每日

營業中

休息中

上次個朋友帶我黎食 今次我帶另一個朋友黎食，好鍾意可以狂食菜，好健康既感覺。中午12:40黎到，店員叫我地等到1點，不過等左5分鐘已經帶左我地入座，好好彩。今次重點推介：＃ 切片蘋果脆脆 ＃ 9/10分好好味好清新 但其實好香濃，多重口感，而且有花生醬，好正。好多食物種類，有我至愛紅菜頭，西蘭花，Kale，炸豆腐，避風塘粟米，反沙芋，個味菜胡椒湯都係勁正！唔講咁多啦，去相！食左成4碟野同2碗湯，飽到呢，好滿足！ 都係每人88蚊咋。。。。。

又係平日夜晚食飯出街食飯既日子 ～有食開素食自助餐 呢間暫時係最高分就算係平日 都要Book左位穩陣d 假日就唔洗講啦早到左都半full 環境乾淨 用既都係環保餐具🔽冷盤同熱盤都有唔同選擇 甜品都有幾多選擇 記住要試佢哋嘅自家雪糕 我幾鍾意佢哋嘅嘢飲 又凍又熱又有湯 總括嚟講 嘢食都幾有創意 睇落細細地但係其實選擇好多 90分鐘一定夠食 環境都算舒服唔會太嘈可以傾到計 暫時來講係覺得最好食嘅素食自助餐 不過記住要早啲book位 ～

差唔多試晒上網search到嘅新派素食buffet（除左觀塘新開個間未試），每日嘅菜式，無論係味道、賣相、種類定獨特性，都叫數一數二個人認為最好味係椒鹽豆腐，外脆內軟，外層脆皮調得好夠味、厚薄適中，入面嘅豆腐似係百福水豆腐個種超級軟嘅質地呢度仲有幾款係其他buffet好少見而又好好味嘅野，包括係花生蘋果脆脆、合桃咕嚕肉、反沙芋頭建議來到一定要拎舊試試 不過最可惜係呢度用餐時間較短，真係exactly 75分鐘就會俾人叫走，所以都食得幾急

很少能夠找到專門食齋菜的自助餐廳 ，無論頭盤 、熱葷、 湯、甜品 、都很全面 ，感覺上食品都幾健康，菜式比較大路，選擇很多，添了大概兩個round 就已經很飽了。 前菜有我喜愛的白苦瓜 白苦瓜，在自助餐裏不常見，所以我都食了很多。座位就比較狹窄，如不要求精緻食品，這個是一個很好的選擇。

健康由每日🌞一素食做起🥬素食buffet 真系出眾，款式超多，味道好好色，有好多特色配搭，fusion 菜甘。應該有幾樣野要「記得」「記得」記得要訂位，分頭圍18:00用餐90分鐘下一圍19:30。好爆滿架記得做過有公德心既食客，食完要換碟同餐具都係自己先分類再處置。最後記住試暈甘多款餸，真系好有特色，特別有個香煎拔絲🍌鮮蘋果花生Tart🍎「必試」環境衛生舒適，好岩大家帶屋企長老試一下另類buffet ，唔洗下下海鮮🦞刺身！ 餐廳重有推出午市buffet，價錢更加超值！ 主要系自助，所以服務好難評，但收銀都好有禮物

Fatbrown 成日都好想食素食，但係又覺得好唔抵，閒閒地出去食素都要兩舊水，成日諗諗吓覺得食菜食兩舊水真係幾貴，所以都放棄左難得今日朋友搵左呢間自助素食，晏晝一個人都係$108，唔使+1<lunch buffet $108>依間每日素食非常之多人，最好book定位先黎，如果唔係會無位咖食物嘅款式同平時出去食buffet都差唔多，頭盤、熱食、甜品每樣都大概有七八種，試吓試下都幾飽㗎Fatbrown 最鍾意反沙芋，平時出街好難食到，搬到 lunch buffet 居然有，Fatbrown 掃左勁多舊，秋風起系食芋頭的好時侯，粒粒都起沙，好正另外想讚下右下角個粒雜菜炸物，炸得黎唔肥膩，口感有層次煉奶南瓜同綠茶餅Fatbrown 首推，南瓜炆到好淋，落左煉奶入口即溶，甜甜地食完又唔會有罪惡感綠茶餅有淡淡綠茶餅，鬆化得黎唔會乾，一塊切做四小份，少食多滋味

我想食素已經好幾次，但身邊朋友又冇咩興趣。Hubby放假問我想食咩，我即刻提議食素。若兩個人去傳統素食餐廳，一碟正常size嘅餸對我哋兩個人嚟講，可能叫三碟已經太多；所以想食多款但又不會浪費，最好都係食自助餐。上open rice睇食評，決定去呢間試下。午餐限時75分鐘，每人$88，冇加一。飲品有熱嘅羅漢果水丶凍嘅橙汁及桂圓水果茶。食物大致分前菜丶湯丶熱葷丶炸物丶主食丶甜品等。個人認為做得特別出色有：1. 花生脆蘋果 — 蘋果片清爽丶花生醬和脆脆香口2. 羅漢齋 — 材料多丶夠入味但唔咸，尤其係烤麩3. 豉椒涼瓜 — 涼瓜靚丶入口甘4. 炆蓮藕 —蓮藕靚丶多蓮藕絲5. 紹菜芋絲魚腐 — 各材料入哂味6. 咕嚕合桃 — 合桃香脆、酸甜度適中開胃7. 香蕉糕 — 香蕉味濃丶少甜健康較為失望的有糯米飯丶蘿蔔糕及反砂芋。其實仲有好多嘢未食，雖然冇食早餐，但都唔能夠一次食太多。整體都唔錯，但難找朋友陪，短期內未必可再嚟。

早前在山林道發現了這家吃素的餐廳，每次周末經過都是坐滿了人必須排隊，這個重陽假期終於在不用排隊的情況下來品嚐了這家「每日」蔬食自助餐。這Vegan主題自助餐午餐$108，晚餐$168而且免加一，價格相當相宜。食品總類來說也不少，由沙律bar、前菜、湯、餸菜、飯麵，到甜品、糖水及生果，應有盡有，而且味道也不錯。我特別喜歡前菜中的花生脆蘋果、粟米紫芋球、蘑菇芝士釀蕃茄，除了蒸矮瓜、絲瓜、炒菜、炒飯等家常小菜，其中煎藕餅、椒鹽豆腐都很好吃。甜品亦有驚喜，有紅棗糕、班蘭蛋糕、黑芝麻糕及楊枝甘露等。餐廳也走環保路線，餐具都是以環保物料製造，吃完需要自己把餐具歸還回收處，然後拿單據到cashier 付款，將人手減到最少。如果平時怕吃素吃不飽，相信這裡一定能滿足你。百幾蚊吃個自助餐，也非常抵食，難怪這餐廳生意一直不錯，推薦給喜歡吃素的朋友。

最近迷上食素食。 依間近近地，就試一下。依間店係山林道 完全係一間好日系感覺既素食店 感覺好舒服依間素食自助餐限定時間90分鐘 價錢方面都唔算貴 同一般素食自助餐價錢差不多 但係依間食物款式比我以往食既多 賣相都相當新式及吸引 一位大約係$168 睇單發現係冇收加一的 唔知係咪我睇錯今次我選擇左食晚餐時間 可能時間已經比較夜 所以人流並唔多 熱食大概有10款以上 都有沙律吧 甜品吧 同埋前菜區 食物款式比我想像中多好多最推介係椒鹽薯仔 唔會好咸 口感都好特別 還有就是牛油果醬包 味道湯有1款 今次去胡椒湯 由於上次去另一間既時候飲過個味太難頂 今次就冇飲 同埋仲有粉葛湯，清清地 唔會太重味精味 好有住家菜味道。另外有飲品 有2款凍飲 以及2款熱飲 不過要重點推薦既係佢既飲品 ：桂圓水果茶 。味道口感不錯 不會太甜 除左熱食 湯 點少得甜品。甜品係我食過既素食店（雖然唔算多）入面最多 岩哂中意食甜品既人呢 推薦的就是楊枝甘露 超多西米 又品會太甜 到最不枉此行既一樣食品了-雪糕 位置唔明顯 係甜品區旁邊既牆角 最估唔到係有沖繩海鹽味既雪糕 雪糕都係好岩素食既人食 味道超級好 如題 點解我

我本來喜歡食多菜，不過認為每種食物營養都要吸收下，因為我身體差所以唔會特別話要專登食素！今日朋友話要食，我又唔抗拒嘅試下囉！抱住試嘅心態,期望唔大！最後比我相像中好！唔好介意我影得樣衰，先睇相，已經有好多款，我只係試左一半，你想像下有幾多選擇！有沙律，炸物，涼拌，咸甜點，生果，中式小炒，湯，粉麵飯，飲品，雪糕，都唔知有有數漏～太多，而每種種類都有好多款架！味道唔曳架，你我以要求佢煮得幾特別，味道好又唔係漏就得啦，最推介個餃子，好似食緊肉，重點係要點埋旁邊專用醬油，十足紅油抄手，呢味成日要refill。太快飽，最幾連雪糕都食唔落！飲品方面比較差，羅漢果茶唔refill,其他又怪味，我最後只飲熱茶

之前行過山林道時見到有間食店大排長龍，番去search 先知原來就係"每日", 係素食buffet. 係某閒日夜晚book 左位同friend 去試試。由於book 左位既關係好快已經可以入座，但要好strict 咁係90分鐘內食完離開。價錢方面，星期一至四$138一位，算係幾抵。之前都食過佐敦另一間既素食buffet, 相比之下，"每日" 既裝修靚d, 文青d, 野食方面較多素食甜品，所以對女仔黎講好似更加吸引。貪心既我地當然每樣都試了點，仲要留肚食甜品。呢度既甜品種類幾多，賣相吸引，食落味道都唔錯。總括而言呢度既環境幾好，食物質素不俗，閒日黎更加幾抵，如果下次再想食素食自助餐呢間都會係我首選。

一直都好想試下素自助餐, 但有唔少間嘅地點都比較遠, 終於比我發現度呢間係尖沙咀嘅素餐廳！星期日一眼望落去都full晒 得返最後2個位, 立即就入座！不過呢個位就近廚房, 而且係bar枱所2個人都要對住牆食！由前菜, salad, 湯, 飲品, 主菜, 飯, 麵, 甜品 樣樣都有！估唔到個蘋果片係幾好食！好清新, 一啲都唔會令你更加飽！炸豆腐都好香口！舊舊都炸到好靚好好食！淨係食前菜都可以飽啦！主菜都有好多款唔同食物, 素版嘅魚香茄子就比較油, 反沙芋好好食！好多款食物都唔錯！就算無肉都好好食！最特別同最多人推薦就係核桃咕嚕肉, 而家就好鐘意食咕嚕肉所以呢個係一定要試既！估咕到炒完之後都仲好脆！都幾似好脆嘅咕嚕肉！核桃又有營養！可以食多幾粒！食得呢度我已經好飽, 甜品都無咩點食！仲有沙律都無食到！想試下素食但又怕品好食嘅朋友可以試下！

我都食過九龍多間素食自助餐，每日是值得推介比大家要食，前後去過4次，每次都有新野。服務是由於自助及自行收物品，所以先比3星。推介食品反沙芋（一定要食），咕嚕肉午餐$88位，嘩超值到總結我會比4.5分

同呢位朋友太耐無見，所以想搵個地方坐耐少少，但又食得健康的地方。諗咗一輪，不如去食素食自助餐，鑑於我身邊太多食肉獸，好少人會陪我食素，難得今次有人陪，點都要食間好野。一去到鋪頭門口，全部都係人，我問有無位，都要等，原來大把人訂咗枱，無諗過咁誇張囉。幸好二人枱唔洗等好耐，好快有得入去食。款式都多，而且有標明係邊類素食，呢樣真係好好，唔怕食錯野。今次好失策，淨係掛住食，唔記影相，下次一定要再去食同影靚相。

山林道食肆連綿，大部分也是浪漫西餐廳，但這間人頭湧湧的竟然是食素食文青系優雅裝修，地方也算闊落食物多元化，而且味道好好，是高質素自助餐 其實素自助餐五六年前也食過另一間，不過那間自從開了幾間分店後，質素有點下降感覺。反而這間令人驚喜，由前菜正餐甜品沙律飲品一應俱全而且精美，味道好 讚我自己鍾意的包括：餃子：飽肚又清新蘿蔔糕：好味！蘋果片：製作很特別又美味的前菜炸豆腐：香口又好食任飲水果茶/橙汁/熱飲，太正當然其他湯、飯、麵、小菜都好好食。自己去慢慢試啦