武士拉麵 (已結業)

呢日因為要睇林一峰演唱會 所以黎左九龍灣國際展貿中心睇演唱會之前 梗係搵嘢食填飽個肚先開始睇啦行過呢個門口好開揚既日本拉麵店入邊好有日本風味 所以決定入去試下落餐係要自已畫點餐紙既我揀左武土沾麵(柚子魚介wasabi沾麵)將麵條放入去濃郁既柚子魚介wasabi醬入邊浸一浸 拎出黎就食得拉麵吸了醬汁的味 香濃而又不會過鹹仲有我最愛既半熟温泉蛋 同夠軟身既叉燒而朋友就揀左真田將軍拉麵(豬軟骨拉麵)豬軟骨夠淋又入味湯底很濃而又不會膩食完拉麵有的意油未盡決定叫埋小食明太子雞翼炸得很香口 最重要是去了骨岩曬我呢的懶人日式煎餃子餃子皮薄涵多汁

睇戲首選永遠都係九展，戲院新又唔易爆場。但搵嘢食從來都係一個問題。不過近排九展都開咗唔少新餐廳，今日睇戲前我哋就快閃食咗個拉麵。時間無多，去拉麵店唔需要花太多時間選擇。而呢間仲同戲院合作，睇戲食飯有優惠。我哋極快速就選好自己鍾意的食物，老公叫咗個牛乳拉麵。試咗一啖湯，牛乳味真係好濃，而且粟米好甜好夾。我就點左一個地獄拉麵，滿滿的紅油令人睇見都覺得刺激。拉麵麵條軟硬適中，湯底的濃度亦剛好，有少少沾面的效果。呢個地獄湯底都幾香濃，但真係幾辣架！至於配料，糖心蛋做到半熟，值得一讚。另外好欣賞佢的叉燒，比較厚身有咬口，而且仲輕輕燒香過。小食方面，我哋揀咗炸蝦同埋雞翼，兩款小食唔係主打，但都有一定水準。

九龍灣展貿地理位置太隔攝, 冇乜必要事, 一年都唔會嚟一次, 今日嚟聽演唱會, 當然係順個靚便早d入嚟睇下有咩新野食, 喺3樓美食廣場兜咗一個圈, 好多店鋪都未開或裝修緊, 呢間拉麵店裝修日本style, 又光猛, 好似幾吸引。每台都有拉麵四寶, 廚師自家特製魚油、辣椒油、黑胡椒油及胡麻辣椒粉。午餐抵食好多武田將軍拉麵 ($118 加配溫泉蛋+10）奶白色的北海道牛乳湯底, 散發出陣陣的奶香, 上面放滿配料; 溫泉蛋、甜粟米、日本叉燒、紫菜及蟹柳, 非常豐富。叉燒 ~ 清清的滷水鹹及香, 有肥瘦層次, 口感不錯, 再肥啲會更美味。溫泉蛋 ~流心溫泉蛋, 同樣用滷水汁浸過, 蛋黃色澤金黃, 入口creamy 軟滑。蟹肉 ~ 不是平價貨的粉條, 爽甜。粟米粒 ~ 有奶香的甜美粟米粒。拉麵 ~ 麵質我選了普通, 硬度亦都系選普通, 麵質入口軟硬適中, 拉麵唔太硬, 微彈爽口, 好食平時食拉麵湯底, 我通常試2口便算, 今日機乎飲晒, 清香北海牛奶混了豬骨湯底, 我還加了少許黑胡椒油, 微微的黑胡椒辣, 清香而唔太鹹膩。

由朋友口中得知九龍灣有新食街，二人二話不說果斷前往挑戰下。行了一圈，發現一日本小店，價格相宜。點了醬油魚介豬骨湯底拉麵，選了濃湯底，普通質感的拉麵。湯底魚味濃郁，豬骨既膠質完全溶於湯底內，渴下一口湯，雙唇已被緊緊合上。職員更說加入點他們自家制的魚油，味道更佳，果然，加入魚油後味道更濃郁，帶有魚鮮味。到了黑蒜油豬骨湯底拉麵，黑蒜油味夠重，硬身面質比普通的真的硬一點。流心蛋味道剛好，流心蛋黃才是皇道。自家制 辣椒油，黑椒油 ，魚油 ，拉麵胡椒。四種唔同醬油令到拉麵有更多獨特性。小食方面，芝士炸蝦粒，蝦丸彈牙可口，入口又不會一陣油味，中間的芝士更可拉長，芝味濃厚。另一小食唐揚魷魚，三十多元已有一大碟，抵食度滿分，味道咸咸香香，外表被炸至香脆。店內還有沾麵，下次再試吧。

經朋友協助成功訂購半島酒店月餅，取貨地點在九龍灣展貿中心。週四下班後，隨即到達會場，領取月餅，之後留在 E-max 醫肚。 好一陣子沒有逛過這個商場，也不知道二樓位置增闢了食街。走到盡頭，發現>>>武士拉麵<<<，被其北海道牛乳味湯底吸引，隨即入座。 北海道牛乳湯底的拉麵名為武田將軍拉麵(HKD118)。 奶白色湯底不會太過甜膩，但牛奶的濃滑細嫩仍可充份呈現，配以店長推薦配搭的麵條與麵質，很能掛湯(和調味)，味道無可比擬。 餐桌調味料是自家製黑椒油、辣椒油及魚油，冰只添了少許黑椒油，已經令整個拉麵變得香辣過癮，齒頰留香。 叉燒略微偏瘦，大大塊夠咬口。比起其他拉麵，此碗外加北海道名物蟹柳，當然不能缺少香甜粟米、海苔及名副其實流心蛋，更為豐富。 配以特色小食唐揚魷魚(HKD36)，即叫即炸，但無因而減慢上菜速度，鬆脆可口，添些新鮮檸檬汁，讓層次更見誘人。 餐廳無需加一，但服務絕不遜色，斟茶效率很高，侍應亦有禮，令這頓晚餐吃得很順心。

來九龍灣申領回鄉卡，由於老公這晚有應酬，不回家吃飯，所以辦完證後，就相約在附近上班的兒子一起去撐檯腳。本來提議去 MegaBox  隨便找間餐廳醫肚，但原來這小伙子想食完飯後去展貿換禮物，既然這樣，就一於改去九展覓食。沒來一排，原來 E-Max 最近都進駐咗唔少型格特色食店，看來以後可以多啲過嚟揾食。兒子愛吃拉麵，記得早排曾到訪過 VERY FOOD 食街二樓的「武士拉麵」，吃過店子的麵食，覺得食物質素很好，反正兒子沒嘗過，就一於和他來試試。講真，其實幾鍾意這裡的裝潢，既簡約又富美感，尤其是店子盡頭嘅一列布簾和木架上的武士刀，讓人感受到濃厚日本風。拿起餐牌，麵食基本和對上一次來時沒分別，共有十款，之前吃過店子的皇牌：柚子魚介沾麵和豬軟骨拉麵，今次就一於換吓口味。我點了北條將軍：蕃茄胡麻冷麵，而兒子就揀咗武田將軍：北海道牛乳拉麵 ($118)。先來的北條將軍：蕃茄胡麻冷麵 ($108)，以一隻闊口碗盛載，而且上桌時還附有一小兜胡麻醬。撥開面頭紫菜，冷麵分量不多，一個人食剛好。至於配料方面就有日式叉燒、溏心蛋和長崎蟹棒。先將冷麵和麻醬拌勻，麵條咬下爽彈煙韌，散發著濃郁的芝麻香氣；日式叉燒肉

同事想食拉麵，記得有另一位同事讚過呢間，所以黎試下。12點半去到都幾full，午市拉麵$58起，我地叫番傳統豬骨拉麵，另外一加$10要多份叉焼（其實得一塊），另加$5木耳同叫咗明太子雞翼（$20兩隻）豬骨拉麵份量唔算大，本身配兩塊叉燒同半隻蛋，首先呷一口湯，好淡亦無豬骨味，我吔要自己加啲魚油辣油胡椒令個湯唔淡，麵質普通，叉燒好硬同無肉味，惟一可取係蛋半生熟。味道似十幾年前喺香港食嘅拉麵。另加嘅明太子雞翼算ok，有幾多明太子。寧願俾多啲錢食日式拉麵

今天與朋友前往九展看傢私，見到有個指示牌教人前往食拉麵，之後穿過百佳，去了該店。拉麵店有不同的口味，店員介紹了哪些拉麵較為出名，哪些味道較為濃郁。然後我選擇了蕃茄豬骨湯底，而朋友就選擇了四國香葱油湯底。麵還可以按個人喜好選擇湯底的濃淡，麵條的粗幼，以及麵質的軟硬。蕃茄豬骨湯底有蕃茄粒，味道濃郁，而且有很多葱粒，攪拌後有陣陣蔥香。麵按了個人喜好，選擇普通的質感，如選擇後想增加味道，還可以自行落不同的調味料，共有4種選擇。朋友指國香葱油湯底拉麵葱香而不膩，濃而不咸。叉燒好肥厚，每碗有兩大塊。而且有一隻流心的溏心蛋，食完好滿足。原來午餐便宜30元，下次要午市食，會抵食點。

昨晚難得星期五，放工決定同朋友到遠些的地方行下街。最後來到Emax!發現這裏有條食街，有好幾間餐廳，不過在位置上都幾隱世🙊看到有想試很耐的武士拉麵當然要一試！先看餐牌！話明武士拉麵，拉麵名當然用日本古代出名的武士名喇！除拉麵外，餐廳亦有這幾年好受歡迎的沾麵再看看小食，主要以炸物為主！我發現到他們的lunch set很抵食！！在九展番工或去開那裏的朋友有福了🤤朋友點了柚子魚介wasabi沾麵，她大呼好味Wasabi不貢鼻，出奇地夾！配上餐廳自家製的黑芝麻胡椒油真是一絕，好夠味！我點的足利將軍拉麵是黑蒜油拉麵。喜愛食蒜的朋有一定要點呢個好香的蒜味，湯底味道濃郁，但又不會太油膩，木耳絲又多又爽脆！而且有全隻溏心蛋重點是叉燒，比我平時食得厚很多很多，而且有兩大塊，很足料、很有心！小食方面，這是芝士炸蝦球(5 pics)，十個推薦！熱辣辣的蝦肉配上流心的芝士拉絲，很讚呢！

本身對於日本戰國時期的歷史都有興趣，也有看相關電視劇和玩遊戲等等。原來在香港有一間以武將為主題的拉麵店，當然要去潮聖。這家店在九展，2樓沿途會有指示，我們是穿過百佳過去的。餐廳比較開放式，簡簡單單的感覺。點餐先看圖片，各武將的拉麵細緻都有用軍旗和盔甲的圖片對應。拉麵款式有十款之多，比小食還要多!看完圖片就可以直接在點餐紙上剔上想要的，交給店員就可以。除了認真在餐牌上放有關武將的物品外，他們在bar枱牆上也貼了不同武將家家紋作裝飾，非常用心。就如下圖最近的是豐臣家紋，第二個是德川家紋。個人對於真田信繁/幸村有較深的情意結，所以在餐牌看到真田二字就點了，是豬軟骨拉麵。有點可惜不能放在真田家紋六文錢前拍照啊，位置給其他客人坐了。奶啡色的湯底是用豬軟骨淆製的，味道相當濃郁，質地creamy柔滑，喝完嘴唇黏黏的呢。肉也有一大片，並加上木耳和溫泉蛋作配菜。大大塊豬軟骨夾起來很重。肉煲得好軟身，軟骨煲到像硬身啫喱，非常滑溜又柔嫩，味道也好濃厚，吃著好滿足。麵選了硬粗麵，就是喜歡那咬勁。男友就根據湯底選擇，最後選了唯一的武士沾麵，是柚子魚介wasabi口味。沾麵汁一碗，麵，叉燒和半熟蛋在另一碗。兩片叉

星期五睌去看梁漢文音樂會，很久沒有去九龍灣國際展貿中心了，裝修后多了很多商店，原來2樓變了食街。武士拉麵是多間舖中門面大而光鮮的一間，那就食這間吧。空間很大，裝修簡約。店內也有bar table。大約有10款的拉麵，選擇比我想像中多。有辣有不辣， 有較濃也有較清淡的湯底。拉麵還要改成不同的將軍名，很特別。小食也有6款，以炸物為多，當然不會欠缺跟拉麵是絕配的餃子啦。點餐紙，方便，包保不會錯。湯底可自由選擇濃，普通或淡。麵條可選擇普通或粗。麵質可選擇軟，普通或硬。真田將軍拉麵即是豬軟骨拉麵，名稱是不是很有型呢湯底我選了濃，麵條選了粗，麵質選了普通。 很貼心，可給我自由度去選擇自己的喜好。我額外點了溏心蛋，溏心程度剛剛好還有那件豬軟骨是一整件，尺寸很大，而且也很容易分件，也即代表軟骨及肉夠腍啦粗麵，份量多，食完真的很飽。除了一般的醬汁， 也有很特別的黑椒粒醬汁，微辣而黑椒粒有咬感明太子雞翼雞翼填補了明太子及雞肉的餡料，微辣，雞翼夠入味。食后感: 坐得舒服，好味，服務員也仔細地告知哪些湯底會辣，價錢也跟其他拉麵店offer的差不多，

平時連鎖式嘅拉麵我就食得多啦，今次見到九展有間武士拉麵，就一於試試！環境非常有日本風 但又有放鬆嘅感覺總評：性價比高🙂，超級抵食！我揀左軟麵，但一樣彈牙有口感，湯底幾入味落麵。湯底：真材實料豬骨湯，膠原滿滿。因為食完唔口渴。溏心蛋生熟拿捏得好好，入口即溶既感覺。份量：好多 差啲食唔晒（即係好抵食）叉燒：好多肉無咩肥膏，堅抵食，肉質林，入味非常。由於太多叉燒，多到要個朋友同我分擔下😂😂😂堅抵食然後到飲品，熱咸柑桔，柑桔真係份量滿滿，每一啖我都細細品嚐，又暖胃清熱氣！

我地都好喜歡去emax行街睇戲，因為兩張戲票就free4小時泊車，所以都好著數架，睇戲前去左搵食，買完戲票行前少少就有電梯上去就搵到食，見到武士拉麵就食佢。地方充滿日本色彩，有日本嘅掛燈，木製嘅枱凳，我地兩人點左我點了武田將軍，即係北海道牛乳拉麵（$118），上碟外貌好靚，湯是奶白色嘅，好香濃嘅牛乳味，有粟米有蟹桻，都好好食，拉麵軟硬係自己較嘅，我選了比較軟身，岩晒我口味，其實我都好喜歡自己話事嘅，佢湯底嘅濃淡，面質等都可以自己選好好丫。拉麵有蟹桻同叉燒，叉燒軟淋又煎香過，好食，店員話好多女客都喜歡呢個拉麵架。另外朋友仲點了真田將軍拉麵，即係豬軟骨拉麵（$98），呢個就冇叉燒，不過有吾少豬軟骨，都好淋，好香濃味，都吾錯。另外朋友就點了小食就點了吉列炸蝦（$28）同忌廉蟹肉薯餅（$22），價錢好合理丫，而且味道好好，全部都係即整架，炸蝦好香脆，大大條有三條，蟹肉薯餅熱辣辣，蟹肉味都濃，餅料除了蟹肉加左忌廉同薯餅都好甲，好味道，又平有兩大舊。

本來只是做展覽/ 演唱會的九展近年來愈來愈多店舖. 戲院. 食肆來吸人流原來不只地下層改革了, 原來已經向上蔓延, 二樓竟然多了條食街, 食街不是FOOD COURT, 這是由幾間食肆組成的一個區域, 而今晚晚餐地點就選了在食街最後的一家武士拉麵。環境很大, 相信就算人多時段應該都不難搵位, 店舖一直播放著日本歌曲, 氣氛輕鬆店員先倒上一杯綠茶, 然後我與朋友M各點了一個拉麵及小食由於她比較喜歡輕食, 所以點了冷麵 ; 而我偏愛辣味, 所以點了地獄拉麵(拉麵有提供粗幼麵及軟硬度選擇)北條將軍拉麵朋友M選了幼拉麵, 份量大概有120克, 配有胡麻醬麵內有兩片紫菜/ 兩條蟹柳/ 兩塊叉燒/ 半隻溏心蛋叉燒脂肪很小, 很合適怕肥的女士們雖說是有蕃茄但我們以為是漏放了, 但仔細一看, 蕃茄已變成小碎粒混在麵裏麵中除了有胡麻味, 還加入了魚介粉, 令味道更香更出色九州地獄拉麵食拉麵最急不及待的當然是喝一口湯, 光看深紅的顏色, 不吃辣的可能會被嚇怕, 但原來除了輕微辣味剌激味蕾之外, 還沒有蓋過香濃豬骨湯底肉甜味麵麵中有兩片紫菜/ 三塊叉燒/ 半隻溏心蛋/ 小量木耳由於是選了粗麵所以份量會比冷麵

今日同老公嚟到九龍灣行開倉展，行到肚仔餓腳仔軟之時，見到水牌有<武士拉麵>，二話不說就衝入去雖然地方不大而且是開放式食堂，但最緊要食物好食，環境都係其次。揀好食物之後就可以喺點心紙上面落單，非常方便。而且仲可以選擇湯底嘅濃度，麵條嘅闊度同埋麵質既軟硬，非常貼心得意嘅係原來所有拉麵都用唔同將軍嘅名子去命名我選了牛乳湯底拉麵。湯底有着濃厚嘅奶味，所講的奶味並非芝士味，而真係香醇既牛奶味，非常濃厚，香甜而不蘇，齒頰留香，令人一試難忘再看看隻雞蛋，流心的程度達致嚴重級而麵質爽滑彈牙，軟硬適中。配合清甜嘅粟米，肉質厚實但不失軟滑的叉燒一起吃，絕對是一級棒而老公選的胡麻冷麵則是湯拉麵以外的另一種食法同樣優質出色的拉麵配上胡麻醬撈來吃。微冷的胡麻醬中有着切得細細的番茄粒，再混有蒜粉同大量蔥粒，感覺非常惹味。炎炎夏日吃着這麵，感覺真的透心涼另外小食之一我們選了日式煎餃子外皮煎得香香脆脆而且一點也不油膩，內裏肉肉和菜的比例非常好，不會過於飽滯，不錯不錯。而另一個小食蟹肉忌廉薯餅更是驚喜之作！薯餅炸得香香酥酥，但內裏的蟹肉忌廉卻可以保持軟滑！整個小食外脆內軟，配合着絲絲的蟹肉，真的令我回味