正宗印度餐廳 (已搬遷) 新店位置

先不說食物質素, 我地Book 左枱佢地竟然話無record, 要等20 分鐘先入座其實等位的時候己經唔想食, 但因為買左Yahoo 團購先迫住要食因餐廳好細間, 而所謂既自助餐得6味咖哩, 有咖哩魚, 牛肉同豆, 仲有3味見到都唔想拎既咖哩.... 擺左勁耐無人郁"gee"曬...0的咖哩完全無咩香料味, 似是為了減低成本而落好少咖哩, 根本不好食,炒飯無味又凍.0的waiter 基本上完全無視你, 就咁踩冰咁經過你身邊, 特別係個中國女人唯一值得讚既係個印度年青waitor ,全程只有佢肯理0的客, 同埋見佢整理枱面時十分認真同講究, 簡直同呢間餐廳格格不入

I found the procedure for using the same dish to serve oneself at the buffet appalling and left right away. Zero chicken tika masala when in fact they mention buffet all is available. The women owner is very rude. People stay away from this place they use canned flavor an no herbs at all. I order a nasal tea took ages. You have been warned. Food is meh. Cleanliness is gross (same dish during buffet). Such a small room and no sense of line for serve ones own self. The guys no very little Englis

朋友在Groupon買了自助晚餐券，又看到素食的選擇頗多，所以一起來嚐試。地方比較小，因此，供應自助餐的食物也不多。不過，對我來說是足夠的。食物中有一半是素食。3款咖喱、1款菜、3款炸物、1款飯、1款湯，還有薄脆、沙律和甜品。自助餐包括1杯飲品。而nann是無限量供應，但要向店員下單。我喜歡蘑菇咖喱，因為那是帶甜味的（基本上沒有辣味）。內還有菠蘿。而沙律也不錯。不過nann卻令我有點失望。我們先點了薯仔nann。但薯仔很少，只吃到麵包的味道。與之前在重慶大廈的Smart Pure Veg吃到的差天共地。

本是8月17日才可使用優惠券，致電該餐廳後，負責人竟允許我提前使用優惠券。 因時制宜，顧客至上，值得一讚，加分！座落的麗東大廈是一個南亞小社區，印巴裔商店林立。 在G/F有通道直往地庫餐廳，侍應不諳中文但頗友善，再加分！雖號稱有15款美食，但怎樣計亦只不過十款左右，會不會是我們下午一時半才入座的緣故呢？ 每人雖還可 order 一個 drink， 但以自助餐來說並不太便宜，只可說是公道。菜式和其他有提供印度食品的自助餐相同卻又較地道。 印度烤餅是我的至愛，即烤即上，還是無限供應的。 那股生蒜頭混和香料的味道是從未嘗過的，而且十分鬆軟。 咖喱雞件亦烤得十分香，有別於其他食肆，值得一試！ 不過春卷和咖喱角便太普通了，應是批發貨，欠缺了點誠意

After I read other comments, I decided to try Surya. I was quite disappointed with the services provided by one waitress, she was rude with an attitude, and carry long face all the way.Food qualities was not completely appetising. We had ordered Samosa, chicken tikka, rogen josh, masala, biyani, roti and garlic nnan. Samosa was not deep-fried, colour of the samosa was too "pale", chicken tikka was only ok, rogen josh and masala were nice, though the portion was too small.After we checked out, we

噚晚心血來潮想去食印度野, 猶疑去呢間好? 抑或再去幫另一間常去的印度餐廳好 ? 最終, 我們決定再來這間一試 ... 其實個多月前也幫襯過的, 印象不太突出, 但絕對好過另一印度餐廳在於亞士里道, 起碼我們沒有勁口渴.說回, 可能我們太早晚餐, 未有人幫襯所以我們包場食, 哈哈.前菜有微暖的黑胡椒薄脆片, 配上3種醬料來醮食, 很醒胃. 我們還 re-fill 了一次呢.昨晚試了以下菜色 :Samosa 素咖喱角 $38跟其他印度餐廳一樣, 咖哩角外皮幾厚. 不過呢間的咖哩角都幾香口. 厚厚的外皮住薯仔及青豆蓉.雖然係經油炸, 但不會覺得油膩, 幾好味.Tandoore mix 燒烤雜錦鐵板拼盤 $142. 大約有一隻小雞脾(尚算嫩滑), 兩件雞胸 ( 偏乾 ), 兩條肉卷 ( 其中一條係羊肉唔羶. 另一條真係唔多知道係乜 ), 一隻蝦 ( 霉得很 ), 一舊肉 ( 又係唔知係乜, 不過很硬, 咬了小小頂唔順, 放棄了 !! )伴菜以椰菜絲同洋蔥絲, 整體上不太吸引的.Vegetarian $65呢個係餐牌上沒有的, 我們想吃辣一點, 所以侍應先生介紹這個.豆角/薯/莒蕃茄/青

夜晚想食印度野, 男友就好醒目0甘揀左黎呢度 ^ ^ 點解話距醒目呢? 因為真係好好味!!! ~ 地點都幾隱蔽, 差d行過左都唔知! 原來係同鹿鳴春同一棟building ~ 不過係地庫!呢度整體價錢比重慶貴, 但係環境就好d又靜d 檯面仲有支蠟燭添 ~ 可能我地早啦, 又無咩人, 都幾有情調.前菜有碟薄脆, 有3種配料(一個好咸, 一個綠色, 一個酸蒜頭+紅蘿蔔), 咸咸地, 不過不失吧! 同男友叫左個Chicken Tikka 同Rogan Josh, 要多左個原味Naan同Mango LassiChicken Tikka真係好好食!!!!! 雞肉極之嫩滑, 而且十分入味! 好香口! 落埋d檸檬汁 ~ 正 ~ 之前係重慶食過幾次, 0係英國果陣都食過, 都無呢度0甘好食! 好想encore 多碟啊 Rogan Josh都唔錯 ~ 個汁幾香, 偏番茄味! 配埋Naan食, 幾好! 食到尾覺得有少少辣. 不過羊肉略嫌唔夠稔, 無雞肉做得0甘出色 ~ 其實距個Naan都幾好食 ~ 不過我地攤凍左少少先食呢..... (但都仲有少少脆!)Mango Lassi 好好飲 ~ 味道剛剛好,

話都冇咁快師傅又寫到第五百個食評啦, 仍記得當時寫完第四百個食評後, 師傅話第五百個食評一定要同好友食家"乜都放入窿"一同再試, 而言出必行嘅師傅一定冇甩拖啦, 所以就約左好友食家"乜都放入窿"一同共進晚餐, 而地點菜式就由好友發版!經過一輪嚴格挑選後, 最後好友食家"乜都放入窿"就揀式呢間食店, 師傅當然非常之期待啦, 所以當晚特意提早離開監房, 同好友共享晚餐!去到餐廳, 當然冇訂到位啦, 由於時間都尚早加上人唔多, 所以好易有位; 一坐底師傅同好友食家已經急不及待睇下有咩好食啦, 一打開個餐牌師傅覺得樣樣都好吸引, 樣樣都好想食, 最後商量過後, 就柯打左餃子, 咖哩牛肉, 咖哩雞同埋芝士菠菜, 再加兩客烤餅, 一客普通一客係蒜蓉, 飲品師傅就揀左最簡單嘅青檸梳打, 而好友食家就揀左個咸乳酪!坦白講幾道菜確實嘅名稱真係唔係好記得喇, 不過大約都係咁上下; 首先師傅就試下個餐前小食, 係一片片薄薄嘅烤餅, 烤得好香好脆, 好味過食薯片多多聲, 勁正; 跟住再講下個餃子, 如果師傅冇記錯應該係叫尼泊爾餃子, 餃子一客有六隻, 碟中間竟放左辣醬, 如果同廣東餃子黎比, 廣東餃子當然高少

Naan在香港吃了不少，出色的，要算是這裡。路經此地，本想行上二樓吃個山東燒雞午餐，但想起不如吃咖哩也好，就行了落地庫的這裡。也相信是位置較隱蔽的關係，是日所見，午市是幾冷清的，計及我也只得兩檯三位人客而已。午市套餐也有近十款可選，就簡單的要了個咖哩羊Lamb Curry。沒有前菜小吃，卻有餐湯，是個簡單的薯仔菜湯，雖然不夠濃郁，但味道是不錯的，很香的薯仔味；咖哩羊辣辣的，這裡的偏向油咖哩，香料味豐富又有層次。羊肉則是羊腩的部份，韌得非常犀利，很有「趙頭」，而咬多幾下，也「一口渣」的，真的是不吃也罷；但那一籃子的naan就很有水準，烤得塊塊熱辣辣，外皮微脆，撕開內裡很是鬆軟，吃起來口感非常好，拿來點咖哩汁，絕佳美味。可以說句，是日在這裡吃到的naan，是在香港吃過最好的了。所以一籃八片，吃了四片，也捨不得剩下的四片，囑侍應生幫手包起拿走，再去九記買個牛腩湯，回公司來個自製的牛湯泡膜~也是人間美味！兩位侍應服務都很好，包起的naan，是用鍚紙捲起的，細心周到，值得一讚。連一杯原味的lassi，埋單連加一貼士，埋單七十蚊，吃得心滿意足。

星期六下午不用上班, 又沒有什麼事要忙. 很休閒.一個人到尖東散散步, 肚子有點餓. 剛巧見到這一印度餐廳. 見到有便宜的lunch set, 便試試. 點了chicken tandori. 另加一杯lassi.先送上小食. 有薄脆, 附三款配料(蒜頭加紅蘿蔔, 綠色的汁和不知名咖哩果實). 好有印度特色.之後有個餐湯, 好淡. 不過印象中所有印度餐廳d餐湯都係咁上下.主菜是chicken tandori, 燒得很香口. 有5 大舊naan. 食3 舊已很飽. 還附上正宗印度咖哩汁. 超讚!最後加一masala tea. 不是普通奶茶, 充滿濃郁的肉桂味, 真的很正宗. 我一邊飲印度茶, 一邊聽著餐廳那民族音樂, 竟不知不覺進入類似trance的半睡眠狀態~~A wonderful experience!!

本來只是自己想吃怎料你說令你想起你的印度之行不知是誰準備的心意?在僻靜的尖中街道上有僻靜角落有這個僻靜的地牢樓底矮矮的暗暗的環境卻出奇地寧靜和舒服chicken tandori是很難出事的蕃茄湯是印度回來的指定推介我沒有多喝不過看來確是很特別不像是羅宋那種也不像蕃茄濃湯菠菜芝士有些許類似印版的芝士年糕一叢叢的菠菜再被濃濃的芝士簇擁著賦予大力水手菜新的意義最後來的是大蝦黃飯可惜蝦不很大黃飯也乾得很單看外表有點兒像楊州炒飯不算十分好吧但友善的態度舒適的環境和好正宗的lassi確是喜出望外的唯一要扣分的想必是那洗手間了從沒有想過會與兩位小妹妹談起股票來唉的確是全民皆股的時節了還是我們都世俗了?或許也不能不正視你們也都長大了說起來印度股票潛質也不錯的

見樓下食評話唔錯，於是尋日決定去試下間舖都幾偏僻，縮埋係個好up dup嘅商場裡，唔特登搵都見唔到。入到去，裝潢同燈光加埋音樂好有情調，但好靜局無乜人，除咗我哋只有另兩個鬼佬，雖然我哋臨走前再嚟多三個，但果陣係weekday 8pm咗右，照計應該係最旺嘅時間，都係得果咁少人，我好懷疑佢\點『維皮』講返食物，今次我一反作風，無叫到傳統『黃咁咁』嘅咖哩，而叫咗一個腰果Chicken Korma，米白色好似cream咁(對印度人嚟講唔一定『黃咁咁』先叫咖哩嘅)，唔辣但香口，有口感，d雞肉都ok，個人嚟講覺得比咖哩王好dd，用嚟送烤餅啱哂。另外叫咗個芝士菠菜，d芝士好鬼得意，無乜奶味，入口好似豆腐，對我嚟講辣咗d，整體味道一般。見到menu見到有個尼泊爾餃子，沒想到有此一味菜，好奇心驅使下點咗嚟試下，一碟有10隻，味道同我哋食開果d唔同，有落香料，少少辣(如果唔點汁嘅話)，皮略厚，還可以。仲有叫咗一個普通烤餅，唔錯，但比起咖哩王都係差d最後送咗d小食，一粒粒白白地好似釘釘糖咁嘅糖，加上一d細細粒紅紅綠綠類似種子咁嘅嘢，香口，甜甜地，飯後咬咬下都幾得意兩個人食埋單$228，比重慶貴d，但舖頭比較

終於找到了，真的頗偏僻和不起眼。甫進去，發現裡面很暗，以少許小燈和蠟燭照明，但裝修及環境不俗。再看看，整家餐廳是空的（當然是除了侍應）！點菜前先奉上薄脆，附三款配料。其中一款是綠色的汁，不知是甚麼，味道麻麻。另一款侍應說很辣很鹹，嚐了一口，辣還沒甚麼，但確實很鹹，難吃。再來是蒜頭加少許紅蘿蔔，是味道較正常的一款，一般。至於薄脆，原來本身已帶一點鹹和辣，質感和味道都不喜歡。兩個女孩子點了：芝士naan素咖喱角帝皇汁咖喱羊肉青瓜乳酪素角有四件，內有青豆和不少馬鈴薯，味道不俗（但吃了一件已有點飽）。一向喜歡吃naan，也很喜歡芝士，芝士naan當然好吃啦。羊肉：餐牌說微辣，果然是微乎其微，完全感覺不到。味道其實也不錯，但似乎我們選錯了，適合吃不了辣的人。青瓜乳酪：原味乳酪加了切得很小的青瓜。主要是乳酪味，本來點這個是想消消滯，但乳酪好thick，未能達到目的，青瓜也實在切得太小太幼了。服務良好，兩個侍應，一男一女，都很nice。埋單時奉上一盤不知是甚麼的物體（但和樓下拍出來的不同，只有兩款，顏色也不同），試過後覺現白色的是糖，綠色的味道像香茅。連加一合共$188.1，連貼士$200。後記：去

獨個兒單挑完整碟「酒糟鴨肝」後，膩得緊，打算吃些辣野消滯。轉角位毫不起眼的印度餐廳，想試好耐，但次次都是擦身而過，距離下單job還有時間，就趁今日試試。幾夠格調的餐廳，擺放著唔少特色的印度擺設，角落的位置更有印度的live band位，聯到到印度人同眼鏡蛇～老闆拿了餐牌來，睇左幾眼，唔見有set lunch，再問佢有無set lunch，再拿個餐牌來，有點蠱惑。叫了$48的set lunch，有番茄湯、masala羊、chicken tikka、咖哩角、印度米飯、papadum配三款醬汁。餐前是三款醬汁配papadum，正規的配套，是薄荷葉醬、anchor、甜醬，anchor其實是醃過的甘吉皮,又鹹又酸又辣,坊間少見，幾特別但好難食（不對口胃）。番茄湯杰杰地，對口味，masala加了大量的番茄，茄味重過香葉，加有入薑絲，較坊間下大量洋蔥煮的masala又是一番風味，羊肉稍稍醃過，微臊而肉嫩，肉味同masala幾balance，唔錯。chicken tikka用乳酪醃過，串著放入爐燒，雞肉留有tikka的針孔，入口又香又嫩。Naan餅又鬆又香，蘸些masala，三兩下手勢清碟，可憐忘了身

去呢間印度餐廳已經有好幾年, 一食過就唔想去第二間! 呢度位置雖然偏僻, 但都幾多人去架! 第一次去係同班做印度行既朋友, 因為佢地成日要招呼印度客, 所以已經去過好多間, 但最終都覺得呢到最好! 去呢到我就最鍾意坐佢張圓檯, 自成一角, 同朋友傾偈就最岩!呢度有既招牌羊肉, 馬沙拉黃豆同原味naan 係必食既, 仲有佢既芒果lassi 亦都好好味, 好濃芒果味! 佢地既侍應都係當地人, 英文溝通無問題, 不過我就最欣賞佢地個肥哥哥同水吧哥哥, 因為上次我去食飯時亦都叫左杯芒果lassi, 但可能個芒果麻麻地, 咁我就同佢反映話杯lassi 今次唔好飲, 無咩芒果味, 佢話同我搵, 但我話算啦, 因為我已經飲左幾啖, 兼且都唔係唔飲得, 只係唔及以前好, 但點知過左一陣水吧哥哥親自拎左另一杯出黎俾我試, 嘩! 真係高興, 意外收鑊呀! =)