正 麻辣·茶·雲吞 (已結業)

長沙灣很多小店食肆林立，尼間食肆雖然唔係大街大行，但就近住宅區，探完朋友，落到樓下，見有D肚餓，於是推門進去食個麵秘製麻辣撈麵，撈麵有香口的花生，野味的小蝦米，開胃酸醃菜，急不及待將麵撈好，立即夾起大啖吃一口，麵質彈牙，廚師拿捏時間恰到好處，麵唔會過淋，保持水分，唔會太乾，微麻微辣，十分開胃，食晒成碗都唔覺膩枱面有個銀色甖、打開原來係菜脯，店員溫馨提示菜脯蠻辣，於是先試小小，又不是想像中咁辣，菜脯加上豆豉，混入麵內一起吃，不知可解，越吃越辣，就如店員所説😅小食牌上有兩款動起手指公推介，香煎芝心雲吞，香煎脆脆韭菜餅，兩款都想食，但只得一個人吃，所以最後叫咗韭菜餅，一上枱已經覺得好吸引，炸得外層鬆脆，咬落口卜卜脆，包住新鮮韭菜同juice豬肉，真係必吃之選麻辣魚蛋，微辣，辣度連唔太食辣的人都可接受，六粒份量剛剛好至於飲品，有好多健康之選，我就揀咗羅漢果野生靈芝，清清熱氣之餘，亦可補身除疲勞期間都見廚師不停做外賣，証明食物有水準，所以深得街坊愛戴!

睇電影前同朋友一齊食個飯先，見到呢間望落都幾骨緻嘅食店，就決定入去食返碗雲吞面。我叫左款招牌推薦手撕雞絲擔擔面($43)，朋友就叫左薑汁椰菜豬肉雲吞麵($39)，另外加左個香煎脆脆韮菜餅($33)。薑汁椰菜豬肉雲吞麵有7粒大大粒雲吞，皮薄餡靚，雲吞肉餡好鮮甜，大大碗好滿足。手撕雞絲擔擔麵，雞絲好足料，湯底咸鮮，配上芝麻花生碎，微辣香口，加上小小佢地自家制嘅辣菜圃成碗面更香辣好味。香煎脆脆韮菜餅有5件，件件都好香脆，上枱時熱辣辣，食落好香口。茶亦係呢間店自家制出品，主要係健康養生飲品，不論配辣或是炸野都好夾。朋友叫左羅漢果野生靈芝，飲落清甜潤喉，可以解辣。金橘檸檬蜜酸酸甜甜，都係潤喉解辣嘅味道。

一個人唔知食乜好，見到呢間舖個招牌又幾得意，便入去一試，問店員有咩推薦，她第一時間叫我試雲吞，我點了雙併（$42）椰菜豬肉併粟米豬肉，估唔到呢間舖細細間，個雲吞及瑤柱豬骨湯可以咁好味又清甜！食完雲吞我竟然連個湯都K.O 埋.... 另外我點了一客韮菜餠，即叫即炸超級香脆，韭菜味濃郁，啱晒我呢個鍾意食熱氣野嘅人，另外我當然點了他們自家製的健康茶- 羅漢果野生靈芝，潤一潤喉嚨先... 最重要我食完佢哋出品竟然唔頸渴，實在難得！

2019.3.20 收工同妹妹路經呢間雲吞店，於是就試下～妹妹叫左呢個手撕雞絲擔擔麵（$43），個雞絲好夠多好夠嫩～個湯底亦好夠香，不太辣，岩哂我口味👍🏼而我就當然要試下它的招牌雲吞，所以我點左呢碗薑汁椰菜豬肉雲吞麵($39), 椰菜令雲吞口感更爽脆，豬肉餡亦夠足料夠juicy呢個係它們自家製醬菜～好夠辣好夠惹味，食很辣的話，加入麵食内更為惹味！另外，我們仲點左呢個‘香煎脆脆韮菜餅’（$33），真如其名炸得好香脆~好正!除左雲吞外，呢間仲出名健康茶類特飲我點左‘羅漢果野生靈芝’，有清肺化痰止咳之效，味道清而潤喉，好合我口味！妹妹則點了‘金橘檸檬蜜’，亦好夠滋潤

深水埗區一直都有好多隱世餐廳，不但味道好，服務也好，也好有人情味，這才能留得住客人吧。同朋友行左一段路就見到對面這間食雲呑的，店內不算大，但好企理，cozy的感覺，老闆娘(我猜她應該是)好friendly, 所以一入去感覺已不錯。我地都揀左一陣先決定到😛 誰叫我們都一點選擇困難。來這邊當然要試雲吞，我們叫左一個薑汁椰菜豬肉雲吞，加左木耳同雞絲。😍佢個雲吞整得幾好啊，豬肉加埋椰菜好香好juicy，皮的厚度也剛剛好，可以hold住餡料得來又不會太厚粉，木耳雞絲既量都幾多，好開心。唯一美中不足是我覺得佢薑汁味不算強，如果多返點薑汁味應該會使其更特別。另一個主菜朋友叫了麻醬青瓜雞絲撈麵，好傳統的一個菜式。濃淡適中，涼涼的好適合食左其他辣野之後食，好舒服。小食方面叫了一個涼拌青瓜和川辣腸粉。老闆娘好窩心，佢上個腸粉時同我講特意少辣左俾我地。😳佢好細心，因為見我地無咩叫辣野，估到我地食唔到好辣，所以幫我地減輕左。減輕左之後對我來說是just perfect, 佢惹味得來又不會過份強烈，有微微煎香左既口感，帶住一陣陣輕輕麻麻既感覺！這份腸粉成為左我地成餐最惹味的食物。飲品方面我叫左一杯海鹽青檸飲品，

其實本人唔係好食得辣，但既然佢個店名都叫做麻辣，黎到當然要試試佢既招牌啦。呢次趁下午茶時段黎食，叫左個麻辣撈雲吞，下午茶只需$27，加$7追加多個米線，絕對係街坊價同抵食。雲吞係無得自選既，以為只得一款味，原來一碗裡面都有兩種雲吞，是日有韮菜豬肉雲吞同椰菜豬肉雲吞。好足料好大粒，皮薄餡靚，配上佢既自家製麻辣汁同特製酸菜一齊食，十分惹味。一路食我D鼻水就一直流，好彩下午茶餐跟野飲，而我就叫左個凍既羅漢果茶降一降溫。羅漢果濃郁甘香，由於係店家自家煲涼茶，唔會過甜，可以飲到羅漢果濃郁甘香味道，有益健康。題外話:當我食第一口米線時，點解會食到一陣好隱約既羊肉味既?我以為淨係我係咁，我聽到隔離枱位小姐都話食到有羊肉味，我即刻睇多次個menu搵下有無羊肉雲吞啦，但係成個menu都無羊肉呢兩隻字wor, 好奇怪。🤔

一間全部正評的店舖, 引起我的好奇, 餃子也是我喜歡的主食, 今晚就來這裡晚餐。小小的店舖, 似是一家人的家庭式餐廳, 對於很少吃到住家菜的我來說, 好像有點家庭溫暖, 媽媽的感覺。羅漢果野生靈芝$15店家自家煲製的, 羅漢果濃郁甘香, 散發陣陣靈芝味, 好健康有益的茶。香煎麻醬腸粉$28剛剛煎到脆脆地, 好香, 又不會過火, 腸米有米香味, 配合麻醬和甜醬, 簡單的美味。韮菜餃 西洋菜餃 雙拼 $42來到餃子主食, 我要的是瑤柱豬骨湯底, 不算很濃郁, 但都是可以喝的湯底, 有陣瑤柱的咸香味, 餃子皮薄, 餡料沒有太強的調味, 吃到食材的鮮味, 兩個口味中, 較喜歡韮菜餃, 味道較突出, 還附送幾條生菜, 像在家吃飯那樣健康, 營養均衡。涼拌青瓜$18雖說是小辣, 對我來說辣度蠻高的, 有豆瓣醬和麻辣的味道, 青瓜有拍過, 更吸味, 爽口。

因著呢半年開始在九龍返夜學，所以會收早工在附近搵飯食左先再上。我咁鐘意食辣就梗係先搜尋下有辣野食。呢間叫：「正 麻辣·茶·雲吞」就即時吸我睛。所以就試試看。位置真心唔算太理想，但個鋪面好在有別呢區既裝修，較優雅的裝修＋　靚女老闆娘，可以成為呢帶的清泉之選。（如果多啲易拉架宣傳都更加好啦！　因為幾好食，之後講）　看餐牌個價錢都幾合宜，看得出老闆娘是用心設計過，感覺有點台灣風，實在幾特別，因為是食辣既，但係又優雅地食辣ＨＡＨＡＨＡ　清雅左。平時食辣只會諗起好似大排檔，快食快走，但呢度係比你抖到氣既感覺。今次我叫左檸辣雲吞加麻辣面底。我本身就酸野無興趣，但未聽過檸辣呢個選擇，幾吸引，所以叫左。無失望，清新，泰式酸辣配料加好嫩既豬肉餃。老闆娘仲叫我小心啲肉汁，ＪＵＩＣＥ　好味，加埋個面有麻辣味，得意配搭但好夾。圖中既檸辣雲吞份量好足，但餡料好飽滿，因為我叫左個小食，爭啲食唔晒，　但因為好味，都坐得下，所以最後清晒碟ＨＡＨＡＡ　呢碟炸雲吞係要應付我愛吃香口野既舌頭，真心好香好脆。在餐牌寫原先係煎脆的做法。但當天老闆娘話炸試試看，出來效果都唔錯。又係食晒無淨原來想叫另一款，咁岩無晒，改飲黑糖玫瑰茶

有驚喜的雲吞麵小店昨天經過深水埗保安道，發現有一間特別的雲吞麵小店。店舖門面裝修新潮，於是乎入去試下.........我自己非常鍾意食麵，無論係日本麵車仔麵上海麵牛雜麵雲吞麵⋯⋯只要喺麵就非常鍾意食。這間店裝修簡潔清新，同一般雲吞麵店截然不同。小食方面也多元化，我哋睇完張菜單，叫左川味口水雞𢇁，香煎麻辣腸粉，窩蛋肥牛麻辣麵 同埋珍珠雲吞擔擔麵川味口水雞絲其實同食開的口水雞分別不大，不過當雞肉去皮切絲後撈埋啲川味麻辣醬，口感清新豐富。這道菜個人覺得充滿創意，食完有很開胃。香煎麻辣腸粉腸粉就真係由細食到大，不過通常食開啲腸粉都係甜醬辣醬麻醬芝麻撈埋一齊蒸熟左嗰啲腸粉，這店廚師將啲腸粉香煎左之後又再撈埋啲麻辣醬，腸粉嘅粉皮吸收晒麻辣醬嘅味，層次特別但係又唔會油膩........實在值得一讚。窩蛋肥牛麻辣麵牛肉唔係一塊塊，佢哋切成一條條再撈埋隻蛋加埋落啲麻辣味道裏邊，真係唔錯。而珍珠雲吞擔擔麵雲吞係炸的，分開上碟雲吞唔會鋪喺碗麵上面，浸到林晒。另外，值得一讚係佢哋的麵條非常彈牙，自己因為好鍾意食麵，曾經去國內一些小鎮的小店，那些小店廚師會拿出一舊麵粉左差右差，跟住在我面前拉成一碗麵，看見這樣用

今日突然好想食麻辣食物，係長沙灣附近見到呢間正麻辣茶雲吞即刻行入去試下。呢度環境寬敞舒適，坐位不會太窄，可以同一時間試幾款食物都吾洗驚吾夠放。我同友人都特別喜歡食麻辣，但係香港食麻辣食物特別貴同唔夠麻香，只有咸辣味。但呢間正麻辣茶雲吞嘅麻辣撈雲吞好夠麻香味，同時雲吞皮薄多餡料，十分惹味。除咗椰菜、香葱同莞茜之外，麻辣撈雲吞仲有用蝦米調味。另外，秘製麻辣撈麵都有好多配料，完全唔會太乾，適合喜歡食麻辣的人。就算冇食麻辣嘅嗜好都可以嚟呢間餐廳試下個芝士雲吞。所有餸菜都熱辣辣咁送上，個芝士雲吞一咬開就有流心的芝士，十分濃味。芝士雲吞個皮炸到好脆，外脆內香，值得一試。不得不提嘅係呢間舖頭嘅辣菜甫整得好入味，好少辣菜甫會加入豆豉醃製，又辣又香。

經朋友介紹，而且又是吃辣的，當然不會錯過啦！未來之前已經看過有咩食，喜歡小店的風格！算是隱世食店吧~走進店内，已坐滿人，非常熱鬧！看看餐牌，很多選擇，看了很久才決定到，哈哈~和朋友點了兩款米線、兩杯飲品和一小食……先來一個菲菜餅，香口美味！我點了一個麻辣撈的，唔乾，有蝦米仔和菜等的配料，雲吞足料、魚蛋彈牙……很麻很辣😆😆漸漸的，越吃越辣，實在太厲害👏👏還有健康飲品，很好的配搭！(有少少解辣的作用😌😌)老闆娘認真制作，會問食客意見；每樣也親力親為，難怪有這麼多熟客來光顧！

我同朋友都好鐘意食辣野，專程黎呢間麻辣•茶•雲吞食飯，店內小小，但空感好寬敞！店內既選擇好多，我地先點左兩款涼拌小食，涼拌雲耳同川味口水雞絲，涼拌雲耳每次食川菜都一定點，呢到既涼拌雲耳辣味好足夠，雲耳又爽口！川味口水雞絲好惹味，有埋青瓜絲口感好豐富，好喜歡既兩道小食，必叫之選！之後點左檸辣撈雲吞，係出面好少見，好特別，檸檬味辣汁配雲吞，好清新同開胃，雲吞皮薄餡靚，一人食幾粒已經有飽肚感！原來小店都有唔辣既食物，唔太食得辣既朋友都可以有選擇，瑤柱豬骨湯底魚蛋湯麵，湯麵質感岩岩好，軟硬度適中，瑤柱豬骨湯底好濃郁，魚蛋彈牙有咬口！最後叫左杯熱金橘檸檬蜜，食完辣野飲完喉嚨好舒服，冬天好岩飲，飲完感覺好潤！鐘意食辣既人一定要試下！

老公約左朋友踢波 陪佢係附近搵啲野食行過呢間小店 見冇咩人裝修又企理就坐低左睇一睇餐牌先發現呢間餐廳岀名食麻辣可惜我地兩個都唔係好食得辣不過唔緊要！仲有其他招牌菜！我地一個叫左湯麵 豬骨湯底皮魚片頭 溏心蛋好清甜 感受到冇味精 配埋生菜好有家既感覺 又足料😍一個叫左芝麻醬青瓜撈麵 加雲耳 溏心蛋又係好足料 愈食愈開胃值得一提既係配料溏心蛋煮得剛剛好 蛋黃半液體 好正 好好口感呢間餐廳岀名食雲呑我地叫左7隻麻醬雲呑一齊食配搭好新鮮特別 值得一試而且 超級足料 皮薄肉多 啖啖肉好滿足我地仲叫左兩杯熱飲 一杯咸青檸茶 一杯羅漢果茶感覺好健康養生總結感受到每樣食物都用心製作 原汁原味而且店員好友善 感受到一份人情味大家行過又想平平地又健康咁食返餐既話好值得推介！😊

同男朋友行開深水埗，就想揾下有無咩隱世小店，見到呢間食店有得食雲呑又有得食麻辣野就即管一試，果然係美食在民間，一入去已經覺得店面好乾淨企理，裝修簡單好有屋企既感覺，開放式廚房俾人見到食物處理過程，食得好安心男朋友叫左一個麻醬撈雲呑加腩肉雞絲，我想食麻辣野就叫左個擔擔麵，仲加左一個小食芝士雲呑麻醬撈雲呑好貼心有七粒同十粒揀雲呑好大粒，食四五粒已經開始飽，女仔食既七粒就剛好，兩個人share叫十粒又得我食左一啖已經感覺到佢用料好足之餘，仲唔係一般食店將豬肉攪碎包入雲呑就收工，豬肉係切碎再加菜包入雲呑，會感覺到自己食緊既真係豬肉而唔係肉碎，食店既用心製作好抵讚，最欣賞係雲呑調味剛好，不會太鹹，配少少麻醬就已經好好食，岩晒想食住家風味既食客加配既腩肉都腌得好腍好入味，店主應該落足料去炮製，食落好香鹵水味，食到停唔到擔擔麵最欣賞佢個湯，好濃郁好香又惹味，食食下見到湯入面好好多隻細細隻既蝦仔，唔怪得個湯咁好飲，餸麵食真係無得彈，雞絲係雞脾肉拆出黎，好嫩滑雲呑好香脆，芝士味好濃唔好睇以為佢好普通，熱辣辣咁食真係超好食見到呢個咁特別既配搭就叫黎試下，點知都真係好驚喜，黑糖同玖瑰既味道好配合但兩者既味道

今日相約朋友到長沙灣，知道呢到有間<麻辣•茶•雲吞>食辣好好味，特意黎試下，店內報置舒服，約三五知己談天都不錯。餐牌上麵食和雲吞既配搭很多，我地揀左檸辣撈雲吞（7粒）,有10粒/7粒選擇，好特別，好少食到有檸檬味既汁配雲吞，有新鮮感！而且辣辣的帶有檸檬香味，雲吞皮薄肉厚，每人3至4粒已有滿腹既感覺！然後點左瑤柱豬骨湯底魚蛋湯麵，除左辣食之外，意外地有唔辣的，點左咁多樣辣菜式，想點一個中和下，瑤柱豬骨湯底好清甜，湯麵質感不會太硬或太淋身，剛剛好，魚蛋彈牙！涼拌雲耳，好喜歡既一道小食，雲耳配合辣非常夾，而店做出黎既辣都好香口！川味口水雞絲-麻辣味好惹味，再加埋青瓜絲，好豐富，雞絲好嫩滑，加埋一齊好好食！我地仲叫左金橘檸檬蜜潤一潤喉，飲落去好清新，食完辣野飲喉嚨即時清一清十分推介呢間小店！