櫻之滙素食料理 (已結業)

心思思想食素，不過又齋口唔齋心，想食極似肉的素食，餓底朋友就找到了這間餐廳！weekday 晚上7點半左右來到，餐廳已八成滿，店員決定開埋間細房(有6~7張枱)，我跟朋友入去就座，不出10分鐘，細房都入了一大半人，都幾多人來食素！除了傳統中式素食菜式，這裡還有一堆日式菜式例如壽司刺身大板燒等等，見咁特別，就先叫了一個壽司拼盤。嘩！賣相好靚仔！馬上夾起"三文魚"壽司，點少少wasabi醬油來吃，哈，衰鬼~呃到人喎！像真度都有80%，如果"魚生"厚啲仲似啲！另外炸"軟殼蟹"壽司都好好味，中間餡料夠脆，調味又剛剛好！我仲好鍾意啲飯，圓碌碌既珍珠米，握得夠實唔易散，唔錯唔錯。店員推介的沙爹羊肉串，幾濃味，像真度大約70%。店員另一推介：日式芥末芝士流心豬扒，咬落外皮幾脆得嚟又唔夠好油膩！像真度也達80%！間中食一餐扮肉的素食，刺激下味覺感觀，又有趣又過癮！😆

有個朋友因為濕疹，所以開始試下食素，希望可以改善下啲皮膚。佢話上次食過呢間，覺得幾好食，所以介紹黎呢度食。入到去坐位偏細，有啲迫，唔係坐得好舒服。我地四個人，order 左佢地話招牌菜，拔絲骨/肉，菜苖，炒面，茄子煲，軟殼蟹壽司。佢個拔絲肉，雖然冇乜拔絲效果，但好味。我鐘意食茄子，所以呢個茄子煲我好like。個炒面都好好食，正。至於其他兩樣野就一般。最後加多個腰菓露同杏仁霜。整體食物質數都好味，可以再去。

平時好少食素食，咁啱朋友食開素，所以到呢間食。首先到嘅係炸豬扒手卷同軟殼蟹手卷，味道真係幾可亂真，就算拆散食都食唔出係咩原材料。跟住黎嘅牛油果多士同大板燒雖然無咩特別，但味道都唔差同幾香脆。而最後係個拉絲骨，酸酸甜甜好似咕嚕肉，都幾特別。其實d 食物都好多花款，應該會再幫襯~!

已經幫櫬過好幾次, 依間素店比較特別係有幾可亂真的素壽司 🍣而雜錦壽司餐基本上每日都有 !十一點鬆d仲有位 ..價錢非常公道今次點午巿套餐 A日式燒汁鰻魚飯其實每次食飯都好鐘意見到一堆菜伴碟仲要有酸薑好好送飯鰻魚是素製當然無得同新鮮鰻魚比較啦但口感做得像真配上燒汁唔錯 👍🏻咖哩吉列蛋包飯 🍳 不是跟餐散叫要 $78 略貴不過份量大大碟非常足料 吉列豬扒炸得有少少硬但都可接受的蛋包好有蛋香 咖哩汁同配菜 👍🏻👍🏻素食朋友絕對可以來一試

由於我係一個食肉獸，所以一直以來對素食都沒有很大的興趣,更加對素食一些茹類，面根類覺得有少許反感....今晚約了素食的朋友吃飯,為了迎合他的需要,我特地挑選了一間在我們家附近的素菜餐廳晚飯..我哋首先點了一個芝麻豆腐,呢個口味正正常常的..之後點了一個翡翠苗,翡翠苗唔係人人都愛吃但我覺得呢間餐廳煮得沒有草青味,但就有少許鹹和過多的有份...我們另外點了一個炸蝦壽司,雖然炸蝦中間的不是蝦肉但那個口感和真的很像真 吉列豬扒丼,我原本很怕吉列豬扒的那片肉口感會很奇怪，但咖喱汁和吉列豬扒配合想來口感和真的也很相似.朋友另外點了一個芥末小丸子,吃起來的口感和魚蛋很相似配合裏面的芝士醬,和外面的特製醬汁,也不錯...總括而言，我覺得這次的体驗不錯👍🏻

慶生飯局，原先是去始創中心的大自然素食，但為了支持街頭小鋪，最後來了這間地鋪小店。點了三款食品；壽司拼盤、燒汁金菇牛肉卷、炸日本淮山。金菇牛肉卷用油極多，食後整個碗底都是油，甚難消化。炸淮山淡而無味，油膩之餘，還是油膩，賣相與Menu相片甚有出入。壽司的飯，又實又硬，好像早早搓好了，放了一段頗長時間。穿著黑色便服的女經理（可能是老闆），自己落錯單，還要發脾四，強詞奪理，態度惡劣。大家明白，旺角、太子食市的服務態度，一般都不會好，而且江湖味重。但萬萬想不到，一間以「日式料理」、「特色素食」為主打的店鋪，居然都是一樣。店鋪入口右邊，設有神壇，然而，修佛不修心，口齋心不齋。和式裝潢，MK內涵；服務差劣，食物平庸。街頭小鋪彈不起，實怨不得人。

今晚與家人來嘗試日式素食，週末晚市不滿座，當進入餐廳，職員非常有禮貌，看過餐牌職員推介「大良炒鮮奶」，以為好好食，卻令人有點失望，咸味不均，配料不值$108。值得稱讚的是「二人壽司」，這個值得嘗試，非常好食，有不同種類的壽司，真的不錯，配合豉油味道。另外，蕃茄野菌菜苗味道幾好，湯不算濃亦不淡，有幾多蕃茄。臨走前，想食糖水，便叫了腰果露及蛋白杏仁露，非常難食非常淡，完全沒有腰果味和杏仁味🤭 不知是什麼🤷🏻‍♀️但都要$38/碗。

茹素天, 櫻之𣿬其實都幫櫬過N次.. 門口已經有餐牌.. 每期都會轉一轉, 可以揀岩先入去幫櫬, 有午巿套餐同散點各有所好點左個午餐B, 送例湯一盅, 湯都足料夠味, 不過不是重點不費時大談... 而熱茶可以任斟叉燒拼太陽蛋飯到... 賣相相當唔錯呀! 有少少椰菜, 個蛋煎得香口, 白飯配上甜豉油夠惹味, 而叉燒是脆皮的, 雖然是素但口感仍有咬勁。櫻之𣿬其他餐都唔錯, 經濟抵食, 尤其壽司無論賣相味道都幾可亂真 大家可儘管一試 🍣

茹素既外國朋友訪港，自己試過兩次，覺得味道不錯，於是帶佢地黎一試。 之前一試驚嘆的黑松露意大利雲吞，今次水準依然。第一次試既芝士豬扒同大阪燒同樣令人滿意。下次再黎試其他菜式😋

與朋友慶祝生日，想心理上吃得輕怡健康一點，同時又被食評上的照片所吸引，便好奇一試那些煮得跟葷菜外觀一樣的素餚。三文魚刺身：吃下去的口感真的很想三文魚，第一口還頗有驚喜，但色澤這麼鮮麗，真讓人懷疑一定是下了不少色素。🍣壽司拼盤：左上方的軟殼蟹壽司好吃，用脆脆來代替蟹，有口感，加上醬汁很清新。右下角的鵝肝壽司有點噁心，是加了羶味的增味劑來營造鵝肝的羶味，但比吃真的鵝肝更羶🤢。烤薄餅：忘了是烤甚麼的薄餅，餅底烤得很香脆，一上枱就很吸引。但吃下去就吃到芝士跟椒類，便已索價一百多，有點不值。咖啡豬扒飯：豬扒的質感不錯，頗像真。但醬汁很一般，都忘了甚麼味道。整體而現，如果想吃得輕盈健康，直接吃蔬菜店應該會更健康，因為色素跟增味劑比較少。

朋友話呢間鋪就黎租約滿唔做，所以專登黎食一次。餐廳位於太子同深水埗中間，可能因為地點唔太就腳，就算係晚市都仍然有空席。我地見佢手寫左十道左右既菜色名係牆上面，應該係推介菜黎，所以menu都冇仔細睇，就散叫左幾樣食物黎share。日式餐廳當然要叫壽司啦。我地叫左一份4人份量既壽司拼盤，賣相好吸引！魚生食落既口感同真既魚生好似！少少爽口得黎又滑。炸軟殼蟹卷既軟殼蟹脆卜卜。仲有佢地既wasabi好夠辣，點左少少都已經好有感覺！好食！食完第一碟之後，我地再叫多一碟卷物。係牛油果卷同芒果卷，今次呢碟都好食，不過比較起上黎拼盤會好食d,呢碟相對平凡左d...下一個黎既係pizza, pizza 底唔係麵包黎，佢用左filo pastry 做底，脆口得黎又唔會好似酥皮咁油膩。pizza熱辣辣，佢既料亦都好足，抵讚！最後叫既係意大利雲吞，雲吞皮幾彈牙，成碟餸有ｄ芝士味同菇菌既香味，好濃郁！主打日式素食既店鋪係香港唔算多，呢間店既質素其實都幾好！無奈香港租金太貴，老闆唔繼續做真係有Ｄ可惜！

香港的素食日本料理不多，我和朋友都是第一次試日式素食料理。壽司拼盤(12件) $88Deluxe Sushi Set (for2)靚靚的素壽司拼盤🍣「魚生」食落口感很像真但味道較淡，「魚生」厚切更好吃，因為口感更實在，其他壽司都不錯，但「和牛」壽司是一塊乾的仿肉，與真和牛太有落差，個人不太喜歡。牛油果軟殼蟹卷$45Soft-shell crab and avocado roll牛油果放在壽司一向都很配合，而素的軟殼蟹不是真的有仿軟殼蟹，而是有脆脆的炸粉模仿炸軟殼蟹的質感，加上特別的醬汁，味道不錯👍🏻豬扒蛋飯$58Egg Rice with Pork Chop Cutlet 這個豬扒蛋飯真是又愛又恨！一碗飯集優點與缺點，優點是素豬扒真的很好味，質感上跟真豬扒沒大分別，但味道是帶像豆製品的甜，如果小朋友吃應該會分辨不到真假。而缺點是飯太濕了，雖然滑蛋飯本來就帶濕但這碗飯的汁醬太多令飯太糊。芥末小丸子$48Small Octopus Ball in Wasabi Cream芥末小丸子是令我們最出乎預料的菜式，本以為只是像一般小丸子但少了章魚，咬下第一口發現像魚蛋的質感，然後中間流出芥末醬，就

朋友食開齋，佢話要介紹我食一間平又好食嘅齋菜館，既然佢平時食開齋咁我就信佢去試吓我哋今次食午餐，午餐入邊已經坐滿晒人，好彩仲有一張枱我哋坐低左望下個餐牌果然係新派素食，即係有壽司呀豬扒雞絲啊牛扒咁樣個種我哋叫咗兩個set lunch ,都係壽司拼盤，加＄30有六串沙嗲牛肉壽司就咁睇似模似樣，食落口味道唔錯，特別係三文魚，因為平時我唔食生野，呢度乜都唔使驚。比我驚喜嘅係果六串牛肉，唔講真係唔知道自己食緊齋，沙嗲醬從出邊嘅味道一樣，真係好似。仲叫咗個滑蛋豬扒飯味道口感同出邊嘅滑蛋豬扒飯一樣，不過隻蛋有啲生，我見到有啲蛋白都未熟晒😟雖然係滑蛋，但係都要熟先得㗎。整體來講呢加野好啱齋口唔齋心嘅人去食，因為所有肉類食品同出面真嘅肉好似，不論係味道同口感。價錢都算平。但係服務態度爭左啲，啲阿姐會黑面。🌚

放假得閒帶埋屋企人去食下齋，上openrice搵下，見呢間幾特別，似乎係fusion齋菜，吸引咗我book位。好在有book位，原來晚市好多人。店內環境係傳統中式小菜館的格局，店員都非常忙碌，感覺佢地有d應接不暇，唯有等佢地疑似停下來才叫佢地落單。我地3個人點咗以下菜式：壽司併盤 - 有12件，非常呃like嘅菜式，壽司做得好神似，都幾好食。壽司飯上面嘅“刺身”應該係蒟蒻果類野。泰式冬陰公海鮮豆腐窩 - 好漿，糊咁嘅樣，唔好食。椰汁荔芋油鴨煲 - 好香芋頭同椰汁味，撈飯正!鮑片羅漢上素炒麵 - 正常的齋菜店菜式，味道一般般啦。總括黎講，除咗冬陰公，其實其他都ok｡ 原來佢地平日下午茶時間係半價，下次可以試下其他野。

今日我老友豬女生日，約埋幾個friend賀吓佢。去邊度食好呢？平時多數大魚大肉，今日不如去食番d清清地嘅野都好喎，豬女提議去喱間素食料理，其他靚女都舉腳讚成。哩間食店面積唔算大，我地6點幾嚟到有位，7點幾就已經full house喇。攞d餐牌睇吓先，好快我地就點左五個餸。壽司拼盤嚟喇，個賣相真係。唔講真係估唔倒係齋，好考手藝，做得維肖維妙。我地忍唔住要起筷喇。個賣相俾佢呃倒，估唔到放入口都俾佢呃埋，口感、質感同味道都9成9似真，以為去左東京食壽司添，20件壽司俾我地一輪衝鋒，迅速殲滅晒喱個日式海鮮pizza睇起嚟重靚過P記嗰d，超吸引，五條友爭住挾嚟食。一啖咬落去，好鬆化，個底好脆，料又多，味道又好，真係好食過P記嗰d，俾個讚你喱碟薑蓉炒翡翠苖水準就普通左d，畧嫌炒得老左少少。呢碟焗牛仔肉熱辣辣上枱，撕開d錫絲，熱到有煙走出嚟，望落去巧正。試吓d牛肉先，真牛肉一樣，唔講真係唔知係齋嚟，配埋其他蔬菜同配料焗，超yummy喎喱個胡椒菜肉雲吞翅，我就真係好鍾意。Why?因為胡椒份量夠，味濃，d老人家用嚟驅風就一流囉。配埋d猴頭菇同鹹菜，d雲吞真係超…………………………好味，全部俾我地食晒同飲