民華魚蛋粉麵

營業中

休息中

▪️叉燒炒滑蛋飯👍🏻蛋味好濃，好嫩滑，下面仲會有啲蛋汁，撈飯一流！🤤叉燒就唔係一塊塊個啲，一粒粒咁嘅，如果搞碎嚟食，仲會有啲似食炒飯🍚叉燒份量都多😋▪️牛肉炒滑蛋飯👍🏻蛋都係咁好👍🏻小牛肉片，雖然牛味就唔重，但都係平民餐廳，意料之中。不過好彩牛肉片都幾嫩口。⭐️記得要check清楚有冇俾豉油，如果唔係個飯就乾爭爭㗎啦兩款如果一定要揀，叉燒炒滑蛋飯較優勝。

閒遊北區後，下午茶時段，原諗住去大埔街市熟食中心嘅李記飲杯凍檸茶食件西多，2：30去到李記，伙計表示已收檔。只好另外搵地方，突然諗起早前有朋友話民華的魚蛋粉都可以，咁就行過去試食，例行公事安心出行再探探熱，安心坐底就繼續坐，無伙計理你，叫幾聲才有伙計過嚟落單，落好單都等一輪，牛腩麵到了，那杯凍檸茶還未有伙計沖😥等到齊單，當然動手開餐，先講魚蛋粉賣相唔錯，魚蛋魚片及魚皮都有齊，先試下魚蛋粉的湯底，咸淡適中有魚味，應該系魚湯做湯底，湯底不錯😋但魚蛋及魚片沒有特別出色，一般麵檔的魚蛋水平，魚皮都還可以。至於，牛腩麵就較失色😥牛腩真係要有啲牙力方能咀嚼吞咽，牛筋都燜得可以！總結食後感，與鄰近聞名的魚蛋粉相比下，還是那間聞名(x達)的魚蛋做得出色，魚蛋有魚味及調味配搭適宜😋😋牛腩都系(x達) 魚蛋粉燜得又冧又入味😋😋😋

網上啲人話依間野好食，所以就一於去試吓。點知一入到去環境差烏蠅大把，地下一大堆垃圾而且執嘢嘅侍應仲一路掃地一路送食物⋯⋯跟住之後嗌咗一碗牛腩河，嗰碗牛腩簡直難食到驚人呢一世都好難忘，見到呢一間嘢嘅食物就呢一世都唔再夠膽入去，佢啲牛腩完全唔係牛腩，係壞咗嘅豬肉味道，完全唔係牛肉，仲係好似死豬肉，我都唔知點解佢可以買咁貴而且仲咁多人食，如果你哋真係入去食嘅話，包你哋一世後悔！我估咁多人食就係因為網上吹得得太犀利，所以佢就咁好生意

店內本身就非常之狹窄，加上菜，客人出出入入，侍應又唔安排坐位，自己入去坐底左又想叫你去第二度坐，一個人入去，直頭想趕你走咁，直係想士多啤蘋果橙佢，幾好食都唔會再幫襯！

好多年冇食民華既早餐/ 常餐了, 今朝起身即興過去, 10 點零估唔到仲係好多人, 等左大約10分鐘終於位就坐。先上炸菜肉絲米, 唔錯, keep 到個水準, 個湯幾濃, 所以最後我係飲哂個湯。個烘底多士真係好正, 2 大塊又夠厚既多士加埋少少咸既牛油, 真係無得頂! 炒蛋好濃好creamy , 每次食都冇令我失望, 民華必食之選! 午餐肉就普通野, 冇咩特別~ 最後要讚下個熱華田, 好濃好正! 要encore~

今晚約咗人係大埔，之後去醫肚，行到去廣福里見到呢間野出面有個易拉架，滑蛋蝦仁同埋滑蛋叉燒飯，張相影得幾靚，即刻好想食，一個人梗有位，坐低揭下餐牌，咩都有喎，粥粉麵飯樣樣都有得揀。不過我都係揀返出面果樣，滑蛋叉燒飯。即刻落單，幾分鐘後已經送到我面前，上枱前每碟飯呢間餐廳係會加蓋送過黎，都算係好衞生，先食一啖蛋連飯，有蛋香蛋夠滑，飯軟硬適中撈飯食好岩，叉燒係切粒碎上，瘦叉唔會肥淋淋，整體成碟飯係即叫即整，唔錯。

早餐出色，最愛常餐今日早上好想食常餐，就一於出咗大埔墟九點幾去到，真係好好彩今日唔太多客。叫咗個沙嗲牛通粉頭號想食得健康啲但係其個沙嗲牛肉又係比較出色忍唔住要叫上菜速度非常快，可能因為都多客首先食咗個多士先，佢嘅盒牛油味好香，我鐘意加糖喺個多士上面食，味道更加出色炒蛋來講佢超級滑，唔知係咪有加到牛奶喺入邊呢沙嗲牛通粉份量都好足夠，牛肉唔會話好鞋，亦都唔係太滑，味道啱啱好唯一一樣唔係太好就係坐位方面。佢比較窄，所以‘都坐得相當逼嫁

👍🏻北菇雞飯 $28雞肉幾嫩滑，大大舊，唔落豉油都夠味冬菇都幾厚肉但就唔算大粒整體味道不過不失🤣味道：7/10 性價比：7/10-👍🏻章魚肉餅飯 $28豬肉味幾香，章魚味唔算突出，正正常常啦口感唔會好粉或者好霉咁但塊肉餅偏薄同細塊左啲🤧反而飯量幾多，食哂塊肉餅仲有半碗飯淨🥴味道：7/10 性價比：7/10-📍#民華魚蛋粉麵大埔廣福里19號地下C舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #大埔 #大埔美食 #大埔小食 #大埔好去處 #大埔打卡 #蒸飯 #盅頭飯 #民華餐廳

一向不覺得太特別，反而閒時經過卻大排長龍，所以，我亦要來一探究竟星期六來到，人山人海，幸好翻枱算快，等了10分鐘不到便有位. 這一個大時代，要多去一些以支持香港人為主題的食店去光顧，店子雖小，但餐牌的選擇都較多，晚市時間來到，絕對可以迎合不同口味的人士（1）蠔仔肉碎粥每次心血來潮想打冷，都是想起入元朗，但今次我看中的是蠔仔肉碎粥，蠔很大隻，隻隻都很肥很新鮮，好飽滿，非常足料，而且一餐粥入面有好多隻啊，唔駛驚唔夠蠔仔食，食落好似海鮮粥咁，清淡得嚟有鮮味，最重要的是沒有蠔仔碎殼，不需要一邊吃，一邊看有沒蠔殼，粥底就煮得非常綿（2）片頭魚皮河香港的大街小巷隨處可見形形式式的粉麵店，主要分港式和潮式，魚蛋粉除了主角魚蛋和河粉之外，少不了配角的魚片，外層金黃色的厚皮較香口，肉質較彈牙. 因此有個別愛吃香口的食客，會專點以魚片頭為主的片頭河，店家把魚片頭對角切開，再放油炸，做出一塊塊三角形的炸魚片頭，鮮甜而且魚味濃，咬落去會留下牙齒印最佳，甚至當作小吃來食，亦別有風味還有另一配角酥脆炸魚皮，咬落去發出清脆聲響，而且無腥味，表面呈金黃黑漸變色，好吃的魚皮，必用上九棍魚不可，但成本較高，這店魚皮雖肯定

限聚令下買外賣，呢間茶餐廳之前次次經過都好多人幫襯，但每次一場黎到大埔又無理由食茶記，而家無得堂食，簡單買盒飯盒，行到時已經有6,7個人排隊等拎，仲KEEP住有人埋去買，應該係好野。外賣晚餐都有10樣8樣，另外有蒸飯點心同埋粉面。我地試叫左咖哩牛筋腩同叉燒煎蛋飯，$40無野飲, 連飲品就$50，都唔貴。個咖哩牛筋腩好出色，有D似星馬咖哩既味，有應該係落左花生醬，少少辣，好香，份量好足，盒飯仲送多隻煎蛋，牛筋牛腩都好淋，好正!叉燒煎蛋飯就正常，都好食，份量都係好足。

原來在大埔的民華魚蛋粉麵, 是其他民華餐廳的本店, 難怪在食物質素上, 它比起旺角分店來得好. 特別是她的西多士, 十七元一件比很多茶餐廳或冰室便宜, 而且也比旺角分店更便宜. 外表的蛋漿和炸的時間恰到好處, 特別是在麵皮內芯外面有一層椰絲, 香甜之餘也提供了另一種口感. 以魚蛋粉麵命名, 當然也要吃她的淨魚蛋, 白魚蛋魚香還可以, 口感少少彈牙, 最欣賞是他的炸魚角和炸魚皮, 黃金色的外表和有比魚蛋更濃的魚香, 魚湯沒有味精, 喝下去的感覺就是令人舒服的味道. 至於另一道名物, 薑絲牛肉通粉令人有點失望, 牛肉肉質太化, 可能用了鬆肉粉令牛肉肉香不足, 薑味也不夠濃, 這點要多改善呢!

今晚屋企冇煮飯，收工之後就去大埔墟睇下有咩好食啦，吾算太肚餓，咁就簡左黎呢到食個常餐啦。我好鐘意民華既常餐，因為可以簡薑絲牛肉通粉，清清地幾岩做晚餐。晚餐時間餐廳入面都幾多人，等左一陣先有位，不過為左食好味既通粉就吾緊要啦。坐低之後第一時間就係嗌常餐，雖然我有時都會食蠔仔粥餐廳上餐速度都幾快，可能因為多客，我通常第一時間食個多士先，因為趁熱食先好味。呢個厚多士相當吾錯，牛油味好香，再加少少炒蛋一齊食，真係最佳配搭。炒蛋十分滑，應該係有加牛奶係入面，薑絲牛肉通粉依然係水準之作。可惜餐廳比較逼，不能夠好好咁享受呢一餐

自從多咗好多茶餐廳選擇之後，好耐冇黎，今日經開就入去試下，坐低好耐，叫親啲阿姐，經過唔理你，等咗起碼超過5分鐘以上先有人幫我落單，都算啦，啲食物嚟到貨不對辦，想揾個人查明原因！如是者又係咁，叫親啲人十問九唔應，最慘有一個阿姐講完一堆野我完全唔知佢講乜！無一句聽得明，食物質素真係唔值呢啲價錢，服務更加不予置評！其他茶餐廳坐得舒服過佢好食過佢嘅真係大把！總之呢間野，就算全世界得返佢一間我都唔會再去食！服務差坐得迫價錢唔平，，真係搵唔到一個要再去嘅理由

大埔四里魚蛋鋪，我淨係食呢間，可能由細到大d同學朋友都係帶我食呢間位置就比較逼，坐位就要sip入去，必食魚蛋粉，今次轉成米粉同加併牛腩，老婆就食豬軟骨飯。魚蛋米唔係淨係得魚蛋，仲有魚片同魚皮，一次過滿足多兩個願望牛腩加併都算多，林，唔咸，算清，抵食！豬軟骨飯原來送隻煎蛋，豬軟骨唔咸又入味，軟骨好軟(唔係玩野，試過其他餐廳食豬軟骨d軟骨唔軟....)，好好味。總括抵食份量夠，會一直食落去xD唯一希望可以d位闊少少，唔洗咁逼-.-

大埔墟真係有好多野食,揀到眼都花埋真係,今次又黎左民華食野,啲野又平又抵食今次嗌左個西多士同埋一碗魚蛋粉魚蛋粉份量岩岩好,唔太多又唔太少,有好多魚蛋,仲有舊魚片頭,又有幾條菜咁,個西多士有蛋香,但無花生醬就差咁啲,不過都幾好食,上菜速度又夠快,店員都幾nice唯一美中不足係坐位坐得唔係太舒服,埋邊位多數比人坐曬,得返中間位,坐得無咁舒服但間餐廳地理位置方便,價錢實惠,超抵食!最鐘意上菜快ge餐廳,唔驚餓親