水門雞飯 (豉油街)

營業中

休息中

香港都可以食到正宗泰國水門雞，而且仲有好多分店好方便🥰 今日喺旺角做完野就見到一間。 店內設計帶有泰國特色，有吊扇有掛畫，仲有泰式拳套🥊。 點餐就電子，自己掃QR code 揀。 款式好多，除咗水門雞、泰式豬手、雞雜、串燒等，仲有新菜式如炸黃門鰻魚皮、六星鮮蟹肉炒飯、泰式和牛肉串～～水門雞飯 午市套餐可以分別加$10及$26，加配雞雜，及雞肉串燒。 雞肉我無轉雞髀，因為好想試下其他部位係咪都整得好食。 果然真係唔錯，雞胸同樣軟腍，雞味香濃，無骨啱哂我☺️ 點辣醬會更惹味，不過我喜歡食原汁原味！ 雞雜估唔到有咁多種類，雞紅、雞腸、雞腎、雞心，爽脆鮮味。 飯亦散發陣陣油香！至於雞肉串燒就配有沙嗲醬及醋，沙嗲醬濃郁惹味套餐亦包特飲，我要咗杯凍香茅特飲，味道清新，夏天飲特別爽！泰式炒通菜食泰國野點都要整碟morning glory 😂 炒得幾有鑊氣，菜亦新鮮爽甜

18/19年岩岩開【水門雞飯】已經好想去食，但係日日排長龍，最近經過旺角見到人唔算多就去左食啦。就算周末都有lunch set同下午茶。 水門炸雞飯：飯係油飯所以完全唔會乾、而且味道好香。炸雞非常新鮮、仲出煙、而且好香脆。 牛肉湯牛丸生牛肉湯金邊粉：非常香濃既牛肉湯船麵、牛丸生牛肉分量非常多，而且好重牛味。金邊粉都好多。 串燒-鷄肉/ 豬肉：肉燒到外脆裏嫩、個人比較鍾意豬肉、而且個沙爹醬幾好味。 胡椒單骨鷄翼：分量好多、胡椒味濃、鷄翼炸得酥脆、肉好容易離骨。 泰式檸檬茶：泰式紅茶配檸檬、香料味重、解渴。 洛神花茶：洛神花味唔算太重，不過既清新。

以前成日食，覺得平平地，質素不過不失呢一兩年冇食，今日經過買外賣一打開見到一兜白色嘅野，啲雞係全白色，淋咗豉油先記得影相。全部雞都好鞋好韌冇味，唔知咬緊咩。油飯唔香，所以成盒野主要係食豉油嘅味。見到依然咁多好評，唔肯定係咪我唔好彩啦😌不過質素咁參差嘅話，我就唔會再幫襯～

❤️💚🧡雞飯好食 都要嗌小食🐥夏天對泰國菜嘅熱愛程度真係倍增！惹味又抵食🤤依間水門雞飯分店都有唔少，今次經過旺角，排咗一陣隊就可以入座啦！😆🧡水門三寶雞飯🧡 $64掃QR code落單，揀咗雞胸、多飯🤣雞胸都好滑！揀多飯係因為想撈汁食🤪三寶除咗有雞胸，仲有雞雜同埋炸雞件🤩份量十足！❤️泰式無骨豬手❤️ $88無骨肉肉有誰不愛？豬手入味仲好惹味，油脂好香，肥而不膩！每啖都係肉感實在🤤餸飯一流！🐽🤎泰式炆雞腳🤎 $18估唔到$18有咁多隻，是日性價比最高！雞腳易脫骨，所以食嘅時候都好方便！😆小食必食！💛炸黃門鱔魚皮💛 $36脆卜卜嘅炸魚皮，喺依度都有！咬落口真係超級酥脆😍越食越上癮！依間水門雞飯好抵食，價錢親民 份量十足🤤自己食又或者同fd share食都得！🤪BTW記得save post，方便向店員查詢有關泰式料理啦❣️📍水門雞飯📍旺角豉油街21C號地舖

星期日午餐去左旺角豉油街嘅水門雞飯食lunch，時間兩點幾都仲係坐滿人。餐廳用QRCode落單。我同朋友兩個人叫左假日午餐set鳳尾蝦泰式金邊粉，包左杯飲品，要左凍泰式咖啡少奶。加配馬拉盞肉醬芥蘭苗，好抵讚係落單可以加埋汁另上，煮淋d嘅選項，非常好！另外再叫左個泰式清湯腩船河轉金邊粉，加 生牛肉，豬粉腸。飲品單叫香茅特飲再加配左個小食 和牛串燒 x2泰式清湯腩船河轉金邊粉份量都幾大碗腩肉偏瘦但唔會乾或者太韌，大大件都有三至四件。加餸嘅生牛肉，豬粉腸 份量正常。生牛肉質素唔錯，唔會有羶味。豬粉腸食落都乾淨。湯底嘅大蒜同白蘿蔔都幾好食，湯底比較清淡，飲落都舒服解渴。金邊粉爽滑。鳳尾蝦泰式金邊粉上碟好香，賣相都唔錯。配上花生碎，青檸汁，酸甜開胃，夏日炎炎食落都好舒服。炒金邊粉口感彈牙有咬口，配上芽菜，蛋等配料好香。鳳尾蝦大隻咬落爽口。整體味道唔錯。加配左嘅 馬拉盞肉醬芥蘭苗 非常有驚喜。芥蘭苗新鮮，馬拉盞肉醬叫左另上，份量都幾多，肉碎足料，香味四溢，食上口都唔會覺得好油。難怪店有一樽樽馬拉盞肉醬出售，質素確係唔錯。小食 和牛串燒 一串有4粒，咬落超嫰而且保留左好多肉汁，牛肉味都好香濃，燒嘅時

呢間泰式餐廳除咗招牌海南雞飯好食之外炒粉麵、小食同湯麵一樣都咁過質呢👍🏻-🍖泰式腩仔（$52）咬落口感有層次外層香脆配搭埋泰式酸甜醬汁超惹味呀💕🥟脆炸雲吞 （$28）雲吞金黃香脆內餡爽彈富咸鮮蝦味喔！🥢水門雞飯（$62）雞肉滑嫩無骨咬落啖啖肉雞皮薄而有彈性👍🏻配上油飯真係百吃不厭😋油飯充滿雞油香但一啲都唔油膩即使Tt我平日唔鍾意食飯都覺得好食到停唔到口呀💯🍹菠蘿冰（+$8）菠蘿冰富濃郁菠蘿汁味甜度適中冰涼消暑呀🧊🍜冬陰雞湯粉（$70）第一次試湯麵系列估唔到都好好味👍🏻湯底酸辣開胃，充滿泰國風味🇹🇭海南雞同麵底份量都幾多好足料呀！追加咗牛丸試吓（+$12）口感有嚼勁，牛味香濃喔！🧋凍泰式奶茶（$22）呢度嘅泰式奶茶好啱我心水茶味濃郁，口應順滑富帶獨特嘅泰式茶香味💕

下午茶餐❤️❣ 水門雞飯 $58 （轉雞脾肉 +$10）好快就黎左個湯同埋點雞嘅辣辣地醬汁湯帶有胡椒味～ 清涼解渴水門雞飯既雞脾份量好多， 而且肉質好滑～ 幼嫩！配埋辣辣地既醬汁～ 更加滋味～ 送飯一流～ ❣ 鳳尾蝦炒金邊粉 $62好大隻蝦，加青檸汁，花生， 辣椒粉撈埋一齊食～ 好惹味！ 炒得夠鑊氣！ 而且甜度適中！小食：❣ 胡椒單骨雞質 $24胡椒單骨雞翼食落好方便！ 胡椒味道濃，美味！ ❣ 雞肉串燒 （2串）$24雞肉鮮嫩～ 加埋微辣嘅泰汁同特製沙嗲汁！ 更加開胃！ ❣ 脆炸雲吞 $28炸到金黃色， 外脆內軟～ 唔會炸到乾爭爭～ ❣ 班蘭大菜榚 $32斑蘭味好出，而且食落好有層次 口感豐富～ 一層比較軟身一層比較硬身少少～ 配埋個椰汁撈埋一齊食！ 更加滿足❤️❣ 鮮檸梳打 少甜 少冰好fresh! 爽呀❣泰式檸茶 泰式檸茶茶底好特別！ 茶味濃郁～ 清涼解渴

等了20分鐘仍然未能取餐。其後他們同事告訴我們可以取餐時，則發現遺漏了豬頸肉。我們和店員提及已經等了20多分鐘，而且趕時間，建議退錢了事🫤可是，同事並沒有理會我們，只是告訴我們需要等15分鐘製作豬頸肉，並直接走回工作崗位。這是什麼意思？😦到底能否退錢？員工亦沒有理會我們的要求😧過了4分鐘後，她把我們的外賣拿出來，而告知所有餐點已齊全，可以取🤔我們也覺得很奇怪，你說要重新整一個豬頸肉餐需要15分鐘，但是我等了數分鐘你便可以把遺漏豬頸肉給我們？但由於我們趕時間，便不理會了。純粹認為店員的態度有待改善🥲🥲🥲但是，當我們打開豬頸肉包裝盒的時候，發現這個需要$100的豬頸肉，居然只有五小片？ 這份量簡直少得過分！員工的態度以及食物的份量亦是我們接受不到的。我們曾多次光顧貴店，食物質素和店員態度從來有讚無彈，但這次的外賣體驗，實在大感失望。😢😢

旺角水門雞飯相信好多人都食過，正宗的泰國菜式，平民價錢吸引好多食客秘汁泰式生蝦配以獨特的秘製泰式醬汁。蝦肉鮮嫩彈牙，搭配上酸辣的泰式醬汁，味道鮮美而爽口。醬汁中的香料和香辣的口感完美地平衡水門雞飯嫩滑的雞肉搭配濃郁的雞湯，配上香噴噴的白飯，簡單卻美味。雞肉入口即化，鮮嫩多汁，湯汁濃郁醇厚蝦頭膏炒什菜蝦頭為主料，搭配炒什菜，呈現出一道豐富的海鮮菜品。蝦頭膏的濃郁味道，滲透草菇、椰菜入面，每一啖都能品味到海鮮的鮮甜和菜蔬的鮮脆！原隻椰青椰子汁清甜而爽口，椰肉鮮嫩多汁。它不僅是一道消暑的佳品，還為用餐環境帶來了一絲熱帶風情。泰式香檸梳打泰式香檸梳打結合了泰國特有的香料和檸檬的酸爽，口感清涼宜人

水門雞飯抵食又好味😋愈開愈多分店😆今日同朋友食下午茶😬1.香辣肉碎生菜$68香辣肉碎好惹味😋2.燒原隻魷魚$45魷魚新鮮彈牙又易咬😋3.雞肉串燒 $14/串雞肉冧嫩，沙爹醬香濃😋4.和牛串燒 $20 /串和牛油脂豐富，肉質易咬，亦充滿牛肉味。❤️而家特價$20/串，必點！😋5.班蘭大菜榚 $32班蘭味夠突出，大菜榚好fresh~😋😋6.洛神花茶 $207.話梅茶 $22消暑解渴又開胃😋😋

今日放學難得約到兩位同學仔食飯溫書，當然要搵間有特色既餐廳醫下肚。見呢間小店咁近放學既大廈，而且咁有泰國曼谷特色，於是就決定一試。果日星期六兩點幾仲要排15分鐘隊，三點幾出黎就唔洗排。銀色金屬枱好有泰國曼谷特色。我地叫到成枱都係野食。午餐3：水門雙拼雞飯加錢轉左食雞脾肉，d肉又滑又有少少雞味。飯粒粒分明得黎又有啖啖雞味，幾正。炸雞就一般，唔似即叫即炸，可以skip。跟餐送左胡椒雞湯夠熱又夠胡椒味。凍泰式黑咖啡原來有少少甜，需要走糖既可能要問下店員，因為QR code落單無呢個選項。豬和雞肉串燒。燒得幾香，又唔油膩。香辣肉碎沙律生菜爽脆，肉碎bb辣，調味適中，仲有少少洋蔥提下味同口感，好滿足。另外，仲叫左串限量既和牛串燒。和牛雖然望落好似熟左d，但食落都唔會太鞋，仲有少少牛肉鮮味。最後食埋個去泰國必食既芒果糯米飯。飯本身有椰汁味，再加埋上面既椰汁，好椰丫。

雖然店舖裝修簡單，但每次經過都有人排隊，今次終於到自己排隊😂去🇹🇭旅行時食過，印象記得都係好平好抵食👍今次係香港食，平日晚上排左5~10分鐘，唔算耐！性價比高👍❇️水門雞飯 $54（轉雞髀🍗+10）+(雞雜+$10)🌀雖然賣相好普通，以為係白切雞，但一食之後就覺得好好味，雞髀肉嫩滑，雞皮唔肥，忍唔住連皮食🤣😋再配上特製醬料，令雞肉更惹味，令人回味無窮！而雞雜有雞腸、雞腎同埋雞血，食落好脆口👍❇️泰式豬手飯 $52🌀豬手入👍 豬手控要食🤭😋雖然豬手望落去好肥，但食落又唔覺，好多骨膠原😂 辣味唔重，唔食得辣既朋友都可以食😁❇️胡椒冬瓜湯🌀以上兩個飯都配有胡椒冬瓜湯，胡椒味夠，又暖胃！❇️馬拉盞肉醬芥蘭苗 $24🌀肉醬鹹鮮味適中，芥蘭苗又鮮嫩，但稍為硬咗啲，如果可以淋D就好喇！❇️水門炸雞件 $52🌀炸雞比較乾身，好彩有醬料配搭。❇️椰汁斑蘭糕🌀椰汁多且香濃，斑蘭味重，花花形，好可愛 !

上個月去完泰國，念念不忘當地既海南雞飯，今日經過旺角見水門雞飯唔洗排隊，即刻衝入去。第一次黎幫襯，兩個人點左：水門雞雙拼飯、泰式炒通菜、無骨豬手同飲品。雞飯賣相一般，雞同飯同好蒼白，但味道有驚嘉。飯粒粒分明之餘又唔油，食落好香好夠味，完全可以淨食佢個飯都食得飽！啲雞雖然見唔到黃油同皮下啫喱，一啲肥膏都無，但雞肉出奇地排常嫩滑多汁，水潤水潤的，仲好清爽唔膩，毫無負擔罪疚感。強烈建議加$10轉雞髀 。（雖然我都唔排除佢其他部位都係咁滑）至於炸雞，唔熱、皮又唔脆，可以忽略，單點水門雞飯就好。泰式炒通菜可以揀少鹽少油少辣，而上碟時又真係做到喎，平時出面食啲泰式炒菜成日都過鹹，呢間調味啱晒我口味。無骨豬手相對一般，無乜特別，皮偏薄欠缺彈性，但味道唔差。話梅茶好少餐廳有，酸酸甜甜幾好味，如果甜度再減啲就完美喇。總結：水門雞飯好高質，不比泰國的遜色。

係泰國食過水門雞飯應該都知賣點就係平靚正，估唔到係香港鬧市中心都可以有一間性價比極高嘅餐廳。水門雞飯餐廳的招牌菜絕對就係水門雞飯。雞飯簡單美味，雞肉鮮嫩多汁，配埋獨特的調味料令味道均衡，且可以滿足不同口味需求。小食方面有雞肉串燒，用特別調味料醃製，然後燒烤而成。這樣烤出來的雞肉串燒外皮酥脆，內部多汁，散發出烤肉香氣。搭配特製的沾醬享用，口感一流。另一份小食係炸雲吞，炸雲吞是水門雞飯餐廳招牌小吃之一。這些炸雲吞外皮金黃酥脆，內部則是用香料調味的蝦肉和蔬菜混合物。每一口都帶有鮮嫩的口感和豐富的香料風味。泰國小食又點少得炒通菜。在水門雞飯餐廳，加入蒜末和其他香料一起翻炒，口感惹味，絕對係好選擇。總而言之，係旺角鬧市中心可以搵到一間性價比極高嘅餐廳可以話可遇不可求，所以一句講晒，極度推薦！

呢間水門雞飯成日都排隊，今次終於見到唔使點牌，入到去試一試座位坐到好似飯堂咁，但係食落有驚喜喎，水門雞飯啲雞又滑又入味，仲叫咗個燒豬頸肉，豬頸肉又香又脆食就食得好開心最可惜杯奶茶太甜，下次應該要叫少甜先得！