橫浜街場 (已結業)

見旺角新開左間木桶噴泉火鍋，啲湯會喺木桶內圍不斷流出嚟好似日本溫泉，話冇咁熱氣同油膩，香港其他地方又好似真係未見過，就即管去試試！火鍋店喺七樓，六點幾未係好多人，被安排坐幾闊落嘅卡位，旁邊大玻璃可以望到樓下彌敦道。睇返店內介紹先知原來話用杉木桶係會散發啲物質幫助殺菌。而且個鍋會冇咁上火。唔知真唔真呢。見openrice有人推介酸菜白肉卜卜蜆鍋，就揀左呢個清清地嘅湯。好快就有店員拎住個木桶放喺中間嘅電磁爐上。個木桶比想像要大，好似去按摩啲洗腳木盆咁大哈哈。大約10分鐘後就有店員幫我地打開個蓋，同埋教我地用湯勺裝內側噴出嚟嘅湯飲。平時火鍋個湯會越來越油所以好少會飲，但呢個噴泉火鍋原來噴出嚟嘅湯係隔左油，飲落去又幾甜幾清。不過略嫌冇乜酸菜味（後來先明白佢嘅酸菜份量其實預得剛好，否則臨尾再飲個湯就會太酸）。我地叫左6樣嘢食。店員推介嘅特色炸魚皮真心不錯，魚皮脆卜卜配上彈牙嘅魚肉真係幾特別同美味！象拔蚌有6隻都幾大隻同新鮮，不錯。花膠我地太早食，建議可以一開始放哂落去，到最後先食就會更加入味同口感更融化。叫左個新鮮牛白肉，每片都有少量啲紅肉加大量嘅脂肪，唔知係咪灼嘅時間唔啱，我地食唔到人地話彈牙

木桶飯大家可能都有食過。木桶火煱就真係第一次聽，第一次品嚐。一到餐廳入門口左邊就見到落地玻璃窗，寬闊卡座位可以坐6位客人。坐得十分舒服。我食飯就最怕就係太迫，檯同檯距離太近，就算傾計都好唔方便，所以環境都好重要。呢度就肯定無呢個煩惱。一面望住街景，一面打邊爐同朋友傾計，真係好Relax嫁！叫左個花膠螺肉當歸杞子雞煲，勁補。首先，一嚟到，就聞到好香當歸味，湯飲落非常清甜，有一個要注意，就係花膠要煲吓，約十分鐘，等膠質融化係湯裡面，咁就啖啖骨膠元，真係名正言順美肌之湯。呢度特式大木桶，緊係要介紹俾大家，好處係邊度，無啦啦點解要用木桶打邊爐呢？唔通真係無聊咩！其實木桶內有乾坤。伙記話木桶從馬來西亞特制入口，內有數過圓形噴湯水口，飲湯時將匙羹放在水口邊，飲噴出嚟嘅湯，木桶已經自動隔左油嫁。相信大家都會遇到打爐時，爐面果層油呢……，想飲吓啖精華靚湯都好鬼煩。呢個木桶就幫到手啦。仲有就係，木桶底部放左帶礦物質嘅石頭。伙記話咁樣d湯就帶有礦物質，對身體都有益處嫁。好啦…要講食物，都算唔錯，我要推介羊肉，有肉味，又唔騷。滷水豬腸都可以，都好入味。澳洲和牛肉，非常滑，充滿牛味。差d唔記得講，用木桶打爐，

木筒藥膳邊爐已經特別，D湯底真係好有味，我已經食過兩次，一次係韓式湯底一次係花膠湯底都係材料十足，裏好多人蔘同花膠仲有雞，我推薦本地手切牛、墨魚丸、紫菜響鈴。手切牛有咬口墨魚丸夠爽同裏面好似有加大地魚所以食落味道非一般，紫菜響鈴好好味。服務有善材料選擇多👍🏻

天氣仲係好熱 但香港人就係一年365日都想打邊爐 烚下烚下未入冬 差不多7點鐘個天都仲係好光猛"打邊爐梗係要有可口可樂" 但除左可樂 今次仲多左咸檸檬同香茅 學阿sa話齋"爽到震呀~~~~" 同小胖男友打邊爐一向最重視個湯底同碟靚肥牛 今次呢個木桶噴泉湯底 令我同小胖男友都真心欣賞+讚嘆反回原點 最簡單既粟米蕃茄湯竟然咁好味呢個火鍋專用木桶用杉木製成 職員教我地用湯匙放係泉口裝湯飲 的確湯好清好甜 完全無油飲落更有淡淡既木香味 第一次打邊爐都打得咁養生兩個人不斷裝湯飲 飲唔停叫左碟細既牛肉 份量都唔少肥牛既脂肪比例均稱 肉味濃郁而且有咬口另外仲叫左個象拔蚌仔 爽口鮮甜雙色炸響鈴揀左原味同芝士 (芝士有拉絲架好味道)食到最尾湯底仍然係好清 完全唔需要隔油 真係一滴油都無!!好神奇最後估唔到 送既甜唔品都咁有質素紅豆奶凍 紅豆軟而不膩 奶凍又香又滑 配埋造型可愛既容器 賞心悅目

今天和朋友約了聚會，旺角餐廳很多，挑了家新開的邊爐店。店裡裝修很有風格，有點不羈的日本風。我們五點多就到了，當時店裡還沒什麼人。我們點了店裡的特色木桶噴泉鍋。木桶裡面有七八個洞，會往外噴湯，把勺子放在旁邊可以接到沒有泡沫的湯，可以喝，也可以減少之後浮在表面的泡沫。招牌原創水產粥底鍋（$298）湯是奶白色的，裡面的材料很多，有不少的大頭蝦、蟹和蜆。大頭蝦有不少，除了海鮮，底下還放了些黑色的石頭。蝦的個頭不小，膏很多，很香，肉也很結實。手打秘制墨魚丸（$68）墨魚的味道很香，也很彈牙，不會死實，不錯。新鮮牛白肉（小，$88）牛白肉有驚喜啊！肉超香，而且口感爽脆，有一點像胸口油，很不錯，香而不膩，很快就吃完了。特色炸魚皮（$58）炸魚皮也很有驚喜，炸得超酥脆，超香，還帶有一點點的魚肉。魚肉不柴，不霉，很不錯啊，推薦！油麥菜（$38）菜芯的部分不少，好吃。可樂（$10）鮮奶忌廉（$10）我們吃的過程中，店員也幫我們換了三次碟，所以吃海鮮也不會吃得很髒。

打邊爐周街都有，總會有佢自己唔同的特色，有緣試到呢間新野，不過睇佢個名你第一下以為會係食日本野而唔會聯想到係打邊爐。上到黎都算闊落，背景以籃球做主題。揀湯底揀左喇沙湯，因為之前未試過邊爐會有呢個湯底。成個煲的神粹係個煲到-用左木桶裝住，木桶圍住一個個細lon, 個底裝左一堆可以保温的石仔，d湯係桶底流番去d lon度， 流番出黎會無咁多油，木桶本身都有作用， 個桶一路加熱，d蒸氣可以殺死空氣入面d細菌，所以有少許養身的作用。 個湯底用料主要係豆卜,蝦同青口，size就唔算大不過數量唔少。 湯底椰香味唔少，不過辣多少少就最好。因為得兩個人食都無叫咁多，佢個滑牛唔算貴但係幾抵食，浸耐少少舊牛都仲係咁滑。另外叫左魚皮又係幾特別。 佢係魚皮上面痴多少少墨魚膠先炸，香口得黎就算拎黎浸湯都唔會點淋。整體d餸唔算貴同坐得舒服。 可以再幫襯的。

朋友同我一樣都係火鍋控，佢話無耐之前旺角新開左間打邊爐嘅餐廳好有特色，向我極力推薦，咁我梗係要試吓啦 橫浜街場係正旺角市中心，好易去！窗上面粘左張貼紙介紹鋪頭嘅火鍋用杉木桶「杉木具備天然木香，杉木散發的香氣中含有的香彬木醇具有殺菌的作用，空氣中的有害細菌、人體中的病原菌都可以殺死，香彬木家具對各種皮膚炎症都有很好的抑制作用。非常環保，其香氣令人舒適，能夠消除疲勞、舒緩壓力。專做 ‘不上火’ 的木桶火鍋，好吃還 ‘養生’ 給脾胃好好泡一個溫泉，祛祛火！噴泉火鍋營養健康，好吃不長半」我哋六點鐘去到，所以侍應可以幫我地安排坐窗邊卡位！坐係落地玻璃隔離，視角寬敞、景正食物正，特別舒服 酸菜白肉卜卜蜆鍋：材料十足，配埋陣陣既杉木香味，感覺清新、與眾不同！杉木既神奇功效，再加埋木桶鍋嘅特別設計，經過過濾去油殺菌，仲有鵝卵石增加礦物成份，係名正言順嘅「養生鍋」 我哋都忍唔住飲咗幾碗！特色炸魚皮  &  川味炸魚皮：極力推薦！特色炸魚皮係魚皮加埋墨魚膠一齊炸，熱辣辣脆卜卜，就咁新鮮食又得，煮嚟食又得 而川味炸魚皮就係炸魚皮配以辣粉！五寶丸：呢碟五寶丸實在太好味，我哋食完一碟之後要再追加多一碟 當

今次食左一間都幾特別既火鍋店木桶一路比我既感覺都係養生，因為近年都興薰蒸當然，此木桶不同彼木桶啦但估唔到木桶都可以成為火鍋店既一份子MENU 方面，佢仲試行緊用電子形式，用IPAD 好似D放題咁台面仲已經有個調味架，夠晒方便我地揀左個喇沙湯底，都算多配料，又蝦又蜆仔咁，勁香勁惹味STAFF 教我地可以試下飲噴泉口果D湯先，因為佢會經過過濾，可以做到去油既效果我地叫左個黑豚肉，邊位猜少少骨，反而我覺得個口感仲好仲叫左D牛、蟹腳、魷魚等等個牛厚度適中，雖然帶少少筋，但好香牛味好好食唔UN魷魚爽口，我建議碌既時候揾個野兜住會好D，咪揾唔返個尾蟹腳碌完之後都唔易散除以上既之外，仲叫左個熟食炸魚皮好鬆好脆，即使放耐左都仍然索索聲點湯都唔會好快淋佢面頭個墨魚膠都唔錯最後，有好靚甜品劃上句號紅豆蓉配奶凍，唔會太甜

呢幢大廈不嬲出名多野食 要突出就要有新既特色 今次被木筒火鍋吸引到 所以去左試餐廳係以散叫order有IPAD有圖比你慢慢簡其實有好多款野食 不過掛住簡無影到打邊爐湯底好重要所以今次簡左個海皇噴泉蕃薯鍋(濃湯)個湯底好足料 有一整隻完整大肉蟹 大蝦 青口同帶子令到蕃茄湯更鮮甜其實開頭以為木筒火鍋 特別在個鍋外形唔同左 原來木筒入面有幾個洞係for新鮮既湯流出黎 隔左係面既油 所以可以直接係個洞到 飲到最鮮既湯底真係好鮮甜 只可以講價錢同質量係成正比既仲叫左2款即包手工餃 莞茜同九菜餃入面好多料好好食 唔同機整出黎個D 好新鮮仲叫左個滑牛肉 好嫩 超好食 每桌上都有調味料比你慢慢落 仲有甜品 另外一提, 員工服務好好會介紹野食,一留意到無湯會主動加得好快雖然加既係豬骨湯 但個湯底都keep到個陣鮮味飲左成半湯都有 再加餐廳裝潢都好特別 唔會太逼好岩同朋友慢慢傾計打邊爐 一分錢一分貨 值得一試

朋友帶我見識了一間特色火煱店＂橫浜街場＂，它就在旺角地鐡站附近十分方便。在樓下搭電梯上到7/F，一打開電梯門，即時已令人眼前一亮。 有一排鐡欄掛上不同足球及籃球架，在牆上也掛上色彩繽紛氣球裝飾，令餐廳增添熱鬧歡樂氣氛。 餐廳湯底十分多選擇，由最普通芫茜皮蛋到海鮮喇沙，更有滋補養生系列湯鍋。 也剛增設電子餐牌，方便顧客參考食物相片落柯打。 餐廳用杉木鍋做成噴泉火鍋，從鍋底抽出濃湯，再從桶內孔噴出，減少油脂。火鍋調味配料充足香茅䶢檸7 （用上原條雪凍香茅，香茅味慢慢浸出）老薑薏米（老薑甜辣，薏米超足份量。）招牌原創海底粥，有蝦丶蟹丶蜆煮成湯底。 海鮮足料之餘，粥湯㡳更鮮甜。 ）紫菜炸響玲 （新鮮即炸，超香脆)鴛鴦餃(潮州肉餃肉味濃丶芫茜餃芫茜超香，芫茜控不要錯過。）手切本地肥牛(新鮮丶爽脆丶美味）店長加送了甜品，紅荳奶凍，粒粒大紅豆唔太甜又起砂，奶凍好滑，巧巧味

秋意起，又係想打邊爐嘅時候同朋友兩條友，衝住木桶噴泉火鍋呢個名黎到橫浜街場，睇下有幾噴卜咗六點半枱，朋友OT，我就周圍影下，發現個老闆應該係個足球迷不過係C朗同美斯一齊登機闊絡到成個人打橫瞓響張凳到都得又有景望，呢張卡位一流醬料盤，食具擺放整齊，好是正點餐係用平板電腦，呢個年代興環保又興高科技最緊要係有埋圖，唔洗睇字腦補落完單之後，好快店員就搬咗個木桶黎海皇噴泉蕃茄鍋入面已有肉蟹，大蝦，青口如圖所見，所有料都係大大隻份量係非常多，食極都仲見到而呢個蕃茄湯底係我平生食過最正嘅濃味但飲落好清，唔會口渴，所以估無落味精粉我地烚下烚下之餘仲瘋狂飲湯，因為個湯實在太高質係噴泉一邊食一邊擔心回不去食任食邊爐嘅日子對比起上黎真係天同地我地問店員係咩原理，佢話商業秘密新鮮嫩滑牛肉好厚身，咬落好滑同肉汁多，烚完滲入埋啲蕃茄湯味值得一試即包手工餃子雙拼(韭菜/芫茜鮮肉)皮薄足料，兩款餃味道都好出，可能韭菜同芫茜都是比較重味嘅野推薦唐生菜雖然我地叫咗唔係好多火鍋配料，但兩個女仔都食到好飽因為個噴泉鍋實在太足料，加埋忍唔住瘋狂飲湯，一路食一路講呢間野真係值呢個價橫浜紅豆奶凍甜品時間呢個奶凍最好食之處係唔會甜到

於FB中見到朋友介紹橫浜街場的木筒火鍋, 覺得很有趣呢!而且湯底亦很吸引, 有我最愛的藥膳湯底, 所以於假日時請求男友帶我來試。橫浜街場都是在美食大樓-彌敦道726號。 (我發現已介紹了好幾此於此棟的餐廳呢!)一到就發現他們的裝潢真的很街場feel, 而且座位不會太擠迫!餐牌中的總類頗多, 除了配料外, 更設有小食給大家選擇!特色炸魚皮 ($58) _ 推薦指數: (5星為最高) 男友見到有幾個推介這炸魚皮, 所以點名要一客!原來是釀了墨魚膠的炸魚皮, 因為是即炸的, 所以真的是又邪惡又超好味美中不足是魚皮可能有點濕氣, 所以脆中帶點硬。厚花膠飽魚螺頭藥膳雞鍋 ($348) _ 推薦指數:真的很特別呢! 木筒下有石, 跟木筒一樣有食療作用!而且飲湯時都不會用怕有太多雞油, 因為石頭已過濾了大部分的雞油了~湯底味道像人參雞湯, 超滋補! 而且有超多花膠, 螺頭和4隻鮑魚, 真的超正本地手切肥牛(小) ($188) _ 推薦指數: 牛肉味濃厚, 不會太肥或太瘦, 但就有點細片和份量都較少。白色鮮准山片 ($38) _ 推薦指數: 又是我最愛我鮮准山片, 份量適中, 大部份都爽脆, 但有兩件

打親邊爐動輒都要幾千卡路里，想食得健康d,被我岩岩發現左呢間有趣既噴泉火鍋♨️♨️有同店員傾過計，佢地話應該暫時係全港獨家用呢個木桶噴泉邊爐，牆上亦有介紹乜野係杉木木桶火鍋既特別之處，原來除左冇咁肥之外仲係冇咁熱氣❤️👍🏻貼心的設計，店內仲有個四面電視，同埋有電子餐牌落order, 有圖睇開心好多😁😁木桶上枱已經好興奮😍😍勁大個桶，一打開見到d 湯其實都有疑惑，好似驚唔夠味，原來木桶過濾左d 油之後，味道仍然好入味，同埋d 湯響桶既洞洞噴出黎，滾牛肉勁正，唔洗怕流走左又可以幾下就岩岩夠熟食材亦有好多選擇，已經有好多高檔d 既食材，一分錢一分貨，咁又可以比自己食得精唔洗為左填肚而食😋😋😋值得推介的餐廳😁👏🏻

打邊爐係香港人嘅至愛，但係有唔少人都驚會好肥。黎橫浜街場打邊爐就啱哂喇，因為餐廳主打木桶火鍋，本身衫木有殺菌同埋消除疲勞嘅作用。而更加驚喜嘅係，最底層冇油嘅湯會通過木桶外內層中間嘅空間回流番去木桶入面，好似噴泉火鍋咁，，而且有層鵝春石隔走雜質，咁就唔洗怕飲到油膩膩嘅湯喇。我地點咗推薦嘅花膠螺頭藥膳雞鍋，材料豐富，包括新鮮雞、花膠、響螺頭、人參、杞子、紅棗等，藥膳味濃郁芳香，要飲番幾碗養生先得。雞肉嫩滑，而侍應話花膠最好等半個鐘先食，因為要等佢索哂啲湯汁先更加滋味。餐廳提供咗唔少牛肉嘅種類，今次我地試咗牛頸脊，侍應提議係涌出黎嘅湯底下淥，果然冇咁油膩，而且突出到牛肉嘅鮮甜，肉質滑口。見到有特色炸魚皮，諗住睇下有咩特別。原來係魚皮上面釀咗一層厚厚嘅墨魚肉配蝦米，即叫即炸，可以即刻食或者浸落湯底。最後仲叫咗新鮮豬頸肉，厚切，但係唔難變熟，肥瘦均勻，有口感。

第一次朋友約木桶打邊爐，先講環境，新場地方乾淨丶但不算大，坐得都幾舒服😊先來一個木桶人參雞湯，d湯會係木桶邊留出黎，好得意😆喝一囗，參味不太重，味道係我喜歡的，另外叫了辣雞煲，味道很香丶不錯。火蝸生料選擇也多，返宜小食特色魚皮用墨魚滑讓入魚皮度可以一試，整體來講愉快的一餐，必再幫襯😊