歡樂海鮮酒家

營業中

休息中

老生日(2月9日),媽媽之前黎呢度話好食,雖然見之前食評都話做左水魚,即管死就死啦,就黎試下。一入到去放低個袋,好興奮咁衝出去揀海鮮。見到少年廚神,仲問我地係唔係落單,佢\都出晒名,依家梗係唔入去煮野啦!先黎瀨尿蝦,要左2隻大既,$15/兩,黎之前睇過食評得知呢度d瀨尿蝦比出面貴少少,平時$12-13兩,已有心理準備,兩隻大約$200左右,本想要細隻d,因為太大隻唔夠入味,但係呢度最細都手臂咁長喇!再黎龍蝦,呢度d龍蝦好極端,一係就仲細過瀨尿蝦既本地花龍,一係就大大隻既澳洲龍蝦,我地得2個人驚食唔晒,老揀左隻大d既澳洲龍蝦26兩,$20/兩,落單個位叔叔話送埋加工&伊麵比我地,平時要收$30加工費。想食黃金蝦,大叔幫我地執左6隻,唔知幾多$。佢\問我地要唔要菜,果日d時菜又唔係咁0岩我地食,問佢\有咩飯好介紹,佢\介紹我地\"食神炒飯\",好啦!1) 芝士龍蝦伊麵-好味,隻龍蝦d肉又爽又甜又多汁,新鮮到暈,汁都好味,可以再傑少少,d伊麵多少少就更perfect,不過食完呢一碟我都飽左6-7成2) 椒鹽瀨尿蝦-太大隻,唔夠入味,可以再煮耐多少少3) 黃金蝦-麻麻地,好似淨係食d蛋黃咁,不

報紙雜誌經常報導此處有位年青的廚神, 煮菜一流, 創作很多新的小菜式....果然未入店內, 窗外亦貼滿了很多報導, 而且人流其多. 可惜......本來一心一意想品嘗小廚師的廚藝, 之但係, 原來已選好了的小菜, 個阿毛侍應通通說沒有, 還說這些只是宣傳而已, 最後當然極力要求我們點選些海鮮食, 好奇怪, 明明話有很多款式選擇....原來已經入了水魚店了.於是我們一家人相量後, 最後都點了些海鮮吃:- 椒鹽瀨尿蝦(蝦肉確實大大舊, 可惜味道太咸, 可能椒鹽太多了)- 蒜蓉粉絲蒸扇貝(扇貝大大隻, 肉質鮮味)- 海蝦炒麵底(麵炒很脆, 幾好味...惜蝦肉確實少了,似乎跟原來取上來的新鮮蝦, SIZE 有點出入, 你估有否轉換了呢?)- 食神炒飯(不油不膩, 料尚算多)- 京都骨(一般大排檔的菜式, 沒有太大的分別)此店食物尚可接受, 但呢度的侍應服務其差, 難怪媽咪忍不住對那個侍應阿叔講句: 呢度係咪唔可以俾人食小菜, 係咪一定要食海鮮呀? 食完埋單成為$955, 我寧願到大排檔嘆餐飽咯!

繼幾個月前去過之後, 上星期六再去, 發覺.......好差今次預早好多book位, 去到發覺未有檯, 比個阿毛waitress 點左一行幾人上二樓, 都冇, 繼而再被老點上三樓, 都係冇. 最終落返地下等囉. ~ 蒸左條石班(ok啦)~ 蒸扇具(唔錯)~ 薑蔥炒肉蟹(麻麻地啦, 屋企人炒得好食過佢. 原先想叫黃油蟹, 但係....一隻要$850, 貴得過份)~ 炒瀨尿蝦(最好味o既一道菜)~ 炒通菜~ 出名o既炒飯(等左好耐好耐好耐, 佢地會係儲埋晒d單, 一次過先炒好多碟比不同檯o既客......唔知係咪人多o既關係, d料唔足囉, 冇上次去咁好食)本想食炒聖子, 不過唔夠大隻, 冇得試....有個中年waitress, d態度好差, 我地比人點左上2, 3樓之後, 冇位, 佢叫我地企o係2樓近門口位等一陣, 點知比另一個waitress 鬧我地好企o係o個道, 阻住佢喎. 咁都得. 叫人幫我地跟一跟d單, 好似個個鬼掩眼咁, 冇人理囉. 仲有, 行經2-3樓之間, 發覺間野都好dirty.......胃口都大減. Total: $1xxx. 佢提供咁o既食物質素同服務, 絕對唔

今日(星期日) 下晝3:30 先同女友入到去濕地公園，行左大部分室外地方，5:00pm 關閉後搭的士入左去流浮山(我第一次去)。行左一個鐘搵餐廳食海鮮。左揀右揀，最後都係揀左最近巴士站同公廁既歡樂海鮮。原因有：1) 女友之前參加一日遊團入流浮山玩時午餐就係呢度食，印象都okay 2) 望入去明顯比其他餐廳多人，較為有信心3) 門口有好多剪報，仲有佢個少東同幾個名人既合照。入到去坐樓上二樓，叫左茶囉menu 睇，大多數野都係寫時價，侍應話要落樓下揀海鮮兼可以點埋菜。落到地面海鮮魚缸等左3 個字先有人得閒serve 我地。諗住要椒鹽瀨尿蝦，炒蜆，同炸生蠔。佢幫我地捉左兩隻6" 長既瀨尿蝦，話$15/兩，我心入面唔無概念呢兩隻即係幾多錢，所以叫佢稱一稱(佢好似無預我會叫佢稱咁)，佢係咁以稱一稱話12 兩，我心一算，嘩，成$90 一隻瀨尿蝦，仲要唔係話好大size 既... 見佢入左膠袋，算喇.. (其實無諗過咁貴，有少少想走，但留左袋野係樓上) 再叫左個炒蜆，心諗炒蜆都唔荒會貴得去邊.. 諗住上去再睇番個menu 叫番碟小菜差唔多。上番去坐低都係決定唔加小菜住，等來左兩道海鮮先算。等左大

六時半人齊入席, 卻叫乜海鮮無乜海鮮.結果等到七時多都未有野食, 早知叫我個工人入去煮,都快過佢地班廚師呀?叫了一碟炒聖子, 唔知點解有十多對殼(以生物學來說, 一隻聖子只得一對殼), 但卻得幾舊肉?辣酒煮花螺, 一點也不辣, 多多湯就少少螺.八時四十五分叫埋單, 九時十五分都未可以離席.我的光陰, 就如此虛渡了!!!!!!!!!!

上星期六一行十二人慕名來了此酒家, 以為會有一餐美味海鮮餐食, 點知原來呢間野完全唔夠水準, 最失望係價錢最貴既龍蝦, 一入口就已經發現極之唔新鮮，遠不及一般酒樓的芝士或上湯龍蝦好食。另一方面，你見過龍蝦竟然唔配伊麵而配上味道極似福字麵既炸麵來打底未? 真係大開眼界，簡直有嚴重被搵笨的感覺。其他食物方面，都無邊樣特別好食, 瀨尿蝦唔夠大隻,食神炒飯亦唔覺有什麼特別,價錢平均每人300元,唔抵,以後都唔好叫我來。

環境比較迫. 設施比較舊. 衛生程度就一般la!可能是生客關係, 自己變成美味的大水魚!叫了一隻龍蝦, 要伊麵底. 他們說是三斤多, 但沒有給我們望過. 最後仲漏了單, 要三催四請才有.隻龍蝦已預了會縮水, 但味道絕不新鮮! 絕不彈牙.最經典的是用福字麵當伊麵底, 連調味料也落足, 真的很夠味. 這味菜多謝大約900大洋. 每小塊龍蝦原來要三四十大洋一塊.見到隔離的食飯抄飯賣相幾靚, 又大碟, 便叫. 來到原來最多只有兩碗左右, 朋友說我們是例牌別人應是加大. 埋單時見到卻是加大, 是廚房幫我們加大的, 又多謝138個大洋.

今晚同屋企人一行五人去呢間酒家食晚飯, 叫左六樣野食.- 柱侯醬炒龍蝦+炒麵底(都幾特別, 因為o係其他酒家o既龍蝦通常都係上湯or芝士;而且麵底多數都係伊麵,但呢間就唔係啦, 係炒麵底.好脆口同埋d麵索晒龍蝦o既汁, 真係正呀.)- 蒜蓉粉絲蒸扇貝(d扇具好大隻, 好鮮甜呀, 要襯熱食)- 炸班腩(麻麻地啦,好多骨呀, 冇乜肉) - 砵酒焗蠔(係用鐵板上o既, 先炸再用鍚紙包住焗, d蠔好大隻, 甜甜地, 幾特別, 一碟有6大隻)- 食神炒飯(好味,有蟹籽、尤魚、駝鳥肉....不油不膩)- 蝦膏炒通菜(普普通通一碟炒菜囉)- 送o既生果盤下次會再去, 想食炒蟶子, 瀨尿蝦同埋炒花螺呀.

尋日同朋友去咗濕地公園,之後就順路去埋流浮山食海鮮,因為我哋唔知邊間好食,就搵咗一間攞過奬既鋪頭試,果然名不虛傳<食物>1)歡樂黃金蟹-有啲蛋黃响面頭,炸得好好味,蟹新鮮2)炸生蠔-蠔大大隻,熱食超正3)芝士龍蝦伊麵-龍蝦彈牙新鮮,咬落去有質感,而芝士汁唔會蓋過啲龍蝦味4)生果盤-free下次一定會再幫襯^.^**值得一提,會有侍應幫客人不停換碟,唔怕啲骨成枱都係**二人共消費:$730

阿M同男友屋企人黎流浮山食海鮮，Auntie話哩度既黃金蝦係好正，一行5個大人加一個小朋友黎試試喇！我地係天水圍西鐵站乘坐K65既巴士，大概15分鐘既路程，到喇！初黎報到，嘩！有好多間海鮮酒樓，各式其式．我聽朋友講要試下食炸蠔，流浮山之最．點左以下餸菜：－１．椒鹽瀨尿蝦：雖然好熱氣，但係有好多肉食．２．黃金蝦：真係超正，ｄ蝦殼炸得好脆，咸蛋黃同蝦融為一體．３．豉椒炒蟶子：有些少辣，蟶子好清甜．４．清蒸立倉斑：蒸得太熟，爛晒，麻麻地．５．食神炒飯：有好多蟹子，冬菇，芥菜，豬肉；炒得乾爽，好味．６．鹽焗雞：普普通通．送一碟炒芥蘭＆生果拼盤：西瓜，橙．後話，總括黎講ｄ食物都唔差，不過有一樣野一定要講，就係條魚縮左水，細條左咁多既，都唔係Auntie揀果條既．．．睇睇下瀨尿蝦都少左ｄ．整體上好似俾人搵笨，真係愚人節喇！！！在此謝謝Auntie．