橫浜水產磯燒+遛Local Bar@Grill & Hot Pot (已結業)

約左fiancé放工嚟呢邊食飯，我地又想打邊爐又想烤肉，竟然真係比我地搵到呢間兩樣都有！我哋揀咗美國牛肩肉放題加刺身套餐，每人$198再加一。一坐低先揀咗湯底，揀咗壽喜燒同埋蕃茄濃湯。個過頭waiter 送上刺身，我食左三文魚、甜蝦同北寄貝，甜蝦最出色！超大隻勁鮮甜爽彈！跟住送上兩碟美國牛肩肉同埋兩碟穀飼黑豚肉，啲紋都幾靚，脂肪比例幾好，唔會太瘦或者太肥。用黎打邊爐會好食過烤，烤要好小心睇火，一個唔留神就會將佢地變成jerky 😅😅。同埋烤會勁彈油😭係咁彈到我。丸類、菜類同菇類都係自己出去夾，重有啲冷盤前菜。烤嘅話我覺得烤丸類同雞翼係最適合！黃色嗰舊係麻吉燒，烤完外面好脆，入面嘅麻糬非常軟綿，好好食！雞翼烤到個皮勁脆！加啲七味粉一齊食超正！多春魚都烤到外脆👍🏻👍🏻打邊爐都最啱烚下菜同菇類，平衡返無咁油膩。比較鍾意番茄濃湯夠酸Mei Mei，壽喜燒愈滾愈濃太鹹，記得要叫佢加水唔好加湯。除左生既食物，調味料上面重有啲炸單骨雞翼同壽司～雞翼香脆帶啲辣好惹味！壽司都唔錯，不過有舊一夾就散左啲餡。野飲都係任飲，水蜜桃紅茶中正我紅心❤️少甜得黎飲到淡淡既水蜜桃味🍑🍑無個種好假既糖水味。水蜜桃乳酸都唔

譽發廣場新開左間任食店，價錢同出面差唔多, 不過呢到可以邊打邊爐邊燒烤, 仲有刺身，一次過滿足你三個願望。 我哋就揀咗嚴選美國牛肩肉放題＋刺身套餐 刺身好鮮甜，食完唔夠喉可以加錢再叫。自助ＢＡＲ有熱食有火鍋料，炸香芋丸甜度剛好亦唔油膩，我一個人都食左三粒。 我地揀左個360牛乳海鮮鍋, 味道清得黎仲好香。火鍋料有多種款式可以選擇， 推薦必食蟹柳，佢係貴價蟹柳，食到蟹味口感亦都彈牙。同埋黑豚肉都幾出色。呢到飲品都係賣點之一，因為有好多款，綠茶，紅茶，沙冰，奶昔，花茶，汽水，檸檬茶，奶茶等等，比起平時打邊爐只得罐裝飲品，呢到款式比較多，好有誠意。因為花茶比較特別，我叫左熱洛神花茶同埋熱玫瑰花釀，甜度岩岩好，我覺得好好味。仲有奶昔都係必叫之，即叫即沖即整，芒果味同巨峰味都幾正。 最後仲有甜品，呢個系上OPEN RICE睇到有甜品先問職員有無架，呢個朱古力味好香濃，唔錯。 呢到環境好好, 不過爐既位置同我太近，如果唔小心整到d水系燒烤爐到，就要小心彈油。

咁啱行過旺角譽發有好多上樓餐廳，見到有日式火鍋，於是上去試吓。佢地有幾款餐可以選擇，我地就選擇咗美國牛肩肉放題 +刺身套餐，入面都坐得舒服，裝修仲幾有日本feel，店員首先叫我地選擇湯底，我地叫咗日式沙嗲湯，佢地同港式沙嗲湯唔同，冇咁油，都幾清，要黎煮肥牛一流。店員好快就拎咗刺身拼盤黎，分別有三文魚、帶子、北寄貝同甜蝦，d刺好新鮮，一d腥味都冇，三文魚好肥美，帶子同甜蝦都好鮮甜好大隻，北寄貝好爽口，正美國牛肩肉、黑豚肉同雞肉都好快上枱，牛肉唔太瘦唔太肥，好重牛肉味，煮耐咗都唔會太韌，黑豚肉同雞肉都幾瘦，d肉質好滑，呢幾款肉係無限任叫，佢地上菜速度都幾快。出面都有小食可以任攞，有小丸子、炸雞翼同壽司，小丸子同炸雞翼都係啱啱整起，熱辣辣，都幾好味，而壽司唔係一般嘅卷物，佢入面有幾款刺身，d刺身都好新鮮彈牙。出面雪櫃都有好多款火鍋配料可以任攞，仲有多款日式前菜，真係好多野食，性價比好高。呢度d飲品都好特別，有沙冰、乳酸飲品，我地叫咗朱古力沙冰同水蜜桃乳酸，朱古力沙冰好濃朱古力味，d沙冰好幼滑，而水蜜桃乳酸，酸酸甜甜好開胃。

男朋友想吃火鍋，在旺角逛了逛，到了一間新開的樓上店試一試。時間還早，不是太多人，walk in 都有位。除了火鍋，還有不同類別的餐，火鍋加刺身前菜或火鍋加磯燒。今次同男朋友簡簡單單試下美國牛肩肉放題加刺身套餐，刺身頭盤有三文魚北寄貝甜蝦帶子，雖然刺身不是任食的，在火鍋前食下少少刺身過下口癮。火鍋湯底有很多選擇，我們揀了360牛乳湯，奶味濃郁，以南瓜作配菜。我們主打牛肩肉，有些會連帶少少肥膏，有著牛肉味。火鍋配料還有各式丸類，蔬菜，菇兩個凍柜選擇。最後以出前一丁作結。飲品方面，有些無酒精的飲品如草莓沙冰、水蜜桃乳酸也是任飲的。好多選擇。

今日油麻地食飯，朋友帶我去成幢樓都係食肆嘅大廈入邊，樓下收收埋埋啲傳單見到有一張係介紹呢度可以打邊爐，又有刺身做頭盤添，就嚟啦。我哋揀咗最平嗰個套餐， $198一位，限時120分鐘。包刺身頭盤，有甜蝦、帶子、三文魚、北寄貝。好新鮮。任叫牛肉、雞肉、豬肉。不過比較薄切，食肉獸就要瘋狂加單喇。嘢飲都係任飲，每杯都係呢度個水吧即沖出嚟，亦都有罐裝飲品。呢度火鍋配料都算多選擇，我最愛嘅魚蛋年糕、蟹籽丸都有。好彈牙。蔬菜都有四款、菇類有五六款。呢度仲有啲冷盤，例如中華沙律、螺肉、泡菜，仲有我最愛嘅紫薯仔。湯底我地揀左壽喜燒。甜甜地，幾好味。等個湯滾嘅時候可以食住啲熟食先，有三文魚壽司、章魚丸子、炸香芋，炸香芋超足料。醬料都有花生醬、沙茶醬等等。呢度有幾間包廂，一大班朋友打邊爐同埋磯燒都唔錯。星期六好爆場啊。可能太好生意，冷氣比啲蒸氣攻到壞埋哈哈。

經過油麻地見到依間又可以食燒肉又可以食剌身又可以打邊爐既餐廳,最岩幾個朋友一齊食野但又諗吾到食咩既黎試,咁就可以滿足哂幾個人既願望👻我地今次叫左美國牛肩肉火鍋放題加剌身套餐(成人$198 小童$158）剌身有三文魚,北寄背,甜蝦同帶子,每樣大概兩片,好多有埋剌身既火鍋店剌身都會比較遜色,但依度既剌身比想像中厚切同新鮮,甜蝦同帶子好大隻好鮮甜!出面會有個自助區可以自己拎火鍋配料,配料有好多種選擇,例如芝士丸,蟹子丸,芋頭,魚,泰式鳳瓜,螺肉同中華沙津都有,出面仲可以自己調校醬汁,有我最鍾意既胡麻醬,點牛肉好好食!我地揀左日式沙爹湯同蕃茄湯,比較失望既係湯底吾夠濃郁,所以配料一定要點埋醬汁先夠濃味.肉有牛肩肉,雞腿肉同黑豚肉,味道都吾錯吾會好韌😋而飲品都有好多選擇,除左有汽水烏龍茶仲有冰沙同奶昔,本來對火鍋店既自製飲品無咩期望,但驚喜既係朱古力冰沙朱古力味好濃好好飲🥰

現場坐位數目不多，枱與枱之間都幾寬闊很好坐。同朋友傾計一流。食物bar 有很少見的鱔片又唔食，蟹柳都好正，有少見既火鍋食材。熱食會不定點推出壽司圈，炸物之類的小食 味道亦都唔差。雖然豬牛雞肉都係任食，不過牛肉片就比較偏細塊，打邊爐或燒都好 熟了後變得細細塊 影響了口感。而既飲都方面竟然會有沙冰 很特別呢。而海鮮拼盤都十分新鮮。可藉得一試

今日同朋友去左旺角食嚴選美國牛肩肉放題+刺身套餐，$198一人。刺身頭盤，有三文魚、甜蝦、北寄貝同帶子，都幾新鮮甜美，反而有驚喜。可以打邊爐又可以燒烤，打邊爐湯底揀左壽喜燒，店員會幫忙加湯，不過食到最後就有點咸。任食嚴選美國牛肩肉、精選雞腿肉和嚴選穀司黑豚肉，每碟份量少少，賣相一般，味道都正常。除了肉類還有蔬菜、丸類按自己喜好取。飲品任飲，可選紅茶、綠茶、乳酸、冰沙花茶、奶昔系列，仲有汽水、咖啡、奶茶等等，我們選了巨峰乳酸和凍水蜜桃紅茶，飲品選擇不像其他放題，通常都是罐裝。

知道橫浜有經濟的火鍋放題，即跟老死來大涮一餐。點了最經濟的嚴選美國牛肩肉火煱放題 $198，實行食平尐 😂😂八款湯底，選了日式豬骨湯。四格鍋底，可以同時滿足四位不同口味的顧客。四式刺身盛，有三文魚、北寄貝、甜蝦及帶子，每位兩件，絕對公道。主打的精選靚肉，有嚴選美國牛肩肉、精選雞腿肉及嚴選穀司黑豚肉。火煱配料櫃，選擇繁多，質素尚可。從兩櫃配料中選出了金菇、冬菇、小甘荀、娃娃菜、蕃茄，食材新鮮，夠新鮮就是皇道。至愛的午餐肉😄😄、蟹柳、煙鴨胸及年糕魚蛋。年糕耐煮，口感煙韌，是不錯的火鍋配料。藍莓奶昔，口感跟味道不錯，是會添飲的項目；士多啤梨沙冰則未見特別。

食放題雞煲個d食到悶但又想平平地食～依到好適合我地依啲大食女生🤣依到有刺身有燒肉有火鍋仲有任食既冷盤～我地揀左最平個個set $198/位 包四款刺身同任食火鍋，火鍋可以選兩款湯，揀左蕃茄同沙嗲，蕃茄味香濃，有原粒新鮮蕃茄同洋蔥👌🏻而沙嗲味吾算好濃，食到最後好咸～幾款刺身都算新鮮 但每款得2塊好吾夠喉🙈😭有三款肉都係任食，分別係黑豚肉 雞腿肉 同牛肩肉，薄片牛肩肉脂肪分佈平均，好林吾會好韌👌🏻係出面有任食既加料區，最驚喜連麻甩系女生至愛既雞子都有😍普通既雜丸都齊備，但無芝士丸😭😭😭不過好推薦食麻吉燒，另外有花膠同鯇魚，都好新鮮好味😌最後飲味都是任飲，推介自家製冰沙😬我地揀左朱古力冰沙，好濃朱古力味！即叫即整凍冰冰好爽🍹怕肥就飲Coke Zero同無糖烏龍茶啦🤣

又來譽發廣場搵食，其實早幾日陪朋友去一樓食壽司、刺身的時候，就已經留意到大廈入面有間叫「橫浜水產磯燒+遛 Local Bar@Grill & Hot Pot」嘅食肆。瀏覽過餐廳網頁，原來店子以無煙板燒+火鍋雙放題為賣點，想起已經很久沒和小鬼去吃燒肉，加上這裡仲要有埋火鍋，可以二合一，所以就立刻訂了檯，趁小鬼考試前來吃頓打氣晚餐。 餐廳位於油麻地彌敦道 558-560 號譽發廣場 8 樓，店面地方不大，但環境開揚不侷促，加上有落地大玻璃，整體感覺舒服！另外店內亦設有多間廂房，私隱度甚高，適合一大班朋友來聚餐，不會受到打擾。先細看餐牌，晚市放題有幾款唔同組合可供選擇，定價由最平 $198- $468 不等。小鬼向來精打細算，所以今次就揀咗個最經濟嘅「嚴選美國牛肩肉放題+刺身套餐」 ($198)，放題限時為 2 個鐘。點完套餐就輪到揀湯底，湯底共有 8 款可供選，包括橫浜昆布湯、番茄濃湯、三文魚味噌湯、日式沙嗲湯、辛辣味泡菜湯、360 牛乳海鮮湯、壽喜燒同我哋揀嘅日式豬骨湯。趁湯底未滾，先外出「混醬」，醬料共有  10 款，有辣椒油、日本芥辣、日式燒肉汁、辣椒粒、麻醬、沙茶醬、炸蒜、蔥粒、沙

油麻地充滿各式各樣的火鍋店，今天和男友🐽剛巧經過這間好像很抵食，馬上上去試一試。店面不算大，平日晚上都很快會滿座，所以想吃的朋友最好就先訂位了。這間餐廳最特別的就是可以同時吃火鍋和韓燒，一次過滿足兩個願望。但是我和🐽都是火鍋怪，所以只選擇了火鍋套餐。湯底選擇了壽喜燒，非常濃郁，而且越煮越濃味，如果想吃食材的原汁原味，選擇這個就不太適合了。另外這裡有蠻多前菜，有壽司、涼拌木耳、泰式無骨鳳爪、中華沙律和螺肉。鳳爪非常入味，而且每一塊都很大，另外中華沙拉的海帶十分好吃😋地瓜球也是我吃不停口的重點，飯前飯後吃都一流，蕃薯餡料滿滿的🥰主角的牛肩肉、黑豚肉和雞腿肉很快就到。雖然盤子很小，但肉類是自由refill，所以可以滿足到小鳥胃和大胃王的需求。牛肩肉味重，但最喜歡的是雞腿肉，不僅份量多，而且雞肉很滑，高質🤤當然少不了海鮮拼盤！足足有5種海鮮之多，而且每一樣都非常肥美，最喜歡的是大大件生蠔👍🏻👍🏻自助區有很多不同種類的食物，丸類、蔬菜、菇類，比很多火鍋店選擇多很多，而且用料新鮮。飲品可以選擇普通罐裝或是不同特色飲料。我最喜歡的是香芋沙冰，大大杯十分解渴，而且香芋味道濃，好像每一口都在吃雀巢香芋雪

早前經過譽發廣場，發現新開了一間名叫橫浜水產的放題店，看見價錢不貴而且有不同價目的套餐選擇，更可以食足2小時！於是馬上相約朋友前來一試，我們選了$258的牛肩肉火鍋放題，價錢合理而且可以任飲任食，飲品更有不少特色飲品，如果食量多的話其實都頗划算。店內環境很有特色，日本風很重，看見裝潢十分用心，甚有特色。橫浜水產的爐分別火鍋和燒烤兩邊，所以不單止火鍋，還可以將食材放到燒烤盤上燒，兩種食法一次過滿完燒烤和打邊爐的慾望！下單之後可以到外面的自助Bar混合醬料，醬料選擇都算多。另外更有一些少食可以隨便拿，而我就拿了章魚燒和卷物，章魚燒略嫌粉多了點，如果混合多點蔬菜口感應該更為豐富，而卷物則非常好食，可惜之後沒有再fill過，這點是令人有少許失望的。火鍋的自助Bar有超多款式可以選擇，有大量不同的蔬菜和丸，還有餐肉及芝士腸，更有烏冬和出前一丁，完全不用怕沒有喜歡的食物，這點實在值得一讚！和朋友都喜歡360牛乳海鮮鍋，所以索性點一樣的，如果大家想試不同的可以點兩個不一樣的湯底。牛乳海鮮鍋味道傾向清淡，但帶點鮮味，實在不錯！套餐包海鮮頭盤，擺盤精美呃Like一流！而且食材都好新鮮，帆立具大大粒，海蝦

2019年6月2日。油麻地。雨。譽發廣場多餐廳，呢日就嚟呢間新開嘅打邊爐～～餐廳個名有啲長，哈哈～餐廳喺8樓，都係出電梯直達～提供唔同嘅套餐選擇，大致可以講係唔同價位嘅牛肉同唔同質素嘅海鮮嘅配搭豐儉由人～我哋就揀咗嚴選美國牛肩肉放題＋海鮮套餐$258加一，海鮮只上一輪，但係牛肉、豬肉同雞肉就任嗌～除咗套餐入面嘅嘢食，外面仲有蔬菜、丸類，自助形式供應飲品就剔紙仔落單，環保啲就咁同店員講亦得～海鮮出場～～～好壯觀呀～有大大隻蠔！大大隻海蝦！大大隻帶子！仲有蜆同螺～～見到都口水流～牛肩肉、黑豚肉同雞脾肉先每樣嚟兩兜肉質唔錯～任食回本！餐廳最特別嘅地方在於佢個爐一個爐，兩種食法！一邊打住邊爐，另一邊就可以燒肉～即係任何食材都可以自己揀點煮～有得揀，先至係老闆海鮮除咗可以淥，仲可以燒～雞肉亦得～金桔檸檬，酸度適中，潤喉解渴～連最啱女仔飲嘅薑母茶都有！仲要好味！飲品選擇都好貼心～性價比高，非常抵食！

今日同朋友行街，夜晚肚餓咁就梗係搵食咩啦。旺角呢頭好多唔同嘅餐廳，不過今日我想食燒肉，但係朋友又想食火鍋打邊爐。竟然咁岩經過見到呢一間餐廳，又可以燒肉又可以食火鍋，咁就一於去試吓啦。原來呢間餐廳係新開嘅，咁我哋就叫左呢個嚴選美國牛肩肉放題加火鍋海鮮套餐。除咗可以落單啊嘢食之外，出面都有好多火鍋材料任拎架。哇 呢個海鮮拼盤好大個喎，而且見到海鮮都大大隻，食落仲好新鮮添。呢度既牛肉豚肉同雞肉都係任叫嘅，每次叫就一碟碟咁上，食幾多叫幾多，唔怕浪費。值得一讚嘅係，呢度嘅飲品都係任叫嘅。而且佢嘅飲品唔係平時好敷衍嘅普通罐裝支裝飲品，而係可以叫凍檸茶，或者冰沙。我叫咗兩杯唔同味嘅冰沙，而朋友就飲奶昔，兩者味道都好好。估唔到主打燒肉嘅餐廳，都會有咁有特色嘅飲品喎。呢間餐廳好適合一大班朋友嚟gathering，因為可以食自己鍾意食嘅嘢。下次有機會一定要帶朋友再嚟試吓先。