橫浜街場 (已結業)

這與銅鑼灣來一鍋 為同一個集團這間火鍋店走健康路線，用杉木桶盛鍋底，水滾時，湯會由周圍的小洞流出，流出的湯底會分隔走油，剩下香濃的牛湯，感覺喝湯底很健康清甜，一點也沒有罪惡感。最有趣的是木桶底會有鵝春石，據職員說，對身體很有益處呢。 貼在牆上的木牌也有介紹杉木的益處。其木香有助殺死病原菌，更有助減低皮膚炎症。除了健康， 這裡的食物全都新鮮，真材實料。先說雙併魚皮，選了川味魚皮及特色魚皮，炸得香脆不乾，亦不會感覺太油膩。特色魚皮釀了魚肉在魚皮內，感覺很特別。特色五寶丸就集合店內5種味道的丸，分別為手打墨魚丸，手打芝心牛丸，手打貢丸，手打豬肉丸及手打蝦丸。全部新鮮彈牙，鮮味很重。我跟朋友食後都嘩一聲👌再叫多一個芝心牛丸，牛味重， 加上微溶的芝士，口感一流。很少有餐廳有馬來西亞魚麵，特地點了一個。份量多，煮後十分彈牙，好像在食拉長版魚蛋。很飽肚👍叫了一份小安格牛，脂肪不重但十分新鮮，在木桶小洞流出來的湯煮熟，出來的牛肉湯十分鮮甜又不油膩，好正🙌🏻脆鯇腩物如其名，新鮮脆口，不多骨。在湯內煮長時間都保持脆口度。火鍋必點。我們叫的鍋底是四川麻辣牛腩鍋，淨鍋底已經十分足料。起碼10件大牛腩，配料多，

今晚同朋友諗住打邊爐。返工咁辛苦，梗係要慰勞一下自己。唔想屈就自己劣食啲酒樓任食打邊爐，對自己好啲，一於試下呢間新開嘅橫濱街場。一間餐廳嘅裝修好與壞，絕對係俾客人嘅第一印象。呢間橫濱街場嘅裝修係藍球&足球場，有好多球員卡通人物、籃板、足球龍門，真係夠晒佬味。同打邊爐呢啲咁佬味濃嘅飲食文化真係好夾。湯底方面，我地叫咗個喇沙海鮮鍋。打咁多次邊爐，木桶噴泉火鍋真係第一次見，好有新鮮感。店員介紹話木桶係由馬來西亞進口，杉木養生，而且個噴泉可以隔油，噴出黎果啲湯底可以直接飲用。的確打足兩個鐘頭邊爐都唔覺得油利。湯底好足海鮮料，啲蝦仲要有膏嘅！仲有青口、蜆肉。火鍋配料唔係任食，係逐碟order。正所謂食得多不如食得靚，我就情願逐碟叫，可以預期啲火鍋配料會新鮮啲同質素好啲。日式長蟹棒每條有30cm咁長！真係拎黎影相都得！啖啖肉，無咩雪藏味。紫菜炸響鈴即叫即炸的。除咗新鮮無油抑味之外，夾咗層紫菜係中間，口感好豐富。特式炸魚皮Surprise! 中間竟然夾咗層墨魚！估佢唔到！好有咬勁。蝦丸，呢度啲蝦丸肉，食得出係新鮮蝦肉造嘅，係酒樓任食啲蝦丸肉係梅嘅。喂完全兩個層次wor。墨魚丸，同樣都係新鮮嘅新鮮滑牛

旺角越開越多邊爐店，今次聽朋友介紹黎左橫浜橫場，sell健康邊爐😋邊爐有別於一般邊爐店，佢以木桶做鍋，桶邊有洞可以直出已隔油ge湯，即刻飲湯都覺得罪惡感減半。鋪頭新開無幾耐，裝潢幾有特式，座位寬敞舒適。鍋底有唔少選擇，我地揀左喇沙海鮮鍋。鍋底一d都唔hea，好足料，有大蝦、青口同埋蛽，仲要份量都唔少，好抵👍🏼我地揀左兩款肉，包括新鮮滑牛肉，新鮮豬頸肉。兩款肉都好靚好新鮮，牛肉堅滑，口感好好，豬頸肉好爽口，唔錯。日式長蟹棒，真係好長，起碼係平時食開長一倍，爽口，唔係出面食開淥兩淥就散。紫菜炸響鈴，即叫即炸，好脆好好味，加左紫菜真係畫龍點睛👍🏼特式炸魚皮，都係即叫即炸，店員特別推介。呢份魚皮真係好有驚喜，本身魚皮有層墨魚係面，點埋個蛋黃醬真係不得了，正!我地仲叫左墨魚丸同蝦丸，個人鍾意墨魚丸口感多d，不過兩款味道都唔錯。兩個人食食左五百零蚊，食到好飽咁走，因為無預過鍋底都有咁多料。呢間邊爐店食物好有質素，絕對值得encore!

偶然之下見到呢間餐廳既木桶湯底，覺得幾特別所以就同朋友去試。我地想點啲清甜少少既湯底，想叫椰子雞湯的，可惜賣晒，最後轉左野菌湯。點左冇耐佢就黎，佢真係成個木桶咁上，賣相真係唔錯。開始食果陣，仲留意到佢旁邊有d 噴水既窿仔，本身以為係啅頭野，點知店員解釋原來有隔油作用，由噴泉出黎D湯極少油，可以健康咁飲。而且佢話個湯底每樣配料都有講究，係對身體有益先會放落去，最重要係真係好清甜，我同朋友係咁飲。我地仲點左其他野食，肥牛脂肪比例ok, 個人就鐘意肥多少少，就咁啅一啅，唔洗點醬油已經夠味。手打丸雖然份量唔算多，但好有誠意，5粒分別係墨丸，雞，牛，豬，仲有一樣朋友冇鬼用食唔出，一次過試晒咁多種唔同口味。值得一提既係炸魚皮，佢呢隻炸魚皮好特別，係有涵的，佢炸得好脆，而且唔太咸，涵同皮既味非常配合，絕對值得一試。呢味餸要襯熱食先試到個精髓！我地仲點左其他蔬菜等等配料。食到勁飽足，我見佢地其實有好多湯底可以揀，下次再黎試其他😀

公司附近開咗間日式打邊爐餐廳佢係主打用木桶打邊爐所以都幾有噱頭一定要試吓🤣🤣🤣環境非常好就算兩個人食都俾張卡位我哋坐，一定要俾個like👍🏻✨有落地玻璃，對正旺角彌敦道真係好舒服😊主打木桶打邊爐設計用溫泉原理不斷循環流出湯底真係好得意😆我哋叫咗個花膠響螺雞煲湯底勁多材料，有花膠、杞子、人參、響螺頭同埋雞！味道濃郁！😆飲湯，食花膠、雞其實都已經飽飽地！🤣經理都親自介紹推介食材主打響鈴、餃子因為係自家製作所以都新鮮👍🏻☝🏻椰菜餃子都好鮮味！大大隻！☝🏻響鈴非常鬆化，份量適中☝🏻蓮藕片好厚身，新鮮☝🏻日式蟹柳真係超級大條😆係平時嘅一倍長度！非常有驚喜！☝🏻牛肉粒叫咗個熱食，半成熟，有牛肉味，ok ！☝🏻香茅檸檬梳打總括來說：地方舒服，服務很好，食材精緻新鮮！非常滿意！

This restaurant has great food and a relaxing atmosphere.Firstly, the food is outstandingly fresh, including the beef, the seafood, the pork and the lamb.The beef is extremely juicy and the pork neck meat has amazing consistency. Secondly, this restaurant features a very unique aspect of 杉木 hotpots which have holes in the side where soup without oil flow through. You can enjoy the soup without oil whenever you want during the delicious meal. The experience is also supported with ipad ordering an

同朋友出去食飯，佢話公司附近有間唔錯打邊爐，話請埋我食，我就緊係話好啦。我地好早到，所以唔洗等位就入得，餐廳既位置寛敞，我地2個人座卡位，直情訓係度食都得，多d人黎食都冇問題。座底冇耐我地就點野食，我地點左個野菌清湯，加上其他配料。個湯鍋一黎到我地已經被震懾，成個木桶搬過黎，幾有睇頭，d湯好有新鮮菇味，幾清甜。之後係炸魚皮，我地點左兩款，兩隻都好脆，我特別鐘意左邊果隻，咸咸地好香好惹味，咬落shot shot 聲，超級正！打邊爐又點少得響鈴，但響鈴要配合靚湯底，因為佢會吸左好多湯汁。我地點左兩款響鈴，分別係原味同芝士，響鈴既口感加上湯既鮮甜都幾屈機，話咁快俾我地掃晒。我地仲點左d 肥牛，手打丸等等，食得出用料新鮮，唔同一般打邊爐既水準。呢間餐廳性價比都唔錯，值得下次再黎，試佢其他湯底！

琴日經過見呢間係新店，好似話開咗兩星期。入到去己有靚靚女店員招乎，佢地5点45分至營業，仲有10分鍾至夠鐘，店員已安排對窗位坐住先，又介紹店嘅特式嘢，到用嗰個木桶打邊爐，經理又會介紹典解用木桶！女友去洗手間要過兩度門，因為扯風門又重，店員又自動幫下手。食蘿蔔餃唔知入面材料，男店店員即入㕑房問，啲嘢好有交帶，好細心。因為新開係人都送碟安格斯，仲有九折！不過食物可以再好啲，例如手切牛，鵝腸。材料靚啲自然吸引到客。今次試四川什菌湯，聞落望落似冬蔭公，食落都ok嘅。如果做到正宗重慶或台式嘅麻辣湯底就更好餐單嘅套餐可以例明有啲乜，唔驶下下問。聽經理講佢地一路修正緊，遲下用電子手賬落單

今日早左出旺角，就決定食完野先行街。入左呢棟大廈後，見到7樓有間新開嘅火鍋店，就入去試一試。餐廳佈置好特別，好似喺籃球場食野咁，好relax，坐窗邊更可睇旺角嘅街景，而且環境好乾淨又闊落。睇完餐牌後揀咗花膠螺頭藥膳雞鍋，個鍋係個大木桶黎，對於習慣食傳統火鍋嘅我地有好大嘅新鮮感。個木桶入面有幾個孔位，會噴返啲湯出黎，如果要飲湯就直接喺洞口接住啲湯飲，啲湯好清澈，唔洗驚飲到油同泡。至於味道真係唔錯，湯底夠濃味，好足料，好香藥膳味，入面有已切件嘅雞，花膠同螺頭，全部嘅質素都好掂！雞好滑同爽口，花膠螺頭都整得好淋！食完湯底材料後就開始食牛肉，今次揀左本地手切肥牛，好香牛肉味，肉質嫩滑彈牙，好正！紫菜響鈴同芝士響鈴好好味！最後食埋蕃薯苗同薯粉作結，好滿意嘅一次火鍋體驗！

吃火鍋係香港人至愛，不論冬天與夏天都照打邊邊可也，追求特色火鍋已經不可缺少，所以好多火鍋店招來食家，便要創意無限，好似最近才開業係旺角一間叫横浜街場，連改名都有創意，原來係火鍋店，設計還無限新意，竟然同運動和健康相連，係乜？一出lift就見到個網閘，重掛上對聯單張，真攪笑，我like入到裡面，好像在籃球場内吃火鍋，有龍門架，真得意，我like個場夠新夠整潔，好有運動健康feel，提升食慾，店長服務十分體貼，介紹亦非常詳盡，推介本店首創木桶噴泉健康鍋~花膠螺頭藥膳雞鍋，用上極品花膠滋補不燥，補充骨膠原，煲起腥潺溶，又大塊，稔滑爽口，藥膳由很多種藥材，配合螺頭和雞，藥氣薰撲鼻，木桶内側有幾個出湯口，店長話用湯匙在出湯口盛載會油膩，夠新意特別脆鯇片肉質厚較實，口感爽脆，營養豐富新鲜牛肉，有光澤，紅色均勻，夠滑且嫩，味道鲜美日本芝士竹輪，魚肉製成，入面滿滿芝士超正，混合雞湯和橫濱拉麵上口，絕配米網炸響鈴，色澤金黃，入口散發豆香，筷子一夾已感非常酥脆，有層次感火鍋配料中，丸類可小，手工潮州鮮肉餃和五寶丸，粒粒新鲜又大又滑，吃落有口感彈牙習慣要加菜吃，吸收油脂，油麥菜我至愛整體10分滿分

今日同朋友經過旺角呢坐商廈，見到有新開嘅餐廳，主打係日式火鍋，我朋友好鍾意打邊爐，所以二話不說就走咗上去。上到去見到個環境佈置得好日式，仲有落地大玻璃俯瞰整個旺角，我哋安排左坐窗邊位，非常舒服。跟住我哋叫咗個叫做橫濱麵鼔海帶湯嘅湯底，呢度嘅火鍋係用杉木嘅木桶來做火鍋，非常特別，第一次咁樣食火鍋。餐廳和杉木有殺菌養生嘅功能，食咗都唔會上火，我哋覺得非常有新鮮感。個湯底除咗有海帶仲有日式豆腐同埋麵鼔，所以本身個湯底都帶點甜味，非常足料，加上木桶火鍋裏面最特別嘅設計係湯底會有木桶執邊既窿窿度噴返出嚟，就好似溫泉咁樣，不斷噴新鮮嘅湯相嚟，將油隔去，食落零舍健康。食火鍋又點少得牛肉呢，我哋叫咗澳洲和牛嚟食，非常新鮮，而且餐廳切得非常厚度啱啱好，雪花分布非常平均，擺入湯底大約30秒到就可以食，食落夠晒滑，而且非常鮮牛肉味。跟住仲有西班牙黑豚腩，西班牙出名黑豚，呢部份仲要係腩肉，脂肪會多少少，但係食落超滑，而且唔覺得肥，比普通嘅肥牛食落更加滑溜，非常高質嘅黑豚肉。最後仲有新鮮嘅淮山片，材料由於夠新鮮，所以淮山索左湯底嘅精華，食落零舍鮮味，口感非常正。呢度嘅火鍋非常特別，而且用了新鮮，值得去試一試。

新鮮兼好味經理介紹菜式好詳細，點咗花膠螺頭雞鍋，瀨尿虾，膏蟹，厚切龍𧄌同一些配料，不過原來食完個煲裡面嘅材料同海鮮，已經有些飽，唔想浪費，唯有再慢慢清曬其他嘢食，愉快的晚餐，滿足

行街行到攰諗住搵嘢醫肚，有個靚女派傳單，全港首創"木桶噴泉火鍋"新張有9折再送肥牛一碟有新嘢就試下啦，街場風格裝潢，好衬個名*橫浜街場👍入到餐廳個感覺非常正，咁就叫咗好多嘢啦所有嘢都好新鮮雙拼魚皮一上台就俾我好朋友清剩2條，我要留返個肚飲花膠螺頭雞湯同食澳州和牛🙊牛先係我至愛，真係諗唔到呢度仲有馬來西亞魚麵，因為個鍋裡面已經有好多材料(花膠，螺肉，雞，)份量十足，所以加左個雜菜盆同半打象拔蚌餐廳送咗一碟安格斯，食到好飽扺食過去海底乜乜好多，最重要係新鮮兼好味

同朋友經過旺角街頭去726美食大廈到覓食,見到呢間新開既餐廳,本身以為叫橫濱應該係食日本野上到去原來係火鍋店.店內裝修有籃球街場感覺,四周既牆有噴漆塗鴉圖,海報,鐵欄.湯底有好多款選擇,除左普通常見既湯底外仲有其他特色既湯底,好多都好吸引.我同朋友揀左喇沙海鮮鍋.鍋一上到枱好有驚喜鍋好有特色係香港無見過咁既木筒鍋,聽介紹話呢個木筒鍋係特別係新加坡訂造而且筒內會有唔同既洞回流返隔左油既湯底做到養生又唔肥膩既效果.喇沙海鮮鍋本身材料都好豐富,大蝦有6-7隻咁多仲有好多蜆鍋係底,每隻蝦size都大大隻而且肉質唔會爛,湯底係精髓喇沙湯底香而濃椰奶唔會太多搶左喇沙本身蝦湯味帶少少辣,十分推薦.日式長蟹棒有成隻碟咁長質感結實唔會因為淥得太耐而變散食完好滿足.特色雙拼自家制鮮炸魚皮,有好多唔同特色既炸魚皮同朋友點左四川炸魚皮同釀有蝦膠既炸魚皮.四川炸魚皮炸得簿脆魚皮上灑上四川麻辣粉帶少少辣味.蝦膠釀魚皮口感幾特色蝦膠既彈牙拼上魚皮既脆口感而且炸得唔油膩邪惡感下降.金錢展同牛脷大大碟,金錢展好新鮮色澤光鮮而且軟淋中帶少少爽脆感又唔會有雪味.牛脷份量十足食落煙煙靭靭又唔會咬唔開牛香幾濃.點左咁多野食好滿