正宗印度餐廳 (已搬遷) 新店位置

環境好, 氣氛好, 招呼好, 但難找。MTR = Exit G 食物只是平均水準, 但先聲明, 我對印度食物不太懂的, 只單憑過往經驗而說, 一般水平。(以下有些不太記得係乜名) 2x 印度炒飯/$35.00 / 2x chicken / 1x Lamb / 1 x 炒波菜/ (Drinks) 4 x young coconut / lime soda / 2 x ? / 埋單= 784.005位= 每位160 / 再+ $16.00 Tips.-------------------------------------見到樓下有人寫在餐廳有一隻小強, 我臨走時, 都見到在Band位同第一張table的中間, 不過, 那兒不會感覺dirty。曾聽過一個傳說, 餐廳多小強, 代表生意好。我覺得, 每間餐廳必定有, 只是你看不看到而已。我主觀地想, 可能那兒乾淨, 所以小強才需要出來找野吃, 否則, 駛乜出來見人呢？

我因為大家的評語而到此餐廳食飯!!我有個朋友食過話唔好食, 但我決定信大家一次!去到個環境我真係覺得好黑!!! 有d怕(因為之前有一個人話見過蟑螂, 但好彩成晚都冇)之後我地因為要等齊人, 所以食在少少小食先..係samosa 和雞翼, 好好味呀!!! samosa我地仲返叫在一次tim呀!!等齊人已是1個小時之後的事..我地叫了2個curry, 分別是蝦, 魚, 和1個雞的dish.(sorry, 忘記了名字) 但每一款都好好味..味道我覺得好味過重慶0個間呀!! 之後我地仲叫了3款不同的薄餅, 分別係普通的naan,一個ballon(唔記得叫乜名, 但整出來好似一個氣球脹起)還有蔥油餅...都好正. 但我會推介ballon多d...雖然其他都唔錯!我唔明咁好味的restaurant都咁少人..大家都去試下啦(還有我個話不好食的朋友最後都話唔錯, 幾好味呀!)

i had tried this resturant tonight, food taste good, fairly decorated, reasonable price, good service, but yes, their location is kinda take some time to find.but what i would say that, they have to clean the kitchen more frequently, coz my gf scared the hell by a big cockroach on the floor by the end of the meal !

Me and my boyfriend went there for V'day. Despite of the trouble we went through in finding the place, the meal turned out to be an enjoyable one. We had potato salad (indian style), lamb chop, prawn curry, a naan and our all time favourite - mango lazze. Potato salad - cubed potato and tomato, peas & lettuce covered in light tomota sauce and herbsLamb chop was plain BBQ lamb chop but tastyPrawn curry - like any other indian prawn... should be called small shrimp, but the sauce was mouth wate

想食印度嘢, 朋友就特登search咗這間餐廳帶我去試試.這餐廳的位置其實幾隱閉, 招牌掛於小巷側邊, 同大廈分開了, 而餐廳就位於地庫裹面.一如其它印度餐廳一樣, 這兒都會先奉上些薄脆, 附上的還有三款不同的配料, 分別有薄荷汁, 小蒜頭及好像是金桔類的醃製品. 薄脆極之香脆可口, 兼有濃濃的黑椒味, 個人覺得就咁食係至正. 之後各點了瑪沙拉燴雞, 腰果濃汁羊肉及Naan. 雞肉又滑又入味, 配埋個汁簡直惹味, 更精彩嘅係用汁嚟伴以Naan一齊食, 真係"Super"! 其實羊肉亦做得不錯, 嫩滑又唔羶, 只是配搭的汁料較為"溜", 吃不了多少件已很飽了. 而這兒的Naan 是其中一間我認為最好的(好軟熟呀)! 用這樣的價錢食到這種水準的菜, 真的很超值!

幫襯佢係七月尾既事，果陣自己牛一，諗緊去邊度食時見到雜誌有coupon ，就決定試下食印度野。一行四人，大家都無食過印度野，唯有自己盲摸摸咁叫左幾樣，我記得好似有巴辣雞，炒飯（最簡單果個，唔記得個名係咩），有個薯蓉，有個白咖喱雞。　出乎意料地，味道幾好喎！　最重要係以前一路以為印度野好多香料唔ａｒｍ自己口味，但食到落去又幾好味。　Ｄ汁用黎撈炒飯真係一絕呀！後尾我Ｄ　ｆｄ叫左現場唱歌果位印度西施唱生日歌，佢地真係又英又印文咁唱左幾分中～　果度氣氛真係唔錯架，Ｄ人講野唔嘈（個個都好細聲，自己都唔好意思嘈）環境裝修暗得黎又唔會好黑。　ｇｏｏｄ不過我地去果日唔知係咪果個唯一一個識廣東話既侍應放假，結果有個尼泊爾藉女侍幫我地落單。。。　佢Ｄ英文都幾難聽（唔知係咪自己英文差。。。），搞到有時唔太知佢講乜～唯一有唔好既一點，係由於我地用Ｃｏｕｐｏｎ的，但佢計到出黎張單都無ｄｉｓｃｏｕｒｔ到。。。　好采我地Ｄ師奶性格睇清楚張單再同佢講清楚，如果唔係，張單足足平左成百幾蚊呀！　百幾蚊好係野架！如果無coupon，埋單要around ３８０／４呢家都係２５０／４左右扺！有機會實返來！

睇過火柴妹小姐o既食評, 又知道佢近排上過報紙雜誌, 所以o係好奇心驅使下, 尋晚o黎o左呢度試菜.呢間餐廳望佢地下門面以為好up dub, 其實佢o係地庫, 裝修得都幾華麗, 接近亞士厘道"爵樂" o既豪華風格. 黃昏六點幾o黎到無乜客, 無印籍樂師表演鄉里音樂, 又見唔到o個位好多o野講o既本地侍應(招呼我o既係兩位尼泊爾籍女侍應), 環境相當清靜, 坐得好舒服.見呢度賣o既係傳統北印度菜, 於是就叫o左我一向用o黎測試北印度餐館o既標準菜式- 巴辣雞, 芝士大力菜, 同青豆黃飯.同好多印式?館一樣, 呢度上菜之前都有免費o既炸薄脆(papadum)食, 而且仲係兩大塊添! 薄脆炸得幾鬆脆又唔油, 唔錯. 用o黎拌薄脆o既有'三小兜' - 薄荷醬(mint sauce), 印式泡菜(Indian pickle), 同泡洋蔥頭(pickled onion). 三樣都整得好好味, 薄荷醬夠濃滑, 印式泡菜好醒胃, 而泡洋蔥頭就意外地唔酸(我o係九龍城"正宗" 食到o既泡洋蔥頭酸到七彩! >_<), 保留番少少生洋蔥味. 唔! 連細眉細眼o野都造得好, 我諗主菜都應該掂喇

It's out of my expectations! If you like Indian curry, you should try one before you die. If you like Gaylord Indian restaurant, you'll find here is much better. Meanwhile, you will never go to Chung King Mansion's to taste Indian restaurant again. This is not a mislead advertisement or comment. I tasted, that's a fact!

呢間野我都幫襯過好多次喇，食物都幾正宗，味道幾好！夜晚唔知幾點過後會有兩個阿差響度吹di dar，如果怕嘈或者驚聽唔慣o既，最好早少少黎喇～價錢可以接受～而呢度o既侍應全部都係阿差，但係識講英文架，而夜班就有一個香港侍應，呢個人好多野講，好好人架，不過有時就煩左ｄ，因為佢真係太多野講，可能果度冇人陪佢傾計掛，如果係怕俾人煩的話，最好就唔好撩佢講野，落完單就唔好出聲喇^^近期呢間野成日上雜誌,可能會多左港人黎幫襯,所以最好訂位喇~