櫻之滙素食料理 (已結業)

今天父親節，亦是初一，所以選擇呢間素食餐廳。我哋8個人叫了一個套餐第一道係雜錦刺身拼盤，三文魚既質感好得意，好似呀第二道係鴛鴦香酥乳酪卷，好好味😋😋第三道係濃湯胡椒猴頭菇鹹菜雲吞翅，味道好香好濃，食完唔覺得口渴，好多味精咁。好好味😋第四道係炸脆鱔，係用菇黎炸，炸得好脆卜卜，正第五道係香甜士多啤梨骨，酸酸甜甜，好味，完全唔覺得自己係食緊素😆😆第六道係法式芝士肉鬆焗西蘭花🥦第七道係蘆筍蝦仁炒腰果第八道係日式海鮮芥末比薩🍕第九道係蒲燒鰻魚蛋白炒飯唔記得咗影相第十道係招牌腰果露糖水另外，點了香芒天鳥唐揚卷、牛油果鰻魚卷同埋呢個牛油果醬焗多士😋😋😋😋超級好味，必定要試👍🏻👍🏻👍🏻

因為朋友本身是素食者，故此朋友介紹我到此小店嘗試素食。店鋪門入口看上雖小，但店內都不是我想像般那麼細小，而且有多張枱子。在店內亦都看到有不同之外籍人士光顧。我們就點了一客紅燒杏鮑魚菇茄子淮山煲及一個太極炒飯。紅燒杏鮑魚菇茄子淮山煲看上去份量不是太大，但系烹調嘅醬汁，卻是非常之美味，而且食材及用料非常之新鮮。而且茄子烹調得不太油膩。太極炒飯就用咗一種叫泰國青靈芝飯作抄飯底，質感非常之爽口彈牙，而且有十分之有米香。 醬汁方面，就配上兩種不同的醬汁；一種是白汁忌廉，另一種是蕃茄汁。造成一個太極的圖案鋪滿在青靈芝炒飯上面。當中裡面的配料，有不同種類的菇類，及素肉蟹肉、青豆及蘿蔔作配料，增加飯的層次感。而且份量十分大。店員非常之友善同埋有禮，唯獨是每道上菜時間長了一點。

睇IG先知櫻之滙做到6月尾就唔做，所以就特意走去食晚飯。鴛鴦香酥乳酪卷 ($68/ 8件)2款卷物嘅餡都一樣，有青瓜、炸豬扒、紅色類似酸蘿蔔嘅漬物 (我成日係素食店嘅壽司見到，但唔知叫咩)，綠色嘅卷物表面撒有海苔，而棕黃色嘅卷物表面就係素肉鬆。卷物表面嘅乳酪醬有好濃嘅wasabi味，整體味道好豐富。蕃茄濃湯田園餃子 ($48/ 碗)我好鍾意佢呢到嘅蕃茄濃湯，酸酸甜甜好開胃，雖然我唔知有冇落到味精，但我都有飲咗幾啖。餃子嘅餡料主要係椰菜同粟米，餃子皮同椰菜都煮到好淋，我覺得餃子皮再硬身少少會更好食。雜菜蕃茄肉丸焗意大利麵 ($78)我覺得呢碟意粉比之前食嘅大碟咗，佢係肉醬意粉加雜菜同肉丸，雜菜有菜心、白菜同西蘭花。肉丸好香菇味，口感較結實同韌。

有無朋友鍾意同有習慣食齋❔🧐🔍其實我平時吾好齋👉🏼👈🏼因為食過幾間d麵筋同味道都🤐🤐唯獨今日依間我會想再黎食題外話依到仲有壽司🍣打算下次試試佢！-🐮黑椒鐵板薯角和牛粒 $98樣樣都好入味！和牛其實都係麵筋，但食落有少少牛嘅蘇味，店主好認真想整番牛嘅味道俾食齋嘅客人👏🏼👏🏼另外仲好欣賞佢d粟米粒🌽吾係罐頭粟米，係新鮮粟米再切成一粒粒，食落真係新鮮鮮甜！一粒都無剩清哂🙈🙈加細位麵咁用心真係值得加分💯🥔都好好味食落唔會好林好散，口感幾好-🦴涼瓜素排骨煲 $88涼骨林左D可以生番少少，排骨食落好似真係食緊肉咁🤓口感鬆軟！-🥦芝士焗西蘭花魚柳 $82芝士可以再濃味D🤪魚柳正常-🐮乾炒牛河$62河粉唔係我地出面大多數食用鄧麵做嘅河粉，依到係用左米做，所以食落係滑d薄d-🥣腰果露糖水 $38一盅$72一窩超健康有益嘅糖水🧡可抗氧化潤膚🧏🏻‍♀️最緊要腰果係潤肺除痰‼️好岩依個時世飲💙但食開甜野嘅朋友可能覺得佢唔夠甜啖口左少少

太子 櫻之滙素食料理早前呢間素食餐廳差少少做唔到落去好彩佢都仍然係到 🤘🏻一打開果menu 點解同油麻地間瀛素食有9成相似咁滯😂但呢間的都相對上做得有心同精緻d😋壽司拼盤😍 拔絲骨高度推薦👍松子魚塊😂果味同拔絲骨差唔多 比較硬d不過都幾好食牛油果芝士多士😍又高度推薦 多士香口 芝士拉絲咖啡薯仔雞 😋夾飯食唔錯 薯仔好正 就咁食就咸左d老闆好有心問問我地要唔要腰果露 🤗不過最後太飽放棄左😂呢間做得咁有心 可以再戰👍本menu咁多野唔會食得曬

講起素食可能好多人會先諗起羅漢齋嗰類，但其實素食係好多元化，仲可以好好味😋呢間餐廳主打日式素食，我以前食過一次覺得唔錯，今次就再去回味下～三文魚刺身 （$68）呢個三文魚係由蒟蒻整嘅，開頭諗左好耐係用咩整嘅，因為口感都幾似魚生，幾爽口，配埋wasabi和壽司豉油都呃得下人😂😂 香甜士多啤梨骨 （$78）呢個係用猴頭菇整嘅，無論口感定係味道都好似咕嚕肉，真係好似食緊肉咁～ 表皮略硬，酸酸甜甜咁好開胃～ 牛油果軟殼蟹卷 （$45）軟殼蟹好似係由大豆製成嘅，口感方面幾似，不過就冇咩蟹味（咁佢真係唔係蟹嘛🤣）～ 牛油果薄片香軟幼滑，令到成件壽司嘅整體口感更smooth～沙嗲羊肉串 （$42）食得出唔係羊肉，但真係幾似肉類，甚至有同行朋友唔相信呢個唔係肉🤣🤣 原來呢個係由大豆纖維整成嘅～ 沙嗲醬味道濃郁惹味，幾好食～整體來講食物質素唔錯，仿真度好高，會推薦俾朋友☺️☺️

一直都有鋪素食癮😂 今次試日式素食叫左佢嘅午市套餐—8件壽司拼盤 （$39）有埋湯！ 我覺得已經贏左 因為好抵！😂😂講返食物質素先因為好平所以唔好期望佢係高級壽司嗰啲質素🙈但佢既素魚生樣既像真度係幾高嘅但食落浸味就唔係話好似 素魚生食落質感係有啲似蒟蒻 浸味係少少咸咁 但就無太似魚生味 如果真係想似啲嘅就點多啲佢地嘅wasabi啦😂 係偏辣嗰隻 點完就會好似食緊真壽司咁 仲有佢嘅壽司飯係偏暖身 同無咩醋味嘅 仲有酸蘿蔔略嫌醃得重手左少少 所以如果想追求整到好似好真日式壽司嗰種既你 就未必啱但值得讚嘅係賣相真係幾吸引同埋有四舊壽司應該想扮炸軟殻蟹壽司佢既炸肉好味 食到好似素饅魚炸左嘅味 （未食過素饅魚嘅可以幻想下有少少似吉列豬扒嘅味）仲有佢餐跟嘅湯都幾足料蘿蔔蓮藕粟米素湯 一啲都唔會覺得咸 清清淡淡咁

果日想食壽司，無耐唔可以食生冷野，唯有食齋壽司啦第一眼就決定呢個羊肉串，無騒味但口感似肉，沙爹汁辣辣地軟殼蟹手卷，食唔出炸咩來做軟殼蟹，好似炸米粉吧，陪沙律醬好味，仲有牛油果壽司，不過我覺得好平凡，無影咖喱豬扒飯，當然無真肉既juicy，但鹹味各樣系夠的因為得我同老公，試唔到壽司拼盤，不過其他檯有order。下次會試下

一直都有嚟開幫襯，食物出品有時都有啲差異，但亦好少今人失望嘅！一貫咁有5款午市套餐，每星期換款，另有幾款加錢美味小食配搭，送例湯一碗，服務員招呼也不錯，地方亦好寬落。今日我哋揀咗咖喱炒飯同素鰻魚飯各一份，全部飯所以冇叫配搭小食。時日例湯係牛蒡粟米湯，炒飯好有鑊氣，食落去咖喱味慢慢走出呢，飯夠干身又唔油，另一款素鰻魚就太“林”，汁就偏甜同冇醬油味，相比前者就遜色好多！2個餐夾埋都係盛惠$81，可以講性價比高，食得過！

我帶了十二位朋友去到櫻之滙素食料理聚餐+幫朋友慶生，幸好大家對這家店的評價還算不錯，而我真的超喜歡食素壽司，昨晚已經算有忍口了，以免嚇到大家。每人才＄160不到，很飽肚又坐了整個晚上吹水，我覺得很划算呢！Last night, I brought twelve friends to meet at sakura veggie dinner + birthday celebration of one of our friend, fortunately everyone agrees this restaurant is pretty good, I really enjoy all the vegan sushi here. I have already tried not eating too much last night, so as not to scare everyone. I think the price is pretty reasonable as well, we were very full and it costs only less that $160 pe

每逢初一十五我都會茹素,於是今日拉埋老公一齊食素。剛巧家附近的素菜館休息,認真頭痛。Openrice睇左一陣搵到呢間都近屋企的餐廳。晚上9點到,客人唔算太多。打開餐牌其實有點似大xx素食。有壽司,小菜,又有西式意粉咁。最後點左2個手卷,南瓜蟹皇翅,總廚田園沙律,燒汁牛柳同什菜粉絲煲。加州手卷食落甜甜地又有d青椒味咁。苜芽手卷係無卷飯的,但有點點沙律醬。南瓜蟹皇翅好香椰奶味,但明顯見到一點點生粉攪唔渾咁,仲有點酸酸的?燒汁牛仔柳老公話d假肉有d騷味?但個汁幾惹味。什菜粉絲煲,開頭食好淡,食落d菇同菜的鮮味出曬黎。總廚田園沙律:紅蘋果加沙律菜加千島醬好開胃。埋單300幾。有加一又有茶錢咁。嗯…其實如果收人茶錢,點解唔俾一壺茶人?整體食物,服務都ok。下次初一十五可再黎。另外,如果餐廳可以唔好咁熱會好好多。食完真係流曬汗。

上星期同朋友閒聊的時候，朋友話還欠我一餐生日飯，要搵日補祝。但因其中一人暫時不能吃魚生，但又好想食，見狀朋友就埋頭苦幹地搵一下邊度有好食店食，點知俾佢搵到間素食店係為一啲齋口唔齋心和想食壽司又食唔到魚生既食客而設的。當然要去睇下食評同啲相啦。咦！又好似幾好咁喎。睇啲相見到啲壽司幾像樣，好啦！就一於揀呢間店做我既生日飯啦！雖然唔知店舖會唔會太多人，穩鎮起見都係book定枱好啲。去到居然得兩三枱人，地方不大，環境是和風設計，侍應是一班上年紀的嬸嬸，但他們做野都算爽手，快快安排坐位，奉上茶，等到朋友來到就一同點選食物，見到餐牌影的相片有好多都相當吸引，後來點選了以下食物，等我逐一介紹下。第一個係總廚田園鮮果沙律，碟內好多菜，有蘋果粒，蘋果是連皮的，還有蕃茄仔，青瓜，粟米等，正常沙律，冇乜特別。因席上有小朋友，但他唔食有皮蘋果，所以吸引唔到小朋友食，呢點可能要注意一下。再來是香甜士多啤梨骨，本來之前見其他食客的咕嚕肉相片，賣相吸引，但唔見餐牌有，以為是士多啤梨骨，故叫了一個試下，當真唔係我想食的咕嚕肉，但都算啦，試下無妨。味道還可以，但冇特別，雖然係素，但士多啤梨骨的口感都幾似肉，好有口感，唔

其實旺角太子有好多類似呢間嘅素食日本餐廳。但係呢間冇咁近地鐵站，所以人流較少，位都多啲。今晚帶咗兩位歐洲黎嘅朋友食，一早同左佢哋講係食素，但係落單嘅時候我發板，所以佢哋都冇參與其中。我食食下問佢哋：「你知道呢啲唔係真正嘅肉同海鮮架可？」跟住佢哋話：「下！我唔知喎，咁係咩嚟㗎 ？」原來呢啲魚生真係幾可亂真啊！佢哋同我講以為香港啲魚生可以咁平，哈哈！我哋一人嗌咗一個手卷。三文魚、軟殼蟹、鰻魚，還可以啦。呢個芝士味好濃，不過卷得唔太實，有少少散。呢個炒飯一定要讚！好多「鰻魚」，個鰻魚汁都好好味呀，真係令人覺得食緊真嘅鰻魚炒飯，$68，抵。。。。。。

友人是素食者，約食飯是遷就她的。由她發板介紹素食小店試一下。環境像是家庭餐館的小店，實而不華，清潔乾淨。餸菜中式，西式，日式均有。友人介紹了黑松露花之戀，加上2人壽司併盤，加州手卷，芝士南瓜焗海鮮意粉。味道是家庭風味，不是太濃味，味道汁料剛好。壽司口感，幾可亂真以為自己在吃三文魚及軟殼蟹。意粉用焗的，汁料及餸菜鋪在意粉上，沒有燴的效果，卻在拌亂後得到同樣效果。證明濃度不俗。最後嚐甜，來了一盅腰果露，吃得出來的新鮮打磨，沒有混合奶類溝淡腰果本身的味道，當中的腰果小顆粒，新鮮熱辣，不落俗套。這樣的價錢，不要期望有日本食肆的水準。物有所值倒是真的呵~~

朋友話想食素，有人介紹左呢間餐廳，餐廳環境一般，餐牌上面有好多唔同種類既野食，中，西，日既都有，我地點左壽司小拼盤，一個生菜牛仔肉包，仲有西式薄餅，個生菜牛仔肉包就出奇地第一道上先，呢個餸d仿牛仔肉有一陣蘇味，普普通通！跟住等左陣個小壽司拼盤都上埋，呢個味道可以，真係幾似食緊真壽司咁！之後個薄餅真係等左好耐，我地就問左個應該似係老闆既男人，佢話薄餅唔夠人手整，建議我地轉食中式菜（我覺得你放個薄餅出黎俾人揀但又話唔夠人手整其實有d奇怪，眼見鋪面亦唔多人）不過我地都取消左個薄餅轉左咕嚕肉（呢個餸我地係同老闆落單）因為都等左幾耐下，覺得咕嚕肉唔夠飽，所以另外再點左個加洲卷（呢個係同另一個女店員落單），個咕嚕肉就等左一陣就到，我就覺得麻麻地，姜味太重！跟住又係一輪等待，大概等左30分鐘左右，仍未見到個加州卷，我地再追問個似老闆既男人，之後回覆返我地話竟然無幫我地落過單！？話壽司亦都一早賣哂，個老闆問我地會唔會轉食其他野，我地都話唔要啦咁！個老闆其實全程都知我地個枱發生緊咩事，不過佢連少少想補償（例如送返碗糖水）或者講句唔好意思都無，就走開左，講真你d再好食我地都話唔會有下次，真係太離譜呢間野！