永華日常 (利東街)

營業中

休息中

Happy Friday lunch去搵食，經過利東街見到呢間新店大排長龍，見個牌寫住佢21/12剛開業，諗住排下試下新野～餐牌有d幾新穎既野食～腐乳臘腸卡邦尼，不過聽聞呢度既傳統麵食出色d，所以叫左個炸醬麵配雲吞。炸醬麵份量偏細，食量唔大既我都叫夠飽，但如果男士黎食可能就要小心選擇。炸醬味道略咸同油左少少，最後食到底d麵會浸住油。雲吞有3粒，呢個反而水準唔錯，每粒雲吞都有隻幾大既蝦，蝦肉都新鮮爽口既。見隔離枱叫左一d茶餐廳類碟頭飯，邊食邊投訴話唔好食🙈慶幸自己揀左d傳統麵食，不過不失至少未算伏😂下次即使唔駛再排長龍，都應該唔會再幫襯多次，食物既味道唔值呢個價位，平佢一半既傳統雲吞麵店比佢更好食同抵食。

係灣仔附近返工，見到新開左一間永華日常，新港式餐廳裝潢，明亮寬敞舒適，裝潢配色簡約時尚，令人眼前一亮～而d餐更是充滿懷舊風味～鮮蝦雲吞麵點左一份細份麵，鮮蝦雲吞面簡單而入味秘製上湯蝦籽野生竹笙吸收左上湯既竹笙味道濃郁，更加爽口，仲有風乾火腿配搭，口感更加豐富，加上竹笙份量大舊，一飽口福食得好滋味半熟流心蛋三文治單看外表就見到好吸引而這個三文治，係健康之選，流心蛋加上芝士，仲有大量生菜，係早餐之選。甄沾記椰汁焦糖燉蛋焦脆的上層，加上滑嫩蛋香，隱約透著淡淡椰汁香～ 鍾意食甜品唔好錯過生磨合桃露點左個養生甜品，香濃滑順合桃，甜度適中，岩曬冬天下午茶時間來一碗，補補元氣柚子茶食完來一杯份量足既柚子茶，今日份開心就係咁簡單。

𝕎𝕒𝕟 ℂ𝕙𝕒𝕚 • 𝕎𝕚𝕟𝕘 𝕎𝕒𝕙 𝔸𝕝𝕝𝕕𝕒𝕪 永華日常📍灣仔皇后大道東𝟚𝟘𝟘號利東街地下𝔾𝟚𝟚-𝟚𝟛號舖🔍灣仔總店、九龍灣淘大分店::::::::::::::::::::::::::::::屢獲米芝蓮推介的七十年老字號永華麵家三年前婉惜結業，最近以全新形象於灣仔利東街選址重開，並聯乘香港老字號品牌，致力打造中西融合的「香港餐」。傳承並非一成不變，而是以創新手法去保留昔日永華麵家的味道，將更好的食材昇華並演變其時代精神。🍝 廖孖記腐乳芝士臘腸卡邦尼 $78以香港老字號廖孖記腐乳入饌，陣陣腐乳鹹香，臘腸代替煙肉，意粉分量十足。🍞 竹炭西多士 $44外酥內軟的竹炭西多士，一切開便是半溶棉花糖及粒粒花生醬，邪惡到不得了！🥟 鮮蝦雲吞麵 （細碗$36 / 大碗$46)招牌的鮮蝦雲吞麵，先讚湯底承傳米芝蓮推介的永華秘方，以大地魚、蝦殼、蝦米、豬骨、老雞及蝦籽等熬製5小時，鮮甜香濃；每日人手包製的鮮蝦雲吞，皮薄蝦爽，細蓉也有四粒喔～🐖 秘制肉餅配自家制辣菜甫飯 $76肉餅非常厚身，加上辣菜甫及醬油撈飯，惹味推介！☕️ 桑寄生蓮子蛋茶 $40承傳永華獨家秘方，加入普洱茶製作，比一般桑寄生茶更順滑

<永華日常🇭🇰>➖➖➖<一嚐多款香港老字號特色食物> ➖➖➖早排成日都去開利東街 發現又多左間新店原來係75年老店永華麵家經過兩年沉澱同演變重新轉換形象 係利東街開店☺️☺️其實九龍灣都有分店灣仔總店有兩層 二樓仲可以望到利東街景色不過當日真係幾full 無上到去除左原本嘅菜式 佢地都同唔同嘅老字號品牌合作推出啲新式港味菜式👍🏻👍🏻例如係: 廖孖記腐乳芝士臘腸卡邦尼、公和荳品廠薑汁豆腐奶凍、甄沾記仙椰汁焦糖燉蛋等等➖➖➖1️⃣ 廖孖記腐乳芝士臘腸卡邦尼 $88 加左幾多腐乳 所以意粉都夠creamy 同入味 腐乳味道濃郁 除咗醬汁之外 仲會有舊腐乳磚就算係就咁醬汁都已經好夠濃 加埋磚會幾重口味 因為本身都有啲芝士碎😆另外仲加左臘腸片 甜甜地 唔太肥意粉質感唔會太腍 但當日就偏碎少少🤏可能個汁唔夠稠 乾身番少少就好➖➖➖2️⃣ 甄沾記鮮椰汁焦糖燉蛋 $32🌟焦糖燉蛋蛋香味濃 唔太甜椰汁味唔算太突出 不過幾好食➖➖➖3️⃣ 公和荳品廠薑汁奶凍 $32 🌟灣仔店先食到😆奶凍嫩滑❤️❤️亦都食到幾濃豆香！係略嫌薑味糖漿有少少甜➖➖➖4️⃣ 淨鮮蝦雲吞 $46 🌟除咗食佢地嘅期間限定產品

聽人講⋯食茶記嘅女仔夠晒貼地雖然個景真係靚，但我唔係入嚟打卡架喺利東街想搵餐飯食，竟然遇到新店開張🤨係好多人排隊嘅中西合璧fusion茶記呀🙀喺入面聽住廣東歌睇靚景同朋友傾偈終於有啲假日嘅氣氛😽最推薦呢間充滿溫度嘅酥炸咕嚕雞肉韓式炸雞嘅感覺 香脆又啖啖嫩滑嘅雞肉仲有甜品法式焦糖燩蛋🙌🏻焦糖化成一層薄身嘅脆脆 微微結焦 淡淡焦糖味剛好無掩蓋香滑嘅蛋味另外叫咗腐乳芝士臘腸卡邦尼意粉🍝腐乳的確好搶focus 似乎蓋過咗其他材料同配菜嘅味道，有啲可惜。如果上菜時，意粉可更熱哄哄，做到芝士半溶嘅狀態則更佳。流心蛋三文治嘅半熟蛋固然吸引，喺蛋嘅底下更有一大堆生菜，宜多加點醬汁，更易入口

👍🏻椰香咖喱牛腩魔方(包嘢飲) $80咖喱夠濃味，質地稠身，帶微辣，淡淡椰香就咁食咖喱會偏鹹少少，但連包食就岩岩好🤪牛筋牛腩量算多，唔會太碎濕濕，仲有幾舊薯仔三樣野都好入味👍🏻！牛筋夠軟腍，牛腩偏瘦但唔太乾柴薯仔生熟度岩岩，軟硬適中多士厚身大舊，外脆內軟，沾滿咖喱食一流😋嗌左正常汁量都瀉哂出黎重口味人士仲可以嗌多汁😎味道：8/10性價比：8/10-👍🏻鮮蝦雲吞麵(大) $49高質雲吞麵😍！大size有六粒雲吞雲吞皮薄滑，餡料札實唔鬆散👍🏻正常雲吞size，蝦肉比起豬肉更多蝦肉彈牙，豬肉香突出😋湯底濃郁鮮香，仲好香麻油味，好好飲🤤🤤不過淡口味人可能會覺得偏鹹少少幼麵有鹼水味但唔強烈麵質夠彈牙，麵量都幾多味道：9/10性價比：8/10-👌🏻廖孖記腐乳芝士臘腸卡邦尼(包嘢飲) $88創意fusion菜，腐乳同芝士中西合壁😆味道同傳統卡邦尼唔太似意粉超大碟，腐乳份量唔多撈埋一齊腐乳味唔會太濃/太鹹，但都食到腐乳既微酸同鹹香😗芝士碎灑係意粉圍邊，芝士味較淡臘腸味道正常，咬落都有啲爆油但意粉煮得太腍，腍啤啤夾起好易斷可能比較創新，個人覺得傳統卡邦尼/佢地招牌既港式麵食好食啲不過真係好大碟，飽肚之選

新一年, 我要作出更多新嘗試😎 咁就由呢碟廖孖記腐乳芝士臘腸卡邦尼開始啦🤪 呢道咁創新嘅菜式係永華日常嘅出品, 廖孖記腐乳 + 中西式芝士 + 臘腸, 估唔到個味道係咁夾, 腐乳除咗令意粉口感更綿滑, 食落仲帶有濃濃鹹香味, 配埋臘腸一齊食, 完全係味覺嘅享受! 🥴蠔油蝦籽撈麵, 麵質爽口彈牙, 上面仲豪不吝嗇地加咗好多蝦籽, 夠曬誠意👍🏻鮮蝦雲吞麵都令我印象深刻, 湯底由大地魚, 蝦 殼, 蝦米, 豬骨, 老雞及蝦籽等熬製超過 5 小時而成, 難怪每啖湯都咁鮮甜, 鮮蝦雲吞仲係每日人手包製, 讚! 如果menu上面有咕咾肉, 基本上我老公係一定會order嘅🤣 呢碟家傳酥炸咕咾肉, 真係炸得外酥內嫩, 酸甜開胃, 我手快先可以食到兩舊, 如果唔係應該會比我老公食曬🥲半熟流心蛋三文治, 我覺得好適合當早餐, 中間夾左好多蔬菜, 好refreshing, 加埋流心蛋, 可以令全日嘅心情都好起來! 🔆最後當然係甜品時間啦! 甄沾記仙椰汁焦糖燉蛋, 呢個甜品我覺得係必食, 食一啖已經知道同平時食到嘅焦糖燉蛋好唔同, 蛋燉到剛剛好, 入口即溶, 每一啖都充滿輕輕的椰汁香氣, 勁香勁好味! ❤️

餐廳早前開設係九龍灣, 近期更進駐灣仔區開埋總店👏🥳新舖更將會係1月3日推出限量120碗高森和牛𦟌麵, 想試既要好好把握時間🤫而menu上都繼續有同香港老字號聯乘既甜品, 十分推薦‼️店舖樓高2層, 2樓設有小露台, 望住利東街街景係別有一番風味🥰🍴ᴍᴀɪɴ· 日本高森和牛𦟌麵 (大) $118﹟高森和牛整出嚟嘅牛𦟌都腍身, 啲筋位唔會韌, 帶點牛香, 如果可以厚切啲就好🙊想試既你記住1月3日mark實日子去試, 限售120碗, 售完即止😛🍴ᴍᴀɪɴ· 鮮蝦雲吞麵(細) $39﹟麵質幼細, 食落爽口帶點韌性👍有4大粒雲吞, 粒粒都紮實足料💕🍢sɴᴀᴄᴋ· 秘製上湯蝦籽野生竹笙 $78﹟竹笙食落口感滑溜, 唔會有硫磺味, 亦都完美吸收左上湯嘅精華, 整得好入味, 面頭仲有啲蝦籽同金華火腿作點綴😛🍢sɴᴀᴄᴋ· 秘製蝦籽柚皮 $98﹟柚皮以上湯熬煮數小時, 一樣吸收曬啲精華, 口感軟綿綿, 完全無渣, 食落有點入口即溶既感覺😍蝦籽同金華火腿亦為柚皮增添鹹香🙆🏻‍♀️🍰ᴅᴇssᴇʀᴛ· 薑汁豆腐奶凍 $32﹟依款係灣仔總店嘅限定甜品！喺豆腐奶凍面層再加咗層薑汁😛食落薑味都夠突出, 奶凍依然保持到

屹立灣仔逾 75 年的老店「永華麵家」終於重返灣仔呢個舊地，繼上次同大家share過九龍灣分店之後，上次mark定的order list來到灣仔分店延續。介紹多次先! 創於1945的永華麵家在灣仔區成為知名老字號，以秘製湯底竹昇雲吞麵，曾連續三年獲得米芝蓮推介餐廳名號，2018年結業之後，經歷兩年多的沉澱演變及新舊交融，終於以流行新派茶記的全新面貌示人。裝修概念採用了日出日落作為設計主軸，回應新舊飲食文化承傳及創新觀感。今次要試下個秘製上湯蝦籽野生竹笙$78推介:⭐️⭐️⭐️⭐️吸盡湯汁的野生竹笙上放上粒粒蝦籽，加埋香蔥及火腿絲點綴，6大條爽口美味，性價比中位。棉棉西多士 (棉花糖, 花生醬) $48推介:⭐️⭐️⭐️⭐️⭐️值得Encore一上檯已經被佢嘅巨型層層疊所吸引，打卡是必需。三大塊竹炭厚多士，夾雜拉絲級溶岩棉花糖及碎粒花生醬，口感鬆軟又有彈性，甜糖中帶點醬咸味，性價比十分高，頂層的牛油暖流慢慢滲入西多士當中，吸睛又美味。加埋茶餐廳級沙爹麵常餐都係值得推介一款。合桃糊 $35 +$5 蓮子推介:⭐️⭐️⭐️⭐️⭐️綿綿口感合桃糊推介建議加入有口感的蓮子。鴛鴦紅豆冰 +$8 each推介:⭐️⭐️⭐️⭐️足料紅豆

前幾日喺灣仔搵好嘢食，之後行到去利東街見到呢間茶餐廳，首先裝修已經好靚，然後再睇餐牌啲嘢食都幾吸引，結果就入咗去。我哋入去係下午茶時候，叫咗一個炸雞脾薯條同永華All Day Breakfast，結果真係冇令到我哋失望，新鮮生炸雞髀正到不得了，內裏有啲乾坤，雖然唔知確實係用咩醬料，但係比起普通雞髀好食好多，如果大家經過真係要試吓。另外全日早餐，可以話係非常高級，芝士蘑菇好食到痴咗線，再加埋新鮮牛油果🥑配搭非常正

☀︎ 𝗦𝘂𝗺𝗺𝗮𝗿𝘆：超過75年歷史嘅「永華麵家」以全新形象「永華日常」係兩個地方灣仔總店同九龍灣淘大插旗！裝修更美觀，環境更舒服但食物味道同服務水準依舊不變！◈ 鮮蝦雲吞麵配蝦籽上湯西生菜 $74- ©4.5/5分粒粒雲吞好似乒乓波咁大超薄嘅雲吞皮，雲吞餡有9成都係鮮蝦肉咬落好彈牙，仲好有鮮香味而細蓉爽身冇「壓」味之餘帶嚼勁湯頭更係成碗麵嘅靈魂以大地魚，蝦殼，蝦米，豬骨，老雞，蝦籽等熬製超過5hr而成嘅湯底仲曾連續3年獲「米芝蓮車胎人-美食推介」添吾怪得知味道鮮香濃厚忍吾住飲哂成碗湯😂◈ 秘製肉餅飯配自家製辣肉甫 $76 - ©4/5分肉餅勁厚勁大塊，仲大過我塊面🤣目測有成2cm厚肉餅兩面煎至香脆滿滿嘅肉香，仲有馬蹄既爽口加上脆卜卜嘅辣菜甫增添口感同辣香添🥳◈ 牛油果雞肉碎蛋沙律三文治 $38 - ©3.5/5分最近迷上牛油果一見到牛油果product就忍吾住想食🤣三文治係烘底上外脆內軟，蛋香味充足😘◈ 甄沾記仙椰汁焦糖燉蛋 $32 - ©4/5分燉蛋加左甄沾記嘅椰汁啖啖嘅蛋香混雜住鮮濃既椰香味加上玻璃般脆口嘅焦糖面，好正◈ 公和荳品廠薑汁奶凍 $32 - ©4/5分好似雞蛋咁白雪雪好

利東街必試 重現永華麵家既傳統港式風味再加入左好多新菜式同聯乘三家老字號公和荳品,甄沾記同廖孖記推出新既創意料理🇭🇰Menu選擇非常之多 仲要好味 絕對會encore 🙌🏻🌟鮮蝦雲吞麵師傅每日熬足五小時既湯底好鮮甜有大地魚香人手包既雲吞 皮薄入面包住彈牙鮮蝦麵質爽彈無鹼水味 真係高質😋🌟秘製蝦籽柚皮又係功夫菜 上湯熬煮左四小時既柚皮吸收哂湯既精華 軟腍又無渣配埋鹹香味十足既蝦籽 真係好夾💯👍🏻🌟日本高森和牛𦟌麵灣仔總店限定 這款和牛每年產量不多於150頭 所以比起神戶牛飛驒牛等更矜貴 牛𦟌烹煮後口感極佳👍🏻絕對要試(限量只有120碗 售完即止)🌟秘製上湯蝦籽野生竹笙竹笙好爽口吸收哂上湯既鮮甜 配埋金華火腿同蝦籽 有更多口感層次💯🌟長歎西多士超級邪惡嘅西多 黑色竹炭多士既內餡係棉花糖同花生醬🥜 真係超好味🙌🏻🌟公和荳品廠薑汁豆腐奶凍豆味濃郁 奶凍滑嫩加埋薑汁好岩冬天食👍🏻🌟甄沾記仙椰汁焦糖燉蛋燒到金黃色既焦糖面🤩燉蛋嫩滑帶點椰汁香味🥥🌟永華日常x門神 南雲手工啤酒都係值得一試 好特別啤酒中帶有普洱茶香甘香四溢💯除咗灣仔總店之外 九龍灣淘大都有分店架🙌🏻

去睇人造雪，發現時間仲好早，是旦搵間餐廳食下tea，坐低唔知食咩好時，個廚房佬走左出來同我地吹水，介紹一個叫咩污糟包，一於試下佢。食完真係好特別！！ 出面少脆黑色，內部白色包，中間仲要有白色cream（之後先知原來係熔左的棉花糖），好正！！！ 之後加多個奶醬多就冇乜特別，一般貨色，不過亦都可能第一個太正，蓋過左奶醬多的風頭。另外要提一提，佢哋個凍奶茶都要試下！個茶膽調得好夠味，同時茶同奶的比例十分好，互相配合得天衣無縫。

灣仔老店永華麵家結業令人婉惜，最近換了新形象在灣仔利東街和九龍灣淘大商場再現。除了各種傳統特色港味麵食，永華日常更聯乘幾個香港老字號品牌，創作一系列特色美食，喜歡香港懷舊味道不能錯過。永華日常於灣仔利東街開業，吃飯時段門外都會出現人龍，非常受歡迎。吃的是懷舊港式雲吞麵，但裝修一點也不老套，以木系元素和清新淺綠色帶來新意。店內亦保留了永華麵家的歷史文物，承傳著舊時代精神和人情味回憶。餐廳樓高兩層，二樓還有更多座位。不過我覺得最正係可以出露台坐，無論飲啤酒定奶茶都一樣咁Chill。永華日常招牌菜當然係雲吞麵，不過都有好多創新又求變的新菜。永華日常聯乘三個香港老品牌，包括廖孖記、公和荳品和甄沾記。蛋奶素亦可以吃多士三文治。茶餐廳必備的飲品全不缺，港式糖水都好有特色。廖孖記腐乳芝士臘腸卡邦尼意粉(走臘腸) HK$88 (配熱飲)中西芝士合璧咁有趣當然要一試，所以我叫左走臘腸版。意粉一上桌香氣十足，即刻想大啖大啖食，入口濃濃腐乳鹹香，你真係估唔到腐乳意粉會咁好食，下次試下在家煮先。日本半熟流心蛋三文治 HK$46睇相已經覺得好吸引好想食，所有三文治都預設做烘底不用加錢，日本半熟蛋無花無假夠鮮美，

佢哋九龍灣新店開張嘅時候已經去過一次試食🥰今次就嚟灣仔利東街總店 再試多啲唔同嘅野😌.📌京都炸醬麵(大) $56肉絲份量幾多 仲有少量冬菇絲 不過啲肉就鹹咗少少🤏🏻麵就啱啱好😝麵比較乾身 可以放入湯浸一浸先食 又或者直接將湯倒入麵到🤤我自己就一啖湯一啖麵再放啲肉上去 好滿足 好好食😋個底太多辣椒油 有少少辣 食到底仲有少少油🌶配嘅湯就好淡味 可以中和返🤓每碗麵都有一碟醃製酸蘿蔔 好開胃🥳.📌廖孖記腐乳芝士蠟腸卡邦尼 $88有臘腸,芝士,番茜同腐乳😆有一𥖁腐乳係中間 蠟腸切片上 都幾多塊😌冇諗過意粉可以咁fusion 無違和感👍🏻要趁上枱熱辣辣嗰陣 嗱嗱聲撈勻佢 令腐乳同芝士融合喺每一啖麵上面🤓撈勻左唔太覺腐乳陣味 但係就多咗陣鹹香味🥰一啖麵再加一塊臘腸好好食😎份量都幾多 好漏 可以2個人share好啲🙈.📌秘製上湯蝦籽野生竹笙 $78竹笙面有啲風乾火腿同蔥花 仲有啲蝦籽粉 每一舊都好大舊😆竹笙非常爽口 喺出面好少會食到咁大舊竹笙🤩蝦籽粉太多 太鹹了🥺店員都幾好 同佢地講鹹得滯 可以問佢哋拎湯去中和番🤫佢額外比嗰個湯味道似炸醬麵嗰個湯 不過都好有誠意 好多火腿絲同埋蔥花🍲.📌長歎西多士