芋圓和炸雞翼， 熱辣辣炸起趁熱食ok㗎！揀咗蕃茄濃湯底。 爐頭設計一邊係九火鍋電磁爐另一邊係類似鐵板燒但上面放了牛油紙， 可以放心燒唔容易燶。飲品都是剔紙仔order, 任飲模式可以試多幾款。藍莓乳酸， 味道唔錯嘅雖然乳酸味唔太濃。柑桔蜂蜜綠茶， 味道正常仲幾有柑桔味。特別版喎＞＞ 冰凍嘅罐裝可樂。個friend 飲咗杯熱檸水，但係個樣同味道唔似用鲜檸檬冲， 似飲緊康鈣C喎! ? 任食嘅肉類包括牛肩肉和黑豚肉。 每一盒份量只有五，六塊，薄薄的

My friend and I went to a Japanese restaurant called ”+遛Local Bar@Grill & Hot Pot ”(橫浜水產磯燒) located in Nathan Road, Yau Ma Tei油麻地彌敦道558-560號譽發廣場8樓.The restaurant is decorated in Japanese style with vibrant colour Japanese characters!!There are 4 difference buffet dinner sets which allow customers to enjoy sashimi/BBQ/hotpot/isoyaki at the same time!!They cost HKD$198/HKD$258/HKD$328/HKD$398...We chose the HKD$258 dinner buffet set which is “US supreme beef buffet + seafood set” (美國嚴選牛肩肉放題 +海鮮套餐）

大學同學聚會約食飯地方時忙得濟無表態就跟大隊去。。。然後就知瀨野了同學話係佢疏唐親戚開既可免費有間房去到點知間房既所有枱都係四人枱book個位同學又未到我地問個侍應 佢話張張枱都係四人枱咁我o哂咀。。。後尾見到隔離房得一張枱我地逼小小坐得哂六個人既就轉左個間房揀左$3xx既套餐有一盤刺身刺身個樣同味道算ok一邊燒 一邊打邊爐海鮮拼盤海鮮唔算好新鮮用黎燒係有腥味的 又要等好耐我無影到打邊爐食物因爲好普通 食得落口既 只係個人覺得唔值呢個價錢外面自助吧下層有少量熟食中高層係瓜果類丸類 菜類自助調料吧飲品同學話大部份特飲都係伏偏甜 香精味etc三百幾蚊去食真放題好過總結：餐廳職員反應慢 唔會主動收吉碟食物性價比低 坐底係木硬凳個人坐得有d辛苦

今日收工後去旺角接上完手工藝堂既媽媽, 然後黎個母女自私食, 媽媽話上堂前見到同一棟大廈有刺身+任食牛肉放題好似唔錯, 咁就決定試下。.餐廳有4個放題套餐可以選擇, 由親民價至貴價, 豐儉由人。.我地揀左最親民既<美國牛肩肉放題+刺身套餐>。.頭盤刺身有三文魚、甜蝦、北寄貝、油甘魚。任食既就有美國牛肩肉、穀司黑豚豬、雞腿肉。.先揀湯底, 由於媽媽鍾意食魚, 我地揀左三文魚湯底, 冇三文魚但味道濃郁。.至於刺身挺新鮮冇腥味。.主打既牛肩肉質素一般，唔會有筋鞋口, 每次上檯分量得三片, 食哂再嗌唔會浪費~.而自助bar食物款式都算多, 有開胃前菜小食例如螺肉、泡菜、鳳爪等等, 打邊爐既食物就有多款蔬菜菌類選擇。.飲品方面, 有別於一般既放題只有罐裝/ 盒裝飲品, 餐廳提供既大多數係即沖飲料, 好有特色味道就唔錯。

今日約左3個朋友出黎旺角傾野，諗住搵間抵食既打邊爐任食，search到呢一間位於油麻地同旺角中間既橫濱水產，仲可以燒埋肉添！我地唔食得多野，簡左最平個個set: 嚴選美國牛肩肉放題+刺身套餐刺身頭盤每樣每人有2塊，有三文魚、甜蝦、油甘魚、北寄貝三文魚同油甘魚新鮮肉質好，北寄貝好鮮甜，甜蝦比想像中大隻！我地想要鴛鴦湯底，加左$28簡左日式沙嗲同埋昆布湯除左牛肉同豬肉係叫之外，其他配料都係自助形式，仲有啲熟食同餐前小食有芝士丸、蟹子丸、烏冬、芋絲、午餐肉，基本火鍋配料都有齊燒牛肉比打邊爐正，個牛肉味出啲，豬肉由於本身冇咩味所以放落湯底到更好食飲品都幾多選擇，凍檸茶檸水、凍咖啡奶茶，乳酸同沙冰都有，沙冰係即叫即製，士多啤利冰好飲！

朋友介紹了間幾第食的餐廳給我今晚跟媽子去了試試, 哩到既坐位超有空間, 可能是預了放題要放很多食物在桌上我們揀選了最優惠的放題 + 刺身套餐 - $198] 這個放題真的性價比高, 更包了飲品  刺身頭盤 : 三文魚, 甜蝦, 北寄貝, 帶子 2 人份刺身, 份量很足, 而且挺新鮮 , 而且是厚切的呀 嚴選美國牛肩肉火鍋放題 (無限追加)-       美國牛肩肉 -       雞腿肉 -       穀司黑豚肉挺欣賞餐廳的是烤爐上用上了牛油紙, 所以不會很易燶 而肉類一般都有油份, 所以這樣燒烤可以少油健康好多 而且所有肉都可以無限添加的哦 我最喜歡反而是餐廳的雞肉, 很嫩 追加了2 次呢~~~自選火鍋湯底有120分鐘 , 可揀2 款湯底-         橫浜昆布湯, 內有超大塊的昆布, 很浮誇-         日式豬骨湯, , 濃郁的豬骨湯, 火鍋一定冇得輸 餐廳更設有自助火鍋Bar , 有很多食材給客人做火鍋及燒烤食材除了平時所見, 更有 “厚花膠” , “蓮藕片”, “麻吉燒” “多春魚” “大蟹柳” , “甜不辣”. “蜂巢豆腐”,  仲有“日本紫薯”哦!!  香烤/